Connect with Us

A mund të jetë koronavirusi-Covid 19 një shenjë apokaliptike?

Sociale

A mund të jetë koronavirusi-Covid 19 një shenjë apokaliptike?

Publikuar

-

Përpara 2000 vitesh Zoti Jisu Krishti profetizoi se para ditës së fundit të botës tonë kur Ai do të vijë përsëri në botë për të gjykuar gjithë njerëzimin, njerëzit e atij brezi të fundit do të shikojnë dhe vuajnë disa mundime globale që quhen “shenja apokaliptike” si :” Do të ngrihen komb kundër kombi, mbretëri kundër mbretërisë, do të ndodhin tërmete të mëdha, zi buke e murtaja vend më vend,…njerëzit do të mbahen nga frika e pyetjes se çfarë do ta pllakosë botën? (Luka 21:11) “Këto gjëra nuk duhet të jenë tjetër veçsve fillimi i dhembjeve të Lindje”(Luka: 13 -8)
Por le të përqëndrohemi tek njera nga këto shenja si epidemia e murtajës. Në Bibël, fjala “murtajë” del 65 herë, ndërsa “epidemi” 47 herë.

Njerëzimi për gjatë shekujve ka patur shumë goditje nga sëmundje epidemike si murtaja që kanë lënë gjurmë në histori, por në shek 20 sidomos mbas Luftës së Parë Botërore kemi pandemi që ia kalojnë epidemive të murtajës, si pandemitë nga viruset e gripit, apo koronaviruset si ajo e vitit 1920 e njohur me emrin “gripi spanjoll” që u përhap gati në të gjithë botën dhe preku më shumë se 500 milion njerëz dhe vdiqën prej saj rreth 100 milion njerëz. Edhe pse teknologjia mjeksore ka përparuar në mënyrë galopante me zbulimin e vaksiave kundër viruseve infektive përsëri në shekullin e 21-të ku ne gjendemi, pandemitë vdekjeprurëse nga koronaviruset kanë qenë në rritje si ajo e koronavirusit (SARS) në vitin 2003 dhe gjatë periudhës vitit 2009-2010 gripi (H1N1), ose “gripi i derrit”, dhe në vitin 2012 u shfaq koronavirusi (MERS) dhe tani në nëntor të vitit 2019 në Wuhan të Kinës shpertheu (COVID-19) një koronavirus i panjohur dhe shumë agresiv që po e infekton me shpejtësi gjithë globin me viktima në rritje dhe po krijon shumë ankth mes njerëzve.

Të gjitha këto pandemi epidemike që po bëhen gjthnjë e më të shpeshta edhe kërcënuese së bashku me të tjera fatkeqësi natyrore si tërmete,zjarre,përmbytje etj, nuk janë të rastësishme,por sipas Biblës janë pasojë e mëkateve të njerëzve të këtij brezi mëkatar që apostull Pavli i ka profetizuar shumë shekuj më parë : “Dije këtë se në ditët e fundit kanë për të ardhur kohë të këqija, sepse njerëzit do të jenë egoistë, argjendashës, lakmues parash, mburravecë, mendjemëdhenj, blasfemues, të pabindur ndaj prindërve, mosmirënjohës, të paudhë, të padhembshur, të papajtueshëm, shpifës, të papërmbajtur, të egër, të tillë që nuk duan të mirën, tradhtarë, gojëlëshuar, fodull, dëfrimdashës, më shumë se Perëndidashës. Të perëndishëm në dukje, por mohues të fuqisë së saj dhe nga këta largohu” (II Tim. 3:1-5)

Kësaj liste të tipit të mëkatarëve duhet t’i shtojmë edhe të tjerë lloje mëkatarësh që na përmenden në Bibël: “janë qentë, (d.m.th. të pabesët), magjistarët, kurvarët, vrasësit, idhujtarët dhe kushdo që do dhe bën gënjeshtrën. (Zb. 22:12-15) Po ashtu shkelësit e kurorës, të zhburrëruarit, homoseksualët,perversët, si edhe ata që vrasin fëmijët me anë të abordit.

