Connect with Us

“Me javë të tëra i vetëizoluar”/ Rrëfimi prekës i Lufti Dervishit: Shkundja më e madhe se tërmeti

Opinione

“Me javë të tëra i vetëizoluar”/ Rrëfimi prekës i Lufti Dervishit: Shkundja më e madhe se tërmeti

Publikuar

-

Lutfi dervishi ndryshimet e Shqiperise

Edhe ti mund të vetëizolohesh pa shkuar në spital…

Tërmeti i 26 nëntorit për mua ishte shumë më i lehtë se për këdo tjetër. Isha në spital dhe zgjuar. Në spital sapo kisha kaluar 3 javë dhe tre ditët e para (vonë e mësova) në gjendje kritike për jetën.

“Shkundja” që po kaloja ishte më e madhe se tërmeti që tronditi vendin.

Ditët e para ishin të vështira jo vetëm për pamundësinë për të lëvizur, por më shumë për paqartësinë dhe frikën nga e panjohura dhe nga befasia e sëmundjes. Unë sëmurë?! Çfarë kam?

Me bindjen se çdokujt i mjaftojnë hallet e veta- gjendjen time (përveç familjes) e dinin vetëm 2- 3 miq, që mbetën burim kurajo dhe lidhje me botën që kisha humbur.

Javën e parë çdo lëvizje për kontrolle e bëja duke qëndruar shtrirë në krevat, me ndihmën edhe të tubave të oksigjenit. Për të lëvizur nga një mjek te tjetri duheshin të paktën 3 persona për të më shoqëruar. Një për bombulën e oksigjenit dhe dy për transportin.

Ditët e humbën kuptimin dhe dallimin nga njëra – tjetra. Çdo ditë mori formën dhe përmbajtjen e një të diele të mërzitshme. Pavarësisht rrezeve të diellit çdo ditë dukej gri. E vetmja shenjë dalluese e ditëve ishin gjethet që binin nga pema që shihja gjithë kohën nga dritarja e dhomës. Kur gjethet mbaruan mendoja se ndoshta do t’i shoh sërish në pranverë….

Duhej të përshtatesha me një jetë tjetër. Kjo ishte beteja më e vështirë. E vështirë sepse mendja ishte në rregull. Mund të shkruaja në celular, mund edhe të bëja shaka, por trupi nuk bindej. Lëvizjet që as që i mendon në ditë të zakonshme më dilnin të pamundura.

Ditët e para trupi pranonte vetëm antibiotikë dhe serume. Edhe kur ju riktheva ushqimit- nuk mund të ushqesha vetë.

Kur je në gjendje të rëndë çdo kujdes sado i vogël dhe i parëndësishëm në dukje bëhet burim lumturie. Në ditën e pestë, Remziu më solli një kafe nga lokali preferuar dhe vetëm aroma e kafesë dhe shija e saj bën diferencën për gjithë ditën.

Fundi i javës së dytë solli një përmirësim të madh. Lëvizja nuk bëhej më me krevat, por me një karrocë. Ishte si të gjeje një gjë të shtrenjtë që të kishte humbur. Fundi i javës së tretë solli edhe lëvizjet. Lëvizje të ngadalta që shpejt ja linin vendin lodhjes.

Këtë javë ndjeva se shërimi po vinte. Ndjeja dhimbje nga vigonët që vendosnin infermierët dhe ishte vështirë të gjeje vend të pashpuar në duar për gjilpëra të reja.

Treguesit e analizave po përmirësoheshin. Nisa të heq tubin e oksigjenit dhe bëja ushtrime: sa minuta mund të rezistoj pa ndihmën e oksigjenit që merrja përmes tubave? Sa gjatë mund të shkruaj?
Dita e daljes nga spitali erdhi më shpejt se ç’e kisha menduar. Kalimi nga spitali në shtëpi ishte një fazë tjetër lirie. Krejt ndryshe. Si të kalosh nga pishina e vogël në det. Në ditët e para mendoja se nëse do të duhet të rri, mund të qëndroj me javë e muaj pa asnjë problem vetëm të mos kthehesha më në spital.

LEXO EDHE:  Nga Lutfi Dervishi/ Shtatë arsye pse nuk do të funksionojë "kthimi i vizave"

Daljet e para jashtë ishin ecje e ngadaltë jo më shumë se 200-300 metra pa pushuar. Ditë pas dite, e javë pas jave – dalë ngadalë rutina u rikthye.

U rikthyen takimi me miqtë e shokët, kafenetë, futbolli, madje edhe vrapi.

