Connect with Us

Vijon të rritet numri i personave të prekur nga koronavirusi/ Si paraqitet situata në të gjithë botën  

Bota

Vijon të rritet numri i personave të prekur nga koronavirusi/ Si paraqitet situata në të gjithë botën  

Publikuar

-

Kina ishte vend i parë ku shpërtheu koronavirusi, por tashmë duket se po del nga kthetrat e këtij virusi.

Por, ndërsa situata në Kinë duket drejt përmirësiit, e kundërta ndodh me shumë nga vendet e tjera të botës.

Sipas përllogaritjeve të  Johns Hopkins University realizuar me shifrat e OBSH dhe burimeve të tjera, në gjithë botën janë të infektuar rreth 167 mijë njerëz dhe 6.400 kanë humbur jetën.

Një ditë më parë, Kina raportoi 16 raste të reja dhe 14 të vdekur, ndërklohë që raste totale në Kinë janë regjistruar 80.860. Tani ka më shumë të infektuar në botë sesa në Kinë.

Nga ana tjetër Italia vijon të përballet me një situatë tepër të rëndë, ku janë regjistruar 368 të vdekur në vetëm 24 orë, duke e çuar numrin total të të vdekurve në 1809. Në Itali janë infektuar 24.747, ku 3590 prej tyre u diagnostikuan vetëm 24 orët e fundit.

LEXO EDHE:  Shpresë për Italinë në betejën me koronavirusin/ Mbërrin ekipi i ekspertëve kinezë dhe ndihma mjekësore

Koronavirusi ka vënë në alarm edhe SHBA-të, ku janë shtuar masat. Qendra për Kontrollin dhe Parandalimin e Sëmundjeve rekomandoi anullimin ose shtyrjen e eventeve që grumbullojnë më shumë se 50 njerëz për të paktën tetë javë. Në SHBA janë diagnostikuar të paktën 3400 njerëz. 29 shtete kanë mbyllur shkollat dhe shtete të tjera po mbyllin restorantet dhe baret.

Po ashtu edhe Gjermania po limiton lëvizjen drejt dhe nga Franca, Austria, Zvicra dhe Luksemburgu; Meksika u kërkoi qytetarëve të mos udhëtojnë nëse s’është e nevojshme dhe Republika Çeke mbylli administratën.

Singapori urdhëroi karantinimin 14-ditor të vizitorëve nga shtetet e Azisë Lindore, Zvicra dhe Mbretëria e Bashkuar. Hong Kong po i nxit qytetarët të mos udhëtojnë drejt Irlandës, SHBA-ve dhe Mbretërisë së Bashkuar. Filipinet kanë pezulluar transportin tokësor, ujor dhe ajror në zonën e Metro Manila duke pakësuar kështu numrin e njerëzve që hyjnë në shtet. Gjithashtu kanë mbyllur shkollat dhe kanë ndaluar grumbullimet masive.

KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Shkon në 13 numri i të prekurve me koronavirus në Kosovë

Publikuar

-

Nga

Edhe në Kosovë vijon të rritet numri i personave të prekur nga koronavirusi.

Në një postim në rrjetet sociale, Ministri i Shëndetësisë, Arben Vitia ka bërë të ditur se këtrë të hënë janë shtuar edhe katër raste të reja, duke e çuar në 13 numrin e personave të prekur me koronavirus.

Sipas Arben Vitia katër personat e prekur janë nga fshati Stubëll e Vitisë, familjarë të ngushtë të pacientit të diagnostikuar pozitiv me COVID-19, me datë 13.03.2020.

Vitia është shprehur se e gjithë familja kanë qenë në vetizolim dhe Instituti Kombëtar i Shëndetit Publik ka bërë testimin edhe të familjarëve të tjerë.

LEXO EDHE:  Koronavirusi/ Jetë pa kontakte sociale?