Ajo që duhet të dimë është se këto fatkeqësi globale nuk krijohen dhe nuk vijnë nga Zoti i Gjithëmirë, i Cili nuk mund të bëjë keq, ose t’i krijojë vuajtje krijesave të tij dhe në veçanti njeriut i krijuar sipas ikonës të Perëndisë, ashtu siç e sqaron nxënësi i Krishtit apostull Jakovi: “Askush kur tundohet të mos thotë: “Jam tunduar nga Perëndinë,” sepse Perëndia nuk mund të tundohet nga e keqja, dhe ai vet nuk tundon asnjeri. Por secili tundohet i udhëhequr dhe i mashtruar nga lakminë e vet. Pastaj lakmia, pasi mbarset, pjell mëkatin dhe mëkati, si të kryhet, ngjiz vdekjen.”(Jakovi 1 13-14 )

Ky brez që Krishti e ka etiketuar si i “pabesë edhe imoral”(Mateu 17:17) d.m.th ateist, adhurues demonësh dhe i shthurur deri në perversion ka mbledhur shumë energji negative mëkati të cilat patjetër që do t’i bëhen një bumerang, prandaj edhe këto pandemi nuk duhen të merren si mutacione të rastësishme të virusit nga kafshët tek njeriu, por problemi është më i thellë, është moral. Energjia negative mëkatare që vetë njerëzimi i ka mbledhur rreth vetëvetes, largon hirin e Perëndisë që rregullon çdo gjë për të mirën tonë dhe mjedisit ku jetojmë dhe kur hiri largohet atëhere gjithëçka e natyrshme prishet në ekuilibrin e saj dhe del jashtë kontrollit si brenda njeriut dhe jashtë tij.

LEXO EDHE:  Kush është shkaku i gënjeshtrës dhe si mund të çlirohemi prej saj ?

Pra mëkati personal dhe kolektiv është një devijim nga rregulli i krijimit i vendosur nga providenca Hyjnore dhe bëhet shkatari i prishjes së lidhjes të njeriut me Perëndinë, të njeriut me njeriun dhe njeriut me natyrën, prandaj edhe viruset që janë të shumta rreth nesh duke marrë shkak nga mëkati dhe si një ushtri e instrumetalizuar nga forcat e errta demoniake ngrihet kundër shëndetit të njeriut si një cunam shkatërrues duke ju rezikuar jetën dhe qytetrimin.

Pavarësisht masave paraprake higjenike që duhen marrë për ta parandaluar përhapjen dhe përpjekjeve për ta asgjesuar virusin me vaksinën e duhur, emergjente është një ndërgjegjësim i shkaku- pasojës të gjendjes ku ndodhemi që si thamë nuk është thjesht mutacion natyror, por një devijim moral. Prandaj ashtu si duhet të lajmë shpesh duart, duhet të lajmë sa më shpejt me lot pendimi ndërgjegjen e infektuar nga mëkati ashtu si na thuhet në Bibël: “Afrohuni te Perëndia dhe ai do t`ju afrohet juve; pastroni duart tuaja, o mëkatarë; dhe pastroni zemrat o njerëz me dy mendje!”(Jakobi 4:8)

Duhet një reflektim që nga njerëzit e piramidës së pushtetit të cilët janë përgjegjësit e parë që hartojnë ligje dhe drejtojnë turmat kundra vullnetit dhe moralit Hyjnor, por edhe tek çdokush nga njerëzit që iu binden dhe i aprovojnë verbërisht këto ligje amorale, sepse ju pëlqen apostazia dhe shthurja perverse që vjen prej saj.
Ky sulm i virusit Covid 19 po na tregon se njeriu modern pavarësisht me egon e tij eusforike kërkon të sfidoj Perëndinë, ligjet dhe porositë e tij morale, përsëri është kaq i vogël dhe mjeran pa Zotin, sa që një virus i padukshëm e gjunjëzon dhe e vdes: “sepse paga e mëkatit është vdekja” (Romakëve 6:23)

Kështu para se përballë këtij reziku të përbashkët në rritje të thërasim: “O Zot na ndimo” duhet të lutemi në fillim: “O Zot na fal” dhe jo një: “më fal” me hipokrizi për të kaluar rrezikun e rradhës, por vendim dhe veprime konkrete, rikthimi me pendim, duke u tërhequr nga egoizmi se ne të vetëm do ta mundim të keqën që ja bëmë vetes dhe vetëm kështu t’i hapim rrugën Zotit të Gjithëpushtetshëm,Mjekut të shpirtrave dhe trupave tanë, që ta largojë sa më shpejt këtë të keqe të që na infekton në mënyr të padukshme, por që merr fuqi nga mëkatet tona të dukshme.

