Connect with Us

Nga Artan Fuga/ Cfarë? Do të na ushqejë Turqia me bukë nëse do të “përmbyset bota”?

Opinione

Nga Artan Fuga/ Cfarë? Do të na ushqejë Turqia me bukë nëse do të “përmbyset bota”?

Publikuar

-

Nuk ka nevoje per panik.

Bota nuk do permbyset. Por ne u permbyste, nuk besoj se do mbetet vetem Shqiperia dhe Turqia!!!

Do të na mbajë me bukë turku?

Cfarë iluzioni!

Jo se turqit janë të pamirë. Janë shumë të mirë! Sa te kene mundesi besoj se edhe do te na ndihmojne, mbase edhe te tjeret sigurisht.

Por shqiptari kurrë nuk ka lyp bukë rrugëve të botës me çanak.

Po u permbys bota, t’i dalim zot vetes! – them une. Qysh tani, jo atehere! Me mire te mbjellim tokat…sa mundim. Te shohim sektoret qe mund te prodhojne ketu te ne, bujqesia, blegtoria, prodhimi i vogel agroushqimor, peshkimi, frutat, oborri i vogel me zarzavate mbjelle, gjahu, pemet frutore…gjithcka.

Ekonomia e vogel reale!

Nuk mund te rrime te gjithe pa punuar se sado leke te shperndajme, leket nuk hahen.

LEXO EDHE:  "Shpërthen" Akademiku Artan Fuga/S'ka budallenj, ç'bëjnë në këtë zheg ministrat teknikë!

Eshtë koha t’u kthehemi mbjelljeve të pranverës që të shijmë e mbledhim në vjeshtë!

Urgjent!

Sepse kur është tallur me bujqësinë, mbjelljet, korrjet, shirjet, duke mbledhur shqiptarët në beton, kulla mijrakatëshe, stadiume, sheshe me pllaka, sigurisht kundërshtimi ky ka qenë!

Betoni nuk mbillet, në katin e pesëdhjeteshtatë nuk mbillet, në fushë aerodromi nuk mbillet,

Dikur budallalliku që malet t’i kthenim në fusha, tani budalliku që fushat i kthyem në zona të betonuara urbane!

Ka ardhur koha e gishtit, pra e gishtit të vendosur në kokë, në mendje!

Mos presim duke thënë : Po u përmbys bota… bukën do të na e japi ky apo ai.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Ekonomi

Epidemia, ekonomia dhe plani i qeverisë

Publikuar

-

Nga

Nga Klodian Tomorri

Kush kërkon shpëtim biznesesh, apo pagesën e qerave të biznesit me fondet e buxhetit duhet të ketë të qartë dicka. Kjo nuk është kohë për të shpëtuar bizneset, por për të mbajtur njerëzit gjallë.

Plani i masave ekonomike në një situatë të tillë duhet të ketë këto parime.

1- Prioriteti absolut duhet të jetë kriza shëndetësore. Shkurt spitaleve duhet t’u jepet cdo gjë që kërkojnë. Plani i qeverisë ka përcaktuar 2.5 miliarde lekë per spitalet ose 20 milionë euro. A është kjo mjaftueshem? Këtë duhet të na e thonë mjekët. Por nëse do të ketë nevojë për më tepër para, ato duhet të jepen pa asnjë hezitim.

2- Politika fiskale nuk duhet të targetojë kerkesën agregate, pasi recesioni është i paevitueshem. Shqipëria ka hyrë sakaq në recesion. Kjo është luftë dhe lufta ka viktima. Shumë biznese do të falimentojnë, të tjerë do të pësojnë humbje të mëdha. Paratë e qeverisë nuk duhet të shkojnë për shpëtim biznesesh, por për mbrojtje sociale. Shkurt për të mbajtur njerëzit gjallë.

3- Qeveria ka vënë 100 milionë euro garanci sovrane që bizneset të marrin kredi në banka për të paguar rrogat e punonjësve. Parimisht logjika është e drejtë, pasi paratë shkojnë për punonjësit jo për biznesin. Praktikisht është e veshtirë që të jetë efektive. Shumë biznese mund të vendosin të mos marrin kredi për të paguar rrogat. Kjo do të krijonte problemin, që punonjesit e tyre do të mbeteshin pa te ardhura. Rrjedhimisht kjo masë duhet mbikqyrur me kujdes se sa do funksionojë. Nëse nuk funksionon, atehere duhet gjetur zgjidhje tjetër. Praktikisht duhet të kalohet direkt tek plani B që kryeministri thotë se e ka.

