Connect with Us

“S’iu bindën urdhrit”/ Policia ndëshkon 334 drejtues mjetesh, bllokohen dhe 8 makina

Kronika

“S’iu bindën urdhrit”/ Policia ndëshkon 334 drejtues mjetesh, bllokohen dhe 8 makina

Publikuar

-

Gjatë 24 orëve të fundit, në të gjithë vendin janë ndëshkuar me masë administrative, gjoba 334 drejtues mjetesh, si  dhe janë bllokuar 18 makina.

Po ashtu janë arrestuar në flagrancë 8 në gjendje të dehur, 2 për kundërshtim me dhunë të punonjësve të policisë dhe 4 të tjerë janë proceduar penalisht, për mosbindje të urdhrit të punonjësit të Policisë.

“Në Tiranë janë vënë në pranga 3 shtetas, pasi u konstatuan duke drejtuar automjetet në shkelje të ndalim qarkullimit, si dhe rezultuan duke drejtuar mjetet në gjendje të dehur, konkretisht shtetasi me iniciale S. M., në masën 0.83 mg/l., shtetasi me iniciale B. D., në masën 1.06 mg/l, si dhe shtetasi me iniciale K. M., në masën, 0.87 mg/l. Po në Tiranë, u bë arrestimi në flagrancë i shtetasve D. H., drejtues i mjetit dhe G. H., pasagjer i mjetit, pasi duke drejtuar mjetin tip “Fiat”, kanë kundërshtuar me dhunë dhe nuk i janë bindur urdhrit të punonjësve të Policisë, për verifikimin e dokumentacionit të mjetit, për shkak të shkeljes së ndalim qarkullimit.

Në Durrës, nga oficerët e Policisë Rrugore u procedua penalisht shtetasi A. B., pasi duke drejtuar mjetin në kundërshtim me urdhrin për ndalim qarkullimi, ka kundërshtuar për shkak të detyrës punonjësit e Policisë. Nga Drejtoria e Policisë Rrugore janë përpunuar dhe u është kthyer përgjigje 17123 shtetasve që kishin dërguar kerkesa  në adresën [email protected], kundrejt 25 mijë që kanë mbërritur gjithsej deri në këto momente. Gjatë 24 orëve të fundit janë pritur 1139 telefonata, të cilave iu është dhënë sqarimi ligjor, në lidhje me kërkesat e tyre” thuhet në komunikaten e policisë./CNA.al

 

KLIKO PER TE KOMENTUAR

Komentoni

Your email address will not be published. Required fields are marked *

Kronika

Inspektoriati i Punës kontrolle në call center-a dhe fasoneri/ Pezullon 83 biznese

Publikuar

-

Nga

Në zbatim të masave parandaluese për përhapjen e infeksionit të shkaktuar nga COVID-19, Inspektoriati Shtetëror i Punës dhe Shërbimeve Shoqërore ka zhvilluar kontrolle në aktivitete ekonomike fasonë dhe call center .

Mësohet se janë kontrolluar, verifikuar dhe monitoruar, gjithsej 142 subjekte në terren nga të cilët 91 subjekte fason, 26 subjekte që ushtrojnë aktivitet call center dhe 25 subjekte të tjera kryesisht, telekomunikacion, furra buke, tregti, minerare, përpunim nafte etj.

Ministria e Financave bën me dije se numri i të punësuarve të kontrolluar në këto aktivitete arrin në 9,653, të cilët ishin prezent në punë, ndërsa subjekte të rëndësishme të aktivitetit minerar dhe përpunues nafte kanë reduktuar numrin e punonjësve ndjeshëm gjatë këtyre ditëve.

83 subjekte të verifikuara kanë pezulluar vetë përkohësisht aktivitetin e tyre në kuadër të situatës.

Nga kontrolli i 59 subjekteve, të cilët vazhdonin punën, ka rezultuar se 35 subjekte kishin marrë masat për punonjësit duke siguruar dizinfektimin e ambientit nga institucione apo subjekte të liçensuara, vënien në dispozicion të mjete mbrojtëse për punonjësit (si doreza, maska) dhe respektonin distancën e sigurisë mes punonjësve etj.

LEXO EDHE:  Kundërshtuan me forcë punonjësin e policisë/ Arrestohen 3 persona

LEXO EDHE:  Hodhi fishekzjarre në stadiumin “Air Albania”/ Kamerat e sigurisë mundësuan arrestimin

Ndërsa 24 subjekte, ku ishin të punësuar 2,832 vetë, nuk respektonin të gjitha masat e detyruara për zbatim dhe për këtë inspektorët e punës kanë operuar me pezullimin e punës deri në marrjen e këtyre masave.

