Connect with Us

Nga Astrit Patozi/ Luftën do ta fitojmë me këto që na ndodhen

Opinione

Nga Astrit Patozi/ Luftën do ta fitojmë me këto që na ndodhen

Publikuar

-

Nga Astrit Patozi/ Janë edhe më qesharakë, seç i dinim

Meqë tani qenkemi në luftë, dikush mendon se duhet patjetër të sillemi si gjermanët, francezët, anglezët dhe kështu me radhë e me radhë. (Me italianët nuk para kemi qejf të krahasohemi këto ditë, sepse ata po e vuajnë shumë më tepër se të tjerët betejën me sëmundjen). Me argumentin se edhe ata po kalojnë të njëjtën gjëndje, ndaj edhe nuk kemi pse të jemi të ndryshëm.

Jo more! Pse kaq e thjeshtë qenka? Të kishte qenë tamam ashtu, ne na takonte të organizonim manifestime për mirëseardhjen e virusit në të gjitha pikat kufitare. Sepse ku ta gjenim të vinte ajo ditë.

Mos kujtoni se ka mbërritur komunizmi në botë, por është thjesht një gjëndje e përkohshme pandemie. E cila do të kalojë shpejt a vonë dhe gjithkush do të ndjekë fatin e vet, aty ku e gjeti apo e la koronavirusi, por jo duke e filluar nga e para. Se mos pretendojë ndonjëri që kur të shpëtojmë nga epidemia nuk do të ketë më të pasur dhe të varfër, shtete të fuqishme dhe të dobëta, por do të bëhemi të gjithë njësoj.

Ndaj edhe injorojini këto moralizime bajate, por vijoni të jetoni si shqiptarë, me të gjitha të mirat dhe të këqijat tona, vetëm mos dilni nga shtëpia! Dhe për këtë arsye, lexoni dhe dëgjoni më shumë se çfarë bëjnë të tjerët, i cili është edhe përfitimi më i madh që na vjen nga karantina.

Mos u shqetësoni fare nga kryqëzimi i zjarrit politik, si në kohë ditësh të zakonshme, sepse sot ata, që po kacafyten janë edhe më pak të parrezikshëm për njëri-tjetrin, për vendin, po se po. Ngaqë edhe ata janë të mbyllur si të gjithë. Është e thjeshtë, nëse në paqe nuk kemi qenë si të tjerët, mos prit që këtë çështje ta zgjidhë lufta.

Ndaj edhe mos kini asnjë merak për polemikat e ashpra dhe për debatet e pakuptimta për çdo vend tjetër në këtë kohë qameti për planetin.

Shani sa të mundeni qeverinë, madje edhe për gjërat, që mund t’i ketë bërë mirë, vetëm mos dilni nga shtëpia! Trajtojeni si Nastradini, që e rrihte gruan paradhënie, sapo zgjohej në mëngjes, se ishte i sigurt që ajo do ta meritonte më vonë drurin. Edhe në mos bëftë ndonjë paudhësi në të ardhmen, ngaqë është kjo frika e virusit nëpër këmbë, ka kryer plot gabime në të shkuarën, për të cilat nuk është ndëshkuar.

Ankohuni dhe talluni me çdo propozim që vjen nga opozita, edhe kur ato i miratoni vetë pas disa orësh, vetëm mos dilni nga shtëpia! Quajeni si bekim nga perëndia fatin që na goditi ky kryeministër dhe drejtojini tytat nga kundërshtari, që nuk po ju lë të qetë të punoni siç duhet, vetëm mos dilni nga shtëpia! Të mos harrojmë se shqiptarët kanë përballuar epidemi shumë të rënda edhe kur nuk kanë pasur shtet dhe qeveri fare, por kjo është temë tjetër.

Kërkoni të kthehemi në një regjim monist si Kina, që mbylli me darë të hekurt provinca të tëra disafish sa Shqipëria, apo të bëhemi si Anglia, që e ka ndarë mendjen ta lërë të lirë virusin të livadhisë mbi grinjën e vet, vetëm mos dilni nga shtëpia! Tek e fundit, çfarë po humbni që e kërkoni?

