Connect with Us

“Mos u mburr me urdhëra, por me përgjegjësi”/ Sherefedin Shehu leksion Ramës: Mbro biznesin, këshillat i japin mjekët

Politikë

“Mos u mburr me urdhëra, por me përgjegjësi”/ Sherefedin Shehu leksion Ramës: Mbro biznesin, këshillat i japin mjekët

Publikuar

-

Ish-deputeti i Partisë Demokratike, Sherefedin Shehu ndërsa komentin situatën e krijuar për shkak të koronavirusit, jep alarmin për pasojat që do të ketë në ekonomi.

Ndërsa reagon në lidhje me deklaratën e kryeministrit Edi Rama, që bankat të shtyjnë këstet e kredive, në një postim në rrjetet sociale, Sherefedin Shehu i jep një leksion të fortë kreut të qeverisë.

Shehu thekson se edhe bankat janë biznese që mund të ndikohen nga kolapsi i mundshëm ekonomik dhe se edhe ato mund të falimentojnë.

“Po Bankat a nuk jane biznese dhe a nuk ndikohen nga kolapsi i mundshem ekonomik? Parate ne banka jane te bizneseve dhe qytetareve dhe nese ato nuk kane para per te depozituar apo paguar ne banka edhe bankat falimentojne.
Z. Rama,
Me e shumta ju mund t’ju luteshit ose t’ju rekomandoni bankave te jene tolerante ne vartesi te gjendjes se tyre financiare sepse as Guvernatori as Ju nuk keni te drejte ti urdheroni qe te mos arketojne kredite. Ju dhe Guvernatori merrni pergjegjesite ligjore per te stimuluar biznesin dhe mos e shkarkoni barren mbi te tjeret. Lutem mos u mburrni me urdherat qe jepni por me pergjegjesite e permbushura per t’i paraprire te keqes”-shkruan Shehu.

LEXO EDHE:  Nard Ndoka mesazh Ramës/ “Lëri pak vend vetes, mendo edhe për nesër”

Më tej, ai thekson se këshillat mjekësore duhet t’i japin specialistët dhe se ajo çfarë duhet të bëjë qeveria sipas tij është të mbrojë biznesin.

“Keshillat mjeksore le ti japin specialistet sepse kur i jepni ju nuk i beson njeri;
Ristrukturoni buxhetin per te permbushur shqetesimet e Organizates Boterore te Shendetesise dhe organizmave te tjera financiare nderkombetare;
Mbrojini bizneset nga falimentimi me kredi afat-shkurter nga Qeveria ose edhe me subvencione nese shkaku eshte kjo situate e veshtire dhe mos falimentoni Bankat.
Ndihmoni, monitoroni dhe garantoni funksionimin e rrjetit te prodhimit, sherbimeve dhe tregtise se çmimet nuk kontrollohen me police por vetem me ballancimin e kerkeses me oferten ne treg.
Financoni kostot shtese te bizneseve per higjenizimin, ndryshimin e proceseve teknologjike, transportin e punonjesve e te tjera qe te vazhdojne punen dhe te mos behen qendra infektimi.
Dizinfektoni rruget, zyrat dhe ambientet e tjera dhe garantoni sherbimet publike.
Garantoni nje page mujore te arsyeshme per ata qe nuk mund te punojne ne kete situate, dhe
Paguani ne kohe pesionet dhe ndihmen ekonomike.”-përfundon postimin e tij Sherefedin Shehu./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

“I trishtueshëm lajmi që një qytetar ka humbur jetën”/ Basha mesazh urgjent qeverisë

Publikuar

-

Nga

Kryetari i Partisë Demokratike, Lulzim Basha ka shprehur ngushëllimet për familjarët e 66-vjecarit i cili ndërroi jetë sot për shkak të koronavirusit.

