Connect with Us

Kriza e coronavirusit vetëizolon Europën

Bota

Kriza e coronavirusit vetëizolon Europën

Publikuar

-

Pas javësh mungese të orientimit, duket se BE ka gjetur tani një gjuhë politike të përbashkët. Komisioni Europian propozoi ndalimin në masë të gjerë të udhëtimeve në BE për shkak të krizës së Coronas.

Deutschland Frankfurt am Main Flughafen | Coronavirus (Getty Images/AFP/T. Silz)Bllokohet në masë udhëtimi në Europë – aeroporti i Frankfurtit gati bosh

Pasi kaloi një kohë, ku mungonte veprimi i koordinuar në të gjitha nivelet e qeverive europiane, Komisioni Europian po përpiqet tani në Bruksel të njësojë strategjinë kundër virusit Corona. “Ne jemi të detyruar t’u themi qytetarëve europianë të vërtetën”, tha presidenti i Komisionit Europian, Charles Michel në një konferencë me video me shtetet e G7-s. Bëhet fjalë për një “krizë të gjatë dhe të vështirë.” Më e rëndësishmja është që të qëndrojmë të bashkuar e të zhvillojmë një qëndrim europian.

Bllokim i udhëtimit

Masa më drakoniane që ka propozuar presidentja e Komisionit Europian, Ursula von der Leyen është bllokimi i udhëtimit jo patjetër të nevojshëm në Europë, që fillimisht vlen për katër javë. Të martën (17.03) krerët e qeverive dhe shteteve të BE pritet të miratojnë këtë masë në takimin e tyre në një konferencë me video. Kjo përfshin të gjitha vendet e BE, vendet jashtë Shengenit dhe ajo anëtare të BE si Norvegjia e Zvicra.

Belgien Brüssel EU | G7 zu Coronavirus | Ursula von der Leyen & Charles Michel (Reuters/J. Geron)Ursula von der Leyen dhe Charles Michel

Megjithatë ka mjaft përjashtime. “Të punësuar të nevojshëm si mjekë, infermierë, personel kujdestarie mjekësore dhe ekspertët që ndihmojnë në luftë kundër Coronës, do të lejohen edhe më tek tej të udhëtojnë në BE”, deklaroi presidentja e Komisionit Europian. Edhe transporti i mallrave do të përjashtohet nga ndalimet e qarkullimit, si edhe ata udhëtarët që kthehen. Propozimi i KE prek më shumë udhëtimet turistike dhe ato jo patjetër të nevojshme.

Mbyllje kufijsh brenda BE

Pas njoftimit për mbylljen e paparalajmëruar dhe të pakoordinuar të kufijve në disa vende në BE, Komisioni kërkon të njësojë masat brenda vendeve anëtare. Sipas rregulloreve në BE, shfuqizimi i Shengenit është i mundur në raste emergjence dhe për një kohë të caktuar. Kjo masë u praktikua edhe në krizën e refugjatëve. Vendet fqinje megjithatë duhet të koordinojnë masat, dhe të krijojnë sidomos “një korsi të gjelbër” për transportin e mallrave dhe punëtorëve që duhet të punojnë në vendin në kufi me vendlindjen.

LEXO EDHE:  Europa ndërmjetëson bisedime mes Gruevskit dhe Zaev

Fillimisht ishte Gjermania që mbylli pjesërisht kufirin me Francën të hënën, gjë që solli bllokim trafiku me disa kilometra në landin Saar, po ashtu edhe në trafikun e atyre që kthehen nga puna në rajonin e Luksemburgut. Presidenti Macron kishte ditë që kërkonte që masa të tilla të merren pas ujdive mes qeverive të vendeve të BE.

Kufizim i pasojave ekonomike

Një nga masat e marra në nivel europian është edhe mbështetja e studiuesve, që punojnë për zhvillimin e medikamenteve kundër Coronës. Presidenti i Këshillit të BE, Charles Michel nuk u shpreh, nëse qeveria amerikane ka mbajtur qëndrim në konferencën me video të vendeve të G7-s për përpjekjen e dështuar në blerjen e firmës së bioteknologjisë, Curevac për të siguruar vaksinën për SHBA. BE kërkon të sigurojë po ashtu qasjen e vendeve anëtare për personel mjekësor si veshjet speciale apo respiratorë mjekësorë. Për këtë u vendos një bllokim i eksporteve në vendet jo anëtare.

