Connect with Us

Mjeku i njohur flet me shifra/ “Numri i personave të infektuar në Shqipëri mund të jetë mbi 400”

Sociale

Mjeku i njohur flet me shifra/ “Numri i personave të infektuar në Shqipëri mund të jetë mbi 400”

Publikuar

-

Mjeku infeksionist Pëllumb Pipero, në një lidhje me “ABC news” ka folur edhe një herë në lidhje me situatën nga koronavirusi, teksa u shpreh se sëmundja ka shumë të panjohura.

Ai bëri apel gjithashtu që të gjithë qytetarët veçanërisht ata që kanë udhëtuar dhe kanë kontakte të afërta me rrethin e ngushtë të personave të prekur, ti drejtohen 127 dhe jo spitalit.

“Të gjithë personat që kanë pasur kontakt dhe kanë dyshime, të vetëkarantinohet pasi  kjo është e vetmja mënyrë për ta parandaluar epideminë.

Nëse i referohemi studimeve e kam thënë se mbas çdo rasti të konfirmuar fshihen 10 raste apo 15 rastë të tjera, të sigurta që janë. Në kushtet që jemi numri minimal i personave të prekur mendoj që janë mbi 400.

LEXO EDHE:  Pse epidemia e koronavirusit shpërtheu pikërisht në Kinë?

Numrat janë statistikë dhe statistikat shërbejnë për tu studiuar më pas. Por ajo që qytetarët duhet të kenë kujdes të shtuar për ta përballuar me sa më pak humbje këtë epidemi. E gjithë vëmëndja jonë është për ta shtrirë në kohë epideminë, jo për ta ndaluar, bëhet fjalë për ta parandaluar dhe për ta bërë të parandalueshme. Të gjithë e pamë se asnjë vend në botë nuk i ka kapacitetet për ta përballuar këtë epidemi.”/CNA.al

 

KLIKO PER TE KOMENTUAR

Komentoni

Your email address will not be published. Required fields are marked *

Sociale

Masat e reja për parandalimin e COVID-19/ Manastirliu apelon për bashkëpunim qytetarët

Publikuar

-

Nga

Ministrja e Shëndetësisë, Ogerta Manastirliu në një deklaratë për mediat ka sqaruar edhe njëherë dispozitat e Aktit Normativ për të gjithë ata që shkelin rregullat e miratuara nga qeveria për mospërhapjen e koronavirusit.

Ndërkaq, ajo i bëri thirrje edhë njëherë qytetarëve që të bashkëpunojnë në luftën kundër koronavirusit, sepse çdo masë e marrë sot ndihmon strukturat ti përgjigjen shumë mirë dhe shumë shpejt të gjithë atyre që kanë  rezltuar pozitvë.

“Ftoj të gjithë qytetarët për gatishmërinë që kanë treguar deri tani dhe kanë kontribuar në mospërhapjen e virusit COVID-19, të zbatojmë me po kaq rigorzitet masat e vendosura nga organet sepse çdo masë e marrë sot na ndihmon ne si struktura ti përgjigjemi shumë mirë dhe shumë shpejt të gjithë atyre që kanë  rezltuar pozitvë dhe sot janë në ambientet e infektivit”, tha Manastirliu.

Më poshtë gjeni pikat e dekretit të qeverisë për:
MARRJEN E MASAVE TË VEÇANTA ADMINISTRATIVE GJATË KOHËZGJATJES SË PERIUDHËS SË INFEKSIONIT TË SHKAKTUAR NGA COVID-19

Në mbështetje të nenit 101 të Kushtetutës, me propozimin e ministrit të Shëndetësisë dhe Mbrojtjes Sociale dhe të ministrit të Brendshëm, Këshilli i Ministrave:

V E N D O S I:

Neni 1
Objekti dhe subjektet

Ky akt normativ ka për objekt përcaktimin e masave të veçanta që do të merren ndaj personave fizikë/juridikë apo individë, shqiptarë ose të huaj, pavarësisht vendbanimit të tyre, të cilët shkelin rregullat, vendimet, urdhrat dhe udhëzimet e nxjerra nga organet kompetente, gjatë gjithë kohëzgjatjes së periudhës së infeksionit të shkaktuar nga COVID-19.

Neni 2
Qëllimi

Ky akt normativ ka për qëllim përcaktimin dhe forcimin e zbatimit të rregullave, të vendimeve, të urdhrave dhe të udhëzimeve të nxjerra nga organet kompetente, në të gjithë territorin e Republikës së Shqipërisë, për parandalimin dhe luftimin e përhapjes së infeksionit të shkaktuar nga COVID-19.