Po ashtu, Basha i ka drejtuar një mesazh qeverisë dhe qytetarëve shqiptarë. Ai ka përsëritur thirrjen për pajisjen e personelit shëndetësor me të gjithë mjetet e duhura mbrojtëse si dhe i kërkon qeverisë të marrë urgjentisht masat për të ngritur ambiente të veçanta në spitalet rajonale për të pritur dhe trajtuar personat që kane shenja apo dyshime se mund të jenë prekur nga COVID 19.

“Është i trishtueshëm lajmi që një tjetër qytetar ka humbur jetën për shkak të komplikacioneve të shkaktuara nga COVID 19. Me këtë rast i shpreh ngushëllimet familjes së tij. Dua gjithashtu të përgëzoj dhe uroj ekipin e mjekëve dhe pacientin që mbrëmë e fitoi betejën me COVID 19.

Prej ditësh kam shprehur shqetësimin për ekspozimin e mjekëve dhe stafit shëndetësor ndaj COVID 19. Fatkeqësisht sot kemi 9 raste të konfirmuara mjekësh të prekur nga Covid 19 si dhe dhjetra raste të tjera të vetëkarantinuar.

Do ta përsëris edhe shumë herë të tjera pa u lodhur thirrjen ndaj qeverisë që të pajisë personelin shëndetësor me të gjjthë mjetet e duhura mbrojtëse si dhe të marrë urgjentisht masat për të ngritur ambjente të veçanta në spitalet rajonale për të pritur dhe trajtuar personat që kane shenja apo dyshime se mund të jenë prekur nga COVID 19. Kjo është mënyra e vetme për të mbrojtur stafin mjekësor kaq të domosdoshëm në këtë situatë të rënduar, por dhe pacientët e tjerë që kurohen në spitale.

Mjekët dhe infermierët janë mburoja jonë, janë garancia për ta kaluar me sa më pak dhimbje këtë situatë tejet kritike. Qeveria duhet që në mënyrë emergjente të verë në dispozicion fonde për të blerë paisje mjekësore dhe tamponë të nevojshëm për të kryer ekzaminimet për COVID 19.

Sa më shpejt të identifikohen bartësit e këtij virusi aq më e lehtë bëhet kufizimi i përhapjes dhe trajtimi i të prekurve. Nuk duhet lejuar kurrsesi që situata të përkeqësohet, duhen marrë masa para se të jetë tepër vonë.”-shkruan Basha.

LEXO EDHE:  Rama e Beqaj e cilësuan histori suksesi/ Kush është mjeku që i vunë prangat

LEXO EDHE:  Çdekretimi i datës së zgjedhjeve/ Presidenti bën fajtorë Ramën e Bashën

Më tej, kreu i  i PD iu kërkon qytetarëve të zbatojnë këshillat e mjekëve dhe të qëndrojnë në shtëpi.

“Të dashur bashkëqytetarë!

Ndërsa bilanci i të prekurve nga COVID 19 sa vjen e rritet, mbetet shumë e rëndësishme të zbatoni këshillat e mjekëve dhe të qëndroni në shtëpi.

Në këtë menyrë do të ndalojmë përhapjen e virusit COVID 19 dhe do t’ju japim mundësi mjekëve të trajtojnë me kujdes personat që janë në gjendje të vështirë shëndetësore.

Mos harroni se duhet një kujdes i veçantë ndaj të moshuarve të cilët janë dhe grupmosha më e rrezikuar.

Ndërsa një vëmendje e shtuar duhet dhe ndaj qytetarëve në pamundësi ekonomike, atyre që jetojnë në kushte të vështira në çadra apo banesa të papërshtashme. Pa humbur kohë duhet siguruar furnizimi me ushqime dhe detergjent për ta. Koha nuk pret.

Dua me përulësi t’ju shpreh mirënjohjen time të gjithë atyre që në këto ditë të vështira dhe të ngarkuara psikologjikisht po punojnë pareshtur, mësuesit që po asistojnë me mijëra nxënës në forma alternative, shitësit e marketeve apo dyqaneve, punonjësit e furrave të bukës, farmacistët, punëtorët e ujësjellësve, elektricistët, e shumë e shumë të tjerë që janë sot në krye të detyrës. Mirënjohje gjithashtu dhe për punonjësit e mediave që pa marrë në konsideratë rrezikun vazhdojnë të jenë në krye të detyrës për të mbajtur të informuar qytetarët që sot më shumë se kurrë më parë janë me sytë, veshët dhe mendjen nga informacionet që përcjell media.

