Connect with Us

Video-Abuzuan me çmimet/ Ndëshkohen katër administratorë subjektesh në Tiranë

Kronika

Video-Abuzuan me çmimet/ Ndëshkohen katër administratorë subjektesh në Tiranë

Publikuar

-

Policia e Shtetit bën të ditur se po vijojnë kontrollet e pandërprera në të gjithë vendin, për parandalimin dhe goditjen e rasteve të abuzimit me çmimet e medikamenteve, produkteve ushqimore dhe fruta-perimeve.

Sipas uniformave blu, në Tiranë janë proceduar penalisht 4 administratorë subjektesh, të cilët kishin abuzuar me çmimet në tregun agroushqimor në Kashar, Tiranë, nëpërmjet përpilimit të faturave fiktive.

“Në zbatim të masave për parandalimin e abuzimit me çmimet si pasojë e shfrytëzimit të situatës, si dhe nga denoncimet e shumta të bëra nga qytetarët në numrin 112 dhe Komisariatin Dixhital, të cilët kanë denoncuar subjekte që abuzojnë me çmimet e produkteve që tregtojnë në pikat e shumicës dhe të pakicës të tregut të fruta-perimeve, ushqimeve dhe produkteve farmaceutike, në të gjithë vendin vijojnë kontrollet e përbashkëta për këtë qëllim.

Në këtë kuadër, Seksioni për Krimin Ekonomik dhe Financiar në DVP Tiranë, në bashkëpunim me Drejtorinë e Përgjithshme të Tatimeve, nëpërmjet strukturave të Hetimit Tatimor në kuadër të task-forcës, ngritur për monitorimin e tregut dhe rritjes artificiale të çmimeve, ushtruan kontroll të befasishëm në tregun agroushqimor në Kashar, Tiranë, ku konstatuan dhe proceduan penalisht shtetasit K. Y., 43 vjeçe, M. S., 26 vjeç, I. B., 32 vjeç dhe A. XH., 44 vjeç, banues në Tiranë.

Pas hetimit me metoda speciale, nëpërmjet ndjekjes së linjës të tregtimit të fruta-perimeve (kryesisht të produkteve mollë, portokalle, limonë), u identifikuan subjekte e mësipërme, ku u ushtrua kontrollet përkatëse, bazuar në deklaratat e disa subjekteve (tregtar të pikave të pakicës).

LEXO EDHE:  Kengetarja Anastacia, koncert ne Tirane me 25 Gusht

Shtetasit e mësipërm, në cilësinë e administratorëve të pikave të shumicës në tregun agroushqimor në Kashar, dyshohen se kanë përpiluar fatura tatimore me shitje fiktive të çmimit të produkteve që i tregtojnë pikave të pakicës, duke abuzuar dhe përfituar me çmimet e tyre, si dhe kanë ushtruar aktivitetin e tyre tregtar, duke mos e pasqyruar me dokumentacionin përkatës, ku u administruan dhe materiale te tjera jotatimore.

Materialet procedurale iu kaluan Prokurorisë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprat penale “Fshehja e te ardhurave”, “Mospagim i taksave dhe tatimeve” dhe “Manipulim i tregut”.-thuhet në njoftimin e policisë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

8 ditë në këmbë deri në Pogradec/ Refugjatët afganë: “Ne nuk jemi terroristë”

Publikuar

-

Nga

8 ditë në këmbë deri në Pogradec/ Refugjatët afganë: “Ne nuk jemi terroristë”

Policia ka kapur ditën e djeshme 6 refugjatë afganë në hyrje të qytetit të Pogradecit në zonën e quajtur “Enkelana”. Mes tyre ishin 3 të rritur dhe 3 fëmijë.

Sipas burimeve ata kishin ardhur në këmbë nga kampi në Greqi drejt Korçës dhe nga Korça në Pogradec në këmbë. Ata janë parë nga kalimtarë të rastit si fillim që i kanë gjetur duke qarë në rrugë pasi kishin mbetur aty.

LEXO EDHE:  Dënohet në Itali për trafik droge/ Policia shqiptare e quan person të rregullt në shoqëri

LEXO EDHE:  Trafik i rënduar drejt Durrësit/ Policia tregon se si mund të shmanget

Ata rrëfejnë se kishin ecur rreth 7-8 ditë për të mbërritur deri në Pogradec.

