Connect with Us

Zgjerohen masat drastike kundër koronavirusit/ Rama bën një tjetër njoftim të rëndësishëm

Politikë

Zgjerohen masat drastike kundër koronavirusit/ Rama bën një tjetër njoftim të rëndësishëm

Publikuar

-

Rama “i ftohtë” ndaj ekipit të mjekëve italian në Shqipëri/ Pse nuk denjoi t’i takojë kryeministri

Kryeministri Edi Rama ka bërë sot një tjetër njoftim të rëndësishëm në lidhje me masat drastike kundër përhapjes së koronavirusit.

Në një postim në rrjetet sociale, Rama shkruan se të gjitha kompanitë prodhuese duhet të sigurojnë autobusët e transportit të punonjësve dhe akreditimin e tyre (si edhe akreditimin e automjeteve private të personelit) në adresën:

[email protected]

Po ashtu, kreu i qeverisë thekson se për çdo sqarim të nevojshëm mbi procedurën, duhet të telefonojnë policinë e shtetit në numrat:

0694122223

0694122224

Ndër të tjera, Rama deklaron se të gjitha kompanitë duhet të sigurojnë standartet e sigurisë kundër përhapjes së epidemisë në mjediset e tyre të punës. në të kundërt do të përballen me sanksione të rënda

LEXO EDHE:  Rama pas ngjarjes së Bularatit/ Greqia ka derrat dhe gomarët e vetë

Gjithashtu kreu i qeverisë bën të ditur se masat drastike do të shtrihen edhe në qytetet e tjera. Kështu nga nesër në 06.00 të mëngjesit lokalet dhe mjediset e tjera të mbyllura fillimisht në qarqet tr/dr dhe sot në qarqet shkodër, lezhë, elbasan, fier dhe vlorë, do të mbyllen në të gjithë shqipërinë

“Lëvizjet e paautorizuara me automjet të kujtdo që nuk ka një arsye pune, sipas kategorive të funksioneve shtetërore apo shërbimeve private të autorizuara, do të dënohen me heqje të patentës 3 vjet dhe sekuestrim të automjetit!

Frikë aspak, kujdes po!”-shkruan Rama.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Përgjimet e antimafias italiane/ Tabaku: Korrupsion galopant, i miratuar nga Veliaj e Rama

Publikuar

-

Nga

Ish deputetja e PD, Jorida Tabaku ka reaguar lidhur me pergjimet e antimafias italiane.

Sipas Tabakut, këtë javë doli në dritë një korrupsion në shkallë të gjerë në Shqipëri. Tabaku thekson se arsyeja pse Rama nuk flet dhe Veliaj po shmang përgjigjet e vërteta është se ata dinë se sa thellë janë futur në këtë biznes me mafian.

“Janë 1000 faqe përgjime të antimafias italiane, ku përshkruhet mënyra sesi bëhen pazaret për tenderat, koncesionet, PPP-të dhe ndërtimet në Shqipëri. 20%-shi është pjesa për pushtetin e Edi Ramës, dëshmi e gjallë e asaj që po ndodh në Shqipëri prej 8 vjetësh. Edi Rama hesht. Kukulla e tij në bashkinë e Tiranës ka mbyllur gojën. Arsyeja pse Rama nuk flet dhe Veliaj po shmang përgjigjet e vërteta dhe po justifikohet është e qartë për të gjithë. Ata e dinë se sa thellë janë futur në këtë biznes me mafian. Ndërkohë që Rama dhe Veliaj janë të fokusuar në punët e tyre të pista me mafian, shqiptarët janë gjithnjë e më shumë të papunë, investitorët seriozë largohen, ekonomia e pjesës dërrmuese të familjeve shkon drejt rrënimit, mijëra të rinj e të rinj largohen nga vendi”, u shpreh Tabaku.