LEXO EDHE:  8 raste të reja me COVID-19 në Kosovë/ Shërohet plotësisht pacienti i parë

Vini kushte të forta për qeverinë se duhet të kompensohemi si gjermanë për çdo humbje, që mund të na shkaktohet pas 30 vjetësh nga rënia e ekonomisë, qysh në ditën e tretë të karantinës, vetëm mos dilni nga shtëpia! Sepse, megjithëse nuk janë shqiptarë, edhe vetë gjermanët po mbyllen në shtëpitë e tyre.
Ankohuni për mushkëritë tuaja që nuk janë mësuar me ajër kaq të pastër, që vjen nga mungesa e makinave, qahuni sa të doni nga monotonia apo monogamia e jetës së mbyllur në një dhomë, vetëm mos dilni nga shtëpia!

Zemërohuni me gazetarët apo mediat, ngaqë mendoni se iu shtojnë panikun, dhe revoltohuni po ashtu nga masat e qeverisë për kufizimin e tyre, sepse gjykoni se ju pengojnë të informoheni, vetëm mos dilni nga shtëpia!
Bëni gjithë ditën humor me batuta, meme, anekdota dhe me video komike të huaja apo shqiptare, madje vini kujën për mungesën e pajisjeve mjekësore në spitale, megjithëse e keni biznes privat importimin e tyre, vetëm mos dilni nga shtëpia! Sepse nuk nuk është shaka, por luftë. Mund të bësh humor, por nuk mund të tallesh.

Dhe po nuk dolëm nga shtëpia, ndoshta nuk do të na vijë dita kurrë që të paraqitemi në spitale me kollë të thatë e me temperaturë, që pastaj dikush prej nesh të mashtrojë mjekët, si askund tjetër, për shkak të keqkuptimit se sëmundja është turp. Më kujtohet Spartak Ngjela që thonte dikur se “ne shqiptarët, jemi populli më i mirë në botë, por kemi një të keqe, se gënjejmë avokatin dhe pastaj duam të fitojmë gjyqin”.

Ajo që kemi në dorë sot është vetëm të ruhemi sa të mundemi dhe të presim ditën e çlirimit, e cila nuk do të na vijë, as nga fuqia dhe as nga sakrifica jonë, por nga të tjerët më të fortë e më të përgatitur, që po e vuajnë njësoj si ne këtë flamë.

Në këtë luftë të madhe botërore, për shkak se jemi më të dobët dhe për rrjedhojë më të pambrojtur, na është caktuar detyra më e lehtë, thjesht të mbijetojmë, duke mos u sëmurur të gjithë njëherësh.

Nuk është aspak një fjalë goje, por nuk di të ketë gjë më thjeshtë për të bërë në një luftë, se sa të mos dalësh nga shtëpia. Kam shumë besim se do t’ia dalim, ndoshta sepse është e vetmja mundësi. Sigurisht, me këto që kemi.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Astrit Patozi/ Sondazhet e shtuara janë lajm i mirë

Publikuar

-

Nga

Nga Astrit Patozi/ Sondazhet e shtuara janë lajm i mirë

Denduria e pazakontë sondazheve dhe sidomos diferencat e tyre të mëdha me njëra-tjetrën janë në fakt sondazhi më i mirë se të dyja blloqet e vjetra të politikës e kanë ndjerë se po u lëkunden themelet.

Ndaj mos u çudisni kur ato të shpeshtohen edhe më shumë me afrimin e datës së zgjedhjeve. As kur rezultatet e tyre të lëkunden si lavjerrës, herë nga e kuqja e herë nga e zeza, sikur të bëhej fjalë për dy vende të ndryshme dhe jo për të njëjtën Shqipëri.

Tek e fundit le të harxhohen pak më shumë se herët e tjera, se lekë korrupsioni i kanë. Dhe le t’i hakërrehen njëri-tjetrit si gjithmonë me fitoret në letër, si tigra prej letre që janë, se në fund fare bashkë do të jenë prapë.