Neni 3
Masat e veçanta administrative

Subjektet që eksportojnë barna dhe pajisje mjekësore nga Republika e Shqipërisë, pa autorizim të posaçëm të ministrit të Shëndetësisë dhe Mbrojtjes Sociale, për kryerjen e këtij aktiviteti, dënohen me gjobë në masën 5 000 000 (pesë milionë) lekë dhe iu sekuestrohet e gjithë sasia e barnave/pajisjeve mjekësore. Në rast përsëritjeje, masave të mësipërme iu shtohet edhe ndalimi i eksportit të barnave/pajisjeve mjekësore, deri në 6 muaj.

Subjektet apo individët që organizojnë zhvillimin e aktiviteteve publike dhe jopublike, si aktivitete sportive, kulturore dhe konferenca, apo grumbullimet masive në vende të mbyllura apo të hapura, si koncerte, tubime dhe dëgjesa publike, dënohen me gjobë në masën 5 000 000 (pesë milionë) lekë për organizatorët dhe ndalimin e aktivitetit.

Hyrja e shoqëruesve dhe/ose e familjarëve të pacientëve në ambientet e shërbimit të urgjencës mjekësore, institucionet e kujdesit shëndetësor, ambientet e shërbimit spitalor ku janë duke marrë trajtim spitalor pacientët, vetëm me përjashtim të rasteve kur një kërkesë e tillë vjen nga drejtoria spitalore, dënohen me gjobë në masën 500 000 (pesëqind mijë) lekë për shoqëruesin dhe/ose familjarin e pacientit si dhe për personin përgjegjës që ka për detyrë zbatimin e këtij rregulli.

Dënohet me gjobë në masën 700 000 (shtatëqind mijë) lekë:

a) Shtetasi, i cili hyn në territorin e Republikës së Shqipërisë dhe nuk deklaron ardhjen e tij nga zonat e prekura nga infeksioni COVID-19, të deklaruara nga organet kompetente, vendase ose të huaja apo ndërkombëtare;
b) Shtetasi, i cili hyn nga zonat e prekura në territorin e Republikës së Shqipërisë, që nuk vetëkarantinohet për një periudhë 14-ditore në ambientet e banesës së tij, si një masë parandaluese për mospërhapjen e infeksionit të shkaktuar nga COVID–19;
c) Shtetasi, i cili vjen nga zonat e prekura dhe nuk zbaton urdhrin e dhënë nga organet kompetente për vetëkarantinimin e detyrueshëm;
ç) Shtetasi, i cili ka rezultuar pozitiv dhe nuk zbaton urdhrin e dhënë nga organet kompetente për vetëkarantinimin e detyrueshëm.

Institucionet arsimore, çerdhet dhe kopshtet, publike dhe jopublike, që nuk mbyllin aktivitetin e tyre për periudhën e përcaktuar nga autoritetet kompetente, dënohen me gjobë në masën 5 000 000 (pesë milionë) lekë për institucionet arsimore, publike/jopublike, dhe në masën 1 000 000 (një milion) lekë për çerdhet dhe kopshtet, publike/jopublike. Në rast përsëritjeje iu shtohet edhe mbyllja e veprimtarisë për një periudhë 6-mujore.

Subjektet apo individët, publikë apo privatë, që zhvillojnë aktivitete në ambientet e mbyllura të argëtimit për fëmijë e të rinj, palestrat, qendrat sportive, pishinat, qendrat e internetit, qendrat kulturore, që nuk zbatojnë urdhrin e organit kompetent për mbylljen e tyre, dënohen me gjobë në masën 1 000 000 (një milion) lekë, dhe në rast përsëritjeje iu shtohet edhe mbyllja e veprimtarisë për një periudhë 6-mujore.

Subjektet apo individët, të cilët nuk zbatojnë urdhrat e dhëna nga organet kompetente për mosmbylljen e bareve, lokaleve, restoranteve dhe klubeve, dënohen me gjobë në masën 1 000 000 (një milionë) lekë dhe në rast pësëritjeje iu shtohet edhe mbyllja e aktivitetit për një periudhë 6-mujore.

Subjektet dhe individët, publikë apo privatë, të cilët, në kundërshtim me urdhrat e autoriteteve kompetente, lejojnë zhvillimin e aktiviteteve sportive, sociale, kulturore, ekskursionet mësimore të organizuara nga institucionet arsimore, publike dhe private, brenda dhe jashtë vendit, dënohen me gjobë në masën 1 000 000 (një milionë) lekë dhe në rast pësëritjeje iu shtohet edhe mbyllja e aktivitetit për një periudhë 6-mujore.

