Kryeministri Edi Rama deklaroi pak minuta nmë parë se do të përgjysmojë rrogën e ministrave dhe të deputetëve.

Kreu i qeverisë tha gjatë një videolive se nuk dëshiron të prekë rrogën e Presidentit Ilir Meta, pasi theksoi se nuk do t’i hyjë në hak por ta falenderojë për gjithçka po bën në këto momente.

“Unë në fakt doja që në planin të imponoja heqjen e diçkaje nga vetja për ata që fitojnë më shumë në sektorin privat apo ata me pagë të lartë por më bindën që do tingëllonte e gabuar. Ndaj nuk do prekim hë për hë asnjë pagë përveç këshillit të ministrave dhe deputetëve të cilët do marrin gjysmën e rrogës. Nuk dua t’i hyj në hak Presidentit të Republikës që ka ndihmuar në këtë situatë. Nuk duam të krijojmë asnjë keqkuptim që do i përgjysmojmë rrogën Presidentit të Republikës përndryshe dua ta falenderoj se po ndihmon si dhe sa mundet”, nënvizoi Rama./ CNA.al

Kryeministri Edi Rama deklaroi se ekonomia do të bjerë dukshëm nga kjo betejë me koronavirusin.

Gjatë një videolive, Rama i kërkoi qytetarëve të mos shpenzojnë para pa menduar, por të kursejnë, pasi theksoi se ende nuk dihet sa do të zgjasë kjo betejë.

Kreu i qeverisë i bëri apel më të pasurve të ndihmojnë njëri-tjetrin, pasi theksoi se nuk e di sa do mund të përballojë qeveria.

“Ekonomia e shtëpisë sonë të vogël nuk mund ta pëballojë këtë luftë. Me mund duhet dhe do financojmë mbijetesën në luftë të atyre dhe ne që bien në kthetrat e armikut, të atyre që nuk shkojnë dot në punë. Këta janë ata që kanë më shumë nevojë në këtë moment dhe të tjerët jo vetëm që nuk duhet të kërkojnë më shumë por duhet të japin nga vetja”, u shpreh ai, ndërsa theksoi se më të pasurit duhet të ndihmojnë financiarisht ata që nuk kanë para./ CNA.al

Ish-deputetja demokrate Grida Duma ka komentuar debatin politik lidhur me propozimin e Lulzim Bashës të planit me tetë pika dhe përgjigjen e kryeministrit Edi Rama.

Duma është shprehur se në këtë moment e gjithë klasa politike kanë një qëllim që Shqipëria të jetë sa më e sigurt, së pari për jetën.

Ajo theksoi se një qeveri e përgjegjshme është të ulet dhe të marrë të dhënat ekonomike dhe ashtu sikur bën Merkel, Trump, Italia apo Greqia bën një përllogaritje të thjeshtë nëse realizohet një propozim konkret dhe e lëmë batutën mënjëanë.

“Jemi në një moment krize që është globale, padyshim Shqipëria nuk duhet të ketë delirin që mund të shpikë rrotën. Ajo që na pret është nevoja për të maksimalizuar për jetët e njerëzve. Nëse ka një gjë që nuk duhet pasur kompleks, janë idetë dhe propozimet e mira. Të qëndruarit në qeveri vjen se je i votuar nga një pjesë e madhe e popullit, por një pjesë kanë votuar opozitës dhe i gjithë spektri përbën popullin. Në këtë moment e gjithë klasa politike kanë një qëllim që Shqipëria të jetë sa më e sigurt, së pari për jetën. Ana tjetër është si i bëhet kur vjen çështja te kolapsi ekonomik që shkakton një kaos, nëse vijmë te kriza duke u mbyllur në karantinë. Ky është momenti paralel i krizës së pandemisë.
Duhet të themi si zgjidhet. Ju siguroj, para se të vijë kolapsi ekonomik, ishalla nuk vjen, duhet të ndalojmë më parë dramën për shërbimet, pagesat. Duhet të kemi parasysh që ekonomia shqiptare është tregti dhe shërbim në 57%. Pagat në këtë masë është emergjencë e parë. Kur flasim në këtë mënyrë duhet të kuptojmë që propozimet nga opozita janë konkrete. Një qeveri e përgjegjshme është të ulet dhe të marrë të dhënat ekonomike dhe ashtu sikur bën Merkel, Trump, Italia apo Greqia bën një përllogaritje të thjeshtë nëse realizohet një propozim konkret dhe e lëmë batutën mënjëanë.
Ta lëmë se kush e tha i pari se vendi duhet të futet në izolim. Ne bëmë disa propozime, ky është roli absolut. Ajo që po thuhet heqja e zërave të tatimeve dhe taksave apo sigurimet. Votën për të qeverisjen e mirë ke marrë, tani për mirëqeverisjen dhe bashkëpunimin për cilëndo qeveri qoftë. Më një buxhet të vogël jemi të detyruar që bashkërisht të bëjmë një gjë. Unë shpresoj që paketa ekonomike të jetë e vlefshme, shpresoj të jenë edhe pjesë propozimet e PD-së. Pasi paketa del duhet të kemi parasysh që gjithkush do të sakrifikojë. Duhet pasur transparencë në mënyrën si merren vendimet”, u shpreh Duma për Report Tv.

Lidhur me izolimin në shtëpi, Duma tha së sa më i përgjegjshëm është njeriu aq më i qartë është.

“Është vështirësia më e madhe në këtë betejë gjëja më e madhe që vihet në testim është durimi, kohëzgjatja dhe izolim më i gjatë është siguria më e madhe. Është parë që ky lloj virusi vepron ndryshe në trupa të ndryshëm. Në muajt e ardhshëm do të kemi rikthimin në jetën normale, por përsëri duhet të ketë kujdes. Shpresoj që të mësojmë në cdo gjë”, tha mës të tjerash Duma./CNA.al