Mirënjohje pa kufi për të gjithë ju të dashur bashkqytetarë që pavarësisht situatës së vështirë, duke lënë pas çdo ndasi po i jepni kurajo dhe mbështetje njëri tjetrit!”-përfundon postimin kryedemokrati Basha.

LEXO TE PLOTE

Politikë

“Po bën fushatë për veten e tij”/ Ish-ministri akuza Ramës, asnjë ligj nuk e justifikon

Publikuar

-

Nga

Ish-ministri i Drejtësisë në qeverinë “Rama 1”, Ylli Manjani ndërsa komenton masat e qeverisë kundër përhapjes së koronavirusit, shkruan se kryeministri Edi Rama po shfrytëzon situtatën për të bërë fushatë politike për veten e tij.

Në një postim në rrjetet sociale, Manjani thekson se asnjë ligj i këtij vendi nuk e justifikon sjelljen e Ramës.

“Politikë që çke me të!

Po mor po, nga mëngjesi në mëngjes bën fushatë politike për veten e tij.

Nuk ka pse të kemi as frikë e as ndrojtje ta themi hapur këtë që po bën Edi Rama.

Asnjë ligj i shkruar i këtij shteti që e drejton vetë nuk e justifikon sjelljen e tij. Asnjë për bé!

Sa për informacion, ka një ligj në fuqi me titull ” PËR PARANDALIMIN E LUFTIMIN e SËMUNDJEVE NGJITËSE DHE INFEKSIONEVE”, me nr 15/2016. Ky ligj është ndër të paktët që e bën Shqipërinë pjesë të strukturave të OBSH dhe BE.

Ligji tregon me detaje se si strukturat e specializuara të shtetit (Instituti i shëndetit Publik është në krye) veprojnë në harmoni të plotë me protokollet e OBSH dhe BE, edhe për izolimet por edhe për karantinën.

Në asnjë rast ligji nuk parashikon veprimin e strukturave të shëndetit publik nën direktivat e “komandaturës së Surrelit”. Në asnjë rrjesht të këtij ligj nuk do ta gjeni këto “mrekullira” që ka urdhëruar paralelisht Kryeministri me FB dhe me akte normative. Këto të fundit jo vetëm bien ndesh me Kushtetutën, por janë dhe llogjikisht qesharake.”-shkruan Manjani.

Më tej, ai thekson se Rama e di shumë mirë ligjin dhe Kushtetutën, por ka vebdosur ti injorojë ato. Sepse, sipas tij duke zbatuar ligjet nuk ka vend për PROTAGONiZËM elektoral.

“Pandemi dhe epidemi ky shtet ka luftuar edhe pa Edi Ramën, edhe pa akte normative, edhe pa FB, edhe me median aktive edhe pa ndërprerë jetën në vend.

Edhe këtë e di Ai, prandaj i duhet të bëjë protagonistin dhe jo shtetarin në detyrë publike.

Të vetmen detyrë që ka Edi Rama si Kryeministër është të orientojë përparsitë e qeverisë (në radhë të parë buxhetore) drejt përballimit të pasojave të pandemisë dhe jo të na bëjë drejtorin e Institutit të Shëndetit Publik, as zëdhënësin e infektivit!

Të vetmen gjë që duhet të bëjë NUK e BËN! Por na tregon se si lahen duart!! Kulmi! A thua se ky popull nuk i ka larë ndonjëherë duart deri më sot.

LEXO EDHE:  Video – Ambasadori i Shqipërisë i dorëzon letrat kredenciale/ Erdogan nuk i jep dorën

LEXO EDHE:  Ndryshimet në qeveri/ Ja lëvizjet e përfolura pas drekës Rama-Meta

Pah, çfarë fyerje!”-shkruan ish-ministri.