Saabrücken | Polizeibeamte kontrollieren am Grenzübergang Goldene Bremm (picture-alliance/dpa/T. Frey)Gjermania mbylli kufirin me Francën – radhë të gjata në kufi

Vlerësimet e të dy politikanëve të lartë të BE për pasojat e krizës kanë qenë dramatike. “Ne duhet të mobilizojmë të gjitha forcat për të zvogëluar pasojat”, tha Charles Michel. Duhet të mbështeten firmat që vuajnë pasojat e Coronës, por edhe qytetarët. Kurse Ursula von der Leyen kërkoi që të rikthehet “besimi ekonomik global”. “Kjo është një krizë shëndetësore globale me pasoja të rënda”, është mesazhi qendror i presidentes së KE. Bëhet fjalë të kufizohet përhapja e virusit dhe të ngadalësohet. Pas javësh mungese të orientimit, duket se BE ka gjetur një gjuhë politike të përbashkët. Të martën në konferencën me video, krerët e qeverive duhet të tregojnë, se janë në gjendje të marrin masa të përbashkëta dhe të dërgojnë mesazhet e duhura, nëse duan të mbajnë apo rifitojnë besimin e qytetarëve në aftësinë drejtuese të tyre./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Luftime të ashpra midis forcave afgane dhe militantëve talibanë/ Dhjetra viktima

Publikuar

-

Nga

Luftime të ashpra midis forcave afgane dhe militantëve talibanë/ Dhjetra viktima

Luftimet e ashpra midis forcave afgane dhe militantëve talibanë kanë lënë të paktën 20 trupa qeveritare të vdekur.

Incidentet vijnë derisa vazhdojnë bisedimet e paqes në përpjekje për t’i dhënë fund luftës 19-vjeçare.

Luftimet u zhvilluan pas sulmeve të militantëve në Provincën lindore Nangarhar. Zëdhënësi i guvernatorit të Nangarharit, Ataullah Khogyani, i tha agjencisë AFP se rreth 30 luftëtarë talibanë vdiqën në përleshje, megjithëse grupi militant nuk ka komentuar.

Ministri i Përkohshëm i Mbrojtjes, Asadullah Khalid tha më 17 shtator se ai shpresonte që bisedimet e paqes në Katar do të ishin të suksesshme, por paralajmëroi talibanët kundër përdorimit të forcës për të arritur qëllimet e tyre.



“Nëse armiku po mendon se ata mund të pushtojnë gjithçka me forcë, është një ëndërr, është një fantazi, është e pamundur dhe është çmenduri”, tha Khalid.

LEXO EDHE:  Turqia në Ballkan/ Një marshim i saj drejt Perëndimit

LEXO EDHE:  Pandemia “përçan” BE-në/ Conte debatet të forta me kancelaren gjermane

Bisedimet e paqes, pjesë e një marrëveshje të shkurtit midis talibanëve dhe Uashingtonit, filluan në Katar më 12 shtator, pas një mosmarrëveshje të gjatë mbi shkëmbimet e të burgosurve.

Qeveria afgane dhe aleatët e saj, duke përfshirë NATO-n dhe Shtetet e Bashkuara, po bëjnë thirrje që talibanët të bien dakord për një armëpushim për të ndihmuar në avancimin e asaj që pritet të jetë një proces i gjatë dhe i rëndë i negociatave për t’i dhënë fund konfliktit.

Talibanët nuk kanë rënë dakord për një armëpushim dhe kanë kryer sulme të përditshme ndaj forcave afgane të sigurisë./Rel

LEXO TE PLOTE

Kosova & Rajoni

Serbia kushtëzon dialogun me formimin e Asociacionit

Publikuar

-

Nga

mund të më vrisni por nuk do ta njoh kosovën

Serbia e ka kushtëzuar dialogun me zbatimin e marrëveshjes për Asociacionin e Komunave Serbe në Kosovë. Kjo u bë e ditur pas takimit në nivel ekspertësh të mbajtur të enjten, më 17 shtator në Bruksel.

I dërguari i posaçëm i BE-së për dialog, Mirosllav Lajçak, i cili ndërmjetësoi bisedimet e së enjtes, tha përmes një postimi në rrjetin social Twitter, se diskutimet mbi pretendimet e ndërsjella financiare dhe pronën, kanë konfirmuar ndjeshmërinë e kësaj çështjeje. Ai tha se diskutimet do të vazhdojnë, mirëpo pa dhënë detaje se kur do të jetë data tjetër e takimit.