Sipas saj, kundrejt rryshfetit 20%, Edi Rama dhe veliaj e kanë shndërruar vendin në një parajsë për pastrimin e parave, duke dhunuar ligjin dhe duke shkatërruar konkurencën.

“Përgjimet e antimafias italiane janë një provë më shumë se Rama dhe njerëzit e tij shqetësohen vetëm për veten dhe jo për popullin shqiptar.

• Ata po trefishojnë pasurinë e tyre, ndërsa ekonomia shqiptare po kolapson.
• Ata bëjnë biznes me mafian në vend që të krijojnë vende pune për qytetarët.
• Ata hanë darka luksoze në Dubai, kur vendi është i përmbytur.

Mafia dhe pastrimi i parave nuk sjell vende pune, nuk prodhon mirëqenie, nuk ofron investime reale dhe të besueshme për ekonominë dhe qytetarët. Mafia dhe lavatriçja e parave të pista prodhon vetëm shkatërrim, dhe mjerim për çdo familje që jeton me punë të ndershme.

Të dashur qytetarë! Këto 8 vjet të Edi Ramës në pushtet na kanë mësuar një gjë: Se kjo është një qeveri që kujdeset vetëm për vete dhe paratë e saj. Vëmendja dhe synimi i kësaj qeverie dhe i këtij kryeministri nuk është barazia apo konkurenca, por korrupsioni dhe monopoli. Përpjekja patetike nga Taulant Balla nuk do të funksionojë. Kjo është ajo që ata bëjnë.

o Ata dështojnë.
o Ata korruptojnë.
o Ata marrin paratë tuaja dhe i fusin në xhepat e tyre.

Ne do ta ndryshojmë këtë!

Në 25 Prill historia e një qeverie që punon për 20%-shin e mafias dhe të korrupsionit do të marrë fund. Është koha për ndryshim!

* Ne do të sjellim ndryshimin!
* Ne do të shpëtojmë vendin nga mafia, nga Rama, nga kukulla e tij në Bashkinë e Tiranës dhe nga miqtë e tyre.
* Ne do të ndërtojmë një qeveri që kujdeset për qytetarët e Shqipërisë”, u shpreh më tej Tabaku./CNA.al

LEXO TE PLOTE

Politikë

Banorët e bllokuar prej një jave nga dëbora/ Përmeti akuza Bashkisë Korçë: Po bëni një krim

Publikuar

-

Nga

Banorët e bllokuar prej një jave nga dëbora/ Përmeti akuza Bashkisë Korçë: Po bëni një krim

Situata e rëndë që është krijuar në disa zona si pasojë e motit të keq ka sjellë edhe bllokimin e banorëve.

Deputeti Andi Përmeti duke iu referuar disa kronikave televizive, shprehet se 200 banorë në fshatin Panarit kanë mbetur të izoluar prej më shumë se një jave nga dëbora, ndërsa akuzon Bashkinë Korçë se nuk ka marrë asnjë masë për jetën e këtyre banorëve.

Përmes një postimi në rrjetin social Facebook, Përmeti shprehet se mos-hapja e rrugës nga ana e institucioneve përkatëse përbën një krim, duke shtuar se bashkia ka buxhetin më të madh në Shqipëri dhe nuk po arrin të sigurojë as minimumin për komunitetin e saj.

“Papergjegjshmeria e nje bashkie fasadash.

Gazetaret Xhensil Shkëmbi  (Euronews Albania) dhe Artin Halili  (A2CNN) na paraqiten situaten e renduar te banoreve te Panaritit. Rreth 200 banore te 40 familjeve jane te bllokuar prej me shume se nje jave nga debora ndersa bashkia Korce nuk merr asnje mase per hapjen e rruges.