4- Qeveria ka vënë 6.5 miliardë lekë ose 53 milionë euro për njerëzit në nevojë, për biznesin e vogel dhe për pagesat e papunësise së mundshme nga kriza. Akoma nuk i dimë detajet se si do të funksionoje skema, por menyra më e mirë do të ishte transferta direkte cash, sigurisht duke patur si dysheme nivelin 200 euro per familje. Pra pagen minimale per nje familje.

5- Qeveria ka vënë 2 miliarde lekë ose rreth 18 milionë euro për operacionet humanitare. Me gjasa këto janë paratë që do te financojnë nevojat e te moshuarve per ushqime. Mase pozitive.

6- Shtyrjet e dorëzimit të bilanceve, riskedulimi i tatim fitimit për bizneset me xhiro deri në 14 milionë lekë në vit, janë lehtësira të mirepritura. Por duhet të korrigjohet edhe dicka. Qeveria duhet të pezulloje sigurimet shoqerore edhe taksat lokale per te vetepunesuarit qe kane mbyllur bizneset e tyre. Nuk mund te kerkosh kontribute nga nje i vetepunesuar qe e ka mbyllur biznesin. Kjo eshte nje kerkese qe duhet bere me force.

LEXO EDHE:  Nga Artan FUGA/11 teza fillestare për reformimin e arsimit të lartë privat

LEXO EDHE:  Turqi, identifikohet nje nga agresoret e sulmit mbi aktivistet ne Suruci

7- Prekja e koncesioneve ështëpozitive. Sipas planit, qeveria ka ulur me 17 milione euro pagesat e parashikuara per kompanite koncesionare kete vit. Nga keto 7 milione euro vijne nga pezullimi i check upit, 3.7 milione euro nga inceneratoret, 3.7 milione te tjera nga koncesioni i laboratoreve dhe pjesa tjeter nga pezullimi i pagesave per Orikum-Dukat dhe Milot-Balldrene. Ndoshta gersheret duhet te kishin prekur edhe koncesione te tjera, veccanerisht skanimin dhe sterilizimin.

8- Ka kohe per t’u shqetesuar per borxhin. Kjo nuk eshte koha. Masat e paraqitura nga qeveria e rrisin deficitin ne 3.9 per qind e PBB-se. A mund te shkohet me lart? Sigurisht qe po, nese do jete e nevojshme. Por me pare duhet te sigurohet eurobondi qe eshte parashikuar ne maj. Perndryshe, rritja e deficitit para emetimit te eurobondit do te rriste normen e interesit.

9- Duhet me shume fokus per fermeret. Eshte kritike qe zinxhiri i prodhimit dhe tregtimit te mallrave bujqesore te vazhdoje pa nderprerje.

10- Banka e Shqiperise duhet te siguroje se sistemi bankar te kete likuiditet te mjaftueshem. Roli kryesor i politikes monetare ne kete situate nuk jane normat e interesit, por ai i huadhenesit te dores se fundit.

Perfundimi filozofia e planit eshte e drejte. Por qeveria duhet te siguroje dy gjera. E para, asnje familje e prekur te mos lihet pa te ardhuren minimale 200 euro ne muaj dhe e dyta asnje biznes i mbyllur nuk duhet t’i kerkohet qe te paguaje taksat apo kontributet gjate kohes qe eshte i mbyllur.

Thirrjet per shpetim biznesesh, pagesa qerash te bizneseve jane perralla populiste, te demshme dhe madje edhe te pandershme. Nese qeveria do te paguaje para nga buxheti per qerate e bizneseve, ato para do te shkojne tek pronaret e qendrave tregtare apo pronaret e pasurive te paluajtshme. Kjo eshte te marresh para nga te varfrit dhe t’ja japesh te pasurve.

Kjo eshte lufte. Nese kriza do te vazhdoje, pertej nje tremujori atehere mbajtja gjalle e njerezve do te kerkoje masa me drastike. Dhe te jeni te sigurte per nje gje. Shume nga ata qe sot bejne thirrje per te dhene para per bizneset, apo per qindra milione euro stimul, jane te paret qe nuk kane per t’i pelqyer. Kjo eshte lufte dhe historia e njerezimit tregon se ka vetem nje menyre per te financuar luftrat. Taksimi konfiskues. Shkurt, shpronesim pasurie. Te gjithe duhet ta mbajne mire parasysh kete kur kerkojne miliona dhe fonde shpetimesh.