Lajmi i mirë është që ata po djersisin, duke u kacavjerrë pas shifrave që i porosisin vetë, ngaqë janë në vështirësi.

LEXO EDHE:  “Ne jemi shteti”/ Fasada dhe propaganda nuk kursehet as te uniformat blu 

LEXO EDHE:  Tritan Kalo flet për RTSH Korça/ “Të ardhurit nga zonat e nxehta, rrezik potencial për përhapjen e koronavirusit”

Ndaj edhe zero vëmendje dhe zero shqetësim për sondazhet e tyre, që thjesht demaskojnë merakun e madh që kanë për humbjen e supremacisë.

Shqiptarët e lirë e kanë kuptuar se vota kundër tyre më 25 prill është e vetmja mënyrë për nisjen e rënies së palavdishme të kryetarokracisë, si një sistem i deformuar politik në funksion të interesit personal dhe familjar të 3-4 individëve.

LEXO TE PLOTE

Opinione

Fantazma e Ramës tre herë kryeministër dhe Kodi i Damianit

Publikuar

-

Nga

Fantazma e Ramës tre herë kryeministër dhe Kodi i Damianit

Nga Lorenc Vangjeli

Ilir Meta kishte të drejtë dy vjet më parë, kur shihte para syve fantazmën e Edi Ramës, bekuar nga Basha e Kryemadhi si tre herë kryeministër. Rama ju rishfaq në triumn e 2021-shit pikërisht kur PD e LSI kërcenin nën harenë e daulleve duke dezertuar nga përfaqësimi në Kuvend.

Sali Berisha, njeriu që kishte promovuar më shumë se kushdo tjetër bojkotin dhe kishte kërcënuar edhe me djegie mandatesh, nuk e fshehu muaj më pas dhembjen e thellë që bllon e tij prej lojtari politik, të vetët e kishin shndërruar në fakt duke menduar se po bënin politikë.

Instikti i tyre ju sugjeroi se djegia e mandateve ishte një akt kamikaz në themelet e sistemit. Dhe si i tillë, ai vriste pamëdyshje atentatorët duke dëmtuar tmerrësisht shumë edhe vetë sistemin. Dhe duke i dhënë Edi Ramës në të njëjtën kohë dhuratën që ai nuk e priste as në ëndrrat e tij më të guximshme: të qeveriste pa opozitë! Ikja e opozitës reale dhe futja në parlament e lloj – lloj personazheve groteskë, nga budallenjtë tipikë, tek mashtruesit e vegjël, nga idealistët që ju vihej çmim konkret tek mungesa e çmimit real për votën e tyre tek Kodi Zgjedhor e ndryshimet kushtetuese, u shndërrua në dhuratën pa çmim për Edi Ramën.

Dy vjet më pas, të gjitha parashikimet për të nesërmen bashkohen më një pikë. Përkundër logjikës së traditës dhe traditës që respekton një logjikë të caktuar politike, të majtët e Edi Ramës kanë shanse të jashtëzakonshme për një tris të pushtetit të tyre. Dhe kjo konrmohet jo vetëm nga sondazhet ciklike që kreu i qeverisë konsulton për vete, por edhe nga sondazhet që kanë lluar të bëhen publike.

Sondazhi i Ora News, një televizion jo miqësor me socialistët, rikthen traditën e suksesshme të dhjetë vjetëve të fundit të sondimit të opinionit meAntonio Notton dhe IPR marketing. Një muaj më parë, një tjetër institut italian sondimi, Piepoli dhe Report TV, një televizion më pranë qëndrimeve të së majtës, i dha ngjyrën e socialistëve rezultatit të 25 prillit. Një seri sondazhesh të zhvilluara nën emrin e ekspertit të njohur shqiptar Eduard Zaloshnja, gjithashtu pranojnë të njëjtin trend raportesh hierarkie mes tre partive kryesore, në të cilin PS është disa pikë larg PD-së e LSI-së.