Organet e shërbimit postar duhet të garantojnë vazhdimësinë e shërbimit dhe të hartojnë një plan masash për të kufizuar kontaktet e punonjësve me publikun dhe për të shmangur grumbullimin në sportele apo në ambiente të tjera të brendshme. Moszbatimi i këtij detyrimi dënohet me gjobë në masën 1 000 000 (një milion) lekë dhe në rast përsëritjeje iu shtohet edhe mbyllja e veprimtarisë për një periudhë 6-mujore.

Në ambientet e brendshme apo strukturat e veçanta të institucioneve të kujdesit shëndetësor, të poliklinikave, të spitaleve, publike e jopublike, ku zhvillohen vizita dhe konsulta ambulatore, të merren masa të menjëhershme për ndalimin e grumbullimit të pacientëve. Moszbatimi i këtij detyrimi dënohet me gjobë në masën 1 000 000 (një milion) lekë dhe në rast përsëritjeje iu shtohet edhe mbyllja e veprimtarisë për një periudhë 6-mujore.

LEXO EDHE:  Pse epidemia e koronavirusit shpërtheu pikërisht në Kinë?

LEXO EDHE:  Pandemia e koronavirusit/ SHBA shpall emergjencën kombëtare

Drejtuesit e automjeteve, të cilët nuk zbatojnë ndalimin e qarkullimit të mjeteve të transportit, publik dhe privat, përfshirë automjetet private, në zonat dhe oraret e përcaktuara nga organet kompetente, dënohen me heqje të lejes së drejtimit për një periudhë trevjeçare dhe me bllokim të mjetit. Nga ky rregull përjashtohen personat e autorizuar nga organet kompetente.

Rritja e çmimit të shitjes të të gjitha mallrave dhe produkteve ushqimore, barnave, pajisjeve mjekësore dhe shërbimeve, në krahasim me çmimin e tyre në shitje të rregullt, të tregtuar në muajt paraardhës nga data e hyrjes në fuqi të këtij akti normativ, dhe për produktet sezonale, sipas çmimit të tregtuar në të njëjtën periudhë kohore në vitin paraardhës nga data e hyrjes në fuqi të këtij akti normativ, kur nuk vjen si pasojë e rritjes së çmimit nga importi i tyre, dënohet me gjobë në masën 5 000 000 (pesë milionë) lekë për tregtuesit me shumicë dhe 100 000 (njëqind mijë) lekë për tregtuesit me pakicë. Në rast përsëritjeje iu shtohet edhe mbyllja e veprimtarisë për një periudhë 6-mujore.

Të gjitha transmetimet audiovizive me më shumë se dy persona në të njëjtën studio televizive dënohen me gjobë në masën 1 000 000 (një milion) lekë dhe në rast përsëritjeje iu shtohet edhe vendosja e bllokimit, të pjesshëm ose të plotë, të transmetimit nga media audiovizive si dhe bllokimi dhe/ose ndalimi i funksionimit të pajisjeve, pas marrjes së vendimit nga ministria përgjegjëse për shëndetësinë dhe zbatohet nga organi kompetent.

Mosofrimi i shërbimeve nga farmacitë, tregtuesit me shumicë të barnave dhe prodhuesit e barnave, duke zbatuar kriteret e sigurisë të përcaktuara nga organet kompetente, dënohet me gjobë në masën 10 000 000 (dhjetë milionë) lekë për tregtuesit me shumicë dhe në masën 50 000 (pesëdhjetë mijë) lekë për tregtuesit me pakicë. Në rast përseritjeje me bllokimin e të gjithë sasisë së mallit dhe mbylljen e veprimtarisë për një periudhë trevjeçare.

Mosofrimi i shërbimeve nga subjektet/individët që tregtojnë produkte ushqimore, me shumicë apo pakicë, duke zbatuar kriteret e sigurisë të përcaktuara nga organet kompetente, dënohet me gjobë në masën 10 000 000 (dhjetë milionë) lekë për tregtuesit me shumicë dhe në masën 50 000 (pesëdhjetë mijë) lekë për tregtuesit me pakicë. Në rast përsëritjeje me bllokimin e të gjithë sasisë së mallit dhe mbylljen e veprimtarisë për një periudhë trevjeçare.

