Connect with Us

Koronavirusi!/ Thirrja për një shtet që përkujdeset për të gjitha

Bota

Koronavirusi!/ Thirrja për një shtet që përkujdeset për të gjitha

Publikuar

-

Kriza Corona do të ketë pasoja masive: jo vetëm në sfondin e numrit të viktimave apo humbjes së pashmangshme ekonomike. Edhe raporti ynë me shtetin do të ndryshojë, mendon Miodrag Soric.

Sado vrastare, sado katastrofale, sado ekstreme që është edhe kriza e shkaktuar prej virusit Corona – e madje ajo mund të ashpërsohet edhe më shumë: një ditë ajo do të kalojë. Por bota pas saj do të jetë ndryshe. Frikërat, vuajtja, që ka përhapur virusi, do të jehojnë gjatë në shpirtërat e njerëzve. Shumë qytetarë në Perëndimin me mirëqenie – shumë më fort se deri tani – do të kërkojnë një shtet të fortë; një shtet që t’i mbrojë ata më shumë se deri më sot. Sepse vetëm shteti mundet, nëse është në gjendje, të luftojë rreziqe të tilla si një pandemi.

Këto janë lajme të këqia për sipërmarrjet; Më shumë shtet do të thotë më shumë taksa, më shumë burokraci dhe rregulla, procese të gjata vendimmarrjeje dhe më pak para në xhepat e konsumatorëve. E kësisoj më pak konsum e rritje ekonomike. Megjithatë nëse është ky çmimi, në mënyrë që kriza si kjo të mos përsëriten, atëherë shumica në Gjermani e në Europë do ta pranojnë një zhvillim të tillë, madje do ta mirëpresin.

Shteti kërkon bashkëvendosje

Shteti duhet t’i zgjidhë problemet: mundësisht të shpëtojë të gjitha sipërmarrjet dhe vendet e punës. Ai duhet të sigurojë me zemërgjerësi garanci, të kujdeset për uljen e taksave, të bëhet bashkëaksioner në sipërmarrjet e mëdha të rrezikuara financiarisht. E pikërisht kështu kanë nisur të veprojnë qysh tani qeveritë e shteteve në BE, Britani të Madhe, SHBA apo Kanada. Çdo ditë e më shumë që kriza vazhdon, humbet besimi në treg dhe rritet dëshira për një shtet që rregullon gjithçka dhe të mbron.
Një mësim do ta nxjerrë shteti nga kriza: të bashkëvendosë më fort se deri tani p.sh. se ku do të prodhohen dhe konfeksionohen medikamentet. Eshtë madje jo vetëm e rëndësishme, se ku ato mund të prodhohen më lirë si p.sh. në Kinë apo në Indi. Por vendimtare është, që të mund të sigurohet, se rezervat e medikamenteve në rast krize janë të mjaftueshme. Paçka se kjo do të thotë, që do të rritet çmimi për preparate të rëndësishme, nëse ato sërish do të prodhohen më shumë në Perëndim dhe jo më në vendet me paga të ulëta. Qytetarët do ta pranojnë këtë. Më shumë siguri nuk mund të arrihet pa kosto.

Kjo vlen për medikamentet, por edhe për produkte dhe shërbime të tjera. Të gjitha, që janë të rëndësishme për mbarëvajtjen sociale dhe ekonomike të një shteti, nuk duhen zhvendosur më jashtë vendit. Ekspertët e quajnë këtë „infrastrukturë kritike”. Se çfarë bën pjesë këtu e çfarë jo, kjo për një kohë të gjatë nuk ka qenë e qartë në Gjermani. Në të ardhmen në rast pasigurie prodhimi do të bëhet në vend.

LEXO EDHE:  Koronavirusi “shpërthen” në një qytet të Koresë së Jugut/ Njerëzit u infektuan në një kishë

Por shteti mund të jetë edhe problemi në vend të zgjidhjes

Megjithatë thirrja për më shumë shtet që kujdeset për gjithçka mund të krijojë më shumë probleme se sa t’i zgjidhë ato. Le të sjellim në vëmendje: Pandemia Corona e pati zanafillën në një shtet totalitar, që kontrollon gjithçka. Një shtet, që hiqet se mbron qytetarët e vet – e megjithatë nuk ishte në gjendje ta shmangte atë. Një shtet, i cili nuk ka mësuar asgjë prej një epidemie të ngjashme në të kaluarën. Politikanëve, vendimmarrësit në një shtet totalitar si Kina, nuk u duhet të përgjigjen para qytetarëve të tyre. Le ta themi fare pa arrogancë dhe prepotencë dështimin e Pekinit. Por se si do t’i bëjnë ballë krizës BE-ja dhe SHBA-ja ndërkohë është ende një pikëpyetje e madhe.