Edhe më skeptikët dhe kritikët e këtyre parashikimeve do të duhej të pranonin çfarë kanë të përbashkëta këto sondazhe, të cilat konrmojnë disa të vërteta që pritet të verikohen si të tilla më pak se 100 ditë më pas. E para, që e majta në përgjithësi vazhdon të jetë maxhorancë absolute në vend. Dhe në një skenar hipotetik që nuk ndodh, PS plus LSI, nuk do ta diskutonin toren. Dhe e dyta, që nëse do të ishin në një koalicion të përbashkët, atë që nuk e lejon sot Kodi Zgjedhor, PD dhe LSI, do të shndërroheshin në maxhorancë. Ky është thelbi që duhet kuptuar nga shpjegimi i përbashkët e këtyre sondazheve që janë bërë publike deri tani, por dhe të të tjerëve që diktojnë po të njëjtin trend: Kodi Zgjedhor është aleat i socialistëve.

LEXO EDHE:  Koronavirusi/ “Maskat kirurgjikale nuk ju mbrojnë”

LEXO EDHE:  Konfirmohen tre të prekur nga koronavirusi në Greqi

Duke mos lejuar koalicionet, Kodi i Damianit shmang skenarin më të keq për socialistët, bashkimin e opozitës. Dhe nga ana tjetër, afron mundësi reale që PS-ja të mbajë pushtetin, edhe sikur të ruajë të njëjtin nivel përfaqësimi nga 2017-ta, e vetme në zgjedhje dhe përballë PD e LSI jashtë formulës së koalicionit të përbashkët. Nëse do të fshehësh diçka në politikë, bëje në mënyrë të dukshme.

Kjo është një aksiomë që në Shqipëri është vërtetuar shumë herë. Pakkush e kuptoi nga opozita paralajmërimin publik të bërë së paku që në janarin e vitit të shkuar, atëherë kur Damian Gjiknuri kërcënonte në emër të Edi Ramës se nëse zgjatej pafund lista e pretendimeve të opozitës për Kodin, partia e tij do të kërkonte të refuzoheshin koalicionet. Kjo ishte baza mbi të cilën kjo dyshe i plotësoi opozitës çdo tekë elektorale, por mbajti në xhep çelësin e Kodit.

Sot është bërë e qartë se Kodi Zgjedhor e mban PS-në në lojën për pushtet, edhe përkundër konsumit të kuptueshëm të pushtetit të saj në dy mandate. Nëse shpërndarja e votave do të ishte sipas trendit të 2017-ës, PS do të qeverisë sërish edhe me një rënie të numrit të përgjithshëm të votave. Nga 48 për qind që ju deshën për 74 mandatet e 2017-ës, ajo mund të qeverisë në 2021-shin edhe me 45 për qind të votave, pikërisht falë Kodit Zgjedhor.

Kështu duhet kuptuar sot mërzia e hershme e dy personazheve të fortë të politikës shqiptare, Metës dhe Berishës për aktin më absurd të politikës shqiptare në vite, djegien e mandateve dhe më pas, edhe për bojkotin e zgjedhjeve lokale. Basha dhe Kryemadhi ishin njerëzit që thurrën fjongon e dhuratës për Edi Ramën: në fillim Kodin e Damianit si “aperitiv” dhe pastaj mandatin e tretë të Rilindjes si menu katër vjeçare për gjithë shqiptarët./CNA.al

LEXO TE PLOTE

Opinione

Votimi elektronik, Mondi dhe dublanti humbës Salianji

Publikuar

-

Nga

Nga Artur Ajazi

Në qarkun e Korçës, i deleguari i Lulzim Bashës, ka një dublant të përshtatshëm për të justifikuar humbjen. Ai qark është përzgjedhur nga KQZ si “qark pilot” nga ku mund të realizohet votimi elektronik në 25 Prill, dhe ka peshë të konsiderueshme në zgjedhjet e reja parlamentare. Dhe ndoshta pikërisht për këtë gjë, Lulzimi ka preferuar të dërgojë atje mes dimrit të acartë, Edmond Spahon njeriun që dështoi të riorganizonte degën e PD Elbasan, (duke marrë atje dy humbje rradhazi) dhe humbësin apo njeriun e pavotuar për tu bërë pjesë e listës “së re” Ervin Salianji. Përgjatë gjithë procesit të pergatitjeve për zgjedhjet e reja dhe fushatë, Mondi do të dublohet nga Salianji.