LEXO EDHE:  Shpresë për Italinë në betejën me koronavirusin/ Mbërrin ekipi i ekspertëve kinezë dhe ndihma mjekësore

“Të nderuar qytetarë,Mbrëmë vonë, bazuar në rezultatet e testimeve u konfirmuan edhe katër raste të reja pozitive me COVID-19.Të katër rastet janë nga fshati Stubëll e Vitisë, familjarë të ngushtë të pacientit të diagnostikuar pozitiv me COVID-19, me datë 13.03.2020.E gjithë familja kanë qenë në vetizolim dhe Instituti Kombëtar i Shëndetit Publik ka bërë testimin edhe të familjarëve të tjerë.Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente. Ndiqni rekomandimet nga Ministria e Shëndetësisë dhe Instituti Kombëtar i Shëndetit Publik.

Ju faleminderit për mirëkuptim!.”-shkruan ministri./ CNA.al

LEXO TE PLOTE

Kosova & Rajoni

Nuk hoqi tarifën ndaj Serbisë/ SHBA ndëshkon Kosovën

Publikuar

-

Nga

SHBA pezulloi Kosovën nga programi i ndihmës ekonomike “Korporata e Sfidës së Mijëvjeçarit”, MCC për shkak të mosheqjes së tarifës ndaj Serbisë. Kuvendi i Kosovës miratoi rezolutën për dialogun me Serbinë.

15 marsi ishte data kur kryeministri Albin Kurti kishte paralajmëruar heqjen e tarifës në lëndën e parë për mallrat që hyjnë nga Serbia në Kosovë, por këtë nuk e bëri, sepse sipas tij, nuk ka arritur ta bindë partnerin e koalicionit LDK-së për këtë gjë. Kjo e fundit po kërkon heqjen e tërësishme të tarifës ndaj Serbisë ashtu siç po kërkon edhe SHBA, dhe jo heqjen e pjesshme siç e kërkon Kurti. Kryeministri kosovar në një postim në profilin e tij tha, se “u kërkoi falje qytetarëve të Kosovës që më 15 mars nuk po mund ta jetësojë planin e tij në raport me tarifën”. “Ende nuk kam arritur ta bindë partnerin tonë të koalicionit qeverisës, LDK-në, për atë që vetë jam i bindur: zëvendësimi gradual i tarifës me reciprocitetin është mënyra më e mirë, më e drejtë dhe më e dobishme”, shkroi Albin Kurti.

Reagimi i LDK

Por i menjëhershëm ishte reagimi i zëvendëskryeministrit të parë në qeverinë Kurti, Avdullah Hoti nga LDK-ja, i cili tha se tarifa duhet të hiqet menjëherë, e pa kushte, ashtu siç po kërkojnë Shtetet e Bashkuara. Ai porositi Kurtin që të “mos të bëhen taktizime politike me partneritetin tonë me SHBA-n”. “Vëmendja e jonë duhet të jetë në menaxhimin e situatës së krijuar nga Covid-19, e jo në lojëra politike që çojnë në DISTANCIM të SHBA-së nga Kosova, siç ka nisur me bllokimin e fondeve të MCC-së për Kosovë, të nënshkruara nga Qeveria Mustafa”, shkroi Hoti në Facebook.

Kryeministri Albin Kurti në fund të muajit shkurt kishte deklaruar se më 15 mars heq tarifën për lëndën e parë për mallrat e Serbisë dhe nëse Serbia e ndal fushatën për çnjohje dhe zotohet për heqjen e barrierave jotarifore, nga 1 prilli, taksa do të hiqej për një periudhë 90 ditëshe. Nëse Serbia nuk i përmbahet këtyre zotimeve, atëherë nga 15 qershori, do të rivendosej taksa 100 % dhe do të zbatohej parimi i reciprocitetit.

