Lajme
Rrëfehet pacienti zero në Shqipëri/ Tregon shqetësimet dhe betejën me koronavirusin
Mbrëmjen e sotme kryeministri Edi Rama dhe ministrja e Shëndetësisë Ogerta Manastirliu konfirmuan se pacienti zero i konfirmuar me koronavirus në Shqipëri ka bërë testimin pas mjekimit dhe ka rezultuar negativ.
Lidhur me infektimin dhe betejën me koronavirusin e ri ka folur vetë pacienti , i cili tregon se temperatura i ka filluar ditën e tretë, ndërsa probleme me frymëmarrjen rrëfen se ka pasur ditën e pestë.
“Ditën e parë kisha vetëm djersë dhe asnjë lloj shqetësimi tjetër. Ditën e tretë filloi temperatura, 38.2 apo 38. 3. Ditën e pestë ka vazhduar mungesa e frymëmarrjes, por jo e papërmbajtshme. Pak e zorshme, por jo e pamundur. Jam ndihmuar nga mjekët me anë të telefonit ku kam folur me doktorët dhe urgjencën. Jo se kam trajtime me antibiotik. Jam ushqyer si ditë të tjera. Kam pirë paracetomol kur kam pasur temperaturë. Kam pirë lëngje. Është çështje paniku më shumë, nuk është një gjë e pamenaxhueshme. Është pak më shumë se gripi normal. Jam në ditën e tetë. Javën tjetër bëhet tamponi i parë dhe kuptoj nëse kam koronavirus.
Sot jam shumë mirë. Kam vetëm pak kollë. Është një kollë e thatë por jo e bezdisshme. Është një grip shumë i menaxhueshëm. Nuk ka nevojë për t’u shqetësuar njerëzit. As për frymëmarrjen, as për temperaturën e lartë. Familjarët e mi janë në karantinë por nuk janë të infektuar. Unë mund të dal para të hënës me rezultat negativ ndaj koronavirusit. Unë mendoj se e gjithë është vetëm paniku. Po qe se njerëzit do ta kuptojnë kalon shumë më lehtë. Një çikë frikë ishte në fillim. Nuk është se të bllokon menjëherë. Ushqehu mirë, hap dritaret dhe dil në ballkon. Më ka ndihmuar familja”, tha ai për “Open”.
Më tej ai tregon se virusin mund ta ketë marrë gjatë një darke me shumë njerëz ku janë infektuar vetëm tre persona, ndërsa theksoi se jo gjithkush që ka kontakt me një të prekur mund të infektohet./ CNA.al
Lajme
Mashtrime të paprecedenta në kohën e Koronavirusit/ Platforma televizive Digitalb gënjen qytetarët
Organi më i lartë i futbollit në Europë (UEFA), vendosi që të shtyjë Europianin e planifikuar për t’u luajtur këtë vit, për shkak të situatës së jashtëzakonshme të CONVD-19, teksa ky kompeticion do të zhvillohet vitin e ardhshëm.
– Po çfarë nuk shkon në këtë mes? Eventet u anuluan, Digitalb shpalli fitoren…
Drejtori i Supersportit, njëkohesisht dhe komentator sportiv, Dritan Shakohoxha, mashtroi hapur disa ditë më parë, abonentët e “Supersportit”, pjese e platformës “Digitalb” duke deklaruar, se pas lajmit që po qarkullonte prej kohësh se do të shtyhej Europiani, “Digitalb” menjëherë bleu Copa America. Një mashtrim ordiner ky, pasi licencën e këtij kopeticioni, i shtyrë gjithashtu për vitin e ardhshëm disiponohet nga një tjetër agjensi të drejtave. “CNA” e sfidon publikisht Shakohoxhën të tregojë dokumentin e blerjes së “Coppa Americas”. Në rast të kundërt të bëjë një deklaratë publike dhe t’iu kërkojë falje abontentëve që janë mashtruar pa pikë turpi dhe t’iu kthejë paratë të gjithë atyre që kanë bërë abonimet nga momenti i deklaratës së Shakohoxhës. As Europian dhe as Coppa America, por vetëm deklarata delirante dhe nxitje për të shitur sa më shumë abonime. “Viktimat” gjithmonë mbeten të njëjtë… qytetarët shqiptarë.