Kreu i delegacionit të Beogradit, Marko Gjuriq, deklaroi të enjten në Bruksel se pala serbe kushtëzon përparimin në dialog me zbatimin e marrëveshjes për Asociacionin e Komunave Serbe në Kosovë, kurse koordinatori shtetëror i Kosovës për dialog me Serbinë, Skender Hyseni, tha në përfundim të bisedimeve mes delegacioneve të ekspertëve në Bruksel, se palët kanë qëndrime shumë të kundërta për temën e pretendimeve financiare.

“Ne shohim që çështjet e suksesionin duhet të bëhet në pajtim me të drejtën ndërkombëtare me praktikat e suksesionit që kanë ndodhur mes entiteteve të ish-Jugosllavisë, tash shtete te pavaruara. Ky është qëndrimi i Kosovës. Në këtë, patjetër që përfshihet edhe borxhi i jashtëm, edhe këtu Kosova ka qëndrim parimor që është në pajtim të ngushtë me të drejtën ndërkombëtare. Te borxhi i jashtëm ne do të insistojmë të aplikohet parimi i përfituesit të fundit”, tha Hyseni.

Hyseni konfirmoi se në këtë takim nuk është diskutuar çështja e Asociacionit të Komunave Serbe, edhe pse, sipas tij, pala serbe ka bërë përpjekje ta hapë këtë temë.

Më herët, zëdhënësi i Bashkimit Evropian për çështje të jashtme, Peter Stano, ka thënë se tema lidhur me “aranzhimet për komunitetet joshumicë” do të jetë në rend dite në ditët në vijim, pa dhënë detaje tjera.

Prapa termit “aranzhimet për komunitetet joshumicë” qëndron çështja e Asociacionit të komunave me shumicë serbe në Kosovë.

Stano ka rikujtuar se ekziston marrëveshja për krijimin e Asociacionit të komunave me shumicë serbe dhe se pala kosovare “duhet të vijë me një propozim për zbatimin e marrëveshjes”.

I pyetur se çka qëndron prapa termit “komunitetet joshumicë në Kosovë”, dhe se a po bisedohet edhe për komunitetet tjera jo shumicë, e jo vetëm për komunitetin serb, ky zëdhënës i BE-së ka thënë se edhe terminologjia është diçka për të cilën janë pajtuar palët.

Por, Hyseni tha se kjo deklaratë është e nxituar dhe se “nuk ka pajtim që të bisedohet për Asociacionin dhe as për datat kur do të bisedohet”.

Ai tha se Kosova nuk do ta lejojë përdorimin e terminologjisë “bashkësia e komunave joshumicë”, pasi, sipas tij, komunitete joshumicë janë edhe boshnjakët, turqit etj.



“Këtë lojë me terminologji ne nuk do ta lejojmë”, tha Hyseni.

LEXO EDHE:  Europa mund të jetë sërish një superfuqi

LEXO EDHE:  Turqia në Ballkan/ Një marshim i saj drejt Perëndimit

Ndërkohë, kreu i delegacionit të Beogradit në bisedimet me Kosovën, Marko Gjuriq, ka thënë të enjten në Bruksel se pala serbe kushtëzon përparimin në dialog me zbatimin e marrëveshjes për Asociacionin e Komunave Serbe në Kosovë.

Pas përfundimit të bisedimeve ndërmjet dy delegacioneve, ku është diskutuar për pretendimet financiare mes dy vendeve, Gjuriq tha se “një takim i mundshëm në të ardhmen i nivelit më të lartë mes dy vendeve, do të varet nga gatishmëria e Prishtinës për të punuar në zbatimin e marrëveshjes për Asociacionin”.

Dialogu në mes palëve në Bruksel është ripërtërirë më 16 korrik dhe ai po ndërmjetësohet nga Bashkimi Evropian. Kryeministri i Kosovës, Avdullah Hoti, dhe presidenti i Serbisë, Aleksandar Vuçiq, janë takuar për herë të dytë më 7 shtator.