Në varësi të dinamikës së spitalizimit të të prekurve nga infeksioni COVID-19, me urdhër të ministrit përgjegjës për shëndetësinë, vendosen në dispozicion edhe strukturat private spitalore, ambulatore, hoteliere, autoambulancat dhe personeli përkatës, shëndetësor e mbështetës.
Moszbatimi i këtij urdhri dënohet me gjobë në masën 5 000 000 (pesë milionë) lekë dhe në rast përsëritjeje vendoset bllokimi i aktivitetit, duke e vendosur strukturën në dispozicion të shërbimit publik shëndetësor gjatë gjithë kohëzgjatjes së infeksionit COVID-19. Në këtë rast, personeli përkatës, shëndetësor e mbështetës, është i detyruar të shërbejë nën drejtimin e strukturave shëndetësore shtetërore. Moszbatimi i këtij detyrimi nga personeli përkatës, shëndetësor e mbështetës, dënohet me gjobë në masën 100 000 (njëqind mijë) lekë dhe në rast përsëritje iu shtohet edhe heqja e të drejtës së ushtrimit të profesionit për një periudhë dhjetëvjeçare.
Neni 4
Organet kompetente për dhënien e masave
administrative

Të drejtën e dhënies së masave administrative, sipas përcaktimeve të nenit 3, të këtij akti normativ, e ka organi kompetent sipas fushës së përgjegjësisë dhe, në çdo rast, nga Policia e Shtetit.

Për rastet e përcaktuara në nenin 3, të këtij akti normativ, nuk jepet e njëjta masë administrative njëkohësisht nga dy ose më shumë organe kompetente. Në këto raste zbatohet masa e dhënë nga organi që ka konstatuar i pari shkeljen.

Gjobat e dhëna, sipas këtij akti normativ, përbëjnë titull ekzekutiv dhe modeli i tyre përcaktohet nga organi kompetent sipas fushës së përgjegjësisë dhe, në çdo rast, nga Policia e Shtetit.

Gjobat e mbledhura, sipas këtij akti normativ, derdhen 100% në buxhetin e shtetit.

Shqyrtimi dhe dhënia e masave administrative bëhen në përputhje me parashikimet e Kodit të Procedurave Administrative.

Neni 5
Vendimmarrja nga organet kolegjiale

Marrja e vendimeve nga organet kolegjiale, gjatë kohëzgjatjes së gjendjes së infeksionit të shkaktuar nga COVID-19, realizohet edhe nëpërmjet mjeteve të komunikimit elektronik.

Neni 6
Kohëzgjatja dhe zbatimi

Ky akt normativ ka karakter të përkohshëm dhe zbatohet për aq kohë sa zgjat periudha e infeksionit të shkaktuar nga COVID-19.

Zbatimi i këtij akti normativ, për kohëzgjatjen e periudhës së infeksionit të shkaktuar nga COVID-19, ka përparësi ndaj dispozitave të akteve të tjera lidhur me masat administrative.

Në çdo rast, ky akt normativ nuk përjashton aplikimin e legjislacionit në fuqi për parandalimin dhe luftimin e sëmundjeve infektive apo akte të tjera ligjore, për aq kohë sa nuk janë në kundërshtim me dispozitat e këtij akti.

Neni 7
Hyrja në fuqi

Ky akt normativ hyn në fuqi menjëherë dhe botohet në “Fletoren zyrtare”.

 

LEXO TE PLOTE

Sociale

Masat parandaluese janë zgjidhja/ Mund të kemi nga 900 në 55 mijë shtrime me COVID-19

Publikuar

-

Nga

taulant muka

Ish zëvendës ministri i Arsimit, Taulant Muka, ka publikuar disa të dhëna statistikore lidhur me prevalencën e COVID-19  në Shqipëri.

Sipas tij, nëse nuk marrim asnjë masë parandaluese bazuar në 42 rastet zyrtare që kemi sot, brenda një muaji mund të ketë mbi 55 mijë shtrime dhe mbi 13 mijë pacientë që paraqesin komplikacione.

Një shifër kjo, e papërballueshme për sistemin tonë shëndetësor.

Por nëse zbatohen masat parandaluese do kemi vetem 865 raste të cilët do kërkojnë kujdes spitalor, dhe ndër ta vetem 216 persona do paraqesin komplikacione.