“Zyrtarisht do të vendoset shtyrja e Europianit. Një ekskluzive e ‘Supersportit’. Digitalb po sot që u mor vesh lajmi që mund të shtyhet Europiani, zyrtarizon blerjet e Copa America. Kjo verë nesë do të luhet Europiani do të jetë Botërori i parë me 2 finale Botërore, se do të jetë dhe Europiani dhe Coppa America.O të dyja ose njëra do të luhet, nuk do të diskutohet”, deklaronte Shakohoxha disa ditë më parë.
– Video e mëposhtme flet vetë, ajo tregon gjithçka çfarë ka thënë Shakohoxha dhe çfarë ka ndodhur relisht. Në një situatë që të gjithë ishin në dijeni se Europiani do të shtyhej për shkak të Koronavirusit,Shako gënjeu kur tha atë ditë që Digitalb bleu të drejtën e transmetimit të Copa Amerika, licencën e së cilit e disponon një tjetër agjensi./CNA.al
Lajme
Ndikimi i koronavirusit në ekonomi/ Luan Bregasi i propozon qeverisë të hapë bizneset
Kryetari i “Biznes Albania” Luan Bregasi ka folur për situatën aktuale në të cilën ndodhet vendi dhe për ndikimet që mund të sjellë koronavirusi në ekonomi.
Bregasi deklaroi me bindje se ky virus i ri do të ndikojë në ekonomi dhe i propozoi qeverisë që në qytetet ku nuk ka raste të konfirmuara, të mos i mbyllë bizneset.
“Qytetet ku nuk ka raste me COVID-19 nuk është mirë që të mbyllen bizneset. Qeveria gradualisht të kthejë sipërmarrrësit të punojnë. Tregu i punës duhet të fillojë. Mendoj që vete qeveria duhet të fillojë të mendojë shumë fort. Unë kam disa ide që mund t’i flasim së bashku”, tha biznesmeni në emisionin “Top Talk”./ CNA.al
Lajme
“Dosja Top Channel”, pjesa e dytë/ Gjyqet, paditë në prokurori dhe përplasjet vazhdojnë
Një rrugë e gjatë e pandalshme, padi penale, çështje në gjykim, prokuroria në lojë dhe palët janë në përplasje të plotë. Në Gjykatën e Faktit ka disa kërkesa, përjashtim gjyqtarësh, më pas kallëzime në prokurorinë e Tiranës. Vendime pro njërës palë që rrëzohen në favor të palës tjetër. Beteja e aksioneve vazhdon me proçedurat e gjykatave të Shqipërisë. Strukturë e akuzuar shpesh si një sekt i korrupruar, që tashmë është përfshirë në vetting.
Më poshtë po sjellim pjesën e dytë të “dosjes Top Channel”, e cila i është dorëzuar ambasadores së SHBA në Tiranë, Yuri Kim, pak kohë më parë, një fakt që CNA.al e raportoi disa ditë më parë. (Lexo ketu)
Më 15 shkurt 2016, kërkuesit i janë drejtuar sërish Gjykatës së Rrethit Gjyqësor Tiranë me kërkesën për përjashtimin e gjyqtares Teuta Hoxha nga gjykimi i mëtejshëm i çështjes civile me nr. 5059 Akti.
Me vendimin Nr.232, datë 01.03.2016, Gjykata e Rrethit Gjyqësor Tiranë ka vendosur “pranimin e kësaj kërkese dhe përjashtimin e gjyqtares Teuta Hoxha nga gjykimi i kësaj çështje civile.”
Gjthashtu, me anë të një kallëzimi penal datë 18.02.2016, drejtuar Prokurorisë së Rrethit Gjyqësor Tiranë, Z. Albert Sino dhe Z. Aurel Baçi, kërkojnë kryerjen e hetimeve dhe ushtrimin e ndjekjes penale ndaj gjyqtares së Gjykatës së Rrethit Gjyqësor Tiranë, Teuta Hoxha për krimet e “shpërdorimit të detyrës” dhe “falsifikimit të dokumentave” nga personi që ka për detyrë hartimin e tyre.
