Connect with Us

Arrin në 113 numri i të vdekurve nga koronavirusi në SHBA

Bota

Arrin në 113 numri i të vdekurve nga koronavirusi në SHBA

Publikuar

-

Në Shtetet e Bashkuara, COVID-19 vazhdon të përhapet dhe numri i të vdekurve arriti shifrën 113, sipas njoftimeve të sotme ende jozyrtare.

Numri i përgjithshëm i rasteve të konfirmuara në SHBA është të paktën 6,300 ndërkohë që është shtuar numri i testimeve.

Shtetet më të goditura të Amerikës vazhdojnë të jenë Uashingtoni, Nju Jorku dhe Kalifornia.

Numri i rasteve të konfirmuara si në Uashington ashtu edhe në Nju Jork po arrin në rreth 1,000. Në shtetin Uashington, zyrtarët raportojnë për të paktën 48 vdekje që nga fillimi i pandemisë.

Zyrtarët thanë se administrata do të bëjë ç’është e mundur për të frenuar pandeminë.

“Për një vend kaq të madh, ne po ecim mirë,” tha Presidenti Trump.

Presidenti Trump tha: “Do të vdesin shumë njerëz. Qëllimi ynë është të pakësojmë numrin e njerëzve që mund të vdesin.

NJU JORK: A DO TE KETE KARANTINË?

Guvernatori i New York-ut Andrew Cuomo tha të martën se nuk kishte në plan të impononte karantinë në asnjë prej qyteteve në shtetin e tij.

“Nuk kam asnjë interes dhe asnjë plan të çfarëdolloji, që të vendos karantinën në ndonjë qytet,” tha Cuomo në një konferencë shtypi.

New York
Sidoqoftë, ai tha se ekziston mundësia që të ketë mbyllje më dramatike, përveç mbylljes së restoranteve, bareve dhe shkollave, për të frenuar përhapjen e koronavirusit.

LEXO EDHE:  Studentët shqiptarë në SHBA/ Flasin mbi zgjedhjet presidenciale në Amerikë

Ai tha gjithashtu se numri i rasteve në shtetin e Nju Jorkut pritet të arrijë kulmin pas 45 ditësh.

Ndërkohë, në kryeqytetin Uashington tani per tani ka thjesht mbyllje shkollash, kinemash, palestrash dhe restorantesh.

MUNGESË VENTILATORËSH

SHBA aktualisht ka rreth 160,000 ventilatorë, shumë më pak se 740,000 që do të duheshin në rastin e një pandemie “të rëndë” si gripi spanjoll i vitit 1918.

Presidenti Trump u ka thënë shteteve të ndryshme amerikane që të mos presin ndihmën federale për pajisje të tilla “nëse mund t’i marrin ato më shpejt duke i siguruar vetë”.

Zyrtarët theksuan sot se do të zgjerojnë metodat e telemjekësisë. Pacientët nuk do të duhet të paguajnë nëse kontaktojnë dhe konsultohen me mjekun përmes internetit, pa u dashur të shkojnë vetë te mjeku.

Kryetari i Bashkisë së Nju Jorkut Bill de Blasio tha të martën se banorët duhet të jenë të përgatitur për mundësinë që të qëndrojnë brenda në shtëpi për të frenuar përhapjen e koronavirusit të ri. Vendimi se si do të veprohet ka të ngjarë të merret brenda 48 orëve të ardhshme, tha kryebashkiaku.

Qyteti i Nju Jorkut gjithashtu nënshkroi marrëveshje me një laborator privat për të zgjeruar kapacitetin e testimit deri në 5,000 teste në ditë, tha ai./VOA

KLIKO PER TE KOMENTUAR

Komentoni

Your email address will not be published. Required fields are marked *

Bota

Gjermania zbaton vendimin e BE-së/ Hyn menjëherë në fuqi mbyllja e kufirit

Publikuar

-

Nga

Gjermania zbaton menjëherë vendimin e BE-së për ndalimin e hyrje-daljeve nga vendi, duke i mbyllur kufijtë. Gjermanët që ndodhen aktualisht jashtë vendit do të kthehen përmes një aksioni të posaçëm me avionë charter.
Kancelarja Angela Merkel ka konfirmuar, se në Gjermani hyn menjëherë në fuqi ndalimi i udhëtimeve vendosur nga BE-ja. Pas konsultimeve me kolegët e saj të BE-së, kancelarja deklaroi në mbrëmje (17.03) në Berlin përmes një video-konference, se rregullorja do të vlejë fillimisht për 30 ditë.
Gjermania në nivel federate dhe landesh synon të dyfishojë numrin e shtretërve të reanimacionit nëpër klinika, si një masë tjetër në sfondin e rrezikut të përhapjes së infeksioneve me virusin Corona. Kjo mësohet nga një vendim, që e posedon agjencia e lajmeve DPA. Më tej sipas këtij informacioni mësohet, se politikanët kanë vendosur një plan emergjence për spitalet.

