Connect with Us

Abuzimi me çmimet e maskave dhe dezinfektantëve/ Autoriteti i Konkurrencës nis hetimet

Sociale

Abuzimi me çmimet e maskave dhe dezinfektantëve/ Autoriteti i Konkurrencës nis hetimet

Publikuar

-

Autoriteti i Konkurrencës ka nisur hetimet për depot farmaceutike, në lidhje me rritjen në mënyrë abuzive e çmimeve të maskave, alkoolit e dezifektantëve për shkak të kërkesës së rritur nga qytetarët si pasojë e koronavirusit.

Hetimi është për periudhën 1 janar- 31 maj të vitit 2020. Autoriteti i bën thirrje depove të farmacive që të mos rrisin çmimet,  në të kundërtën do të gjobiten 10% të xhiros vjetore.

Sipas një njoftimi të shpërndarë në sitën e kontrollit do të kalojnë tregjet me shumicë dhe ato të pakicës.

VENDIMI
AUTORITETI I KONKURRENCËS
KOMISIONI I KONKURRENCËS
VENDIM
Nr. 684, Datë 18.03.2020
“Për hapjen e hetimit paraprak në tregun e shitjes me shumicë dhe me pakicë të materialeve
paramjekësore”
Komisioni i Konkurrencës me pjesëmarrjen e: Në mbledhjen e tij të datës 18.03.2020, shqyrtoi çështjen me: Objekti: Mbi monitorimin e tregut të shitjes me shumicë dhe pakicë të materialeve
paramjekësore. Baza Ligjore: Neni 4, Neni 9, Neni 24, shkronja (d) dhe neni 44 i ligjit nr. 9121, datë 28.07.2003 “Për Mbrojtjen e Konkurrencës”, i ndryshuar.

Komisioni i Konkurrencës, pas shqyrtimit të relacionit të Sekretarit të Përgjithshëm mbi monitorimin e tregut të shitjes me shumicë dhe pakicë të materialeve paramjekësore,
VËREN SE :
Nisur nga disa shqetësime në masmedia dhe ankesave të paraqitura pranë Autoritetit të
Konkurrencës mbi rritjen e çmimit të materialeve paramjekësore, Autoriteti i Konkurrencës në
bazë të nenit 28 të ligjit nr. 9121, datë 28.07.2003 “Për mbrojtjen e konkurrencës”, i ndryshuar,
realizoi një monitorim në këtë treg, i cili konsistoi në vlerësimin e sjelljes së ofruesve të këtyre materiale në të gjitha nivelet e tregtimit (shumicë dhe pakicë).

LEXO EDHE:  Dy ish-kryebashkiakë i “dorëzohen” SPAK-ut

Monitorimi u fokusua në tregtimin e materialeve dezifektant duarsh, alkool dhe maska, për të cilat
kërkesa konsumatore ka qenë në rritje si pasojë e situatës së krijuar nga virusi COVID-19.

Nga verifikimi në terren konstatohen se:
 tregu ka mungesë të materialeve në nivelin e tregtisë me pakicë (rrjeti farmaceutik),
 rritje e pajustifikueshme e çmimit në të gjitha nivelet e tregtimit të këtyre materialeve
(depo farmaceutike dhe rrjeti i farmacive).
Nga sa më sipër, ka shenja të arsyeshme të një sjellje të mundshme antikonkurruese të
ndërmarrjeve që operojnë në këto nivele tregtimi, e parashikuar në nenet 4 dhe 9 të ligjit nr. 9121,datë 28.07.2003, “Për Mbrojtjen e Konkurrencës”, i ndryshuar.

PËR KËTO ARSYE:
Komisioni i Konkurrencës, bazuar në nenin 4 dhe 9, nenin 24, shkronja (d) dhe nenin 42 të ligjit
nr. 9121, datë 28.07.2003 “Për Mbrojtjen e Konkurrencës”, i ndryshuar,
VENDOSI:
1. Hapjen e procedurës së hetimit paraprak në tregun e shitjes me shumicë dhe me pakicë të
materialeve paramjekësore.
2. Hetimi paraprak të përfshijë periudhën kohore nga 1 janar 2020 deri në 31 maj 2020.
3. Raporti i hetimit paraprak duhet të paraqitet në Komisionin e Konkurrencës jo më vonë se
2 (dy) muaj nga përfundimi i periudhës hetimore.
4. Ngarkohet Sekretari i Përgjithshëm për zbatimin e këtij vendimi dhe njoftimin e palëve të
interesuara.
Ky vendim hyn në fuqi menjëherë.
KOMISIONI I KONKURRENCËS

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Bien temperaturat/ Parashikimi i motit për sot

Publikuar

-

Nga

Vendi ynë mbetet në ndikimin e motit të kthjellët në zonat bregdetare dhe të ulëta por vranësira kalimtare do këtë në zonat malore, situatë e cila vijon deri në mesditë kur vranësirat kalimtare shfaqen nëpër territor.

