Connect with Us

Ndikimi i koronavirusit në ekonomi/ BSH sqaron masat për riskedulimin e kësteve të kredisë

Sociale

Ndikimi i koronavirusit në ekonomi/ BSH sqaron masat për riskedulimin e kësteve të kredisë

Publikuar

-

Banka e Shqipërisë ka sqaruar vendimin e marrë nga kjo e fundit lidhur me shtyrjen e pagesës së kësteve të kredive, në bashkëpunim me bankat e nivelit të dytë, për shkak të koronavirusit.

Banka deklaron se pezullimi i mësimit në institucionet arsimore, masat për shmangien e grumbullimeve të njerëzve, rekomandimet për të punuar nga shtëpia, ndërprerja e një sërë aktivitetesh tregtare dhe masat e shtuara të kujdesit, padyshim që do të ndikojnë në vëllimin e aktivitetit të bizneseve dhe gjenerimin e të ardhurave në nivele më të ulëta se parashikimet.

Për këto arsye, BSH thekson se më 12 mars Këshilli Mbikëqyrës miratoi shtimin e një dispozite të përkohshme në rregulloret e administrimit të rrezikut të kredisë për bankat dhe të administrimit të rrezikut në veprimtarinë e subjekteve financiare jobanka dhe të shoqërive të kursim-kreditit.

Kjo synon t’u krijojë lehtësi subjekteve, që në rastet e paaftësisë paguese e kredimarrësve gjatë periudhës tremujore, këto institucione të mos jenë subjekt i zbatimit të kërkesave të këtyre rregulloreve që lidhen me klasifikimin dhe krijimin e fondeve për provigjione.

BSH deklaron se bankat dhe institucionet e tjera financiare do të akomodojnë nevojat e klientëve për një riskedulim të kësteve të kredisë, duke mos i ngarkuar ata me penalitete apo me përkeqësim të statusit të kredimarrësit, duke qenë se mospagimi i kredisë ka ardhur si pasojë e kushteve të vështira të këtyre ditëve jashtë kontrollit të tyre.

“Masat për riskedulimin e kësteve të kredisë hyjnë në fuqi në datën 13 mars 2020 dhe zgjasin deri në datën 31 maj 2020. Ato parashikojnë që, gjatë kësaj periudhe, ata kredimarrës individë dhe biznese, gjendja financiare e të cilëve përkeqësohet nga situata aktuale, mund të përfitojnë një shtyrje, deri në 3-muaj, të pagesave të kësteve të kredive të tyre, të marra nga institucionet financiare të licencuara nga Banka e Shqipërisë: banka, jobanka dhe shoqëri kursim-krediti. Në këtë pikë, theksojmë se ky është nje proces që bën të mundur vetëm riskedulimin e detyrimeve qe këta kredimarrës kanë, por jo falje të tyre.

LEXO EDHE:  Banka e Shqipërisë: Rriten depozitat gjatë shkurtit

Për të bërë të mundur këtë nevojitet që, të gjithë ata kredimarrës, biznese dhe individë, të cilët preken ekonomikisht dhe financiarisht nga kjo situatë, dhe që dëshirojnë të përfitojnë nga kjo lehtësi e ofruar, të kontaktojnë me institucionin financiar (bankë, jobankë, shoqëri kursim-krediti) me të cilin kanë marrëdhënien e kreditimit dhe të informojnë këta të fundit mbi këtë kërkesë.

Më pas, do të jetë institucioni financiar (banka, jobanka, shoqëria e kursim-kredititi) i cili, në bashkëpunim me kredimarrësin, do të vlerësojë kërkesën dhe, bazuar në specifikat e rastit, do të ofrojë edhe zgjidhjen përkatëse.

Ndërkohë, kredimarrësit, aftësia paguese e të cilëve nuk preket apo dëmtohet nga kjo situatë duhet të vijojnë normalisht shlyerjen e detyrimeve të tyre me këto institucione”, thuhet ndër të tjera në deklaratën e BSH-së./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Sociale

“Koronavirusi përhapet në dy faza”/ Mjeku epidemiolog tregon ku ndodhet Shqipëria

Publikuar

-

Nga

Mjeku epidemiolog Alban Ylli ka komentuar situatën e krijuar në vend, pas përhapjes së COVID-19.  Në një lidhje të drejtpërdrejtë me Euroneës Albania, mjeku epidemiolog tha se përhapja e COVID-19 kalon në dy faza.

Faza e parë sipas tij dyfishon numrin e të infektuarve çdo pesë ditë, kurse faza e dytë thekson doktori rrit eksponencialisht në çdo dy apo tri ditë numrin e të infektuarve. Ai tha se shteti fqinj i Italisë dhe shumë vende të Evropës Perëndimore ndodhen aktualisht në fazën e dytë.

Sipas epidemiologut, Shqipëria ndodhet shumë pranë fazës së dytë, por ai beson fort në faktin se masat e aplikuara prej autoriteteve për distancimin social do të japin impakt pozitiv në uljen e kurbës së epidemisë.