Përvoja në spital është e paharrueshme për këdo e pa harrueshme për çfarë kalon vetë dhe e paharrueshme mirënjohja për mjekët, infermierët dhe stafin mbështetës.

“Sëmundja vjen me kilogram dhe largohet me gram”- më tha një infermiere ditët e fundit.

Nuk jam tunduar asnjëherë të ndaj publikisht problemet personale, por këto ditë vendosa të shkruaj me idenë se përvoja që kalova mund të ndihmoj dikë që ta shoh dhe ta marr më me seriozitet koronavirusin.

Të qëndrosh i izoluar nuk është gjë e lehtë. Të qëndrosh i izoluar dhe nën mjekim në spital është sfidë. Të qëndrosh i izoluar në shtëpi është luks. Të kesh mundësi të lëvizësh dhe të dalësh për ajër të pastër qoftë edhe disa minuta është mrekulli. Fjala shëndet mbi të gjitha ka kuptimin e plotë vetëm tek ata që janë apo kanë qenë të sëmurë.

Përvoja në spital më bëri më të kujdesshëm. Nëse në dhjetor apo janar mësoja se një shok ishte me grip, e shmangia takimin me të. Pata fatin që u sëmura në kohën kur mjekët dhe infermierët e kishin kohën dhe ngenë për t’u marrë me mua. Isha në spital në një kohë ku përveç mjekëve e infermierëve kisha luksin të takoja edhe familjarët dhe miqtë e shokët.

E kisha luksin të kisha celularin në dore, të komunikoja, të merrja audio dhe video frymëzuese, të dëgjoja muzikë, të lexoja e të shkruaja. Sot është krejt ndryshe. Nëse shkon në spital do të jesh jo vetëm i izoluar, por do të jesh vetëm. Dëgjoj dhe shoh në rrugë këto ditë plot të shkujdesur që e kanë marrë pak me gallatë virusin e panjohur.

Për mua nëntori i vitit që shkoi kaloi në spital. Dhjetori pothuaj në shtëpi. Por kaloi edhe janari dhe shkurti dhe po ikën edhe marsi. Muajt dhe stinët do të ikin. Si çdo e keqe dhe e mirë edhe kjo do të kalojë, por është 1000 herë më mirë të kalojë duke ndenjur në shtëpi dhe duke komunikuar me miqtë e shokët përmes ëhat’sapp sesa të përfundosh në spital me një sëmundje që në rastin më të mirë vaksina do t’i gjendet në fund të vitit.

Sëmundja vjen me okë dhe ikën me derhem- thonë tironsit. Ky virus tinzar e ka përmbysur këtë thënie: vjen me miligram dhe mund ikë…

#rrineshtepi #mosprovo(fsh)spitalin!

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Artan Fuga/ Cfarë? Do të na ushqejë Turqia me bukë nëse do të “përmbyset bota”?

Publikuar

-

Nga

Nuk ka nevoje per panik.

Bota nuk do permbyset. Por ne u permbyste, nuk besoj se do mbetet vetem Shqiperia dhe Turqia!!!

Do të na mbajë me bukë turku?

Cfarë iluzioni!

Jo se turqit janë të pamirë. Janë shumë të mirë! Sa te kene mundesi besoj se edhe do te na ndihmojne, mbase edhe te tjeret sigurisht.

Por shqiptari kurrë nuk ka lyp bukë rrugëve të botës me çanak.

Po u permbys bota, t’i dalim zot vetes! – them une. Qysh tani, jo atehere! Me mire te mbjellim tokat…sa mundim. Te shohim sektoret qe mund te prodhojne ketu te ne, bujqesia, blegtoria, prodhimi i vogel agroushqimor, peshkimi, frutat, oborri i vogel me zarzavate mbjelle, gjahu, pemet frutore…gjithcka.

Ekonomia e vogel reale!

Nuk mund te rrime te gjithe pa punuar se sado leke te shperndajme, leket nuk hahen.

LEXO EDHE:  Vettingu në politikë/ Opozita propozon ligjin për 320 veta

LEXO EDHE:  "Më bezdis kur më thonë Miss"/Hygerta Sako rrëfehet për vajzat e bukura

Eshtë koha t’u kthehemi mbjelljeve të pranverës që të shijmë e mbledhim në vjeshtë!

Urgjent!

Sepse kur është tallur me bujqësinë, mbjelljet, korrjet, shirjet, duke mbledhur shqiptarët në beton, kulla mijrakatëshe, stadiume, sheshe me pllaka, sigurisht kundërshtimi ky ka qenë!