Sipas Metoalb, temperaturat e ajrit ulen lehtë në mëngjes dhe mesditë duke luhatur vlerat ditore nga -3°C deri në 16°C.

Era do fryjë mesatare me shpejtesi 35 km/h nga drejtimi verilindor duke krijuar ne det dallgëzim 3 ballë./CNA.al

LEXO TE PLOTE

Sociale

20 viktima në 24 orë/ Mbeten të larta shifrat e të infektuarve në vend

Publikuar

-

Nga

Tjetër bilanc i zi/ Konfirmohen 952 raste të reja me Covid, ja sa kanë humbur jetën sot

Në 24 orët e fundit janë shënuar shifra tragjike për sa i përket numrit të viktimave nga koronavirusi.

20 pacientë nuk ia kanë dalë të fitojnë betejën me COVID-19. Ndërkohë edhe numri i infektimeve mbetet i lartë, pasi 764 persona kanë rezultuar pozitivë në tetsin e koronavirusit.

Situata e COVID19 në 24 orët e fundit është si vijon: Janë kryer 2714 testime, nga të cilat kanë rezultuar pozitivë 764 qytetarë.

Rastet pozitive të konfirmuara janë identifikuar në këto bashki:

310 raste në Tiranë, 35 në Librazhd, 33 në Shkodër, 28 në Tepelennë, 27 në Gjirokastër, nga 24 raste në Durrës, Elbasan, Kukës, 23 në Berat, nga 22 raste në Vlorë, Peqin, nga 20 raste në Kavajë, Kuçovë, 16 në Sarandë, 13 në Delvinë, nga 11 raste në Fier, Lezhë, 10 në Gramsh, nga 9 raste në Krujë, Korçë, nga 7 raste në Mirditë, Mat, nga 6 raste në Lushnje, Bulqizë, Vorë, nga 5 raste në Has, Pukë, nga 4 raste në Kamëz, Përmet, nga 2 raste në Kurbin, Ura Vajgurore, Fushë Arrëz, Selenicë, Dibër, Malësi e Madhe, Roskovec, nga 1 rast në Rrogozhinë, Belsh, Memaliaj, Kolonjë, Skrapar, Patos, Cerrik, Poliçan, Këlcyrë.
Në 24 orët e fundit janë shëruar 640 qytetarë, duke e çuar numrin e të shëruarve në 70,413 që nga fillimi i epidemisë.

Aktualisht në spitalet COVID në Tiranë dhe tre spitalet rajonale po trajtohen 659 pacientë, 43 në terapi intensive, nga të cilët 11 pacientë janë të intubuar.
Me gjithë përpjekjet e stafit mjekësor, 20 qytetarë e kanë humbur betejën me COVID19: 9 qytetarë nga Tirana, 2 qytetarë nga Berati, 2 qytetarë nga Fieri, 1 qytetar nga Durrësi, 1 qytetar nga Elbasani, 1 qytetar nga Peqini, 1 qytetar nga Kurbini, 1 qytetar nga Rrogozhina, 1 qytetar nga Kavaja, 1 qytetar nga Delvina, të moshave 48-85 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

LEXO EDHE:  Foto+Video/ Një vilë që kërkon pronarin ose Anti-KÇK-në

LEXO EDHE:  Parkimi në Tiranë/ Në 2020 përdoruesit e automjeteve do paguajnë 5 milionë euro

Statistika (1 Mars 2021)

Raste të reja ditore 764
Të shëruar në 24 orë 640
Të shtruar në spitale 659
Humbje jete në 24 orë 20
Testime ditore 2714

Testime totale 469,499
Raste pozitive 107,931
Raste të shëruara 70,413
Raste Aktive 35,702
Humbje jete 1,816

Shpërndarja gjeografike e rasteve aktive sipas qarqeve:
Tiranë 22974
Fier 2621
Vlorë 1765
Durrës 1651
Shkodër 1367
Gjirokastër 1115
Elbasan 943
Korçë 880
Berat 871
Lezhë 792
Dibër 372
Kukës 351

LEXO TE PLOTE

Sociale

Dhjetë leksione nga kriza e koronavirusit: Pse dështuan disa vende të pasura

Publikuar

-

Nga

Sipas një studimi më të fundit një përzierje vendesh më të vogla të drejtuara nga Zelanda e Re, Vietnami, Tajvani, Tailanda, Qipro, Ruanda dhe Islanda, renditen si 10 vendet e para tëbotës që e menaxhuan mëmirë reagimin e tyre ndaj Covid-19.