SHBA reagon ndaj Kosovës

LEXO EDHE:  Koronavirusi nuk kursen as kabinetin qeveritar/ Ministri i Kulturës rezulton pozitiv

LEXO EDHE:  Shpresë për Italinë në betejën me koronavirusin/ Mbërrin ekipi i ekspertëve kinezë dhe ndihma mjekësore

Këtë plan e kundërshtuan SHBA, të cilat përmes të ngarkuarit për dialogun Kosovë-Serbi,. Richard Grenell, po kërkojnë heqjen e tërësishme të tarifës ndaj mallrave të Serbisë në mënyrë që t’i hapet rruga dialogut Kosovë-Serbi. Madje SHBA kërcënuan edhe me sanksione ndaj Kosovës dhe masën e parë ata e ndërmorën dy ditë më parë. Korporata e Sfidës së Mijëvjeçarit të Qeverisë së SHBA-së (MCC), konfirmoi nëpërmes një komunikate për medie se ka pezulluar programet e zhvillimit ekonomik për Kosovën.

“Pozicioni i Shteteve të Bashkuara lidhur me tarifat e Kosovës ndaj mallrave nga Serbia është i qartë. Heqja e këtyre tarifave do të përmirësojë ekonominë e Kosovës dhe do të ndihmojë në uljen e varfërisë përmes rritjes ekonomike. Derisa të zgjidhet çështja e tarifave të Kosovës, MCC do të pezullojë programet e saj në Kosovë”, thuhet në njoftim.

Një javë më parë në Shtëpinë e Bardhë në Uashington u takuan Presidenti i Kosovës Hashim Thaçi dhe Presidenti i Serbisë Aleksandër Vuçiq me ndërmjetësimin e të ngarkuarit amerikan Richard Grenell. Kryeministri i Kosovës, Albin Kurti tha se Presidenti Thaçi nuk ka mandat që të negociojë në emër të Kosovës dhe i kërkoi atij që ta kordinojnë politikën e jashtme. Megjithatë Parlamenti i Kosovës të shtunën pas mesnatës miratoi një rezolutë me të cilën bëhet e qartë se “Qeveria e Kosovës është institucioni që ka mandatin që të udhëheqë bisedimet politike me Beogradin”.

“Sovraniteti shtetëror, integriteti territorial dhe karakteri shtetëror unitar i Republikës së Kosovës janë të pacënueshme. Askush nuk ka të drejtë të bisedojë, dialogojë apo negociojë për sovranitetin, integritetin territorial, rendin kushtetues dhe karakterin unitar të Kosovës”, thuhet në tekstin e rezolutës të miratuar në Kuvendin e Kosovës. Dialogu me Serbinë, ka nisur në vitin 2011 dhe pas shtatë vjetësh u ndërpre në nëntor të vitit 2018 pasi Qeveria e Kosovës vendosi tarifën 100% ndaj produkteve të Serbisë, si kundërpërgjigje ndaj Serbisë për shkak të fushatës së saj kundër njohjeve të Kosovës. Beogradi po e kushtëzon kthimin në tavolinën e bisedimeve me Kosovën me heqjen e tarifës ndaj mallrave të saj që të hyjnë në Kosovë./ DW

LEXO TE PLOTE

Bota

Gruaja e kryeministrit të Spanjës preket nga koronavirusi

Publikuar

-

Nga

Gruaja e kryeministrit të Spanjës Pedro Sanchez ka rezultuar positive me koronavirus.

Lajmi është konfimuar nga vetë zyra e kryeministrisë, disa orë pasi u njoftua dhe izolimi i pothuajse gjithë vendit.

Begoña Gomez dhe kryeministri janë me shëndet të mirë dhe po ndjekin udhëzimet e autoriteteve mjekësore në rezidencën e tyre në Pallatin La Moncloa në Madrid, shkruan “Elpais.com”.

Dy ministra të Kabinetit të Sánchez, ministri i barazisë dhe ministri i çështjeve rajonale, kanë rezultuar gjithashtu pozitiv që në fillim të javës.

LEXO EDHE:  Shpresë për Italinë në betejën me koronavirusin/ Mbërrin ekipi i ekspertëve kinezë dhe ndihma mjekësore

LEXO EDHE:  Koronavirusi/ Jetë pa kontakte sociale?

Spanja me një popullsi prej 46.7 milionë banorë është vendi më i goditur në Europë pas Italisë më shumë se 6.300 të infektuar./CNA.al

 

LEXO TE PLOTE