Connect with Us

Bizneset në pamundësi për pagat/ Ç’do të ndodhë me të vetëpunësuarit

Ekonomi

Bizneset në pamundësi për pagat/ Ç’do të ndodhë me të vetëpunësuarit

Publikuar

-

Biznesi kërkon që qeveria të përballojë faturën për pagat e punonjësve. Përfaqësues të shoqatave pohojnë se nuk kanë aftësi paguese të përballojnë pagat e punonjësve, për shkak të paralizimit të ekonomisë që po shkakton karantina. Industria fason kërkon që minimalisht punonjësve t’u paguhet asistencë nga qeveria.

Një tjetër kategori e prekur janë të vetëpunësuarit në biznesin e vogël, për shkak të mbylljes së këtij sektori. Kryetari i Shoqatës të Biznesit të Vogël dhe të Mesëm, Albert Nasto, u shpreh për “Monitor” se qeveria duhet të kompensojë pagat e të vetëpunësuarve.

“Qeveria duhet të marrë përsipër pagesën për pagat e të vetëpunësuarve. Nëse paga ime në dyqanin ku punoja ishte 40 mijë lekë në muaj, këtë pagë duhet ta paguajë shteti”, pohon Nasto.

Industria e fasonëve gjithashtu kërkon që pagat e punonjësve ose pagesat e asistencës të përballohen nga qeveria. “Biznesi fason nuk ka asnjë lloj mundësie të përballojë kosto të tilla. Industria i ka pasur disa kosto, kush më shumë e kush më pak nga tërmeti, deri tani nuk kemi parë ndonjë gjë nga shteti”, u shpreh përfaqësuesi i kësaj industrie, Sajmir Bidaj për “Monitor”.

“Fasoni nuk gjeneron të ardhura të mëdha, rentabiliteti i industrisë është shumë i ulët në raport me aktivitetet e tjera të ekonomisë. Qeveria minimalisht duhet të marrë përsipër pagesat për pagën e punonjësve ose asistencë për ta”, thekson Bidaj.

Situata paraqitet e vështirë edhe për sektorin e prodhimit të këpucëve, për shkak të bllokimit të punës, të cilët kërkojnë që kostoja e pagave të përballohet nga qeveria.

LEXO EDHE:  Protesta e FRPD dhe LRI/ Tabaku: Të rinjtë janë kthyer në skllevër të drogës

Donika Mici, përfaqësuesja e kompanisë të prodhimit të këpucëve, “Donianna” tha se aktualisht, kur situata paraqitet e përkeqësuar në vend, dhe në kushtet e shpalljes të pandemisë botërore, fabrikat e prodhimit të këpucëve mund të mbyllen.

“Blerjet kanë ndaluar, shumë shtete do të izolohen, çka do të sjellë që të mos prodhojnë, pasi nuk kanë treg shitje. Nuk del asnjë njeri në rrugë të marrë porosi, nuk del njeri në rrugë të shesë. Është një krizë globale dhe përpara aktivitetit ekonomik, unë dhe punonjësit e mi preferoj të jetoj. Fillimisht nuk dimë se si do të na shkojë jeta, dhe pak na intereson vazhdimi i punës.

Kjo është lufta e tretë botërore, që shkatërron ekonominë dhe shëndetin e njerëzve. Parashikoj që gjithçka do të nisë nga zero, si pas Luftës të Dytë Botërore. Ajo çka më shqetëson më shumë në këto momente, është që të dalim nga kjo luftë pa numër të lartë viktimash. Pritet që kjo situatë të zgjasë deri në qershor në Itali, çka do të ndikojë edhe në vendin tonë. Pra, ky 6-mujor do të jetë katastrofik”, shprehet zonja Mici.

Kryeministri Rama tha së fundmi se qeveria po përgatit një paketë financiare, ku po shqyrtohet dhe skema e kompensimit të pagave të marsit./ Monitor

KLIKO PER TE KOMENTUAR

Komentoni

Your email address will not be published. Required fields are marked *

Ekonomi

Shqipëria rrezikon krizë ekonomike për shkak të COVID-19

Publikuar

-

Nga

Në Shqipëri nis të hënën zbatimi i aktit normativ të qeverisë Rama për forcimin e masave në parandalimin e përhapjes së infeksionit me COVID-19. Ky akt, që ka fuqinë e ligjit, detyron përfshirjen e strukturave spitalore private, kur numri i të infektuarve mund të mos përballohet nga kapacitetet spitalore publike. Akti normativ detyron të gjithë qytetarët që të deklarojnë tek autoritetet historikun e udhëtimit të tyre nga vendet e prekura nga COVID-19 në Shqipëri dhe të vetë-izolohen për dy javë. Ai ndalon eksportimin e barnave dhe pajisjeve mjekësore nga Shqipëria dhe parashikon gjoba të rënda për këdo që nuk zbaton  nenet e tij.