“A ka nevoje per panik dhe per friken qe po indukton qeveria? Le ti hedhim nje sy numrave. Kjo figure tregon numrin e pacienteve qe mund te presim te kerkojne kujdes spitalor brenda nje muaj nga sot sipas shkalles se masave parandaluese. Nese ne nuk marrim asnje mase parandaluese, bazuar ne 42 raste zyrtare qe kemi sot me Coronavirus, dhe ne njohurite aktuale te transmetimit te semundjes dhe perqindjes se personave qe pesojne komplikacion, pritet qe brenda nje muaji te kete mbi 55 mije shtrime dhe me mbi 13 mije paciente qe paraqesin komplikacione- nje numer jashtzakonisht madh dhe i paperballueshem per sistemin shendetesor. Nese marrim masa parandaluese qe e zvogelojne transmetimin e infeksionit, per shembull me 50%, pra jo ne karantine totale te vendit, do kemi vetem 865 raste te cilet do kerkojne kujdes spitalor, dhe nder ta vetem 216 persona do paraqesin komplikacione.

LEXO EDHE:  Ndodhej në “vatrën” e koronavirusit/ Studentja shqiptare mbërrin në Turqi

LEXO EDHE:  Koronavirusi, si "mjellma e zezë" për tregjet e financave

Pyetja qe lind; nuk kemi ne si shtet kapacitete spitalore per 865 raste te reja klinike ne muaj me Coronavirus e muaj, ose 28 raste dita?!

Kush ka interes mund ti dergoj te gjitha te dhenat mbi te cilat ndertova projeksionet!

LEXO TE PLOTE

Sociale

Tritan Kalo: 10 këshilla si të mposhtni koronavirusin

Publikuar

-

Nga

Mjeku i njohur Tritan Kalo ka publikuar një foto me punonjësit e Shërbimit Infektiv në QSUT dhe ka dhënë 10 këshilla se si qytetarët të mposhtin koronavirusin.

Para së gjithash, Kalo i kërkon qytetarëve të tregohen të sinqertë me autoritetet kur bëjnë vizita dhe testime. Së dyti, mjeku i thotë qytetarëve që të kujdesen për familjen, higjenën personale, të ushqehen shëndetshëm, të mos dalin nga shtëpitë, të informohen mirë, të mjekohen me antibakterialë dhe të konsultohen me mjekun e familjes.

Kalo thotë se kjo është ndihma më e madhe që mundet t’i bëjnë qytetarët stafit mjekësor në kësi rastesh dhe me tone të ashpra deklaron se nuk është aspak koha dhe nuk ka aspak vend për militantizëm partiak të asnjë ngjyre.

Këshillat e Tritan Kalos:

1- TREGOHUNI të sinqertë në komunikimin me Autoritet Shëndetësore dhe ato Ligjzbatuese, në rast se vini nga zona tashmë mjaft të prekura nga Covid-19, sikundër janë Italia, Kina, Anglia, Gjermanija, Franca, etj.,

2- KUJDESUNI ndaj vetes dhe të afërmve tuaj sidomos atyre të moshuar,

LEXO EDHE:  MSH me “dorë të hekurt” kundër koronavirusit/ Vetëkarantinim i detyruar për çdo udhëtar që hyn në Shqipëri!

LEXO EDHE:  Ndodhej në “vatrën” e koronavirusit/ Studentja shqiptare mbërrin në Turqi

3- KUJDESUNI ndaj higjienës suaj dhe asaj të mjedisit ku jetoni

4- QËNDRONI për disa kohë vetëm në mjediset tuaja shtëpiake,

5- USHQEHUNI shëndetshëm dhe me ato mundësi që keni, 6- REHIDROHUNI herë pas here me çajra e lëngje nga më të ndryshmet,

7- VETËIZOLOHUNI kur keni edhe dyshimin më të vogël të kontaktit me persona të sëmurë nga Covid-19, sepse ndihmoni në mos përhapjen e tij, por edhe në mos sëmurjen tuaj,

8- INFORMOHUNI me kujdes kur keni paqartësia, DHE mos bini pre e sharlatanizmave dhe e protagonizmave te rrejshme, që jo pak ngrenë krye në rrethana të tilla epidemike,

9- VETËMJEKIMI me Antibakterialë/Antibiotikë është i pakëshillueshëm,

10- QËNDRONI në kontakt me mjekët e familjes, të cilët ju njohin mjaft mirë, dhe merrni këshillat e tyre shumë të dobishme në raste të tilla…..Mos përdorni vend e pa vend nr. 127, duke ju krijuar mundësinë atyre që vërtet kanë nevojë, të marrin këshillat e duhura dhe ndihmën mjekësore në kohën e duhur./ CNA.al

LEXO TE PLOTE