LEXO TE PLOTE

Opinione

Sfidat e vështira të izolmit/ Rama kryefamiljari dhe Luli fëmija kapricoz që kërkon “edhe karamele edhe çokollatë”

Publikuar

-

Nga

Nga Altin Karalli

Kryeministri ynë është përpjekur në këto ditë të vështira të karantinës mbarë botërore të qetësojë sa më shumë situatën e të menaxhoje me sukses nëpërmjet një plani masash për popullatën brenda kufijve tanë. Nga ana tjetër opozita e vendit ka dalë me nje propozim plan idesh  alternative për të kapërcyer situatën. Në media e në TV është krijuar nëpërmjet propagandës ideja sikur nga njëra anë kemi “kryefamiljarin e shtëpise ” i cili po mban shtrënguar portofolin se do hamë bukë edhe nesër dhe nga ana tjetër fëmijën kapricoz që në kohë krize për ekonominëkërkon pa kuptim “edhe karamele edhe ccokollata ”

Që Shqipëria është një vend i varfër dhe Italia  një vend i pasur kjo nuk do mend , po ashtu kemi parë që virusi vret pa mëshire e prek pa droje të varfër të pasur pa dallim feje krahine e ideje . Nuk ishte zoti qe e solli historinë dhe ekonominë tonë kështu jemi ne vetë që e meritojmë pozitën dhe opozitën si në ditë me diell ashtu edhe në ato me shi .

Altin Karalli

Situata është gjithmonë në pritje , i madh e i vogel pret me ankth të kalojë kjo kolerë e  cila tashmë nuk është me vetëëm pandemi virale por një problem i madh shoqëror . Duhet të heqim dorë nga disa zakone e stil jete në këtë kohë . Ditët e para të karantinës i kaluam me disa shishe vere e disa ushqime e gatime shtëpie super speciale aq sa po na dukeshin sikur ishin afruar Krishlindjet dhe festa e Vitit të  ri dalëngadalëpo ankohemi se po shtojme pak në peshë e duhet të ushtrohemi për muskuj barku , gjumi fillon të na kapi vonë e mëngjes i themi diku nga ora 10 AM .

Por këto ditë në vazhdim stresi është rritur papritmas fillon të mendosh për llogarinë tënde bankare , shqetësohesh për miq e të afërm që janë pa asnjë të ardhur në shtëpi ju telefonon e i pyet si po ja dalin ! Rrëmon cdo minutë se ndoshta në media ka një lajm të ri, ka një ilac ka një vaksinë por në fund të rreshtave lexon që është eksperimentale . Poshtë disa rreshta më poshtë hap me ankth grafikun që shënon trendin e të infektuarve, vdekjeve por kurba vazhdon të ngjitjet. Jemi në kilometrat e fundit thonë ekspertët ndërkohë që ne na ka filluar të na mbahet fryma dhe kemi dridhje gjunjësh e pasiguri nëse do të arrijme dot në finish .

Ulemi hamë, lexojmë, hamë, shikojmë televizor, hamë përsëri ushqim dhe falim pak në ballkon . Dhe papritmas vjen përsëri nata e erret, pagjumësi  dhe ankth . Në televizor si zakonisht del KM me një plan të rishikuar masash dhe opozita që përgënjeshtron me SMS “nuk isha unë” por kam një mendim tjetër për planin .

Nga njëra anë KM urdhëron me qarkore të posacme ndalim qarkullimin , mbylljen e të gjitha bizneseve dhe aktiviteteve, nga ana tjetër deklaron jemi në luftë, nuk paguajmë asnjë qindarkë por do tu japim ndonjë ndihmë po u sollët mirë e nuk e thyeni karantinën. Pra do tu japim një lëmoshë 300 euro apo dollarë për ccdo subjekt që është biznes i vogel dhe asnjë ndihme asnje tolerim per bizneset strategjike .

LEXO EDHE:  Nga Artan FUGA/11 teza fillestare për reformimin e arsimit të lartë privat

LEXO EDHE:  Ligjet më qesharake për të cilat ju mund të arrestoheni

Pra kryefamiljari do e hapi portofolin për të blerë një kulac të sheqerosur se kështu del llogaria për biznesin e vogel që mesatarisht nese ka tre të punesuar i bie 100 / usd apo euro në muaj për cdo person, ndërkohë që duket sikur është ne luftë me biznesin e madh dhe e ka lënë jashtë skemës djalin e madh  të shtëpisë. Statistika nuk ka të sakta për të sëmurë, qeveria pret që vala të kalojë vete dhe ta përballojë me sa më pak dhimbje duke u kujdesur vetëm për ata që janë në gjendje kritike për jetën.