Sa i përket frikës se njerëzve ga mungesa eventualisht e furnizimeve, qeveria gjermane siguroi, se gjermanët nuk kanë përse të shqetësohen: Furnizimi është i sigurtë, deklaroi ministrja e Bujqësisë Julia Klöckner në Berlin. „Blerjet në panik jo vetëm që nuk janë të nevojshme, por ato edhe shkaktojnë dëm”, shtoi politikania kristiandemokrate.
Urë ajrore” për kthimin e turistëve gjermanë të mbetur jashtë vendit

Përmes një aksioni të pashembullt qeveria do të kthejë në vend dhjetra mijëra gjermanë, që ndodhen jashtë me pushime dhe janë bllokuar atje për shkak të krizës së Coronës. Në një intervistë për DW ministri i Jashtëm Heiko Maas paralajmëroi prej udhëtimeve.

Në radhë të parë do të transportohen pushuesit nga Maroku, Republika Dominikane, Filipinet, Egjipti dhe Malediven. Deri në 50 milionë Euro do të shpenzojë qeveria për këtë. Sipas vlerësimeve të Ministrisë së Jashtme aktualisht ndodhen mbi 100.000 vetë me pushime jashtë vendit.

LEXO EDHE:  Pse 1979-a, ishte viti që formësoi botën e shekullit XXI

LEXO EDHE:  Zgjedhjet ne SHBA/ Numerimi ne 2 shtete Trump kryeson bindshem

“Hotelet do të mbyllen, qarkullimi ajror do të ndërpritet. Ndaj ne kemi vendosur, që qeveria të nisë charter nga shoqëritë ajrore, kryesisht Lufthansa, për të sjellë gjermanët nga jashtë në atdhe”, tha ministri i Jashtëm Heiko Maas në intervistë për DW.

Maas parashikon që ky aksion do të zgjasë disa ditë, sepse „ne nuk mund të ofrojmë zgjidhje për 24 orë”, tha politikani socialdemokrat. Të interesuarit duhet të informohen përmes qendrës së krizës në Ministrinë e Jashtme ose përmes ambasadave në vendet ku ata ndodhen. Parimisht çdo shtetas gjerman ka të drejtë të kthehet në atdhe. Ata që kanë simptoma të një infeksioni me virusin Corona pas mbërritjes në Gjermani duhet të kalojnë në karantinë. Maas dha edhe një paralajmërim për udhëtimet. Me këtë ai donte t’u bëjë të qartë qytetarëve, se aktualisht udhëtimet jashtë vendit janë të papërgjegjshme. Në rast se ndërpirtet qarkullimi ajror ndërkombëtar, kufijtë dhe aeroportet mbyllen, atëherë askush nuk mund të garantojë sërish kthimin në vend, tërhoqi vëmendjen Maas./DW

LEXO TE PLOTE

Kosova & Rajoni

Qeveria “Kurti” në rrezik pas shkarkimit të ministrit Veliu

Publikuar

-

Nga

Kryeministri Albin Kurti ka shkarkuar ministrin e Brendshëm Agim Veliu, nga partia LDK. Kurti tha se Veliu ka përhapur panik për gjendjen me koronavirus. LDK i ka dërguar ultimatum Kurtit. Koalicioni në rrezik.

Kryeministri i Kosovës, Albin Kurti, e shkarkoi nga detyra ministrin e Brendshëm, Agim Veliu, që vjen nga radhët e Lidhjes Demokratike të Kosovës (LDK)  për shkak të “mospajtimeve rreth shpalljes apo jo të gjendjes së jashtëzakonshme”. Shpalljen e gjendjes së jashtëzakonshme për shkak të përhapjes së koronavirusit po e kërkon Presidenti Hashim Thaçi, të cilën e mbështeti edhe LDK. Por me këtë kërkesë nuk po pajtohet kryeministri Albin Kurti. Në një njoftim të zyrës së kryeministrit, thuhet se ministri i Punëve të Brendshme Agim Veliu, në një televizion lokal, “u deklarua kundër qëndrimit të Kryeministrit të Republikës së Kosovës mbi shpalljen e gjendjes së jashtëzakonshme dhe në këtë deklarim ai përhapë panik duke thënë se numri i të prekurve po rritet prej ore në orë”.

