Sot bëhen 12 vite nga tragjedia e Gërdecit, në të cilën humbën jetën 26 persona dhe 300 të tjerë u plagosën, pas shpërthimit që tronditi fshatin në periferi të Tiranës.

Shpërthimi në punishten e demontimit të armëve, ndodhi më 15 mars të vitit 2008 rreth orës 12:05 në mesditë, duke dëmtuar dhe qindra shtëpi të zonës përreth.

Përvjetorin tragjik e ka kujtuar dhe zv.kryeministri Erion Braçe i cili ka bërë dhe një paralelizëm mes situtës në të cilën ndodhet vendi nga pandemia e koronavirusit.

Teksa ka postuar dhe një foto nga shpërthimi në Gërdec ai shkruan: “Natën e mirë! Ka edhe më keq! Mos e harro kurrë Gërdecin! 15 mars 2008, një ditë e tmerrshme e krimit të p(t)uuushtetit“/CNA.al

Kryetarja e LSI-së Monika Kryemadhi duket se e ka marr seriozisht rolin e shtëpiakes. Pasi postoi dje një foto duke hekurosur, sot Kryemadhi e ka mbyllur ditën duke larë enët.

E veshur me përparse, pranë lavamanit, Kryemadhi tregon momente nga dita e saj se si e kalon kohë e ‘izoluar’ për shkak të situatës së koronavirusit.

Ajo i bën gjithashtu thirrje qeverisë për ndihma sociale ndaj të pamundurve dhe masa ekonomike konkrete, që të sigurohet me çdo kusht mosmbyllja e bizneseve dhe ruajtja e vendeve të punës.

“Prej ditës së djeshme, ka shumë prej jush që vazhdoni më pyesni si e kaloj ditën dhe gjithashtu të ndaj momente të tjera nga përditshmëria. Janë të shumta edhe komunikimet tuaja ku më tregoni si po i kaloni këto momente vështirësie emocionale dhe ekonomike.
Ndërsa ne përkujdesemi për familjet tona, priten nga qeveria veprime të menjëhershme për zbutjen e impaktit negativ që kjo situatë do ketë mbi ekonominë e vendit.
Është koha për ndihma sociale për më të pamundurit dhe masa ekonomike konkrete, që të sigurohet me çdo kusht mosmbyllja e bizneseve dhe ruajtja e vendeve të punës.”/CNA.al

Kryeministri Edi Rama ka reaguar përmes një postimi në rrjetet sociale ku shkruan se sot ka patur vetëm 37 shkelje të rregullit të vetëkarantinimit të të ardhurve nga Italia 14 ditët e fundit.

Sipas tij, një shifër e tillë eshtë Zvicrës do i dukej fantazi, ndërsa ripërsëriti thirrjen për të bërë kujdes që gjendja të mbetët kështu.

“Në gjithë Shqipërinë sot vetëm 37 shkelje të rregullit për vetëkarantinimin e të ardhurve nga Italia 14 ditët e fundit. Nuk di ç’të them, se 37 shkelje në gjithë vendin edhe Zvicrës i duken fantazi por lus zotin që ta mbani kështu veten në vazhdim dhe mos ta pësojmë si ato ndeshjet e kombëtares kur i hamë golat në fund e dalim nga stadiumi si….

I love you”, shkruan Rama./CNA.al