Por si për cudi kuleta e KM ka dy ndarje dhe ai tregon gjithmonë atë me qindarka për djalin e vogël ndërsa të madhit vazhdon t’i paguajë PPP dhe koncesione pa fund. Jemi në lufte dhe populli duhet të heqë dore nga lluksi thotë KM, por oligarkët gjithmonë duhen paguar . Paguhen dhe nënpunësit e shtetit kur nuk shkojnë në punë ndërsa privati nuk paguhet por do të ketë një lëmoshë. Ky është shteti gjithmonë në luftë me biznesin dhe gjithmonë palë me nënpunësin dhe oligarkun.

Ndërrojmë kanalet shfletojme rrjetet sociale, cfarë ndodh në botë. Britania e Madhe ka një studim se pandemia do të zgjasë me ulje ngritje deri në vitin 2021  deri sa e gjithë popullata botërore të fitojë imunitet në rastin më të keq që akoma nuk ka ilac dhe vaksinë të certifikuar, USA ka blerë cdo tampon e paisje mjeksore në Europë, Azi e ku ka mundur ndërkohë që plani i senatorëve është që për cdo person të rritur t’i akordohet 1200 usd dhe cdo fëmijë 500 usd pavarësisht punësimit apo lontributit dhe të ardhurave tëgjithë secilit. Italia dhe KM i vendit kanë miratuar një plan masash me shuma deri në miljona euro po ashtu Franca po ashtu Spanja. Shikoje përseri grafikun, trendin dhe përsëri nuk ka dritë në fund të tunelit vetëm se kurba e infektimit dhe vdekjeve sa vjen e lartësohet Dhe befas përsëri në fund fare me vjen  ai mendim i hidhur: Po unë cfarë bëj akoma këtu në këtë vend të nëmur ? Ndoshta po pres të mbarojë lufta e të iki një sahat e më parë ose ndoshta pres virusin e të luftoj deri në vdekje.

Vjen përsëri darka,  kam ankth e gjumi nuk më zë .

