Sociale
Përhapja e koronavirusit/ Muka: Një person i lirë me COVID-19 mund të infektojë 240 të tjerë
Studiuesi Taulant Muka, në një lidhje me emisionin “Opinion” ka shpjeguar me shifra se si mund të përhapet koronavirusi në varsi të masave që mund të marrë një shtet.
Sipas tij, një person i prekur nga virusi, i lirë mund të infektojë deri në 240 perssona të tjerë.
“Një person infekton 2.5 persona të tjerë me një periudhë inkubacioni medium prej 5 ditësh. Do të thotë që një person po u la i lirë infekton 240 persona të tjerë. Kjo ndryshon në varsi të kulturës dhe sistemit. Në rast të prekjes së popullatës shqiptare në mas 70% që do të ishin 55 mijë raste në një muaj, gjë e cila është e pamundur për Zvicrën e çdo shtetë tjetër.
Nëse ne do kemi deri në masën 50% atëherë ne do të shkonim deri në 865 raste në muaj, shtrim në spital. Është një opsion i mundshëm që kërkon një disiplinë të jashtëzakoshme. Gjithçka janë të bazuara nga të dhënat e Kinës. Por, sigurisht që duhen të merren të dhëna nga Shqipëria që të ndihmoj shtetin shqiptar që të marrë masat e duhura”, tha ai.
Sociale
Covid-19 nuk është grip!/ Pneumologu: Gjasat që një pacient i shëruar të infektohet sërish janë të vogla
Doktor Perlat Kapisyzi, i ftuar në emisionin “Përballë” teksa ka folur për situatën nga koronavirusi tha se gjasat që një pacient i shëruar të prekët sërish janë shumë të vogla.
“ Nuk është grip. Nëse pandemitë e gripit e kanë mortalitetin nga 0-1% deri në 2%,3% Covid-19 thuhet deri tani që e ka vdekshmërinë 2%, 3%. Është interesante që në gjithë këtë sfidë që ka pasur bota dhe shkencëtarët, krociera Diamond Princess i dha mundësinë që të përcaktonin saktë se sa ishte mortaliteti I bazuar në infeksionin real. Kurse deri në atë moment pa dalë studimi vdekshmëria ishte naive sepse nuk dinin më saktësi se sa realisht kanë vdekur nga Covid-i dhe sa është realisht numri i të infektuarve që një pjesë janë asimptomatik. Dhe doli që vdekshmëria reale ishte 0.5 %.
Gjasat janë të vogla që një pacient i shëruar të marr sërish virusin. Gjasat janë mbas një kohe që I lejon virusit të pësojë një mutacion. Ashtu si gripi, ne e marrim një vit, por mund ta marrim sërish vitin tjetër nëse ka ndodhur një mutacion.”
Sociale
A do të ndikojë ngrohja e kohës në zhdukjen e pandemisë?/ Ja çfarë thonë mjekët
Shkencëtarë të ndryshëm në botë ndajnë mendime të ndryshme përsa i takon efektit që do të kenë temperaturat e larta kundër virusit korona. Lidhur me këtë ka folur dhe mjeku i njohur pneumolog në Shqipëri, Perlat Kapisyzi, i ftuar në emisionin “Përballë” .
“Shpresat janë por shpresat nuk janë që të presim ishallah po ngrohet koha. Teoria e ngrohjes se kohës është si ajo që o zot më ndihmo të më bjerë llotaria dhe zoti tha bli njëherë biletë pastaj ta shohim. E njëjta gjë, temperaturat mund ti presim por nqs ne do jemi të kujdesshëm dhe të fortë në vendimarrje, kjo përsa i përket kufizimit dhe distancimit social dhe gjurmimit te rasteve. Sigurisht dhe higjenes personale. “
Doktor Kapisyzi shtoi se çëlsi i suksesit kundër koronavirust është distancimi social dhe higjena personale.
“ Rruga respiratore është rruga kryesore e përhapjes, pra me spërklat e pëshymës, prandaj distancimi social dhe higjena personale të dyja këto bashkë janë masa të domosdoshme për të thyer zinxhirin e përhapjes së këtij infeskioni. “
Por a duhet distacim edhe Brenda murave të shtëpisë?
“Covid ka një përqasje biologjikisht ndryshe nga gripi, ai të lë pesë ditë ta përhapësh, të kesh kontakte për të infektuar. Ndërsa gripi të lë dy ditë. Nëse rrini 5 ditë me njerëzit e shtëpisë dhe ditën e 6-të personi ka shenja këto 5 ditë janë ditë që mund të kenë infektuar njerëzit e shtëpisë. E vetmja mënyrë është vetizolimi, nuk duhet të ketë panik. Dëgjoj që thonë kam dalë pozitiv ca të bëj me prindërit. Atehërë do rrish i izoluar me maskë, dhe ata me maskë gjithashtu dhe në pritje për simptomat”, tha ai.
Sociale
“Fillimi i mbarë, gjysma e punës”/ Tritan Kalo entuziast: Në një kohë jo të largët do ta zëmë shah-mat këtë sëmundje
Ndërsa në Shqipëri numri i të prekurve nga koronavirusi ka arritur në 55, një lajm i mirë erdhi mbrëmjen e sotme nga Spitali i Infektivit, ku ministrja e Shëndetësisë Ogerta Manastriliu bëri me dije se “pacienti zero” është drejt shërimit, ndërsa pritet dhe një analizë e dytë për tu konfirmuar plotësisht.
Këtë lajm të mirë e ka ndarë dhe mjeku Tritan Kalo, teksa shprehet besimplotë se puna, përkushtimi dhe profesionalizmi i mantelbardhëve në një kohë jo të largët, do ta “zërë shah-mat” këtë sëmundje mjaft të rrezikshme por jo të pamposhtëme.
“FILLIMI I MBARË shënon edhe gjysmën e punës….Negativizimi dhe pragshërimi i plotë i të sëmurit të parë me Covid-19, shënon një SUKSES të merituar të ekipit të Shërbimit të Sëmundjeve Infektive….SUKSESE edhe të mëtutjeme të gjithë Mantelbardhëve, Infermjerëve, Imazheristëve, Farmacistëve, Sanitarëve, Barelistëve, Koordinatoreve dhe Administratoreve të Shërbimit të Sëmundjeve Infektive në QSUT “Nënë Tereza”…..Jemi për momentin “remi” në ndeshjen e gjatë të shahut me supertinzarin Covid-19…PUNA, PROFESIONALIZMI dhe PËRKUSHTIMI i ekipit tone, jam mëse i sigurtë se në një kohë jo të largët, do ta “zërë shah-mat” këtë sëmundje mjaft të rrezikshme por jo të pamposhtëme…. Durimi, Guximi dhe Këmbëngulja e të gjithëve NE, por edhe e të gjithë kolegëve në QSUT si dhe në ngrehinat e tjera të Shëndetit Publik të paracaktuara për ndjekjen e të sëmurëve me Covid-19, do të na nxjerë PATJETËR faqebardhë në këtë betejë për triumfin e JETËS!!!