Me këtë rast, sipas deklaratave të të dyja palëve, janë hapur temat për Asociacionin e Komunave me shumicë Serbe, për pretendimet e përbashkëta financiare dhe pronësore, ndërkaq janë harmonizuar qëndrimet lidhur me çështjen e të pagjeturve, personave të zhvendosur, si dhe për bashkëpunimin ekonomik.

Temat që ata përcaktojnë, diskutohen më tej nga ekipet e ekspertëve të të dyja vendeve.

Gjuriq tha se delegacioni i Beogradit gjatë bisedimeve të së enjtes ka insistuar që tema e Asociacionit të jetë si tema e parë e bisedës, por, sipas tij, një gjë e tillë u kundërshtua nga përfaqësuesit e Prishtinës.

Javën e kaluar, kryeministri i Kosovës, Avdullah Hoti, duke folur në një debat në Komitetin për Punë të Jashtme në Parlamentin Evropian tha se Kosova do ta respektojë Marrëveshjen për Asociacionin e komunave me shumicë serbe të vitit 2015. Pas kthimit në Prishtinë, ai tha se “zbatimi i marrëveshjes do të bëhet në përputhje me secilën shkronjë të Kushtetutës”.

Krijimi i Asociacionit të komunave me shumicë serbe është paraparë me Marrëveshjen e parë të Brukselit të vitit 2013, të arritur në dialogun Kosovë-Serbi. Më 2015, të dyja vendet, nën ndërmjetësimin e Bashkimit Evropian kishin arritur një marrëveshje shtesë për themelimin e këtij Asociacioni, porse Gjykata Kushtetuese e Kosovës ka gjetur që parimet për Asociacionin nuk janë në përputhje me Kushtetutën. Megjithatë, Kushtetuesja përcakton se parimet mund të harmonizohen me akt ligjor të Qeverisë së Kosovës.

Presidenti i Kosovës, Hashim Thaçi ka thënë më 16 shtator se “hapja e temave për të drejtat e komuniteteve dhe për Asociacionin e komunave serbe në dialogun e Brukselit është gabim i madh dhe shumë i rrezikshëm i Qeverisë së Kosovës./ REL

LEXO TE PLOTE

Bota

SHBA-ja vendos sanksione ndaj grupit të hakerëve të lidhur me inteligjencën iraniane

Publikuar

-

Nga

SHBA-ja vendos sanksione ndaj grupit të hakerëve të lidhur me inteligjencën iraniane

Departamenti i Thesarit i Shteteve të Bashkuara ka vendosur sanksione kundër një grupi iranian të hakerëve, dhe më shumë se 45 individësh të akuzuar për kryerjen e një fushate shumëvjeçare që kishte në shënjestër disidentët iranianë, gazetarët dhe kompanitë ndërkombëtare të udhëtimit.

Njoftimi i 17 shtatorit tha se Ministria e Inteligjencës dhe Sigurisë së Iranit përdori grupin e hakerëve “Advanced Persistent Threat 39” (APT39) dhe kompaninë Rana, për të monitoruar “disidentët, gazetarët iranianë, ish-punonjësit e qeverisë, ambientalistët, refugjatët, studentët e universitetit dhe punonjës në organizata ndërkombëtare joqeveritare”.

Disa nga individët e shënjestruar i ishin “nënshtruar arrestimit dhe frikësimit fizik e psikologjik” nga inteligjenca iraniane.



“Shtetet e Bashkuara janë të vendosura për të kundërshtuar fushatat sulmuese kibernetike të krijuara për të rrezikuar sigurinë dhe për të shkaktuar dëme në sektorin ndërkombëtar të udhëtimit”, tha Sekretari i Thesarit i SHBA-së, Steven Mnuchin, përmes një deklarate.

LEXO EDHE:  Verë e nxehtë në Ballkan

LEXO EDHE:  Turqia në Ballkan/ Një marshim i saj drejt Perëndimit

Tensionet midis Teheranit dhe Uashingtonit janë rritur që kur presidenti amerikan, Donald Trump, më 2018 u tërhoq nga një marrëveshje e rëndësishme bërthamore midis Iranit dhe fuqive botërore nën të cilën Irani u zotua të frenonte ambiciet e tij atomike në këmbim të lehtësimit të sanksioneve.

Përveç rivendosjes së sanksioneve, Uashingtoni ka akuzuar Iranin për financimin e ekstremizmit në Lindjen e Mesme, gjë që Irani e mohon./rel

LEXO TE PLOTE