Betoni nuk mbillet, në katin e pesëdhjeteshtatë nuk mbillet, në fushë aerodromi nuk mbillet,

Dikur budallalliku që malet t’i kthenim në fusha, tani budalliku që fushat i kthyem në zona të betonuara urbane!

Ka ardhur koha e gishtit, pra e gishtit të vendosur në kokë, në mendje!

Mos presim duke thënë : Po u përmbys bota… bukën do të na e japi ky apo ai.

LEXO TE PLOTE

Ekonomi

Epidemia, ekonomia dhe plani i qeverisë

Publikuar

-

Nga

Nga Klodian Tomorri

Kush kërkon shpëtim biznesesh, apo pagesën e qerave të biznesit me fondet e buxhetit duhet të ketë të qartë dicka. Kjo nuk është kohë për të shpëtuar bizneset, por për të mbajtur njerëzit gjallë.

Plani i masave ekonomike në një situatë të tillë duhet të ketë këto parime.

1- Prioriteti absolut duhet të jetë kriza shëndetësore. Shkurt spitaleve duhet t’u jepet cdo gjë që kërkojnë. Plani i qeverisë ka përcaktuar 2.5 miliarde lekë per spitalet ose 20 milionë euro. A është kjo mjaftueshem? Këtë duhet të na e thonë mjekët. Por nëse do të ketë nevojë për më tepër para, ato duhet të jepen pa asnjë hezitim.

2- Politika fiskale nuk duhet të targetojë kerkesën agregate, pasi recesioni është i paevitueshem. Shqipëria ka hyrë sakaq në recesion. Kjo është luftë dhe lufta ka viktima. Shumë biznese do të falimentojnë, të tjerë do të pësojnë humbje të mëdha. Paratë e qeverisë nuk duhet të shkojnë për shpëtim biznesesh, por për mbrojtje sociale. Shkurt për të mbajtur njerëzit gjallë.

3- Qeveria ka vënë 100 milionë euro garanci sovrane që bizneset të marrin kredi në banka për të paguar rrogat e punonjësve. Parimisht logjika është e drejtë, pasi paratë shkojnë për punonjësit jo për biznesin. Praktikisht është e veshtirë që të jetë efektive. Shumë biznese mund të vendosin të mos marrin kredi për të paguar rrogat. Kjo do të krijonte problemin, që punonjesit e tyre do të mbeteshin pa te ardhura. Rrjedhimisht kjo masë duhet mbikqyrur me kujdes se sa do funksionojë. Nëse nuk funksionon, atehere duhet gjetur zgjidhje tjetër. Praktikisht duhet të kalohet direkt tek plani B që kryeministri thotë se e ka.

4- Qeveria ka vënë 6.5 miliardë lekë ose 53 milionë euro për njerëzit në nevojë, për biznesin e vogel dhe për pagesat e papunësise së mundshme nga kriza. Akoma nuk i dimë detajet se si do të funksionoje skema, por menyra më e mirë do të ishte transferta direkte cash, sigurisht duke patur si dysheme nivelin 200 euro per familje. Pra pagen minimale per nje familje.

5- Qeveria ka vënë 2 miliarde lekë ose rreth 18 milionë euro për operacionet humanitare. Me gjasa këto janë paratë që do te financojnë nevojat e te moshuarve per ushqime. Mase pozitive.

6- Shtyrjet e dorëzimit të bilanceve, riskedulimi i tatim fitimit për bizneset me xhiro deri në 14 milionë lekë në vit, janë lehtësira të mirepritura. Por duhet të korrigjohet edhe dicka. Qeveria duhet të pezulloje sigurimet shoqerore edhe taksat lokale per te vetepunesuarit qe kane mbyllur bizneset e tyre. Nuk mund te kerkosh kontribute nga nje i vetepunesuar qe e ka mbyllur biznesin. Kjo eshte nje kerkese qe duhet bere me force.

LEXO EDHE:  Ironia e fortë e gazetarit/Nuk heqin dot një gur në rrugë, presim të shuajnë zjarret!

LEXO EDHE:  Vettingu në politikë/ Opozita propozon ligjin për 320 veta

7- Prekja e koncesioneve ështëpozitive. Sipas planit, qeveria ka ulur me 17 milione euro pagesat e parashikuara per kompanite koncesionare kete vit. Nga keto 7 milione euro vijne nga pezullimi i check upit, 3.7 milione euro nga inceneratoret, 3.7 milione te tjera nga koncesioni i laboratoreve dhe pjesa tjeter nga pezullimi i pagesave per Orikum-Dukat dhe Milot-Balldrene. Ndoshta gersheret duhet te kishin prekur edhe koncesione te tjera, veccanerisht skanimin dhe sterilizimin.