Njëra prej vajzave adoleshente kërkonte të ikte në Tiranë tek nëna e saj dhe mes lotësh thotë që nuk do gjë tjetër veç të shkollohet.



“Nuk dua para, nuk dua ushqim, dua të shkoj në një vend më të mirë ku të shkollohem. Ne nuk jemi terroristë,” tha ajo./CNA.al

 

 

LEXO TE PLOTE

Aktualitet

Zbardhet ngjarja e ndodhur mbrëmë në Durrës/ Arrestohen 5 persona

Publikuar

-

Nga

Zbardhet ngjarja e ndodhur mbrëmë në Durrës/ Arreston 5 persona

Polica e Shtetit ka arrestuar në flagrancë 5 shtetas si dhe shpallen kërkim tre të tjerë, pas një sulmi me armë zjarri që ndodhi dje në Durrës, ku një person humbi jetën dhe u plagos djali i tij dhe një tjetër.

Policia kanë shkuar në vendngjarje dhe ka bëre të mundur, identifikimin e personave të përfshirë në konflikt, kapjen dhe arrestimin në flagrancë të shtetasve:

K.D., 20 vjeç, H.T., 23 vjeç dhe S.T., 20 vjeç, banues në Durrës.

Arrestimi i tyre u bë pasi më datë 18.09.2020, rreth orës 20:00, në lagjen nr.13, Plazh, Durrës, pas një konflikti të çastit për motive të dobëta, me mjete të forta e më pas me armë zjarri kanë mbetur të plagosur shtetasit E.Gj., 19 vjeç, H.T., 23 vjeç, të cilët ndodhen në spital nën kujdesin e mjekëve si dhe shtetasi A.B.(Gj)., 39 vjeç, i cili si pasojë e plagëve të marra ndërroi jetë në Spitalin Rajonal Durrës.

LEXO EDHE:  Do kandidojë përballë Ramës në Durrës?/ Përgjigjet Kryemadhi

LEXO EDHE:  Trafik i rënduar drejt Durrësit/ Policia tregon se si mund të shmanget

Në vijim të veprimeve u arrestuan në flagrancë dhe shtetasit :



E.C.(B)., 25 vjeç dhe A.K., 24 vjeç, banues në Durrës, për veprën penale “Moskallëzim krimi”

Gjithashtu po në vijim të veprimeve janë shpallur në kërkim policor edhe tre shtetas të tjerë ku vijon puna për kapjen e tyre.

Janë sekuestruar në cilësinë e provës materiale 3 automjete, 4 aparate celular si dhe pamje filmike në interes të zbardhjes dhe dokumentimit të plotë të ngjarjes.

Materialet i kaluan Prokurorisë së Rrethit Durrës, në ngarkim të shtetasve K.D., H.T., dhe S.T., për veprat penale “Vrasja me paramendim” kryer në bashkëpunim, “Armëmbajtje pa leje” dhe në ngarkim të shtetasve E.C.(B)., A.K., për veprën penale “Moskallëzim krimi”./CNA.al

 

LEXO TE PLOTE

Kronika

Makina përplaset me shtyllën dhe pastaj me murin e një banese/ Plagoset pasagjeri

Publikuar

-

Nga

Makina përplaset me shtyllën dhe pastaj me murin e një banese/ Plagoset pasagjeri

Një aksident me pasojë plagosjen e një personi është regjistruar mbrëmë në aksin rrugor Pogradec-Drilon.

Sipas të dhënave paraparake mësohet se drejtuesi i mjetit ka humbur kontrollin e makinës tip “Benz” duke u përplasur me një shtyllë ndriçimi dhe më pas me murin e një banese.



Si pasojë është plagosur pasagjeri, i cili momentalisht ndodhet në spitalin e Pogradecit.

LEXO EDHE:  Shkoi të merrte djalin nga çerdhja/ Arrestohet 40-vjeçari

LEXO EDHE:  Trafik i rënduar drejt Durrësit/ Policia tregon se si mund të shmanget

Policia po heton për të gjetur shkaqet e aksidentit./CNA.al

LEXO TE PLOTE