Ai ka komentuar edhe bisedën e djeshme të Ramës me Guvernatorin e BSH-së, ndërsa shkruan se “Edhe një biçim bashk/urdhër që e bëri me Guvernatorin, ligjërisht e ka djallosur. Nuk pi ujë hiç ajo paçavure përpara kontratës së kredisë Bankë-Klient. Sa për informacion, kontratat kanë gjithnonë klauzola forcash madhore. Këto klauzola nuk vihen në zbatim me paçavure juridike të tilla.

Por nejse, punë për bankat kjo.”

Po ashtu ai shkruan se “Ajo që dua të them është se e gjithë sjellja e Kryeministrit është dukshëm fushatë e pastër elektorale, megjithse në kohë të vështira për njerëzit.

Tani, të gjithë ata që shprehin “shqetësimin” se nuk është ky momenti për të kritikuar sjelljen e qeverisë, po ju them se:

Nuk jam unë njeriu që po bëj fushatë, sepse nuk dua vota. Nuk kam asnjë detyrë politike që të më lidhë me bërjen e votave. Por, qytetarisht dhe profesionalisht, po ju informoj se çfarë thonë ligjet e shtetit dhe, se sa larg tyre është sjellja e Kryeministrit i cili ka nevojë për protagonizëm dhe vota.

Sjellja e tij është qartësisht si e “shpëtimtarit të njerëzimit”. Ky i fundit nuk ka pse pret vaksinën të luftojë gripin, por ti bindet urdhërave rë Tij.

Ja, kaq do Ai.

Keni parë apo dëgjuar ndonjë udhëheqës diku në këto kohë pandemie të urdhërojë në Facebook? Po ndonjë që lavdëron veten në publik në kohë krize?!

Nga ana tjetër, asnjëherë nuk do ketë kohë të përshtatshme, nëse ndiqet verbërisht ajo që thotë populisti që do vota.

Pas kësaj pandemie Ai do dalë e do thotë, UNË JU SHËROVA, JU SHPËTOVA jetën! Pa mua jeni të mbaruar! E të tjera broçkulla elektorale si këto. Ndaj ky takëmi që ka shqetësim “kohën” ska për ta gjetur dot kurrë atë. Ndoshta u pëlqen lideri më shumë sesa ligji dhe shteti!

Më këtë takëm në fakt është e kotë të japësh argumente, sepse refuzojnë të shohin realitetin me sytë e tyre.”

LEXO TE PLOTE

Politikë

Pacienti zero drejt shërimit/ Meta i emocionuar: Lajm i jashtëzakonshëm

Publikuar

-

Nga

Presidenti Ilir Meta ka reaguar pasi testimi i parë për pacientin zero të konfirmuar me koronavirus ka rezultuar negativ.
Meta thotë se është emocionuar nga ky lajm i jashtëzakonshëm se pacienti zero ka nisur rrugën e shërimit.
Kreu i Shtetit ka shpërndarë deklaratën e ministres së Shëndetësisë Ogerta Manastirliut në rrjetet sociale dhe shpreson që të marrë lajme të tilla edhe për pacientët e tjerë.
“Duke i uruar pacientit 0 shërim të plotë, shpresoj të marr së shpejti të njëjtin lajm për të gjithë të prekurit nga kjo pandemi, të cilëve ju shpreh mbështetjen dhe solidaritetin tim në këto momente të vështira!
Mirënjohje të thellë dhe falenderim për mjekët, infermierët, sanitarët dhe personelin mbështetës që janë në vijën e parë të frontit! Krenar për përkushtimin dhe profesionalizmin tuaj! Shembuj të shkëlqyer frymëzimi! Forca të gjithëve! Së bashku për të mbrojtur shëndetin e çdo qytetari!”, shkruan Meta./ CNA.al

LEXO TE PLOTE