Connect with Us

Maqedoni e Veriut: Anulohen zgjedhjet e parakohshme parlamentare

Bota

Maqedoni e Veriut: Anulohen zgjedhjet e parakohshme parlamentare

Publikuar

-

Liderët e partive më të mëdha në Maqedoninë e Veriut në takimin e mbajtur tek presidenti, Stevo Pendarovski unanimisht vendosën anulimin e zgjedhjeve të parakohshme parlamentare, të parashikuara të mbaheshin më 12 prill.

Kryetari i Partisë Socialdemokrate në pushtet, Zoran Zaev pas takimit të mbajtur të martën (17.03) tek presidenti i Maqedonisë së Veriut, Stevo Pendarovski ka thënë, se nuk ka kushte për mbajtjen e zgjedhjeve. Për datën e re të zgjedhjeve do të vendoset pas normalizimit të gjendjes me Covid-19, tha ai. “Nuk ka kushte për zgjedhje normale, liderë të përgjegjshëm të gjithë vihen në funksion në luftë me koronavirusin”, ka deklaruar Zaev.

Pritet shpallje e gjendjes së jashtëzakonshme

Zaev ka theksuar se gjendja është shumë serioze. Ai ka kërkuar edhe shpalljen e gjendjes së jashtëzakonshme në vend. “Mënyra më e mirë për përballjen me koronavirusin do të ishte shpallja e gjendjes së jashtëzakonshme, dhe jo shpallja e gjendjes së krizës, siç kërkoi lideri i opozitës, Hristijan Mickovski. Kjo do të na ndihmojë në marrjen e masave adekuate për të mbrojtur jetën e qytetarëve, marrjen e masave ekonomike dhe të masave tjera në funksion të normalizimit të gjendjes”, ka deklaruar kryetari i LSDM-së, Zoran Zaev.

Nord-Mazedonien | Treffen der Parteiführer bei dem Präsidenten Stevo Pendarovski (Kabinett des Präsidenten von Nord-Mazedonien)

Kryetari i VMRO-DPMNE-së, Hristijan Mickovski ka mbështetur masat, por ka kërkuar edhe respektimin e Kushtetutës, si në rastin e anulimit të zgjedhjeve, ashtu edhe për përballje me koronavirusin, gjegjësisht shpalljen e gjendjes së krizës. “Mbetemi në qëndrimet se prioritet mbetet shëndeti i qytetarëve dhe përballja me virusin. Edhe më parë kemi tërhequr vëmendjen për masa më të qarta dhe efikase dhe jo të priten paraqitjet e rasteve që më pas institucionet të nisin me punën. Që para një jave kërkuam masa parandaluese, por institucionet pritën paraqitjen e rasteve të para që më pas të ndërhyjnë”, ka deklaruar Mickovski.

Përfaqësuesi i Bashkimit Demokratik për Integrim, Bujar Osmani pas takimit të së martës në kabinetin e presidentit, Stevo Pendarovski, njoftoi se të gjitha partitë politike janë dakorduar, se duhet të shtyhen zgjedhjet e parakohshme parlamentare të 12 prillit. Osmani theksoi se presidenti Pendarovski në konsultim me ekspertët juridikë do të përcaktojë mënyrën ligjore për shtyrjen e zgjedhjeve. “Kemi konstatim të përbashkët se zgjedhjet do të duhet të anulohen, sepse shëndeti i qytetarëve është më i rëndësishëm. Mënyrën se si do të implementohet ky vendim politik mbetet që presidenti së bashku me ekspertët ta vendosë në orët dhe ditët në vazhdim”, ka thënë Osmani.

Në Maqedoninë e Veriut 26 persona të infektuar me koronavirus

LEXO EDHE:  "Lufta" në Shkup/Reagon ashpër MPJ: Aktorët politikë të vetëpërmbahen!