Akti normativ vjen pas mbylljes së fluturimeve në linjat ajrore me Italinë dhe Greqinë si edhe të gjitha pikave kufitare tokësore me të gjitha vendet fqinje; mbylljes së shkollave dhe universiteteve, bareve, restoranteve dhe gjithë qendrave kulturore, sportive ku ka grumbullime masive të njerëzve. Transporti publik është ndërprerë dhe qarkullimi rrugor funksionon pa kufizime vetëm për automjetet e furnizimit  me produkte ushqimore dhe ambulancat. Të punësuarit në sektorin publik apo privat, duke nisur nga kjo javë e re mund të qarkullojnë me automjetet e tyre vetëm deri në orën 8.00 të mëngjesit dhe vetëm nga ora 16.00 -17.00 të pasdites.

Brenda një jave – 21 herë rritje e numrit të të infektuarve

Autoritetet kanë paralajmëruar së këtë javë pritet “një furtunë rastesh” dhe situata do të rëndohet. Burime zyrtare nga Instituti i Shëndetit Publik thanë të hënën për Deutsche Wellen, se numri i të infektuarve të shtruar në Spitalin Infektiv, të Qëndrës Spitalore,”Nënë Tereza”, në Tiranë ka arritur në 51 vetë dhe numri i rasteve të dyshuara është 563.  Kjo do të thotë që brenda një jave numri i të infektuarve është rritur 21 herë, duke patur parasysh që 2 të prekurit e parë u idetifikuan  më 9 mars. Tirana ka numrin më të madh të rasteve, 34 syresh, e ndjekur nga Fieri dhe Durrësi me 5 raste, Në qytetin bregdetar është shënuar edhe viktima e parë dhe e vetme deri tani, një grua 73 vjeҫare.  Virusi ka prekur më lehtë Lushnjën, Elbasanin, Rrogozhinën, kurse në jug të vendit nuk është identifikuar deri tani asnjë rast.

Në Tiranë qarkullimi rrugor funksionon pa kufizime vetëm për automjetet e furnizimit me produkte ushqimore dhe ambulancat

Për të përballuar shërbimet mjekësore ndaj shtimit të pritshëm të të infektuarve me COVID-19  po funksionojnë portalet zyrtare, “Mjekë për Shqipërinë” dhe “Infermierë për Shqipërinë” ku autoritetet shtetërore ftojnë të gjithë personat që kanë lidhje me shëndetësinë – mjekë, infermierë, farmacistë, laborante, profesionistë të shëndetit publik- të jenë të gatshëm të kontribojnë për menaxhimin e një situate më të rënduar.

Aktiviteti i parlamentit i bllokuar

Masat e parandalimit të përhapjes së COVID-19, vetë – izolimi në shtëpi i qytetarëve ka sjellë paralizën e aktivitetit parlamentar. Kjo situatë është kritike sidomos për ecjen përpara të reformës zgjedhore, kryerja e të cilës është një nga ҫështjet prioritare në rezolutën e Bundestagut gjerman lidhur me mundësinë që Shqipëria të hapë negociatat e anëtarësimit në pranverën e këtij viti.

LEXO EDHE:  Shpërblimet e fundvitit për pensionistët/ Ervin Bushati: Atë e di qeveria

LEXO EDHE:  Rama zbardh vendimet e qeverisë/ Studentët që përfitojnë tarifa shkollimi zero

Doni të njiheni me shifrat aktuale rreth virusit korona? – Klikoni në këtë hartë  interaktive të Universitetit ”Johns Hopkins“ në Baltimore, SHBA

Harta interaktive e Universitetit ”Johns Hopkins“ në Baltimore, SHBA

Nëse nuk ju hapet harta, atëherë mund të klikoni ketu

DW komunikoi me telefon me burime zyrtare nga Parlamenti që pohuan se tryeza e partive politike për të përfunduar reformën zgjedhore dhe plotësimin e rekomandimeve të OSBE / ODIHR-it  deri në15 mars është shtyrë për një afat të pacaktuar. Të njëjtat burime thanë që të gjitha takimet e komisioneve parlamentare janë anulluar për një kohë të pacaktuar. Aktiviteti i qeverisë zhvillohet online.