Më shumë shtet nuk do të thotë automatikisht më shumë mbrojtje e qytetarëve. Në një demokraci të mirëfilltë është qytetari kritik që thotë fjalën e tij, ai që duhet të marrë përgjegjësi bashkë me shtetin për të përballuar një krizë si kjo e tanishmja./DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

SHBA-ja nënshkruan letrat e interesit me Kosovën dhe Serbinë për të investuar në Autostradën e Paqes

Publikuar

-

Nga

SHBA-ja nënshkruan letrat e interesit me Kosovën dhe Serbinë për të investuar në Autostradën e Paqes

Udhëheqësi i Korporatës Ndërkombëtare të Shteteve të Bashkuara për Zhvillim Financiar, Adam Boehler dhe udhëheqësja e Bankës për Eksport-Import, Kimberly Reed, kanë nënshkruar të martën letrat e interesit me Kosovën dhe Serbinë, përmes së cilave do të ndihmojnë në financimin e Autostradës së Paqes, që do të lidhë Nishin me Prishtinën.

Ky zotim ka qenë një prej pikave të marrëveshjes së nënshkruar më 4 shtator në Shtëpinë e Bardhë mes përfaqësuesve të Kosovës dhe Serbisë.

“Autostrada e Paqes do të nxisë zhvillim ekonomik dhe integrim rajonal, duke lidhur Nishin me Prishtinën. Po ashtu do të shërbejë si simbol i fuqishëm i marrëdhënies së re dhe transformuese të këtyre dy vendeve fqinje”, ka thënë Boelher.

Reed, në anën tjetër, ka thënë se ky projekt është një hap i rëndësishëm drejt bashkëpunimit në mes të Prishtinës dhe Beogradit.

“E përgëzoj punën e presidentit (amerikan, Donald) Trump dhe gjithë administratën e tij për këtë marrëveshje historike”, ka thënë ajo.

LEXO EDHE:  Lajm i mirë/ Shërohen 7 persona të tjerë me koronavirus

LEXO EDHE:  E zbulon Klodiana Lala/ Konfirmohen 15 të infektuar me Covid-19 në burgun 313

Delegacionet e këtyre dy trupave është thënë se do të vizitojnë Prishtinën dhe Beogradin më vonë gjatë këtij muaji, për të çuar përpara punën për Autostradën e Paqes dhe projekte tjera.



Përveç kësaj, është konfirmuar se Korporata Ndërkombëtare e Shteteve të Bashkuara për Zhvillim Financiar do të hapë edhe zyrën e saj në Beograd për të lehtësuar zbatimin e projekteve.

Kryeministri i Kosovës, Avdullah Hoti ka thënë përmes një postimi në rrjetin social, Twitter se ky njoftim përbën lajm të mirë, meqë përmes tij do të zbatohet marrëveshja e nënshkruar në Shtëpinë e Bardhë.

Kryeministri Hoti dhe presidenti serb, Aleksandar Vuçiq kanë nënshkruar marrëveshjen për normalizimin e marrëdhënieve ekonomike më 4 shtator në Shtëpinë e Bardhë, në praninë e presidentit Trump.

Dy palët, megjithatë, nuk i kanë hedhur nënshkrimet në dokumentin e njëjtë, por secila veç e veç i ka nënshkruar zotimet e saj.

Trump ka nënshkruar një letër, përmes së cilës i ka përgëzuar palët për guxim drejt normalizimit të marrëdhënieve./REL

LEXO TE PLOTE

Bota

Gjermania pritet të pranojë 1,500 refugjatë nga ishujt grekë

Publikuar

-

Nga

Gjermania pritet të pranojë 1,500 refugjatë nga ishujt grekë

Gjermania planifikon të ofrojë strehim për 1,500 migrantë që aktualisht janë në ishujt grekë, kanë thënë disa burime qeveritare për agjencinë e lajmeve AFP, ndërkohë që çështja e ndjeshme e migrantëve është përfshirë sërish në agjendën politike të Bashkimit Evropian, pasi një zjarr ka shkatërruar një kamp të stërngarkuar të migrantëve në ishullin grek Lesbos.

Rreth 12,000 ish-banorë të kampit Moria në Greqi janë duke jetuar aktualisht në ndërtesa të braktisura, apo rrugë, pasi kampi është shkatërruar më 8 shtator.

Teksa rritet presioni ndaj bllokut evropian për ta bërë punën e tij, Berlini veçse i është bashkuar iniciativës evropiane për të strehuar 400 fëmijë të pashoqëruar të këtij kampi.

Mirëpo përveç 150 fëmijëve tjerë, Gjermania po ashtu planifikon të mirëpresë familjet me fëmijë që tashmë kanë siguruar statusin e refugjatit dhe mund të mos jenë nga kampi Moria, është cituar një plan i miratuar nga kancelarja gjermane, Angela Merkel dhe ministri i Brendshëm gjerman, Horst Seehofer.

