Connect with Us

Mësuesi me koronavirus në Korçë/ Reagon sërish shkolla

Sociale

Mësuesi me koronavirus në Korçë/ Reagon sërish shkolla

Publikuar

-

Shkolla greke jopublike “Omiros”, në Korçë, ka reaguar sërish për mësuesin që rezultoi pozitiv me COVID-19.

Përmes një deklarata zyrtare, shkolla njofton se janë marrë të gjitha masat e nevojshme për mësuesit e shkollës dhe nxënësit.

Ndërsa bëhet me dije gjithashtu, se familjarët e mësuesit të infektuar kanë bërë testin e virusit dhe kanë rezultuar negativë./CNA.al

Mësuesi me koronavirus/ Zbardhen detaje të reja nga rasti i Korçës

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Ndryshimi i ligjit për TVSH-në fut në vështirësi industrinë e qumështit

Publikuar

-

Nga

Ndryshimi i ligjit për TVSH-në fut në vështirësi industrinë e qumështit

Kur kanë kaluar gati dy vjet nga ndryshimi i ligjit për TVSH-në, impakti negativ që kjo skemë ka sjellë tek përpunuesit, është i dukshëm, madje edhe i matshëm.

Luis Ndreka, kryetar i qendrës “Industria e përpunimit të qumështit” në një intervistë për Euronews Albania tregon pasojat, të cilat prekin një zinxhir të gjatë, hallka e fundit e të cilit duket se është konsumatori.

Luis Ndreka, kryetar i qendrës “Industria e përpunimit të qumështit”.

“Kur e blejmë ngarkohemi me 6%, pra rimbursohemi me 6 për qind të kësaj vlere dhe kur e shesim paguajmë 20%. Pra ngelemi 14 % zbuluar. Që në muajt e parë për shkak të barrës fiskale që na ngarkon më tepër, kemi rritur çmimet në treg të pjesës më të madhe të produkteve. Janë rritur 10-12 %. Kjo ka bërë që këto dy vite në qoftë se raftet kanë qenë me 50 % produkte bulmeti të huaja, tani kanë shkuar në 60 apo 70% dhe ndoshta më shumë në muajt dhe vitet në vazhdim nëse nuk bëhet diçka për ta ndryshuar”, tha ai.

Ky sektor po përballet edhe me falimentimin e fabrikave të përpunimit të qumështit, të cilat duket se po e ndajnë barrën e ngarkuar nga TVSH-ja vetëm me konsumatorin, pasi fermerët nuk e përballojnë dot atë.

 “Jo me larg se para pak javësh një nga kompanitë e cila ishte themeluar që në 1992 ka shpallur falimentin dhe një nga arsyet më të mëdha të kësaj ishte skema.  Industria e përpunimit të qumështit është gjetur në njëfarë mënyre midis dy zjarreve. Nga njëra anë ne nuk ja ulim dot çmimin fermerit, sepse kjo do çonte në   zhdukjen e lëndës së parë ose fermave. Nga ana tjetër ja kemi ngritur çmimin , me kosto shumë të madhe, afatgjatë sepse natyrshëm konsumatori do të kaloj në produkte që janë të konkurueshme ndoshta edhe më të lira sesa ne që vijnë nga importi”

Sipas Ndrekës në lidhje me kërkesat e tyre, qëndrimi deri tani i Ministrisë së Financës është i paqartë, ndërsa ai i Ministrisë së Bujqësisë dhe asaj të Sipërmarrjes duket pro ndryshimit të kësaj takse, nisur nga impakti negativ që ka sjellë në këtë industri. /Euronews

LEXO TE PLOTE

Sociale

Do e hamë Vitin e Ri rehat apo me kufizime?/ Manastirliu zbulon si do festojnë shqiptarët

Publikuar

-

Nga

“Qytetarët u relaksuan pas hapjes”/ Manastirliu: Shifrat kanë kapërcyer pak pritshmërinë tonë

Ministrja e Shëndetësisë Ogerta Manastirliu, është pyetur mbrëmjen e sotme nëse shqiptarët do ta festojnë të lirë Vitin e Ri.

Manastirliu deklaron se kjo varet nga respektimi i masave, ndërsa la të nënkuptohej se sipas gjasave nuk do të lejohen grumbullimet e mëdha.

Ajo theksoi në emisionin “Opinion” se Viti i Ri do të festohet me familjen ashtu si çdo vit.