8- Ka kohe per t’u shqetesuar per borxhin. Kjo nuk eshte koha. Masat e paraqitura nga qeveria e rrisin deficitin ne 3.9 per qind e PBB-se. A mund te shkohet me lart? Sigurisht qe po, nese do jete e nevojshme. Por me pare duhet te sigurohet eurobondi qe eshte parashikuar ne maj. Perndryshe, rritja e deficitit para emetimit te eurobondit do te rriste normen e interesit.

9- Duhet me shume fokus per fermeret. Eshte kritike qe zinxhiri i prodhimit dhe tregtimit te mallrave bujqesore te vazhdoje pa nderprerje.

10- Banka e Shqiperise duhet te siguroje se sistemi bankar te kete likuiditet te mjaftueshem. Roli kryesor i politikes monetare ne kete situate nuk jane normat e interesit, por ai i huadhenesit te dores se fundit.

Perfundimi filozofia e planit eshte e drejte. Por qeveria duhet te siguroje dy gjera. E para, asnje familje e prekur te mos lihet pa te ardhuren minimale 200 euro ne muaj dhe e dyta asnje biznes i mbyllur nuk duhet t’i kerkohet qe te paguaje taksat apo kontributet gjate kohes qe eshte i mbyllur.

Thirrjet per shpetim biznesesh, pagesa qerash te bizneseve jane perralla populiste, te demshme dhe madje edhe te pandershme. Nese qeveria do te paguaje para nga buxheti per qerate e bizneseve, ato para do te shkojne tek pronaret e qendrave tregtare apo pronaret e pasurive te paluajtshme. Kjo eshte te marresh para nga te varfrit dhe t’ja japesh te pasurve.

Kjo eshte lufte. Nese kriza do te vazhdoje, pertej nje tremujori atehere mbajtja gjalle e njerezve do te kerkoje masa me drastike. Dhe te jeni te sigurte per nje gje. Shume nga ata qe sot bejne thirrje per te dhene para per bizneset, apo per qindra milione euro stimul, jane te paret qe nuk kane per t’i pelqyer. Kjo eshte lufte dhe historia e njerezimit tregon se ka vetem nje menyre per te financuar luftrat. Taksimi konfiskues. Shkurt, shpronesim pasurie. Te gjithe duhet ta mbajne mire parasysh kete kur kerkojne miliona dhe fonde shpetimesh.

LEXO TE PLOTE

Opinione

Sfidat e vështira të izolmit/ Rama kryefamiljari dhe Luli fëmija kapricoz që kërkon “edhe karamele edhe çokollatë”

Publikuar

-

Nga

Nga Altin Karalli

Kryeministri ynë është përpjekur në këto ditë të vështira të karantinës mbarë botërore të qetësojë sa më shumë situatën e të menaxhoje me sukses nëpërmjet një plani masash për popullatën brenda kufijve tanë. Nga ana tjetër opozita e vendit ka dalë me nje propozim plan idesh  alternative për të kapërcyer situatën. Në media e në TV është krijuar nëpërmjet propagandës ideja sikur nga njëra anë kemi “kryefamiljarin e shtëpise ” i cili po mban shtrënguar portofolin se do hamë bukë edhe nesër dhe nga ana tjetër fëmijën kapricoz që në kohë krize për ekonominëkërkon pa kuptim “edhe karamele edhe ccokollata ”

Që Shqipëria është një vend i varfër dhe Italia  një vend i pasur kjo nuk do mend , po ashtu kemi parë që virusi vret pa mëshire e prek pa droje të varfër të pasur pa dallim feje krahine e ideje . Nuk ishte zoti qe e solli historinë dhe ekonominë tonë kështu jemi ne vetë që e meritojmë pozitën dhe opozitën si në ditë me diell ashtu edhe në ato me shi .

Altin Karalli

Situata është gjithmonë në pritje , i madh e i vogel pret me ankth të kalojë kjo kolerë e  cila tashmë nuk është me vetëëm pandemi virale por një problem i madh shoqëror . Duhet të heqim dorë nga disa zakone e stil jete në këtë kohë . Ditët e para të karantinës i kaluam me disa shishe vere e disa ushqime e gatime shtëpie super speciale aq sa po na dukeshin sikur ishin afruar Krishlindjet dhe festa e Vitit të  ri dalëngadalëpo ankohemi se po shtojme pak në peshë e duhet të ushtrohemi për muskuj barku , gjumi fillon të na kapi vonë e mëngjes i themi diku nga ora 10 AM .