Në të kundërtën gjëra më të këqija do na vizitojnë jo vetëm nga toka, por edhe nga qielli, ashtu si janë të shkruara në Bibël: “Do të ndodhin edhe dukuri të llahtarshme dhe shenja të mëdha nga qielli…Dhe do të ketë shenja në diell, në hënë dhe në yje, dhe mbi tokë ankth popujsh, në përhumbjen prej gjëmës së detit dhe të valëve të tij; njerëzit do të mpaken nga frika dhe nga pritja se çfare do ta pllakosë botën, sepse fuqitë qiellore do të lëkunden. Atëherë do të shohin Birin e njeriut duke ardhur mbi një re, me fuqi dhe lavdi të madhe.(Luka 21:11)

Ne njerëzit ndryshe nga kafshët kemi privilegjin e lirisë që të zgjedhim, t’i përulemi Zotit, ose ta sfidojmë Atë, por kjo liri nuk na bënë autonom, sepse ne përsëri mbetemi krijesë e varur nga Krijuesi dhe jemi përgjegjës për veprimet tona dhe patjetër do pagojmë një ditë koston e veprimeve tona, prandaj edhe Bibla mbyllet me këto fjalë të Krishtit Biri Zoti-Biri i Njeriut, Shpëtimtari dhe Gjykatësi i njerëzimit: “Mos i vulos profecitë e këtij libri sepse koha është afër. Ai që bën paudhësi le të bëjë paudhësi, kush është i padrejtë le të vazhdojë të jetë i padrejtë, kush është i ndyrë le të vazhdojë të jetë i ndyrë, kush është i drejtë le të vazhdojë të jetë i drejtë, kush është i shenjtë le të vazhdojë të shenjtërohet. Dhe ja Unë vij shpejt dhe shpërblimi është në mua për t’i dhënë gjithësecilit sikundër do të jetë vepra e tij.”(Zbulesa 22:10)

Kështu për ata që kanë sy për të parë dhe veshë për të dëgjuar këto shenja nuk mund të jenë rastësi, por këmbana alarmi, shenja apokaliptike globale që po na paralajmërojnë se Zoti po vjen. Le të bëhemi gati ta presim.

Miron Çako; Përgjegjësi i Zyrës së Katekizmit të Kryepiskopatës KOASH.

KLIKO PER TE KOMENTUAR

Komentoni

Your email address will not be published. Required fields are marked *

Sociale

“Ata sot janë Shqipëria!”/ KSSH propozim qeverisë: 2 mije euro pagë për mjekët, i mijë për infermierët

Publikuar

-

Nga

Dalja masive e shqiptarëve ditën e shtunë pas një thirrje spontane për të duartrokitur bluzat e bardha ishte tregues i qartë se sot mjekët dhe infermierët janë ata që duhet të na bashkojnë dhe jo të ndajnë.

Coronavirusi tashmë është mes nesh ka marrë jetë njeriu, mbi 50 persona janë të infektuar qindra të tjerë janë në pritje të përgjigjes së analizave dhe 2.5  milionë shqiptarë të tjerë rezidentë  në vend janë në ankth të vetkarantinuar në banesat e tyre.
Në ballë të kësaj betejë janë bluzat e bardha, të cilët në emër të betimit Hipokratit kanë vënë shëndetin e pacientëve përpara vetes, familjes dhe jetës tyre.

Ata nuk kërkojnë merita, në kërkojnë reklamë nuk na dalin duke na dhënë mend në ekrane, por zgjedhin ti dalin përballë coronavirusit me objektiv parandalimin e përhapjes tij. Sot ata janë në krye të detyrës dhe në nuk kemi asgjë në dorë vec mbështetjes pa kufi për ta në cilëndo rrethanë.