FMN: Ngadalësim i rritjes ekonomike    

Përfshirja e Shqipërisë në pandeminë globale të shkaktuar nga COVID-19 do të sjellë ngadalësimin e rritjes ekonomike të Shqipërisë 2020, për një përkim në kohë të prekjes së partnerëve të saj kryesorë ekonomikë dhe tregtarë nga virusi me rindërtimin nga pasojat e tërmetit dhe përballimit të epidemisë së tanishme.

Një mision i Fondit Monetar Ndërkombëtar, (FMN) që përfundoi në Tiranë ditët e fundit, parashikon në një deklaratë zyrtare se “perspektiva afatshkurtër për ekonominë shqiptare ka ndryshuar dukshëm gjatë tre muajve e gjysmë të kaluar. Tërmeti që goditi Shqipërinë në 26 nëntor do të dobësojë rritjen në vitin 2020. Shpërthimi global i COVID-19 pritet të ngadalësojë rritjen ekonomike më tej në vitin 2020. Shkalla e ngadalësimit është tejet e paqartë në këtë moment,” thekson misioni i FMN. Ai i sugjeron qeverisë  „të sigurojë burime financiare të mjaftueshme për sektorin shëndetësor për të mbështetur të prekurit nga COVID-19”.

Nuk do të ulet më kush në këtë ballkon për të shijuar bregdetin shqiptar? Turizimi rrezikohet nga kriza e pandemisë

Rreziku i krizës ekonomike

Vetë-izolimi dhe ndërprerja me ligj e aktivitetit të përditshëm të sipërmarrjes private rrezikon fillimin e krizës ekonomike në Shqipëri. Opozita i bëri të dielën (15.03) thirrje qeverisë që “të rishikojë pa vonesë buxhetin e shtetit 2020 dhe të ndërmarrë masa në mbështetje të qytetarëve, të punësuarve në sipërmarjes private”. Kryetari i PD dhe opozitës jashtë parlamentare ,Lulzim Basha i paraqiti qeverisë kërkesa për të lehtësuar me mbështetje financiare dhe lehtësira fiskale biznesin e vogël dhe të mesëm.

Edhe Unioni i Dhomave të Tregëtisë dhe Industrisë së Shqipërisë i ka paraqitur qeverisë një paketë masash për të shmangur pasojat ekonomike të ndërprerjes së aktivitetit prodhues dhe tregtar dhe krizën ekonomike. Bizneset që po preken më shumë janë ato të  shërbimeve, turizmi dhe fasoneria./DW

LEXO TE PLOTE

Ekonomi

Shqipëria ka nevojë për frymëmarrje në ekonomi!

Publikuar

-

Nga

Nga Jorida Tabaku

* Sot, çdo vend ka ndërmarrë masa drastike per t’iu përgjigjur krizës së Coronavirus. Çdo qeveri, ka miratuar paketa në mbeshtetje të ekonomisë dhe krizës që Coronavirus ka sjellë per biznesin. Ato, variojnë që nga ndihma direkte me fonde deri tek pezullimi i taksave. PD dhe aleatët kanë qenë konstruktivë duke propozuar masa konkrete që të ndihmojnë ekonominë.

Ekonomia jonë trashëgon një krizë të thellë në këto 7 vite si pasojë e politikave të gabuara fiskale dhe strukturore ekonomike. Konsumi në kushte normale ka qenë i ulët dhe është tejet e pritshme që situata e krijuar këto ditët e fundit dhe në javët në vijim do të prekë edhe më shumë këtë krizë të thellë që do trashëgohet.

Në një situatë të tillë, një qeveri e shëndoshë mendërisht mendon përtej ditës së sotme. Por kokëfortësia aktuale prodhon një dyfishim të krizës, pasi qeveria ende nuk ka ndërmarrë një vendim për të pezulluar pagesat e koncesioneve siç u propozua nga PD. Paratë e PPP-ve mund të përdoren fare mirë në rritjen e kapaciteteve për të testuar sa më shumë qytetarë dhe për të qenë më të pranishëm në këtë kohë krize.

Sot buxheti i shtetit duhet të jetë në funksion të krizës dhe mjekëve. Nuk mjafton duartrokitja për ta por duhen ndihma reale në buxhet. Sikundër duhet ndihma për 100 000 biznesetë vogla, duhet një ndihmë për bizneset e mesme që kanë mbyllur aktivitetin por që do të kenë më pak para në xhepin e tyre. Duhet një rrugë zgjidhje për 350 000 profesioniste te lire e per punonjësit që do të marrin më pak parà si rrogë në fund të muajit. Ekonomia do çliruar dhe konsumi do ndihmuar! Shqipëria duhet qeverisur qofte krizë, pandemi apo situatë emergjence!