“Duhet të theksojmë se çdo epidemi në secilin vend ndjek linja karakteristike, por megjithatë ka diçka që i bashkon ato. Pas fazës së parë, ku rastet fillojnë të përhapen në popullatë me një ritëm, i cili dyfishohet çdo pesë ditë, vjen një fazë e dytë që quhet faza eksponenciale e epidemisë gjatë të cilës rastet dyfishohen çdo dy apo tri ditë.

Pra, kjo është faza ku ndodhet sot Italia dhe shumica e vendeve të Evropës perëndimore. Shqipëria duket se është afër kësaj faze, por unë shpresoj që masat drastike të marra në vendin tonë për distancimin social kanë filluar në kohën e duhur dhe ndoshta ne do të kemi mundësi të shohim një qarkullim të ngadalësuar të virusit dhe zbutje të kurbës se epidemisë, nga njëra ana për të shpëtuar jetën e individëve dhe nga ana tjetër për të ulur stresin mbi sistemin shëndetësor”, tha ai.

LEXO EDHE:  “Ajo që fshihet është 10 herë më e madhe”/ Mjeku infeksionist bën thirrjen e fortë

LEXO EDHE:  Koronavirusi/ Çfarë di Britania e Madhe, që pjesa tjetër e Europës nuk e di?

Gjithashtu mjeku ka dhe një apel të fortë për të gjithë qytetarët, ku kërkon prej tyre respektimin me rigorozitet të të gjithë rregullave të caktuara nga autoritetet shtetërore

“Është thelbësore për sot të zbatohen masat, sepse kjo do të bëjë të mundur që kurba e epidemisë në Shqipëri do të ndjekë një profil të ndryshëm nga ajo që vihet re në Itali“, shtoi ai.

LEXO TE PLOTE

Sociale

“Unë do dal, hajde më ndalo po deshe”/ Aktori nuk i bindet urdhërit, sfidon publikisht Ramën

Publikuar

-

Nga

Aktori i humorit, Julian Deda ka reaguar me tone të forta pas vendimit të fundit të qeverisë, për të kufizuar edhe lëvizjen në këmbë.

Në një postim në rrjetet sociale, Julian Deda, shkruan se nuk do t’i bindet urdhërit, ndërsa sfidon publikisht Ramën duke thënë që nëse mundet le ta ndalojë.

LEXO EDHE:  Masat kundër koronavirusit/ KPK dhe KPA ndërpresin shërbimin e pritjes me qytetarët

LEXO EDHE:  Banka e Shqipërisë: Rriten depozitat gjatë shkurtit

Sipas aktorit Deda këto masa janë të ekzagjëruara.

“As ne kembe te mos levizim?! E egzagjerove Edo. I q.r. mor burre. Une per vete do dal, do ec ne kembe, ti hajde me ndalo po pate b….!”-shkruan Julian Deda./ CNA.al

Qeveria merr masa ekstreme/ Nuk do të mund të lëvizni as në këmbë

LEXO TE PLOTE

Sociale

Masat kundër koronavirusit/ Ambasada Gjermane bën njoftimin e rëndësishëm

Publikuar

-

Nga

Ambasada Gjermane në vendin tonë bën të ditur se nisur nga situata e koronavirusit, ka mbyllur zyrën e vizave dhe pashaportave, deri në një njoftim të dytë.

“Nisur nga gjendja aktuale zyra e vizave dhe pashaportave të Ambasadës Gjermane në Tiranë do të vazhdojnë të mbeten të mbyllura për publikun deri në një njoftim të dytë. Kjo vlen edhe për çështje të tjera konsullore sikundër janë vërtetimet, legalizimet dhe lejet e kalimit të kufirit, thuhet në njoftimin e ambasadës gjermane.

Më tej, thekson se “Të gjithë personat, që kanë një datë të konfirmuar aplikimi, i cili është i pamundur për shkak të mbylljes së Ambasadës, do të njoftohen automatikisht me email në momentin e duhur lidhur me datën e re të aplikimit. Jeni të lutur të verifikoni emailet, që ju mbërrijnë në SPAM”.

LEXO EDHE:  Në Evropë, histeria po përhapet më shpejt se sa koronavirusi

LEXO EDHE:  “Rastet e dyshuara kanë dalë negative”/ Drejtoresha e ISHSH qetëson qytetarët për koronavirusin

“Lutemi të hiqni dorë nga pyetjet individuale lidhur me datën e re të aplikimit, pasi kërkesa të tilla për fat të keq nuk mund të marrin përgjigje. Për aplikimet e bëra deri më tani: Ambasada do të njoftojë ata aplikues, pashaportat e të cilëve duhet të tërhiqen pas lëshimit të vizës përkatëse. Në raste urgjente drejtojuni ju lutem Ambasadës me email apo në rrugë telefonike. Qëndroni të informuar rredh gjendjes së mëtejshme përmes faqes sonë të internetit”-thuhet në njoftim.

LEXO TE PLOTE