Gjithashtu, në mbrojtje të të drejtave ligjore të cënuara dhe të shkelura në mënyrë flagrante në kundërshtim me të gjithë legjislacionin përkatës në fuqi në Republikën e Shqipërisë, Pala e Paditur ju drejtohet nëpërmjet shkresave zyrtare shumë institucioneve kombëtare dhe ndërkombëtare të tilla si Presidentit të Republikës së Shqipërisë, Kyreministrisë, Kuvendit, Këshillit të Europës, Delegacionit Europian, Diplomacive të huaja si Ambasadës Amerikane, Britanike, Hollandeze etj.
Më datë 17.02.2016, Albert Sino dhe Aurel Baçi kundrejt masës së sigurisë kanë paraqitur ankim duke iu drejtuar Gjykatës së Apelit Tiranë, ku kërkojnë ndryshimin e vendimit të Gjykatës së Rrethit Gjyqësor Tiranë, Nr. 5059, datë 05.02.2016 dhe heqjen e masës së sigurimit të padisë.
Gjykata e Apelit pas analizimit të çështjes vendosi “lënien në fuqi të Vendimit Nr. 5059, datë 05.02.2016.”
Ndërkohë, në lidhje me padinë e themelit kundrejt të paditurve Albert Sino dhe Aurel Baçi me detyrimin për t’i njohur paditësit pronar edhe mbi 60% të aksioneve të shoqërisë “Top Channel” sh.a, duke kërkuar edhe “ligjërimin” e masës së sigurimit të vendosur me Vendimin Nr. 5059, datë 05.02.2016, Gjykata e Rrethit Gjyqësor Tiranë me vendimin Nr.3873 datë 09.05.2016, pas shqyrtimit dhe gjykimit në themel të çështjes nga gjyqtarja Marinela Osmani, vendos “rrëzimin e padisë së palëve paditëse Vjollca Hoxha, Lorela Hoxha, Sara Hoxha, Redia Hoxha dhe Itan Hoxha si dhe heqjen e masës së sigurimit të padisë.”
Ndaj këtij vendimi është ushtruar ankim nga pala paditëse në Gjykatën e Apelit Tiranë. Kjo e fundit, me vendimin nr.436, datë 10.06.2016, vendosi “lënien në fuqi të vendimit nr. 5059 Akti, datë 05.02.2016 të Gjykatës së Rrethit Gjyqësor Tiranë.”
Palët Albert Sino dhe Aurel Baçi, paraqitën rekurs pranë Gjykatës së Lartë kundër vendimit nr.436, datë 10.06.2016 të Gjykatës së Apelit Tiranë dhe vendimit nr. 5059 akti datë 05.02.2016 “për sigurimin e padisë” të Gjykatës së Rrethit Gjyqësor Tiranë./ CNA.al
Vijon
Ekskluzive/ Dosja Top-Channel, përfundon në ambasadën Amerikane
“Dosja Top Channel”, pjesa e parë/ Si u themelua dhe filluan përplasjet në gjykata
Si do të zgjidhen gjyqet e Top Channel në Gjykatën e Lartë?!
Dosja “Top Channel”/ Skandalet nga aksionet tek gjyqet dhe shantazhet
Vjollca Hoxha humb betejën me bosët e mëdhenj për Digitalb/ Bie “monopoli” i vendimmarrjes
Skandali/ Zbulohet skema e plotë, si pronarët e inceneratorëve paguan aksionerët e Top Channel
Si i “vrau” Vjollca të gjithë shokët dhe bashkëpunëtorët e Tanit të Top-it
Top Channel dhe Vjollca Hoxha shantazh gjyqtarëve
‘Vetingu’/ “Top Channel” vë në shënjestër gjyqtarët që nuk i përulen Vjollca-Blushit
Top Channel dhe Vjollca Hoxha shantazh gjyqtarëve
Top Channel i shpall “luftë” gjyqtarit/ Vjollca Hoxha dërgon nipin në protestë
Top Channel sulmon Gjykatën e Lartë në prag të gjyqit për aksionet e pronësisë
Si do të zgjidhen gjyqet e Top Channel në Gjykatën e Lartë?!