Sot ka vend pa fund për kritika, por koha nuk është e duhura dhe pse është e kuptueshme se militantët e opozitës dhe mazhorancës do konsumojnë politikën e ditës, por në lumin e injorancës tyre nuk mbyten më as familjarët e tyre dhe jo më qytetarët shqiptarë të cilët e dinë mirë kur është koha për propagandë, kur është koha për opozitë dhe kur është koha për solidaritet.
Sot respekti për mjekët nuk duhet të jetë i përkohshëm deri sa të kalojmë këtë krizë, por permanent dhe dinjiteti i tyre duhet të triumfojë mbi militantizmin.
Konfederata e Sindikatave të Shqipërisë prej tre vitesh i ka propozuar qeverisë shqiptare rritjen e pagës për mjekët dhe infermierët.
Ne kemi kërkuar që paga për mjekët të shkojë deri në 2 mijë euro ndërsa për infermierët të shkojë deri në 1 mijë euro.

LEXO EDHE:  Beteja me COVID-19/ Koha për të thirrur në ndihmë studentët

LEXO EDHE:  Mjeku në Durrës preket nga Covid-19

Kjo kërkesë e jona në tetor të 2018 u prit me skepticizëm, por koha dëshmoi se ishte e drejtë dhe e logjikshme.
Pandemia me koronavirusin do ndryshojë rrënjësisht sistemin shëndetësor në të gjithë globin dhe për pasojë edhe në Shqipëri.
Bluzat e bardha do jenë ndër njerëzit më të paguar në shoqëri, pasi ata kanë në dorë gjënë më të shtrenjtë, jetën tonë.

Ky nivel page  i propozuar nga KSSH nëse do ishte miratuar sot do ishte kthyer në një armë të fortë në betejën kundër covid 19.
Në radhë të parë do ishte ndaluar hemorragjia e bluzave të bardha dhe sot do kishim më shumë ushtarë të kualifikuar në betejë.
Pasi të kalojmë këtë sfidë, mazhorancë opozitë sindikata grupe interesi shoqëri civile duhet të bëhemi  bashkë të mësojmë nga gabimet dhe rikuperimet ti nisim me bluzat e bardha, pasi ata janë sot Shqipëria.

LEXO TE PLOTE

Sociale

Ambasada italiane në Tiranë njoftim për qytetarët e saj/ Si të ktheheni nga Shqipëria

Publikuar

-

Nga

Ambasada italiane në Tiranë ka reaguar lidhur me situatën aktuale në vendin tonë dhe ka bërë një thirrje për të gjithë shtetasit italianë që ndodhen në Shqipëri.

Ambasada deklaron se që nga java e kaluar ka organizuar fluturime tregtare të posaçme për kthimin në Itali të qytetareve italianë që kanë kërkuar këtë formë asistence pas mbylljes totale të të gjitha udhëtimeve të pasagjerëve nga Shqipëria.

“Për këtë qëllim, është aktivizuar adresa mail e posaçme [email protected] Të mërkurë 11 mars është kryer fluturimi i parë me kompaninë Blue Panorama që ka bërë të mundur kthimin në Itali të 133 pasagjerëve; të enjten në 12 mars një fluturim i dytë i kompanisë Albawings me 138 qytetarë italiane. Sot në mëngjes u nis fluturimi i tretë Albaëings që transportoi në Itali 166 persona ndër të cilët 5 qytetarë italiane të mbetur të bllokuar në Mal të Zi, të cilët mbërritën në Shqiperi dje në darkë falë bashkëpunimit me Ambasadën Italiane në Podgoricë.

Këto veprime janë kryer me mbështetjen e linjave ajrore, në koordinim të plotë me institucionet dhe autoritetet kompetente shqiptare, duke filluar nga Ministria e Infrastrukturës dhe Energjisë, Ministria e Brendshme dhe Autoriteti Shqiptar i Aviacionit Civil. Ambasada Italiane ka vepruar në koordinim të plotë me Njësinë e Krizave si dhe me strukturat e tjera kompetente të Ministrisë Italiane të Punëve të Jashtme dhe të Bashkëpunimit Ndërkombëtar, në përputhje me masat paraprake të marra nga Ministritë kompetente italiane dhe shqiptare të shëndetësisë”, thuhet në njoftim, ndërkohë që ka shpërndarë edhe deklaratën e Ambasadorit italian Fabrizio Bucci.

LEXO EDHE:  Kush është shkaku i gënjeshtrës dhe si mund të çlirohemi prej saj ?