Numri i të infektuarve me koronavirus në Maqedoninë e Veriut është rritur në 26 persona, ka bërë të ditur ministri i Shëndetësisë, Venko Filipçe, por duke paralajmëruar mundësinë që brenda një muaji numri i të infektuarve të arrijë deri në dy mijë. “Sot në mëngjes janë testuar 10 persona. Testet e tre personave janë pozitivë, ata janë testuar në klinikën private ‘Zhan Mitrev’. Gjendja e të gjithë pacientëve është stabile”, ka deklaruar ministri i Shëndetësisë.

Nord-Mazedonien: Venko Filipce, Gesundheitsminister (Regierung Nordmazedonien)Venko Filpice, ministri i Shëndetësisë

Ministri i Punëve të Brendshme Naqe Çulev ka bërë të ditur se gjatë ditës në Maqedoninë e Veriut pritet të hyjnë së paku 200 shtetas nga vende të ndryshme dhe të gjithë do t’i nënshtrohen kontrolleve apo do të futen në vetizolim. Ministria e Ekonomisë dhe drejtuesit e disa subjekteve afariste kanë bërë thirrje që të mos bëhet panik me furnizimin me ushqime, meqë të gjitha supermaketet e mëdha janë të furnizuara me ushqime, ndërsa rezerva ka për një muaj të tërë, por më pas do të ketë furnizime të reja. Qeveria ka vendosur çmimet mbrojtëse për artikujt më elementarë ushqimorë, kështu që subjektet afariste nuk do të guxojnë të rrisin çmimet.

KLIKO PER TE KOMENTUAR

Komentoni

Your email address will not be published. Required fields are marked *

Bota

Rëndohet situata në Itali/ Shkon në 2503 numri i viktimave, 345 të vdekur vetëm sot

Publikuar

-

Nga

Ka shkuar në 2503 numri i viktimave në Itali sipasojë e pandemisë së koronavirusit, ku 345 prej tyre kanë humbur jetën vetëm në 24 orët e fundit.

Ndërkaq, numri i të infektuar ka arritur në 31 506.

Rritje shqetësuese ka shënuar numri i pacientëve të shtruar në terapi intesive që deri më sot janë 2060. Pacientë që po kurohen në struktura spitalore janë 12894 e në kushte shtëpie 11108.

Deri më sot në Itali janë analizuar 148 657 tampone./CNA.al

LEXO TE PLOTE

Kosova & Rajoni

387 të infektuar nga koronavirusi në Greqi/ Shërohen 14 persona

Publikuar

-

Nga

Numri i të infektuarve nga koronavirusi po vjen duke u rritur në Greqi.

Profesori i sëmundjes infektive Sotiris Tsiodras në një konferencë zyrtare nga Ministria e Shëndetësisë deklaroi se në 24 orët e fundit janë konfirmuar 35 raste të reja.

Tsiodras njoftoi gjithashtu se 14 qytetarë të infektuar kanë dalë nga spitali pasi janë shëruar.

LEXO EDHE:  Lulzim Basha shpall fitoren/ Mbrëmje të këndëshme për të gjithë

LEXO EDHE:  Lista e PDIU në 12 qarqet/Emrat e kandidatëve për deputetë

Mediat e shtetit fqinj raportojnë se deri më tani numri i të prekurve ka shkuar në 387, ndërsa 5 pacientë kanë ndërruar jetë. Mosha mesatare e viktimave është 68 vjec./ CNA.al

LEXO TE PLOTE

Kosova & Rajoni

Rritet numri i të prekurve me Covid-19 në Kosovë

Publikuar

-

Nga

Është konfirmuar personi i 17 i infektuar me koronavirus në Kosovë.

Shifrat janë bërë publike nga ministri i Shëndetësisë, Arben Vitia dhe Drejtori i Institutit Kombëtar të Shëndetësisë Publike, Naser Ramadani.

Ramadani ka deklaruar se bëhet fjalë për një familjar të personit të infektuar nga fshati Dumnicë i Komunës së Podujevës.

“Rasti i sodit është rasti i Dumnicës. Familjar i personit të parë që është konfirmuar si pozitiv në këtë fshat”, tha ai./CNA.al

LEXO TE PLOTE