Është në dorën tonë, por patjetër që do jemi në kushtet e kërkesave të kohës po themi në normalitetin e ri, do të kërkohet dhe do të vijojë të kërkohet shmangia e grumbullimeve, por do të jemi me familjen. Do të gëzojmë dhe shpresojmë që viti tjetër të jetë shumë më efektiv dhe jam e bindur se do të jetë shumë më i mirë dhe këtë e them edhe për arsyen tjetër se vaksina do të vijë edhe në Shqipëri”, u shpreh ministrja./ CNA.al

LEXO TE PLOTE

Sociale

Zbrazen serat e Myzeqesë, 10% e fermerëve braktisën zonën

Publikuar

-

Nga

Zbrazen serat e Myzeqesë, 10% e fermerëve braktisën zonën

Ata që investuan për ndërtimin e kësaj sere në Qerret të Lushnjës, nuk arritën të vilnin dot këtë prodhim. Punuan të gjithë si familje, por në fund falimentuan. Nuk kishin një treg të garantuar për prodhimin dhe ju drejtuan emigracionit. Tashmë e gjithë kjo serë është tharë dhe kjo familje punon serat greke.

Dita ditës, Myzeqeja, hambari i Shqipërisë për sa i përket të ardhurave që vijnë nga bujqësia, ka gjithnjë e më pak fermerë. Në zonën bujqësore të Lushnjës dhe Beratit vitet e fundit vihet re fenomeni i braktisjes së serave dhe rikthimi në emigracion i familjeve që punonin në to.

Blerim Qerreti, banor i fshatit Qerret tregon për Euronews Albania se mungesa e sigurisë për shitjen e produkteve, i bën fermerët të zgjedhin rrugën më të lehtë, ikjen

 “Ka 7-8 muaj që e ka braktisur. Mund t`i ketë shkuar një investim për këto 3 – 4 dynym, diku te 10 milion lekë. Ka ikur në kurbet, i ka braktisur këtu dhe ka ik me gjithë çunat. Punonin familjarisht dhe kanë ikur familjarisht. Shumë të tjera do pasojnë pas kësaj që do braktisen në këtë lloj forme, sepse çmimet, nuk na garanton njeri shitjen”, tha ai.

Shumë prej fermerëve për të ngritur serat e tyre kanë marrë kredi. Pas falimentimit e vetmja rrugë për t`i shlyer këto detyrime ka qenë emigrimi i të gjithë familjes. Banorët e fshatit Goriçan në Berat deklarojnë se nuk kanë pasur asnjë ndihmë nga shteti dhe skemat e subvencionit kanë më shumë kritere përjashtuese.

 “Kjo është një serë 3000 metër katrorë, ai e ka ngritur këtë me kredi. E mbolli një fushatë, dy, tre fushata u detyrua sepse nuk po arrinte dot të likuidonte as kredinë që kishte marrë, u detyrua ta lërë siç e shihni, të ik në emigracion. Fushatën që vjen mund të kesh 70% të serave që do ngelin kështu. Se nuk arrijnë dot të marrin, të blejnë dot fidanin. Tani ti më detyron mua të kridhem në kredi, të bëj mbi 2000 metra katrorë, që ti të më subvencionosh mua. Vjen pastaj ma gjen serën 10 centimetra më të ulët, me 2.70 ai nuk të subvencionon”,  theksoi ai.    

Sipas Eduart Sharkës, kryetar i Sindikatës së Fermerëve të Bashkuar vetëm gjatë këtij viti 10 % e fermerëve e kanë lënë punën në bujqësi dhe i janë drejtuar emigracionit.   

 “Rreth 10 % e fermerëve i janë rikthyer emigracionit. Di plot raste që pasi kanë provuar dy, tre vjet, kanë ardhur kanë investuar remitancat e tyre kanë marrë dhe përvojë, teknologjinë e kultivimit të bimëve në Greqi dhe Itali, kanë ardhur, kanë provuar, janë përballur me këto kriza tregu dhe i kanë lënë dhe serat janë të shkreta sot. Janë rikthyer në emigracion. Kanë ikur nga presioni i kredidhënësve pasi ata duan këstin. Në disa raste shkon deri në 30%, 25%, një kredi që vetëm në Shqipëri mund ta gjesh këtë lloj kredie”, tha ai.

Sipas Sharkës përpara dy vitesh qeveria premtoi një fond mbështetjeje në formën e garancisë bankare, për kredi me interesa të ulëta për bujqësinë, por kjo nuk u realizua. /euronews

LEXO TE PLOTE