Connect with Us

Orari i lëvizjes dhe numrat e vënë në dispozicion/ Policia sqaron qytetarët

Sociale

Orari i lëvizjes dhe numrat e vënë në dispozicion/ Policia sqaron qytetarët

Publikuar

-

Policia e Shtetit ka dhënë një sqarim lidhur me numrat e vënë në dispozicion të qytetarëve dhe orarin e lëvizjeve në rrugë.

Blutë bëjnë me dije se të gjithë pronarët e bizneseve prodhuese apo ata që ofrojnë shërbime për qytetarët, të cilët duan të akreditojnë automjetet për lëvizje personeli apo mallra brenda qarkut, të mos dërgojnë email në adresën [email protected] dhe as të mos telefonojnë në dy numrat e dedikuar, por t’i drejtohen Sektorit të Policisë Rrugore të qarkut ku kanë vendbanimin dhe ushtrojnë aktivitetin e tyre.

“Ndërsa ata pronarë apo administratorë që kanë aktivitet/biznes edhe jashtë qarkut, si dhe ata që banojnë në qarkun Tiranë, të vazhdojnë të bëjnë kërkesa për akreditim nëpërmjet email-it [email protected] dhe dy numrave të dedikuar”, thuhet në njoftim.

Policia deklaron se orari i lëvizjes në mëngjes dhe pasdite nuk është për qytetarët, por për punonjësit e ndërmarrjeve prodhuese.

“Orari i lëvizjes 06:00 deri 08:00 dhe në mbasdite 16:00 deri në 17:00 nuk është për lëvizjen e lirë të qytetarëve, por për personelin/ punonjësit e ndërmarrjeve prodhuese, të cilët do lejohen të kenë aktivitet, sipas konfirmimeve të bëra nga Policia e Shtetit, si dhe për punonjësit e institucioneve shtetërore të pajisur me dokument identifikimi të institucionit. Në këto orare nuk do lejohet lëvizja e lirë e qytetarëve me automjete private.

LEXO EDHE:  Policia “dhëmb për dhëmb” me PD/Procedohen 117 qytetarë, ja drejtuesit e protestës

Punonjësit e Policisë së Shtetit, ata të Policisë së Burgjeve, të SHPSF-ve, personeli shëndetësor dhe gazetarët lejohen të qarkullojnë në oraret e ndërrimit të turneve, duke patur me vete dokumentim e lëshuar nga institucioni ku punojnë. Automjetet e firmave prodhuese dhe furnizuese, kadet, furgonçinat, kamionçinat dhe kamionët lejohen të lëvizin në çdo moment, por duke argumentuar lëvizjen me faturat e shpërndarjes së mallit apo të furnizimit me mall. Për urgjenca mjekësore, personat të telefonojnë në numrin 129/112 dhe në dy numrat e dedikuar, duke bërë prezent problemin për lëvizjen që kërkojnë”, nënvizohet më tej.

Ndërkohë Policia e Shtetit apelon që të gjithë drejtuesit e automjeteve që nuk janë të përfshirë në listën që u lejohet të qarkullojnë, të respektojnë me rigorozitet kufizimet dhe të mos dalin në qarkullim, pasi dalja i penalizon me 3 vjet të heqjes së Lejes së Drejtimit./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Sociale

Në frontin e luftës me koronavirusin/ Berisha mirënjohje bluzave të bardha

Publikuar

-

Nga

Ish kryeministri Sali Berisha ka shprehur mirënjohjen për të gjithë bluzat e badha të cilët janë padyshim heronjtë e heshtur të këtyre ditëve që po kalon vendi.

Duke uruar shërim sa më të shpejtë për të infektuarit, Berisha kërkon nga qytetarët që të zbatojnë të gjitha rregullat e mbrojtjes dhe të mos i njësojnë ato me Ramën.

“Miq, sot numri i të sëmurëve në spitale arrin në 51.

Le t’ju urojme ne të gjithë atyre shërim të plotë, por edhe të infektuarve pa shenja të sëmundjes, shëndet të plotë.

LEXO EDHE:  Përplasjet në Astir/ Procedohen penalisht 26 protestues

LEXO EDHE:  Përplasjet në Astir/ Procedohen penalisht 26 protestues

Një përshëndetje të përzemërt, mirënjohje dhe solidaritet të plote punonjësve të shëndetësisë dhe thirrje qytetarëve të respektojnë të gjitha rregullat e mbrojtjes nga koronavirusi dhe të mos i njësojnë ato me narkoqeverine dhe kryekreun e saj që jua shpifin me daljet dhe qëndrimet e tyre çdo dite nga mëngjesi deri në darkë.”/CNA.al

LEXO TE PLOTE

Sociale

Ndikimi i koronavirusit në ekonomi/ BSH sqaron masat për riskedulimin e kësteve të kredisë

Publikuar

-

Nga

Banka e Shqipërisë ka sqaruar vendimin e marrë nga kjo e fundit lidhur me shtyrjen e pagesës së kësteve të kredive, në bashkëpunim me bankat e nivelit të dytë, për shkak të koronavirusit.

Banka deklaron se pezullimi i mësimit në institucionet arsimore, masat për shmangien e grumbullimeve të njerëzve, rekomandimet për të punuar nga shtëpia, ndërprerja e një sërë aktivitetesh tregtare dhe masat e shtuara të kujdesit, padyshim që do të ndikojnë në vëllimin e aktivitetit të bizneseve dhe gjenerimin e të ardhurave në nivele më të ulëta se parashikimet.

Për këto arsye, BSH thekson se më 12 mars Këshilli Mbikëqyrës miratoi shtimin e një dispozite të përkohshme në rregulloret e administrimit të rrezikut të kredisë për bankat dhe të administrimit të rrezikut në veprimtarinë e subjekteve financiare jobanka dhe të shoqërive të kursim-kreditit.