LEXO EDHE:  E zbulon Klodiana Lala/ Konfirmohen 15 të infektuar me Covid-19 në burgun 313

LEXO EDHE:  Italia bën bilancin/ 55 viktima në 24 orë, ja sa ka arritur numri i të infektuarve

Ky plan është thënë të jetë krijuar pasi qytetet gjermane i kanë bërë thirrje Berlinit që të bëjë më shumë.



Qeveria e Merkelit ka insistuar se duhet të gjendet një zgjidhje evropiane për këtë çështje në vend të individualitetit.

Shefi i Këshillit Evropian, Charles Michel, ka thënë në Athinë, teksa ka takuar kryeministrin Kyriakos Mitsotakis, se BE-ja duhet të ofrojë “përgjigje të fuqishme dhe efikase” për problemin e migrimit.

Greqia është duke rritur përpjekjet për të krijuar strehim të përkohshëm, ndërkohë që banorët lokalë janë duke u përgatitur për mbajtje të protestave kundër migrimit.

Të martën, ministria greke për Migrim ka thënë se rreth 800 banorë të kampit Moria janë strehuar në vendbanime të përkohshme në Lesbos.

Prej tyre, 21 kanë rezultuar pozitivë në testet për koronavirus, ka thënë kjo ministri.

LEXO TE PLOTE

Bota

Trump organizon ceremonitë e normalizimit të marrëdhënieve Izrael-Emirate-Bahrein

Publikuar

-

Nga

Presidenti Donald Trump pritet të udhëheqë ceremonitë e nënshkrimit të marrëveshjeve historike diplomatike mes Izraelit dhe dy vendeve arabe të Gjirit që mund të paralajmërojnë një ndryshim dramatik në dinamikat e Lindjes së Mesme dhe t’i japin atij një shtysë përpara për zgjedhjet e nëntorit. Në një ceremoni të martën në Shtëpinë e Bardhë, Presidenti Trump do të presë më shumë se 700 mysafirë të pranishëm në nënshkrimin e marrëveshjeve mes Izraelit, Emirateve të Bashkuara Arabe dhe Bahreinit. Presidenti Trump dhe aleatët e tij shpresojnë se ky rast do të theksojë aftësitë e zotit Trump si paqebërës në kulmin e fushatës së tij për rizgjedhje.

Kryeministri izraelit Benjamin Netanyahu dhe ministrat e Jashtëm të Emirateve dhe Bahreinit do të nënshkruajnë marrëveshjet para të pranishmëve, mes të cilëve përfaqësues nga trupi diplomatik në Uashington, por edhe personalitete të tjera nga përtej oqeanit. Në ceremoni janë ftuar edhe disa demokratë të Kongresit, të cilët kanë ofruar mbështetje në heshtje për këto marrëveshje.

Përveç marrëveshjeve bilaterale të nënshkruara nga Izraeli, Emiratet e Bashkuara dhe Bahreini, përfaqësuesit e të tre vendeve do të nënshkruajnë një dokument trepalësh, thanë zyrtarët. Marrëveshjet janë quajtur “Marrëveshjet e Abrahamit” për nder të patriarkut të tre feve kryesore monoteiste të botës. Presidenti Trump pritet të nënshkruajë si dëshmitar. Marrëveshjet nuk u japin fund luftërave aktive, por zyrtarizojnë normalizimin e marrëdhënieve tashmë të ngrohta të shtetit hebre me të dy vendet. Ndërsa nuk trajtojnë konfliktin e gjatë izraelo-palestinez, ato mund t’i hapin rrugën një afrimi më të gjerë arabo-izraelit pas dekadash armiqësie.



Skeptikët, përfshirë shumë vëzhgues të Lindjes së Mesme, mes tyre analistë, ekspertë dhe ish-zyrtarë, kanë shprehur dyshime në lidhje me ndikimin e marrëveshjeve. Ata thonë se marrëveshjet injorojnë palestinezët, të cilët i kanë refuzuar ato, duke i cilësuar si një thikë pas shpinë nga vendet e tyre partnere arabe.

LEXO EDHE:  “Rama të heqë syzet rozë”/ Basha: Qeveria pagoi për 4 oligarkë 22 milionë brenda ditës

LEXO EDHE:  Koronavirusi “shpërthen” në një qytet të Koresë së Jugut/ Njerëzit u infektuan në një kishë

Ish-Nënpresidenti Joe Biden, rivali demokrat i Presidentit Trump, tha se ai mbështet qëndrimet që më shumë vende të normalizojnë marrëdhëniet me Izraelin si përgjigje ndaj një pyetje të bërë se fundmi nga Zëri i Amerikës, por ai shtoi se beson se “Izraeli duhet të jetë i përgatitur të punojë drejt një zgjidhje të sinqertë, me dy shtete” me palestinezët./DW

LEXO TE PLOTE