LEXO TE PLOTE

Opinione

Nga Astrit Patozi/ Një lajm i mirë pas çdo të keqeje…

Publikuar

-

Nga

Lajm i mirë, mbyllja nga koronavirusi e ka bërë botën më të pastër dhe e ka reduktuar ndjeshëm ndotjen e ajrit, kudo që ka pasur karantinë. Lajmi i keq, nëse kjo gjendje do të vazhdojë për një kohë të gjatë, shumë njerëz pastaj mund të vdesin nga pastërtia.
Lajm i keq, gjithë bota po thotë se jemi në një luftë të ashpër, që nuk dihet sa do vazhdojë dhe sa viktima do të ketë. Lajm i mirë, disa prej nesh janë të mërzitur se u janë kanceluar pushimet dhe nuk kanë sot asnjë garanci nëse do ta marrin të plotë pagën e trembëdhjetë në fund të vitit apo jo. (Kjo është me sa duket diferenca mes optimizmit dhe pesimizmit).
Lajm i mirë, mijëra laboratorë në botë po punojnë për të shpikur vaksinën kundër COVID 19. Lajm i keq, edhe sikur vaksina të jetë gati sot, u dashkan rreth 12 muaj që ajo të vihet në dispozicion të njerëzve në masë. (Ndaj edhe duhet mbledhur tamam mendja dhe kalitur më shumë durimi).
Lajm i keq, Italia po e vuan më shumë se të gjithë betejën me koronavirusin dhe atë e kemi shumë afër. Lajm i mirë, Gjermania po e ndjen shumë më pak, por atë e kemi relativisht larg. (Por kur kufinjtë janë të mbyllur, distancat nuk kanë shumë rëndësi, ndaj edhe e kemi më të lehtë të gjejmë zgjidhjen e duhur).
Lajm i mirë, meqë armikun e kemi të padukshëm, luftën kudo në botë duhet të bënim sikur ta kishim atë përpara syve. Lajm i keq, në Shqipëri luftën po e vazhdojmë njësoj vetëm me armikun që njohim, pastaj çfarë të teprojë për koronavirusin.
Lajm i keq, Lulzim Basha paska kërkuar të zëvendësojë Edi Ramën përmes një mesazhi në emisionin e Eni Vasilit. Lajm i mirë, sipas zyrës së shtypit të PD, mesazhi paska qenë fallco dhe atë e paska shpërndarë qeveria për të diskretituar opozitën.
Lajm i mirë, shumica dërrmuese e shqiptarëve po u qëndrojnë larg njerëzve të afërt, si mënyra më e mirë për t’i mbrojtur ata nga koronavirusi. Lajm i keq, nëse karantina do të vazhdojë gjatë, ekziston frika, se edhe po i patëm shpëtuar, mund të mos i njohim më, kur të ritakohemi.
Lajm i keq, Kosova ka hyrë në në një krizë politike për arsye të tjera që nuk lidhen me koronavirusin dhe (vetë)rrëzimi i Albin Kurtit duket afër. Lajm i mirë, ndoshta kabineti i ri do të jetë më i bashkuar për krizën, sesa një qeveri, ku gjysma ishte në luftë të hapur me pjesën tjetër.
Lajm i mirë, mbyllja brenda nga kërcënimi i COVID 19 po i detyron bashkëshortët të kalojnë shumë kohë me njëri-tjetrin, si asnjëherë tjetër më parë. Lajm i keq, sipas një studimi profesional në Angli, periudha më e artë e lulëzimit të divorceve qenka pas pushimeve të verës, kur famijet zakonisht bashkohen.
Lajm i keq, izolimi në shtëpi mund të rrisë në progresion gjeometrik numrin e të çmendurve dhe mund të përkeqësojë gjendjen e atyre, që kanë mbaruar punë pa e pritur shpërthimin e koronavirusit. Lajm i mirë, sido që të vejë puna, duke qenë të ndarë, ata do të jenë në të gjitha rastet më të parrezikshëm për pjesën tjetër.
Lajm i mirë, besohej që karantina e gjatë do të kthente vëmendjen e robit tek libri dhe leximi, edhe si një mënyrë e lodhshme për të kaluar kohën. Lajm i keq, deri tani nuk ka njoftime për lexime librash, por kemi parë qamet shumë biblioteka pas krahëve të udhëheqësve apo vipave të ngujuar, që flasin në skype nga shtëpia.
Lajm i keq, frika nga infektimi i ka bërë njerëzit të dyshojnë e të jenë më shumë mosbesues ndaj njëri-tjetrit, duke e konsideruar gjithëkënd si një rrezik potencial për prekjen e tyre nga virusi. Lajm i mirë, ndoshta kjo mund t’i ndihmojë të kuptojnë se të gjitha “luftërat” e tjera, që kanë zhvilluar në kohë paqeje, nuk kanë pasur asnjë kuptim.
Lajm i mirë, bankat do të qëndrojnë hapur gjithë kohës, njësoj si dyqanet e ushqimeve dhe farmacitë. Lajmi i keq, po të vazhdojë gjatë kjo punë, kohë do të kemi boll, por arsye për të vajtur në bankë nuk do të kemi më.
Lajm i keq, jemi vend i varfër dhe mbyllja në shtëpi mund të na i shtojë edhe më shumë problemet e pasigurinë për të ardhmen. Lajm i mirë, njësoj të ekspozuar janë edhe të pasurit e të fuqishmit në planet, të cilët për shkak se duan të zgjidhin hallin e tyre, mund të na shpëtojnë edhe ne të shkretëve.
Lajm i mirë, dikur besohej se qëndrimi afër na bashkonte, ndërsa tani të bashkuar ndjehemi më shumë po të qëndrojmë të ndarë. Lajm i keq, ndoshta më vonë kur të largohet frika nga virusi do të na jetë bërë zakon që ta duam më shumë njëri-tjetrin, duke e mbajtur larg.
Lajm i keq, shumë prej nesh kanë borxhe dhe kredi ndaj bankave apo të tretëve, që mund të kthehen në bombë atomike nga papunësia e gjatë. Lajm i mirë, nuk besoj që do të na i kërkojë kush, sepse që ta bëjnë këtë, duhet të dalin vetë nga shtëpia.
Lajm i mirë, karantina e ka zgjuar shumë fantazinë e njerëzve që po bëjnë humor me regjimin e pazakontë të qëndrimit mbyllur në shtëpi. Lajm i keq, disa të tjerë e kanë keqkuptuar humorin dhe po tallen me jetën e tyre dhe të të tjerëve, duke i nxjerrë gjoksin virusit, vetëm sepse nuk durojnë dot gruan dhe fëmijët e tyre.

LEXO EDHE:  Vdekja e Fidel Castros/ Jeta sekrete e liderit të Kubës

LEXO EDHE:  Luftë tregtare mes SHBA dhe Turqisë/ “Tërmet” në tregjet globale

LEXO TE PLOTE