Sociale
Shkon në 38 numri i personave të prekur nga koronavirusi në Shqipëri
Numri i personave të prekur nga koronavirusi në Shqipëri ka arritur në 38.
Drejtoresha e Institutit të Shëndetit Publik, Albana Fico bëri të ditur në një komunikim publik, se deri në këto momente janë testuar 505 raste të dyshuara.
Nga personat që kanë rezultuar pozitiv, 12 janë të shtruar në spitalin Infektiv (nga Tirana, Durrësi, Fieri, Lushja dhe Rrogozhina); 2 prej tyre janë në terapi intensive, një 66 vjecar nga Lushnja dhe një 61-vjecare nga Fieri. Ndërsa pjesa tjetër e të shtruarve në pavion janë në gjendje të stabilizuar deri në këto momente.
Nga rastet e konfirmuara pozitivë:
Tiranë 22 raste
Durrës 5 raste (njëri prej të cilëve ka ndërruar jetë)
Lushnje 2 rast
Elbasan 2 raste
Fier 5 raste
Rrogozhinë 2 raste
“Në 24 orët e fundit nga ana e Institutit të Shëndetit Publik në bashkëpunim me epidemiologët e Njësive Vendore të Kujdesit Shëndetësor, ka vazhduar pa u ndalur puna në terren, për identifikimin e rasteve dhe për gjurmimin e kontakteve të rasteve të konfirmuara tashmë me Covid-19. Dua tju bëj thirrje edhe një herë të gjithë qytetarëve, të respektojnë rregullat e reja dhe të qëndrojnë në shtëpi. Të kufizojmë rrezikun sa më shumë të jetë e mundur!”, tha Fico.
Sociale
Fotot me dron nga CNA.al-Tirana më e “pabindura”/ Qytetarët nuk qëndrojnë në shtëpi, por dalin shëtitje nga liqeni
Numri i personave të konfirmuar me koronavirus në Shqipëri tashmë ka arritur në 38, ndërsa kryeministri Edi Rama mbrëmjen e djeshme deklaroi se duhet të jemi të përgatitur pasi numri mund të rritet.
Ndërkohë, qeveria ka ndërmarrë masa drastike për të kufizuar lëvizjet, në mënyrë që të parandalojë përhapjen e Covid-19, si dhe iu ka bërë apel qytetarëve të qëndrojnë në shtëpi, që të shmangen kontaktet me njëri-tjetrin.
Por, pavarësisht masave ekstreme dhe apelit të qeverisë por edhe profesionistëve, duket se qytetarët e Tiranës janë më të pabindurit.
CNA.al sjell më poshtë fotot me dron, të cilat tregojnë se shumë qytetarët të Tiranës jo vetëm nuk kanë qëndruar në shtëpi sipas udhëzimeve, por kanë dalë shëtitje nga liqeni./ CNA.al
Sociale
Foto+video-Dita e Verës e “heshtur” në të gjitha qytetet/ Koronavirusi izolon shqiptarët
Tirana është zgjuar e heshtur sot si kurrë më parë, edhe pse është 14 Marsi. Dita e Verës është pritur në izolim nga qytetarët e kryeqytetit, të cilët po i binden masave kundër përhapjes së koronavirusit.
Por jo vetëm Tirana e pret e heshtur Ditën e Verës.
Koronavirusi për herë të parë do të ndalë festimet e Ditës së verës në Elbasan, qytet traditë për festimet e kësaj dite. Përmes një postimi në facebook, kreu i bashkisë në Elbasan, ndërsa uron qytetarët, thekson se shëndeti është i tëgjithëve është shumë më i rëndësishëm.
Në Lezhë edhe sot situata vijon të jetë e njëjtë. Qytetarët po binden se mënyra më e mirë për t’i bërë ballë kësaj lufte ndaj Covid-19 është të qëndrojnë në shtëpi.
Pamjet nga droni në qytet, tregojnë një ditë vere të bukur me diell por pa njerëz për ta shijuar. Të vetmet mjete në rrugë janë policët, ambulancat apo ato të dyqaneve ushqimore.
Edhe Fieri po ashtu duket se po zbaton thirrjet për të qëndruar në shtëpi, me qëllim mos përhapjen e koronavirusit.
Rrugët e qytetit i cili sot do të festonte Ditën e Verës janë bosh. Tek tuk të zë syri ndonjë kalimtar, ndërsa heshtja mbizotëron në qytet.
Sociale
Ndryshon moti/ Mësoni si do jetë fundjava, bëhuni gati dhe për reshje
Ditën e djeshme temperaturat arritën të regjistronin vlerën më të lartë në Elbasan prej 25⁰C.
Kjo ditë e vërtetë pranverore që përfshiu vendin do të pasohet ditën e sotme nga ardhja e masave të paqëndrueshme.
Qielli i kthjellët i mëngjesit të së shtunës do të pasohet nga vranësirat graduale. Në orët e pasdites e të mbrëmjes në pjesën veriore do të nisin reshjet e shiut.
Dita e diel kryesisht do të jetë e vranët me reshje shiu në pjesën veriore e atë qendrore.
Temperaturat do të shënojnë vlerat si në figurat më poshtë.
Lajme të Rekomanduara:
Dy produktet bimore kundër koronavirusit/ Mjeku këshillon qytetarët, si të mbrohen
Mjeku popullor, Ylli Merja, ka dhënë këshilla sesi qytetarët mund të mbrohen nga koronavirusi dhe çfarë duhet të konsumojnë. I ftuar në emisionin “Vila 24”,...
Video-Shqiptarët, këngë për koronavirusin/ Vargjet që nuk duhen humbur
E gjithë bota ndodhet në alarm nga përhapja në mënyrë të frikshme e koronavirusit. Pas Kinës, Covid-19 duket se ka sjellë një situatë dramatike në...