“As Ministria e Shëndetësisë e as Instituti Kombëtar i Shëndetësisë Publike nuk thanë që numri i të infektuarve me COVID-19 po rritet nga ora në orë. Në këto momente, kur e gjithë administrata publike po bën përpjekje maksimale për të minimizuar dëmet nga virusi Korona, udhëheqësit e institucioneve qendrore, përfshirë këtu anëtarët e kabinetit qeveritar, duhet të demonstrojnë maturi si në vendime ashtu edhe deklarime”, thuhet në njoftimin e zyrës së kryeministrit.

Më tej thuhet se “përmes deklaratave të tij të bëra publikisht, por jo edhe të mbështetura me qëndrime të tij në mbledhje të brendshme, ministri Veliu ka dëshmuar mungesë të theksuar lidershipi dhe ka minuar hapur punën e qeverisë, pjesë e të cilës ai është. Në këto rrethana jam i detyruar të veproj, andaj edhe kam vendosur të shkarkoj z. Veliu nga detyra”, thuhet në njoftimin nga zyra e kryeministrit Kurti.

LDK kundër

I menjëhershëm ishte reagimi i kryetarit të Lidhjes Demokratike të Kosovës, Isa Mustafa, parti kjo që është në koalicion me Vetëvendosjes e Kurtit, i cili shkarkimin e Agim Veliut nga posti i ministrit të Brendshëm e quajti të papranueshëm dhe kërkoi nga Kurti që të kthej vendimin prapa.

“Kjo është shkelje e Marrëveshjes së koalicionit. Me marrëveshje kemi përcaktuar se ministrat mund të shkarkohen nga Kryeministri në konsultim me kryetarin e subjektit politik, me të cilin është bërë koalicioni, bazuar në një arsyetim që e pranon kryetari i LDK-së. Si kryetar i LDK-së nuk jam konsultuar nga Kryeministri dhe aq më pak i pranoj arsyet e tij të bëra publike. Kërkoj nga Kryeministri të anulojë vendimin për shkarkimin e z. Veliu dhe të merrë vendim per heqjen e taksës deri në fund të javës. Veprimet e njëanshme të Kryeministrit janë të dëmshme dhe të papranueshme. Ato çojnë në prishjen e koalicionit”, thuhet në reagimin e kryetarit të LDK-së Isa Mustafa.

Ambasada amerikane kërkon heqjen e tarifave

Vetëm disa orë më parë Ambasada amerikane në Prishtinë i bëri thirrje  qeverisë së Kosovës të udhëhequr nga Albin Kurti që të heqë tarifat ndaj mallrave serbe.

“Në kohërat si këto, bashkëpunimi rajonal dhe ndërkombëtar është thelbësor. Është koha për Kosovën dhe fqinjët të mënjanojnë pengesat për lëvizjen e lirë të mallrave. Sërish i bëjmë thirrje qeverisë së Kosovës të hedhë hapin e parë të guximshëm dhe t’i heqë tarifat tani”, thuhet në komunikatën e ambasadës amerikane.

Kryeministri i Kosovës Albin Kurti, kishte paralajmëruar që më 15 mars do të heq tarifat pjesërisht për mallrat që vijnë ng Serbia, duke e zëvëndësuar gradualisht me reciprocitet. Por Kurti pohon se për këtë nuk ka arritur ta bindë partnerin e koalicionit LDK-në.

LEXO EDHE:  Reforma në Drejtësi/ SHBA: Qeveria tregoi fleksibilitet, opozita nuk bëri të njëjtën gjë

LEXO EDHE:  Zbulohen detajet / Njërit prej viktimave, atentat një vit më parë

“Zëvendësimi gradual i tarifës me reciprocitetin është mënyra më e mirë, më e drejtë dhe më e dobishme”, pati thënë Kurti. Por, LDK, po kërkon heqjen e menjëhershme të tarifës asht siç po kërkon edhe SHBA-së.

Kriza qeveritare

Sidoqoftë, gjendja me koronavirusin në Kosovë dhe menaxhimi i krizës ka përplasur krerët e institucioneve të Kosovës. Të martën Presidenti i Kosovës Hashim Thaçi, pas takimit të Këshillit të Sigurisë Kombëtare, tha se ka nënshkruar dekretin për shpalljen e gjendjes së jashtëzakonshme, të cilin do ta dërgojë për miratim në parlament. Me këtë nuk po pajtohet asesi kryeministri Albin Kurti, i cili po vazhdon të mbajë qëndrimin se në Kosovë tash për tash mjafton shpallja e gjendjes së kujdesit të shëndetit publik.