Në studimin e botuar në revistën BMJ, drejtuesi i studimit të Universitetit Flinders, Fran Baum, iu bashkua ekspertëve nga e gjithë bota, për të reflektuar mbi parashikimet e Indeksit Global të Sigurisë Shëndetësore (tetor 2019) në rastin e një emergjence të shëndetit publik.

Së bashku me Australinë, Letoninë dhe Sri Lankën si vendet me reagimet më të mira, lista nxjerr në pah disa nga 10 shkaqet kryesore, se përse disa vende ishin të suksesshme dhe disajo në frenimin e pandemisë së Covid-19 gjatë vitit të kaluar.

SHBA-ja, Britania e Madhe, Holanda, Australia, Kanadaja, Tajlanda, Suedia, Danimarka, Koreja e Jugut, Finlanda (Franca, Sllovenia dhe Zvicra), u renditën si “më të përgatiturat”

në indeks. Ndërsa vendet me të ardhura të larta, raportojnë një rezultat mesatar prej 51.9pikësh (nga 100 të mundshmet), indeksi tregon se bashkërisht, gatishmëria ndërkombëtare ndaj epidemive dhe pandemive mbetet shumë e dobët, vë në dukje studimi.

“Tani ne i dimë10 faktorë që kontribuan që indeksi të mos parashikonte dot reagimet e një vendi, përfshirë anashkalimin e fuqisë që kanë kontekstet politike, ekonomike, sociale, si dhe roli i shoqërisë civile -sidomos në vendet e zhvilluara perëndimore si SHBA-ja dhe Britania”- thotë profesori Baum, nga Instituti Sauthgejt për Shëndetësi Shoqëri dhe Barazi në Universitetin Flinders.

Dhjetë variablat e identifikuara në studimin e ri janë:

1. Konsideratë e kufizuar e globalizimit, gjeografisë dhe qeverisjes globale. Për shembull, kombet ishullore si Australia, Zelanda e Re dhe vendet e tjera të Paqësorit, mund të përgatiten të menaxhojnë më mirë pandemitë sesa organizatat rajonale siç është BE-ja.

2. Paragjykimi ndaj vendeve me të ardhura të larta. Pandemia nxori në pah kontrastet midis masave të bio–sigurisë në vendet me të ardhura të larta, dhe aftësisë së tyre reale për të nxitur pjesëmarrjen e komunitetit në respektimin e masave të parandalimit dhe kontrollit.

3. Dështimi për të vlerësuar si duhet kapacitetet e sistemit shëndetësor.

LEXO EDHE:  BSH: Vijon ulja e çmimeve të banesave, ulen dhe qiratë

LEXO EDHE:  Adele: Çmimet e fituara i mbaj në tualet

4. Roli i udhëheqjes politike. Nën kushtet e pandemisë, a e kuptojnë udhëheqësit dhe a e menaxhojnë sëmundjen infektive bazuar në provat shkencore? Për shembull, kryeministrja e Zelandës së Re Xhakinta Ardern ishte e qartë dhe e prerë, duke pasur një rezultat shumë më të mirë sesa parashikohej në indeks.

5. Konteksti i sistemeve politike, shoqërore, kulturore dhe financiare të vendeve. Për shembull, SHBA-ja, Belgjika, Australia dhe Afrika e Jugut, kanë pasur përgjigje të nivele federale, por veç e veç patën përgjigje dhe rezultate krejt të ndryshme ndaj pandemisë.

6. Kufijtë e sistemit shëndetësor kombëtar, nuk kanë qenë gjithmonë të ndërlidhura si një faktor parashikues. Për shembull, vendet me të ardhura më të ulëta si Ruanda dhe Vietnami,patën rezultate më të mira, ndoshta për shkak të alokimit më të mirë të burimeve të kufizuara.

7. Pandemia i theksoi pabarazitë e mëparshme shëndetësore dhe sociale në disa vende me të ardhura të larta, si Britania e Madhe dhe SHBA-ja, ku grupet etnike në pakicë përjetuan më shumë dëme nga Covid-19.

8. Indeksi nuk parashikoi efektet e ndryshimeve në dispozitat e sigurimeve shoqërore për një epidemi të zgjeruar.

9. Nuk u vlerësua kapaciteti civil për një përgjigje ndaj pandemisë. Për shembull, rrjetet e veprimit në komunitet në Afrikën e Jugut në Kejptaun, po punojnë për të amortizuar pasojat e bllokimit dhe për të zvogëluar transmetimin e virusit në komunitet.

10. Një hendek midis kapacitetit dhe përdorimit të tij. Për shembull, ndërhyrja politike në SHBA e bllokoi punën e Qendrave për Kontrollin dhe Parandalimin e Sëmundjeve, që zakonisht hartojnë në mënyrën e duhur dhe uniforme programe të avancuara të trajnimit mbi epidemiologjinë. / Eurekalert – Bota.al

LEXO TE PLOTE