Por këto ditë në vazhdim stresi është rritur papritmas fillon të mendosh për llogarinë tënde bankare , shqetësohesh për miq e të afërm që janë pa asnjë të ardhur në shtëpi ju telefonon e i pyet si po ja dalin ! Rrëmon cdo minutë se ndoshta në media ka një lajm të ri, ka një ilac ka një vaksinë por në fund të rreshtave lexon që është eksperimentale . Poshtë disa rreshta më poshtë hap me ankth grafikun që shënon trendin e të infektuarve, vdekjeve por kurba vazhdon të ngjitjet. Jemi në kilometrat e fundit thonë ekspertët ndërkohë që ne na ka filluar të na mbahet fryma dhe kemi dridhje gjunjësh e pasiguri nëse do të arrijme dot në finish .

Ulemi hamë, lexojmë, hamë, shikojmë televizor, hamë përsëri ushqim dhe falim pak në ballkon . Dhe papritmas vjen përsëri nata e erret, pagjumësi  dhe ankth . Në televizor si zakonisht del KM me një plan të rishikuar masash dhe opozita që përgënjeshtron me SMS “nuk isha unë” por kam një mendim tjetër për planin .

Nga njëra anë KM urdhëron me qarkore të posacme ndalim qarkullimin , mbylljen e të gjitha bizneseve dhe aktiviteteve, nga ana tjetër deklaron jemi në luftë, nuk paguajmë asnjë qindarkë por do tu japim ndonjë ndihmë po u sollët mirë e nuk e thyeni karantinën. Pra do tu japim një lëmoshë 300 euro apo dollarë për ccdo subjekt që është biznes i vogel dhe asnjë ndihme asnje tolerim per bizneset strategjike .

LEXO EDHE:  Rrëfim/E tradhëtova gruan me kolegen e punës, por tani…

LEXO EDHE:  Rrëfehet këngëtari shqiptar: “Si më akuzuan si bashkëpunëtor të CIA-s dhe me quajtën spiun!”

Pra kryefamiljari do e hapi portofolin për të blerë një kulac të sheqerosur se kështu del llogaria për biznesin e vogel që mesatarisht nese ka tre të punesuar i bie 100 / usd apo euro në muaj për cdo person, ndërkohë që duket sikur është ne luftë me biznesin e madh dhe e ka lënë jashtë skemës djalin e madh  të shtëpisë. Statistika nuk ka të sakta për të sëmurë, qeveria pret që vala të kalojë vete dhe ta përballojë me sa më pak dhimbje duke u kujdesur vetëm për ata që janë në gjendje kritike për jetën.

Por si për cudi kuleta e KM ka dy ndarje dhe ai tregon gjithmonë atë me qindarka për djalin e vogël ndërsa të madhit vazhdon t’i paguajë PPP dhe koncesione pa fund. Jemi në lufte dhe populli duhet të heqë dore nga lluksi thotë KM, por oligarkët gjithmonë duhen paguar . Paguhen dhe nënpunësit e shtetit kur nuk shkojnë në punë ndërsa privati nuk paguhet por do të ketë një lëmoshë. Ky është shteti gjithmonë në luftë me biznesin dhe gjithmonë palë me nënpunësin dhe oligarkun.

Ndërrojmë kanalet shfletojme rrjetet sociale, cfarë ndodh në botë. Britania e Madhe ka një studim se pandemia do të zgjasë me ulje ngritje deri në vitin 2021  deri sa e gjithë popullata botërore të fitojë imunitet në rastin më të keq që akoma nuk ka ilac dhe vaksinë të certifikuar, USA ka blerë cdo tampon e paisje mjeksore në Europë, Azi e ku ka mundur ndërkohë që plani i senatorëve është që për cdo person të rritur t’i akordohet 1200 usd dhe cdo fëmijë 500 usd pavarësisht punësimit apo lontributit dhe të ardhurave tëgjithë secilit. Italia dhe KM i vendit kanë miratuar një plan masash me shuma deri në miljona euro po ashtu Franca po ashtu Spanja. Shikoje përseri grafikun, trendin dhe përsëri nuk ka dritë në fund të tunelit vetëm se kurba e infektimit dhe vdekjeve sa vjen e lartësohet Dhe befas përsëri në fund fare me vjen  ai mendim i hidhur: Po unë cfarë bëj akoma këtu në këtë vend të nëmur ? Ndoshta po pres të mbarojë lufta e të iki një sahat e më parë ose ndoshta pres virusin e të luftoj deri në vdekje.

Vjen përsëri darka,  kam ankth e gjumi nuk më zë .

LEXO TE PLOTE