Kjo synon t’u krijojë lehtësi subjekteve, që në rastet e paaftësisë paguese e kredimarrësve gjatë periudhës tremujore, këto institucione të mos jenë subjekt i zbatimit të kërkesave të këtyre rregulloreve që lidhen me klasifikimin dhe krijimin e fondeve për provigjione.

BSH deklaron se bankat dhe institucionet e tjera financiare do të akomodojnë nevojat e klientëve për një riskedulim të kësteve të kredisë, duke mos i ngarkuar ata me penalitete apo me përkeqësim të statusit të kredimarrësit, duke qenë se mospagimi i kredisë ka ardhur si pasojë e kushteve të vështira të këtyre ditëve jashtë kontrollit të tyre.

“Masat për riskedulimin e kësteve të kredisë hyjnë në fuqi në datën 13 mars 2020 dhe zgjasin deri në datën 31 maj 2020. Ato parashikojnë që, gjatë kësaj periudhe, ata kredimarrës individë dhe biznese, gjendja financiare e të cilëve përkeqësohet nga situata aktuale, mund të përfitojnë një shtyrje, deri në 3-muaj, të pagesave të kësteve të kredive të tyre, të marra nga institucionet financiare të licencuara nga Banka e Shqipërisë: banka, jobanka dhe shoqëri kursim-krediti. Në këtë pikë, theksojmë se ky është nje proces që bën të mundur vetëm riskedulimin e detyrimeve qe këta kredimarrës kanë, por jo falje të tyre.

LEXO EDHE:  Policia jep versionin zyrtar/ Si e vrau të dashurën dhe veten 32-vjeçari

LEXO EDHE:  Vrasja në Tropojë/ Policia arreston autorët

Për të bërë të mundur këtë nevojitet që, të gjithë ata kredimarrës, biznese dhe individë, të cilët preken ekonomikisht dhe financiarisht nga kjo situatë, dhe që dëshirojnë të përfitojnë nga kjo lehtësi e ofruar, të kontaktojnë me institucionin financiar (bankë, jobankë, shoqëri kursim-krediti) me të cilin kanë marrëdhënien e kreditimit dhe të informojnë këta të fundit mbi këtë kërkesë.

Më pas, do të jetë institucioni financiar (banka, jobanka, shoqëria e kursim-kredititi) i cili, në bashkëpunim me kredimarrësin, do të vlerësojë kërkesën dhe, bazuar në specifikat e rastit, do të ofrojë edhe zgjidhjen përkatëse.

Ndërkohë, kredimarrësit, aftësia paguese e të cilëve nuk preket apo dëmtohet nga kjo situatë duhet të vijojnë normalisht shlyerjen e detyrimeve të tyre me këto institucione”, thuhet ndër të tjera në deklaratën e BSH-së./ CNA.al

LEXO TE PLOTE

Sociale

“Koronavirusi përhapet në dy faza”/ Mjeku epidemiolog tregon ku ndodhet Shqipëria

Publikuar

-

Nga

Mjeku epidemiolog Alban Ylli ka komentuar situatën e krijuar në vend, pas përhapjes së COVID-19.  Në një lidhje të drejtpërdrejtë me Euroneës Albania, mjeku epidemiolog tha se përhapja e COVID-19 kalon në dy faza.

Faza e parë sipas tij dyfishon numrin e të infektuarve çdo pesë ditë, kurse faza e dytë thekson doktori rrit eksponencialisht në çdo dy apo tri ditë numrin e të infektuarve. Ai tha se shteti fqinj i Italisë dhe shumë vende të Evropës Perëndimore ndodhen aktualisht në fazën e dytë.

Sipas epidemiologut, Shqipëria ndodhet shumë pranë fazës së dytë, por ai beson fort në faktin se masat e aplikuara prej autoriteteve për distancimin social do të japin impakt pozitiv në uljen e kurbës së epidemisë.

“Duhet të theksojmë se çdo epidemi në secilin vend ndjek linja karakteristike, por megjithatë ka diçka që i bashkon ato. Pas fazës së parë, ku rastet fillojnë të përhapen në popullatë me një ritëm, i cili dyfishohet çdo pesë ditë, vjen një fazë e dytë që quhet faza eksponenciale e epidemisë gjatë të cilës rastet dyfishohen çdo dy apo tri ditë.

Pra, kjo është faza ku ndodhet sot Italia dhe shumica e vendeve të Evropës perëndimore. Shqipëria duket se është afër kësaj faze, por unë shpresoj që masat drastike të marra në vendin tonë për distancimin social kanë filluar në kohën e duhur dhe ndoshta ne do të kemi mundësi të shohim një qarkullim të ngadalësuar të virusit dhe zbutje të kurbës se epidemisë, nga njëra ana për të shpëtuar jetën e individëve dhe nga ana tjetër për të ulur stresin mbi sistemin shëndetësor”, tha ai.

LEXO EDHE:  Ndalimi i aktivistëve opozitar/ Deputetët e PD mësynë Policinë

LEXO EDHE:  Policia “dhëmb për dhëmb” me PD/Procedohen 117 qytetarë, ja drejtuesit e protestës

Gjithashtu mjeku ka dhe një apel të fortë për të gjithë qytetarët, ku kërkon prej tyre respektimin me rigorozitet të të gjithë rregullave të caktuara nga autoritetet shtetërore

“Është thelbësore për sot të zbatohen masat, sepse kjo do të bëjë të mundur që kurba e epidemisë në Shqipëri do të ndjekë një profil të ndryshëm nga ajo që vihet re në Itali“, shtoi ai.

LEXO TE PLOTE