Pas të ftohtit dhe acarit nga nesër pritet të rikthehen reshjet e dendura të shiut në Shqipëri, ku intesitetit më i madh i tyre do jetë kryesisht në zonën veri-perëndimore.

Për këtë, Agjencia Kombëtare e Emergjencave Civile ka paralajmëruar se rajoni i Shkodrës do të goditet nga reshje të shumta shiu, që do zgjasin rreth katër ditë, situatë kjo që mund të shoqërohet me përmbytje.

Prefektja e qarkut të Shkodrës, Majlinda Angoni, tregoi për Euronews Albania, masat, që sipas saj janë marrë për të përballuar situatën. Ajo tha se strukturat janë vënë në gatishmëri të plotë për t’u kujdesur për banorët në rast nevoje.

“Pritet të kemi reshje sipas Agjencia Kombëtare e Emergjencave Civile (AKEC), që bazuar edhe tek IGJEUM, do të kemi reshje të një intensiteti të lartë, kjo na vuri para përgjegjësisë. Përqendrimi i reshjeve është në Shkodër dhe në Vaun e Dejës. Ka një mirëmenaxhim të kaskadës së Drinit, dhe kjo është dhe falë shkarkimeve qëjanë bërë gjatë gjithë kësaj jave”, tha ajo.

Ajo tha se ka një përmirësim të ndjeshëm të situatës nga përmbytjet e pak ditëve më parë. Sipas znj. Angoni në të gjithë qarkun e Shkodrës përllogariten sot rreth 910 hektarë tokë, e cila është mbuluar nga uji.

“Ne nuk kemi pasur shtëpi të përmbytura. Nuk kemi pasur persona të evakuuar, nuk kemi pasur gjë të gjallë të evakuuar. Në Shkodër nuk kemi pasur, por kemi pasur vetëm një familje në Vaun e Dejës dhe ajo është strehuar tek fisi i vet. Kemi pasur sipërfaqe nën ujë. Kemi si qark i Shkodrës 910 ha tokë  nën ujë. Kemi një rëni të ujërave si në Bunë, Drin, dhe ashtu dhe në Liqenin e Shkodrës”,  shtoi ajo./euronews

Vendi ynë vijon të ndikohet nga kushte të paqëndrueshme atmosferike dhe në këtë mënyrë edhe për ditën e nesërme pritet që moti të jetë i vranët në të gjithë territorin (edhe pse nuk do të mungojnë intervalet e shkurtra me diell).

Vranësirat do të shoqërohen me reshje shiu të herëpashershme me intensitet të ulët dhe mesatar në formën e shtrëngatave.

Sipas Shërbimit Meteorologjik, intensiteti mesatar pritet kryesisht në zonën e jugut dhe atë të veriperëndimit. Në zonën e Alpeve do të ketë reshje dëbore.

Era do të fryjë me drejtim juglindje – jugperëndim 3-10m/sek. Përgjatë vijës bregdetare, zonat e ulta pranë tyre, dhe zonat luginore era intensive dhe me rrahje dhe shpejtësi që arrinë deri në 15-20m/s. Valëzim i forcës 1-3 ballë me lartësi vale 0.8-2.2m.

Temperaturat parashikohen në:

zonat malore 1°C deri në 10°C

zonat e ulëta 3°C deri në 16°C

zonat bregdetare 7°C deri në 16°C./ CNA.al

Është mbledhur pasditen e sotme Komiteti Teknik Ekspertëve, për t’iu njohur me masat e reja, dhe vendimin për universitetet.

Kryetarja e Komitetit të Ekspertëve, Mira Rakacolli, bëri me dije se ditët e fundit është parë një rritje e rasteve të të infektimeve, dhe sidomos tek moshat e reja.

Për këtë, në të mirë të shëndetit të studentëve por dhe të afërmëve të tyre, Rakacolli bëri me dije se mësimi për universitetet do të vijojë online.

“Nga 6 janari kemi pasur rritje javore. Kjo është shoqëruar me rritje te moshat 16- 24 vjeç.

Pavarësisht se skemi rritje të vdekjeve sikurse mund të kemi në vende të tjera këto flasin për ngushtim. Prandaj në mbledhjet që kemi zhvilluar kemi vendosur që krahas masave që kanë për ta vazhduar, orës policore dhe ndalimi i fluturimeve me Britaninë… Edhe mësimi menduam  të vazhdojë online. Edhe prania në konvikte e shton rrezikun e infeksionit, ato mund të kthehen në vatra të sëmundjeve.

Dihet se Tirana e ka numrin më të lartë. Ardhja e studentëve bën që të shpërndahet infeksioni dhe në ato qytete që i kemi kontrolluar. Ky nuk ishte një vendim i lehtë për tu marrë.

Në mënyrë unanime pas diskutimeve vendosëm që ta vazhdojmë edhe pak këtë sepse është në të mirë të shëndetit të studentëve të të afërmeve dhe të familjarëve të tyre. Është një vendim që është marrë dhe në shumë vende të botës. NË SHBA, Kanda, Angli”,deklaroi ajo./CNA.al