Nga ana e tij, presidenti Hashim Thaçi tha të mërkurën në mesditë se “zyra ligjore e tij dhe ajo e parlamentit janë duke u kordinuar në mënyrë që të finalizohet procesi i dekretit të Presidentit të Kosovës për ndërmarrjen e të gjitha masave të domosdoshme institucionale për preventimin, parandalimin dhe tejkalimin e kësaj gjendje në Kosovë”.

“Dekreti përfshinë gjendjen e jashtëzakonshme në tërë territorin e Republikës së Kosovës për një periudhë 30 ditore me mundësi të vazhdimit apo shkurëtimit, varësisht prej situatës së krijuar”. Nëse shpallet gjendja e jashtëzakonshme, kjo nënkupton mobilizimin dhe përfshirjen në menaxhimin e situatës së Forcës së Sigurisë së Kosovës në tërë teritorin. Dekreti i Presidentit u mbështet nga Partia më e madhe opozitare PDK, e  cila kritikoi qeverinë Kurti për “keqmenaxhim të situatës me koronavirus”.

“Okupimi i veriut”

Dekreti i Presidentit që kërkon miratimin e parlamentit për shpallje të gjendjes së jashtëzakonshme e ka shqetësuar subjektin politik serb në Kuvendin e Kosovës listën Srpska, e cila e kundërshton këtë, duke thënë se “Prishtina po përpiqet të sistemojë Forcat e Sigurisë në veri të Kosovës me pretekstin e mbrojtjes së qytetarëve, por me qëllim të okupimit të qetë të komunave serbe”. Lista Serbe thekson se “me gjithë situatën e re të krijuar nga pandemia e koronavirusit, refuzon vendosmërisht qëllimin e fshehtë të Prishtinës që të sistemojë në veri të Kosovës forcat ushtarake”.

“Si përfaqësues legal e legjitim të popullit serb i bëjmë thirrje komandës së KFOR-it që me urgjencë të pengojë dhe të hedhë poshtë mundësinë e vendosjes së formacioneve ushtarake të Prishtinës në veri të Kosovës dhe të veprojë në përputhje me marrëveshjen që garanton se këto formacione nuk mund të vendosen në katër komunat veriore”, thuhet në një komunikatë të Listës Serbe e cila në parlamentin e Kosovës përfaqësohet me 10 deputet./ DW

LEXO TE PLOTE

Kosova & Rajoni

Albin Kurti shkarkon ministrin e Brendshëm

Publikuar

-

Nga

Kryeministri i Kosovës, Albin Kurti ka shkarkuar nga detyra ministrin e Brendshëm, Agim Veliu.

Vendimi për shkarkimin e Veliut, erdhi pasi ky i fundit kundërshtoi Kurtin, në lidhje me qëndrimin e tij për të mos shpallur gjendjen e jashtëzakonshme.

“Mbrëmë vonë, pas mesnate, Ministri i Punëve të Brendshme dhe Administratës Publike, z. Agim Veliu, për televizionin Klan Kosova, u deklarua kundër qëndrimit të Kryeministrit të Republikës së Kosovës mbi shpalljen e gjendjes së jashtëzakonshme. Ai, gjithashtu, në këtë deklarim, përhapë panik duke thënë se “numri i të prekurve po rritet prej ore në orë”. As Ministria e Shëndetësisë e as Instituti  Kombëtar i Shëndetësisë Publike nuk thanë që numri i të infektuarve me COVID-19 po rritet nga ora në orë. Në këto momente, kur e gjithë administrata publike po bën përpjekje maksimale për të minimizuar dëmet nga virusi Korona, udhëheqësit e institucioneve qendrore, përfshirë këtu anëtarët e kabinetit qeveritar duhet të demonstrojnë maturi si në vendime ashtu edhe deklarime.

LEXO EDHE:  Studentët shqiptarë në SHBA/ Flasin mbi zgjedhjet presidenciale në Amerikë

LEXO EDHE:  Pse 1979-a, ishte viti që formësoi botën e shekullit XXI

Përmes deklaratave të tij të bëra publikisht, por jo edhe të mbështetura me qëndrime të tij në mbledhje të brendshme, Ministri i Punëve të Brendshme dhe Administratës Publike, z. Veliu ka dëshmuar mungesë të theksuar lidershipi dhe ka minuar hapur punën e qeverisë, pjesë e të cilës ai është.”-shprehet Kurti.

LEXO TE PLOTE