LEXO EDHE:  Beteja me COVID-19/ Koha për të thirrur në ndihmë studentët

“Me kufizimin e masave të udhëtimit të pasagjereve të vendosura nga Qeveria shqiptare, Ambasada ka konsideruar si përparësi garantimin e një mënyre për t’u kthyer në Itali të shumë bashkatdhetarëve që kanë bërë këtë kërkesë. Kjo nuk do të ishte e mundur pa punën e vazhdueshme të stafit të Ambasadës dhe te Sistemit Itali, mbështetjen e kompanive Blue Panorama dhe Albawings si dhe bashkëpunimin e institucioneve kompetente shqiptare. Falënderimet e mia shkojnë për të gjithë ata, për punën e përpiktë e realizuar natën dhe ditën në kushte emergjence të plotë. Gjate ditëve në vijim, do të vazhdojmë të punojmë në këtë drejtim, në përputhje me çdo kufizim të ri qe vendoset nga një skenar vazhdimisht ne evolucion që duhet të na shohë të bashkuar, si italianë por edhe me të gjithë vendet mike si Shqiperia, për ta mposhtur këtë betejë në respekt të plotë të masave të komuniteteve tonë mjekësore edhe shkencore”, ka deklaroi Bucci./ CNA.al

LEXO TE PLOTE

Sociale

Orari i lëvizjes dhe numrat e vënë në dispozicion/ Policia sqaron qytetarët

Publikuar

-

Nga

Policia e Shtetit ka dhënë një sqarim lidhur me numrat e vënë në dispozicion të qytetarëve dhe orarin e lëvizjeve në rrugë.

Blutë bëjnë me dije se të gjithë pronarët e bizneseve prodhuese apo ata që ofrojnë shërbime për qytetarët, të cilët duan të akreditojnë automjetet për lëvizje personeli apo mallra brenda qarkut, të mos dërgojnë email në adresën [email protected] dhe as të mos telefonojnë në dy numrat e dedikuar, por t’i drejtohen Sektorit të Policisë Rrugore të qarkut ku kanë vendbanimin dhe ushtrojnë aktivitetin e tyre.

“Ndërsa ata pronarë apo administratorë që kanë aktivitet/biznes edhe jashtë qarkut, si dhe ata që banojnë në qarkun Tiranë, të vazhdojnë të bëjnë kërkesa për akreditim nëpërmjet email-it [email protected] dhe dy numrave të dedikuar”, thuhet në njoftim.

Policia deklaron se orari i lëvizjes në mëngjes dhe pasdite nuk është për qytetarët, por për punonjësit e ndërmarrjeve prodhuese.

“Orari i lëvizjes 06:00 deri 08:00 dhe në mbasdite 16:00 deri në 17:00 nuk është për lëvizjen e lirë të qytetarëve, por për personelin/ punonjësit e ndërmarrjeve prodhuese, të cilët do lejohen të kenë aktivitet, sipas konfirmimeve të bëra nga Policia e Shtetit, si dhe për punonjësit e institucioneve shtetërore të pajisur me dokument identifikimi të institucionit. Në këto orare nuk do lejohet lëvizja e lirë e qytetarëve me automjete private.

LEXO EDHE:  Përse po na djeg kaq shumë Dielli?

LEXO EDHE:  Mjeku në Durrës preket nga Covid-19

Punonjësit e Policisë së Shtetit, ata të Policisë së Burgjeve, të SHPSF-ve, personeli shëndetësor dhe gazetarët lejohen të qarkullojnë në oraret e ndërrimit të turneve, duke patur me vete dokumentim e lëshuar nga institucioni ku punojnë. Automjetet e firmave prodhuese dhe furnizuese, kadet, furgonçinat, kamionçinat dhe kamionët lejohen të lëvizin në çdo moment, por duke argumentuar lëvizjen me faturat e shpërndarjes së mallit apo të furnizimit me mall. Për urgjenca mjekësore, personat të telefonojnë në numrin 129/112 dhe në dy numrat e dedikuar, duke bërë prezent problemin për lëvizjen që kërkojnë”, nënvizohet më tej.

Ndërkohë Policia e Shtetit apelon që të gjithë drejtuesit e automjeteve që nuk janë të përfshirë në listën që u lejohet të qarkullojnë, të respektojnë me rigorozitet kufizimet dhe të mos dalin në qarkullim, pasi dalja i penalizon me 3 vjet të heqjes së Lejes së Drejtimit./ CNA.al

LEXO TE PLOTE