Njësoj si opozita dhe propozimet e saj mendon edhe FMN, e cila me një deklaratë të pak ditëve më parë i shprehu këto shqetësime që kaluan në heshtje. Me të drejtë vëmendja sot është e drejtuar për të mposhtur këtë pandemi, por vëmendja e qeverisë është për të manaxhuar pandeminë ekonomike që do pasojë këtë pandemi virale.

FMN në deklartën e saj nënvizonte se buxheti i shtetit nuk ka hapësirë për t’iu përshtatur krizave për shkak të keqmanaxhimit, borxhit të lartë dhe faktit se ajo ka angazhuar miliona euro në kontrata koncesionare me risk të lartë për buxhetin. Prandaj, sipas FMN, është e nevojshme që të manaxhohen fondet e tërmetit me transparencë dhe në ndihmë të atyre në nevojë.

LEXO EDHE:  Ekonomia shqiptare në krizë/ Bizneset e kunatit të Bashës, lulëzojnë

LEXO EDHE:  Shpërblimet e fundvitit për pensionistët/ Ervin Bushati: Atë e di qeveria

Në të njëjtën linjë me PD edhe FMN ka sugjeruar se është e nevojshme të ndryshohet buxheti i shtetit për t’u mbështetur ata që më shumë kanë nevojë për të përballuar këtë situatë krize dhe pandemie. Prandaj ajo këmbëngul që kjo situatë mos përdoret për të cënuar ekonominë me amnisti fiskale të pandershme dhe antiligjore apo dhe mos përdorimin e ekonomisë për skema mafioze.

Propozimet e PD janë të drejta dhe realiste. Të ideuara për të stimuluar tregun e punës, për të kompensuar humbjen e të ardhurave tek biznesi familjar apo ai i prodhimit madje dhe për të nxitur komsumin. Nëse nuk mbështetet sot ekonomia kur do të mbështett?

Shqipëria sot është në krizë të thellë e cila fatkeqësisht do të thellohet edhe më shumë pas kësaj pandemie. Mungesa e vizionit, rritja e korrupsioni shoqëruar me një paaftësi dhe symbylltësi kanë prodhuar një situatë të pakëndshme ekonomike! Herët apo vonë shqiptarët do të përballen me nje tjetër pandemi nëse qeveria nuk ndërmerr hapat e propozuara për të shpëtuar ekonominë e gjithsecilit prej nesh. Sot Shqipëria ka nevojë për masa emergjente!

Për më shumë opinioni FMN

LEXO TE PLOTE

Ekonomi

Bizneset e vogla kërkojnë miratimin e një pakete ekonomike/ Të shtyhet pagesa e taksave

Publikuar

-

Nga

Shoqata e Biznesit të Vogël dhe të Mesëm të Shqipërisë  në një shkresë drejtuar Qeverisë dhe Ministrisë së Financave ka paralajmëruar për situatën e vështirë që po kalojnë subjektet e vogla e të mesme dhe ka kërkuar marrjen e disa masave për ta mbështetur atë, ashtu siç po bëjnë qeveritë e vendeve të tjera të Europës.

Ndër kërkesat kryesore janë shtyja e pagesave, gjobave dhe detyrimeve fiskale të biznesit ndaj shtetit, rimbursimi i pagave të punonjësve, sigurimeve, përjashtimin nga taksa e pronës si dhe të gjenden forma rimbursimi për të kompensuar humbjet e bizneseve.

Në shkresë thuhet:    

“Në situatat e pandemisë për shkak të covid-19, në të cilën po kalon vendi, Shoqata e Biznesit të Vogël dhe të Mesëm  të Shqipërisë, përshëndet masat e ndërmarra nga Qeveria, për mbrojtjen e jetës të qytetarëve. Mbyllja e aktiviteteve ekonomike në shumicën e bizneseve edhe një here e ve në sprovë biznesin e vogël dhe të mesëm pas tërmetit të 26 Nëntorit.

Përshëndesim Bankën e Shqipërisë për iniciativën që ndërmorri në shtyrjen e afatit 3 mujor për shlyerjen e kredive dhe interesave bankare ndaj individëve dhe biznesit, por jemi shpresëplotë që kjo të vihet në zbatim sa më shpejt.

Nga ana tjetër, natyrshëm kjo situatë pritet të sjellë vështirësi të mëdha ekonomike ndaj biznesit në përgjithësi, por sidomos biznesit të vogël dhe të mesëm në veçanti, për arsye sepse biznesi i vogël është më i ndjeshëm ndaj këtyre situatave.