Duket se Lulzimi kërkon që të zgjerohet “rrezja” e goditjeve për të sakrifikuar të tjerët për humbjen e madhe, dhe justifikuar punën e tij të dobët. Dihet se si është bërë përzgjedhja e drejtuesve politikë të cilët do të kenë “fatin” të kenë me vehte edhe dublantë ndihmës, për të mbajtur “peshën” e madhe të kësaj fushate. Sikur të mos kishte ndodhur asgjë në Elbasan, në qarkun me shumë probleme në fushën e organizimit të asaj partie, Edmond Spaho ka marrë transferimin e papritur, dhe është nisur drejt një qarku tjetër të madh, i cili historikisht njihet si shumicë socialiste. Por në fakt cila është gjendja reale në degën e Partisë Demokratike në Korçë, nga ku Lulzimi ka varur “shpresat”e humbura tek Mondi dhe dublanti Salianji.

Dihet se PD në Korçë, ka marrë goditje të fuqishme qysh nga 2013, dhe nuk mund të bëhet fjalë për “fitore absolute”, aq më tepër që ajo degë pothuajse nuk ka as kryesi të zgjedhur prej vitesh. Ndërkohë, edhe pse shpesh është ankuar se “reforma territoriale ka dështuar dhe se rishikimi i hartës është prioritet absolut i opozitës”, duket se kryetari i PD-së, nuk ka një opsion alternativ në tryezë poskthimit në variantin e 384 njësive vendore, por edhe ai model është provuar si i dështuar në fakt për atë parti. Për këtë ja vlen të përmendim situatën e krijuar në territorin e vendit me ndërtimet pa kriter gjatë mbretërimit të qeverisjes së demokratikasve, dhe kthimin e ish-komunave të dikurshme në qendra punësimi partiak.

LEXO EDHE:  Gazetari zbulon burrin e deputetes socialiste me virusin “Korona”

LEXO EDHE:  Tritan Kalo flet për RTSH Korça/ “Të ardhurit nga zonat e nxehta, rrezik potencial për përhapjen e koronavirusit”

Për këtë arsye PD-ja më tepër sesa një opsion për “korrigjim”, duket se propozon një model ku ka siguri elektorale dhe përfaqësimi. Akuza e saj se “reforma territoriale diskriminon elektoralisht atë”,mund të ketë bazë por ajo nuk mund të absolutizohet. Vetëm pak ditë më parë kryetari i PD-së Lulzim Basha deklaroi se “për sistemin zgjedhor le të vendosin shqiptarët, pasi PD-ja fiton me çdo sistem” pavarsisht se në mënyrë hileqare, aludoi për një “{referendum” që ai e di shumë mirë se nuk ka gjasa të zhvillohet. Por duke u kthyer te Korça, ja vlen të përmendim faktin se, ai qark konsiderohet nga demokratikasit si “barometri i zgjedhjeve”, dhe pikërisht atje Lulzimi delegoi njeriun më apatik dhe më të paaftë, duke i vënë pas edhe kandidatin e përjashtuar nga komisioni Ruli-Nishani. E rëndësishme është se as votimi elektronik,nuk e zgjidh problemin e kësaj opozite,paçka se Edi Rama ka vendosur të pranojë çdo propozim racional që ndihmon procesin zgjedhor.

Korça dhe gjithë Shqipëria, në 25 Prill, do të rikonfirmojnë sërish Partinë Socialiste edhe për një mandat tjetër qeverisës, pasi kjo është e vetmja rrugë që do të bashkojë vendin me familjen e madhe europiane, dhe do ti japë shansin e “artë” Lulzimit të njohë nga afër aftësinë e (pa)dukshme të Edi Ramës, mëshirën ndaj të dobëtit edhe kur e ka kundërshtar.

LEXO TE PLOTE