Ministria inkurajon çdo punëmarrës të njoftojë organet përgjegjëse nëse në vendin e tyre të punës nuk janë kushtet higjenike sipas standardeve të kërkuara./ CNA.al

LEXO TE PLOTE

Kronika

Mbyllet pika e kalimit kufitar edhe në Kapshticë/ Policia: Asnjë person nuk hyn për në Greqi

Publikuar

-

Nga

Që prej orës 13.00 do të mbyllen të gjitha pikat e kalimit kufitar me Greqinë, konkretisht Kakavija, Qafë Bota dhe Kapshtica.

Ky vendim është marrë si masë për parandalimin e përhapjesë së metëjshme të COVID-19.

Policia kufitare raporton se nuk do të lejohet të hyjnë për në Greqi asnjë shtetas, përveç shtetasve grekë dhe atyre që kanë leje qëndrimi të përhershme në Greqi. Në pikat e kalimit me Greqinë do lejohen vetëm kamionët.

Gjithashtu  Policia Kufitare bën me dije se  edhe pikat e kalimit me Maqedoninë e Veriut, Bllata dhe Tushemishti si dhe aeroporti i Ohrit  janë mbyllur deri në një njoftim të dytë, ku nuk lejohet qarkullimi i mjeteve të vogla , autobusëve dhe udhëtarëve, ndërsa qafë Thana vijon lëvizja normalisht

LEXO EDHE:  Policia jep versionin zyrtar/ Si e vrau të dashurën dhe veten 32-vjeçari

LEXO EDHE:  Shkelën rregullat e qarkullimit/ Policia "mbyt" në gjoba drejtuesit e mjeteve

Blutë kërkojnë mirëkuptimin e qytetarëve që të anulojnë lëvizjet e planifikuara dhe ata që ndodhen duke lëvizur në drejtim të këtyre pikave, të kthehen mbrapa, pasi nuk do lejohen të kalojnë./ CNA.al

LEXO TE PLOTE

Kronika

4 raste të tjera me koronavirus në Shqipëri/ Shkon në 42 numri i të infektuarve

Publikuar

-

Nga

4 raste të tjera me koronavirus janë regjistruar në 24 orët e fundit në Shqipëri.

Instituti i Shëndetit Publik raporton se janë testuar 27 persona të dyshuar, qytetarë dhe personel shëndetësor, prej të cilëve janë konfirmuar 4 raste të reja me COVID-19. Deri në këto momente janë testuar 532 raste të dyshuara dhe prej tyre janë të konfirmuar pozitivë me COVID-19 42 qytetarë, nga të cilët 26 prej tyre janë nga Tirana 5 nga Durrësi (njëri prej të cilëve ka ndërruar jetë), 2 nga Lushnja, 2 nga Elbasani, 5 nga Fieri dhe 2 nga Rrogozhina

17 persona janë të shtruar në spitalin Infektiv (nga Tirana, Durrësi, Fieri, Lushja dhe Rrogozhina), tre prej tyre janë në terapi intensive, një 66 vjeçar nga Lushnja dhe një 61-vjeçare nga Fieri dhe një 50 vjeçar nga Tirana, ndërsa pjesa tjetër e të shtruarve në pavion janë në gjendje të stabilizuar deri në këto momente.

Ministria e Shëndetësisë dhe Mbrojtjes Sociale i bën apel qytetarëve që paraqiten në spitale të njoftojnë personelin shëndetësor nëse kanë udhëtuar jashtë vendit, ose nëse kanë një familjar ose të afërt që ka udhëtuar jashtë vendit.

LEXO EDHE:  Kundërshtuan me forcë punonjësin e policisë/ Arrestohen 3 persona

LEXO EDHE:  Emrat - Trafik makinash luksi nga Shkodra në Vlorë/ 13 të proceduar

“Njoftoni nëse keni patur kontakt me persona që kanë udhëtuar apo kanë shenja të sëmundjes. Mos vizitoni të afërmit në spitale sepse shkaktoni rrezik edhe për personelin shëndetësor. Ju lutem bashkëpunoni me mjekët dhe me autoritetet! Sot është detyrim që ne të mbrojmë personelin shëndetësor duke treguar ndërgjegje të lartë në raport me të vërtetën, atë që secili prej nesh duhet të bëjë: Shmangni vajtjet direkte në spitale. Telefononi 127 dhe ndiqni këshillat që merrni nga personeli shëndetësor”, thueht në thirrjen e Ministrisë./ CNA.al

LEXO TE PLOTE