Sot problemet ekonomike varen shumë nga kohëzgjatja e pandemisë. Masat për shëndetin publik kufizojnë dhe dëmtojnë aktivitetin ekonomik. Bizneset vazhdojnë dhe paguajnë shpenzimet fikse megjithëse kanë pezulluar aktivitetin ekonomik.

Në treg ka ndryshime të mëdha të rregullit ekonomik kërkesë-ofertë.

Bizneset do të përballen me krizë parash, rrjedhimisht punëtorët do të ngelen pa punë. Në këto kushte, biznesi është i detyruar ose të marrë borxh para në banka dhe rrugë informale ose të falimentojë.

Lidhja biznes i vogël – biznes i madh do të prishet dhe njëkohësisht do të shkatërrohen balancat ekonomike.

Pas mbarimit të krizës shëndetësore, ekonomike dhe sociale, frika e biznesit është e madhe nga largimi i punonjësve jashtë shtetit.

Paniku për një krizë financiare do të çojë në një krizë kredie etj.

Të ndodhur në këto kushte e shohim të arsyeshme për t’i kërkuar qeverisë marrjen e disa masave dhe plane veprimi ndërmjet palëve me grupet e interesit, për lehtësimin e barrës fiskale dhe monetare ndaj biznesit.

LEXO EDHE:  Ekonomia shqiptare në krizë/ Bizneset e kunatit të Bashës, lulëzojnë

LEXO EDHE:  Zëri i Amerikës i kundërpërgjigjet Ramës/ Do mbështesim demokracinë

Duke marrë shembuj nga vendet e prekura nga pandemia, si Franca, Italia, Gjermania, Spanja, Kosova etj.të cilat kanë miratuar paketa fiskale shtesë edhe shteti ynë, duhet të miratojë një paketë ekonomike dhe sociale ku detyrimisht përfshihet biznesi i vogël dhe i mesëm.

Deri në mbylljen e krizës shëndetësore sociale dhe ekonomike kërkojmë:

-Qeveria të shikojë sektor pas sektori mundësinë e veprimtarisë ekonomike e varur kjo nga situata në të cilën vendi do ndodhet për shkak të pandemisë.
-Qeveria të krijojë mundësinë e shtyrjes së pagesave, gjobave dhe detyrimeve fiskale të biznesit ndaj shtetit.
-Rimbursimin e plotë të pagës së punonjësve.
-Rimbursimin e detyrimeve për derdhjen e kontributeve të sigurimeve shoqërore dhe shëndetësore.
-Shtyrjen e pagesave të energjisë elektrike dhe ujit si dhe taksave vendore.
-Për bizneset që pësojnë dëme nga kjo situatë, qeveria të gjejë forma për kompesimin e plotë të tyre.
-Të përjashtohen bizneset nga taksa e pronës deri në përfundimin e krizës.
-Të kompesohet e plotë pagesa e qerasë si dhe tatimit në burim i qeradhënësit, për të gjitha bizneset të cilat janë qeramarrës.
-Të shtyhet për një periudhë të caktuar nga ana e qeverisë deklarimet e bilanceve, për shkak të vështirësive të mbledhjes së dokumentacionit nga ana e kontabilistëve.
-Banka e Shqipërisë të injektojë para në treg për të ulur efektin e krizës.
-Zbutjen e normave të interesit duke i krijuar bizneseve mundësi më të mëdha kreditimi.

Në planin afatgjatë, për shkak të krizës si dhe ankimimeve tona të shpeshta për tatime dhe taksa të larta, qeveria duhet të rishikojë edhe një herë një program të një pakete të re fiskale dhe zbutjen e kostove ndaj biznesit. Kjo paketë do t’i krijonte mundësi edhe bizneseve të cilat u dëmtuan nga tërmeti i 26 nëntorit të vitit të kaluar.

Në zbatimin e ligjit në kushtet aktuale, qeveria jo vetëm të ndërmarri masa ndëshkuese për shkelësit e ligjit, por dhe masa lehtësuese që vendi të mos ndodhet para një recension i cili do të sillte falimentimin e mijëra bizneseve dhe largimin e mijëra shqiptarëve drejt perëndimit.

E shohim me vend t’i bëjmë thirrje biznesit të veprojë me rigorozitet ndaj masave të marra nga qeveria, gjithashtu askush të mos abuzojë me çmimet e produkteve dhe shërbimeve dhe urojmë që kjo situatë të kalohet me lehtësi dhe sa më shpejt”./ Monitor

LEXO TE PLOTE