Nuk perben ndonje cudi tendenca e bashkise Korce per te mos kryer asnje pune neqoftese nuk behet fjale per ndonje fasade te bukur qe mund ta shes shtrenjte mediatikisht, por ne kete rast moshapja e rruges dhe lenia ne meshire te fatit te 200 banore te Panaritit perben nje krim te mirefillte qe mund te sjell pasoja te renda. Ne kete rast behet fjale per jete njerezish, ne nje kohe te veshtire pandemie, 200 banore jane te bllokuar, ne nevoje ilacesh, ne nevoje mjekimi dhe mbase ne rast fatkeq ne nevoje urgjence mjekesore. A mban njeri pergjegjesi per rastet e mesiperme?

LEXO EDHE:  “Edhe këtë fundvit gënjeu”/ Basha i kthehet Ramës: Kupa është mbushur!

LEXO EDHE:  Basha vijon me 30 qershorin/ “S’ka ndodhur kurrë në 3 dekada”

Keqardhje e madhe sesi nje nga bashkite me buxhetin me te madh ne Shqiperi nuk siguron minimumin per banoret e saj.

E bukura eshte e bukur por jeta e njeriut duhet te jete prioritet mbi prioritetet.

P.S.: Nje falenderim per gazetaret e sipercituar, te cilen ecen 5 ore ne kembe per te na njohur me nje te vertete trishtuese”, shkruan Përmeti./CNA.al

LEXO TE PLOTE

Politikë

Mediu takon strukturat e PR/ Akuza Ramës: Po bën çmos të manipulosh zgjedhjet

Publikuar

-

Nga

Mediu takon strukturat e PR/ Akuza Ramës: Po bën çmos të manipulosh zgjedhjet

Gjatë një takimi me shtabin elektoral të Njësisë Bashkiake Nr. 1 në Tiranë, kryetari i Partisë Republike, Fatmir Mediu, u shpreh se Edi Rama do bëjë çmos për t’i manipuluar zgjedhjet.

“I ka vënë vetes një qëllim, që të jetë ai që kontrollon çdo gjë dhe nuk ka asnjë lloj problemi, që pushtetin e tij ta vendosë mbi çdo gjë, dhe të përpiqet që nëpërmjet varfërisë, dhunës, përjashtimit, fyerjes, sharjes të kontrollojë shoqërinë dhe një pjesë ta bëjë të paaftë për të reaguar”, tha ai.

Mediu theksoi se opozita duhet të kuptojë që detyra e parë e saj është garantimi i zgjedhjeve të lira dhe të ndershme.

“Të mendojë që kjo fushatë është si gjithë fushatat e tjera, sikur jemi në Amerikë, apo jemi në një demokraci normale, do të ketë një gabim jashtëzakonisht të madh që do të ndëshkojë shqiptarët. Prandaj kjo kërkon një vigjilencë të jashtëzakonshme dhe vendimmarrja nuk mund të mbetet thjesht te lidershipi politik, në zyrat e PR-së apo të PD-së, por në uljen dhe konkretizimin e çdo marrëdhënie me çdo individ.

LEXO EDHE:  “Rama po i bën shantazh opozitës”/ Ish ministri i Jashtëm zbulon prapaskenat

LEXO EDHE:  Pse hesht Rama për superskandalin e donacioneve të Bilal Shehut?

30 vjet ne kemi qenë së bashku dhe vazhdojmë të jemi së bashku. Kemi qenë në momente të vështira, edhe në momente të qeverisjes, por ajo që na ka karakterizuar gjithë kohës, ka qenë një bashkëpunim për të maksimalizuar votën dhe njëkohësisht për të vlerësuar njerëzit më të mirë.

Ajo që po kërkojmë ne është që të bashkëpunojmë me Partinë Demokratike në çdo qendër votimi, në mënyrë që të garantojmë zgjedhje të lira dhe të ndershme dhe të garantojmë që të gjithë qytetarët që duan të votojnë opozitën, pavarësisht se cilën parti politike, ne t’i çojmë në qendrat e votimit dhe të bëjmë të mundur që ata të votojnë të lirë”, u shpreh Mediu./CNA.al

LEXO TE PLOTE