Connect with Us

Situata me koronavirusin/ Policia, dy numra shtesë për tu ardhur në ndihmë qytetarëve

Sociale

Situata me koronavirusin/ Policia, dy numra shtesë për tu ardhur në ndihmë qytetarëve

Publikuar

-

Policia e Shtetit ka vendosur dy numra shtesë me qëllim për tu ardhur në ndihmë qytetarëve për nevojat që mund të dalin si pasojë e masave të marrë për parandalimin e Covid-19.

Numrat 069 41 22 223 dhe 069 41 22 224 do të jenë funksional duke filluar nga mesnata e sotme.

“Për t’u ardhur në ndihmë qytetarëve, në raste të problematikave të ndryshme që mund të lindin si pasojë e zbatimit të masave shtesë, të marra për parandalimin e përhapjes së COVID-19, të cilët kërkojnë zgjidhje apo konfirmim nga ana e Policisë, si dhe duke marrë në konsideratë fluksin e madh të kërkesave të adresuara nëpërmjet email-it zyrtar të Policisë Rrugore apo telefonatat e pafundme në numrin e emergjencës, ju informojmë se:
Drejtoria e Policisë Rrugore, duke filluar prej orës 22:00 të datës 13.03.2020 deri në përfundim të situatës emergjente, do vendosë dy numra shtesë 24/24, në dispozicion të qytetarëve për të telefonuar dhe konkretisht numrat:
069 41 22 223 dhe 069 41 22 224.
Policia Rrugore kërkon mirëkuptimin e qytetarëve që në këto numra të telefonojnë vetëm ata që kanë emergjencë dhe problematikë që kërkon zgjidhje dhe jo të bllokojnë linjat duke telefonuar thjesht për informacion.
Edhe njëherë Policia e Shtetit gjen rastin të apelojë për të gjithë qytetarët që të zbatojnë në vijimësi çdo masë aktuale dhe masat shtesë që merren në varësi të zhvillimit të situatës, me qëllim parandalimin e përhapjes së COVID-19.”/CNA.al

 

LEXO EDHE:  Përplasja e protestuesve me Policinë/ Reagon Sandër Lleshaj

 

KLIKO PER TE KOMENTUAR

Komentoni

Your email address will not be published. Required fields are marked *

Sociale

Video/ Ndizen zjarret e Ditës së Verës në Korçë

Publikuar

-

Nga

Ndonëse Shqipëria ndodhet në një situatë aspak të zakontë sipasojë e pandemisë së koronavirusit që ka përfshirë shumë vende të botës, duket se as kjo nuk i ka ndalur qytetarët korçarë të kryejnë ritalet tradicionale që simbolizojnë ardhjen e stinës së verës.

Megjithsë më të paktë në numër, ashtu si çdo vit, në lagjet e qytetit banorët kanë festuar mes zjarreve duke përciellë urime me njëri-tjetrin për një verë të mbarë dhe të begatë.

Kjo festë është një traditë e vjetër, e ruajtur nga populli qysh në kohërat e paganizmit dhe gjithmonë është shoqëruar me përgatitje të ëmbëlsirave prej brumi, që simbolizojnë bujarinë dhe mbarësinë që sjell pranvera.


LEXO TE PLOTE

Sociale

“Paralizohet” e gjithë Shqipëria/ Të gjitha lokalet, baret dhe restorantet të mbyllur deri në 3 prill

Publikuar

-

Nga

Ministria e Shëndetësisë dhe Mbrojtjes Sociale ka njoftuar mbylljen e të gjitha bareve, restoranteve, lokaleve dhe fast food-eve, në kuadër të masave për të parandaluar përhapjen e koronavirusit, dëri më 3 prill.

Ndërkohë, është vendosur që përjashtim do të bëjnë disa kategori ku përfshihen shërbimi në banesë por konform rregullave higjenike, shërbimi vetëm për qytetarët e akomoduar ndërsa ndalohet shërbimi për qytetarët që nuk janë klientë.

LEXO TE PLOTE

Sociale

“Ajo që fshihet është 10 herë më e madhe”/ Mjeku infeksionist bën thirrjen e fortë

Publikuar

-

Nga

Mjeku infeksionist, Pëllumb Pipero, teksa ka folur për situatën nga koronavirusi, ka bërë sërish apel për kujdes, qytetarët të zbatojnë këshillat dhe urdhërat e vendosur nga qeveria pasi nëse sot kemi 33 raste të prekur, “ajo që fshihet duhet të jetë 10 herë më e madhe”, u shpreh ai.

Dr.Pipero, tregoi gjithashtu për “Repolitix”  se kjo situatë do të vijojë në rastin më të mirë deri në gjysmën e parë të majit, kur mund të fillojë të bjerë numri i rasteve.

Gjithashtu, mjeku tha se pavarësisht se të fëmijët, gratë dhe të rinjtë sëmundja kalon pa shenja klinike, janë më shumë te moshat e vjetra dhe të sëmurët klinikë.

Doktor si është gjendja e të infektuarve?
33 raste nuk janë pak, por është vetëm fillimi i pandemisë, jemi në ditët e para pas konfirmimit të rasteve të para, është vetëm fillimi.

Janë më shumë burra apo gra, kë prek më shumë?
Unë nuk kam të dhëna të sakta përpara për të thënë janë burra apo gra, këtu virusi ka respektuar të njëjtën, më shumë se 70% të rasteve janë meshkuj.

Këtu përfshihet edhe gruaja që ka humbur jetën?
Natyrisht është e përfshirë

Sa janë në shtëpi?
Tetë persona janë të shtruar në spital, tre janë me formë të lehtë të sëmundjes, pesë të tjerë me një gjendje të mesme, por asnjëri nuk është i intubuar, një pjesë ndihmon me oksigjen, janë koshientë, pra janë stabël dhë nën trajtim dhe kujdes maksimal mjekësor.

Po përsa i përket 24 personave të tjerë të vetëizoluar, si bëhet kontrolli i tyre?
Ata ndiqen nga shërbimet e tjera mjekësore, nuk ndiqen nga ne, nuk mund të jap asnjë të dhënë për situatën e tyre.

Ju thatë se është fillimi, si parashikohet sa mund të shkojë, kur mund të arrijë pikun?
Nëse i referohemi një studimi që ime bijë ma dërgoi nga Italia dje dhe që po merret në konsideratë, ne ende shohim vetëm majën e ajsbergut. Studimi që kam në duar dhe kolegët dëshmon që praktikisht, ne njohim vetëm rastet që kanë pasur shenja.

LEXO EDHE:  Finalizohet një tjetër operacion/ Sekuestrohet droge, armë dhe municione luftarake

LEXO EDHE:  Ramës i dështon propaganda/ Kryeministri del “zbuluar”

Në rast se Kina në 21 Janar kishte 100 raste të verifikuara në realitet ka pasur 1500. Në këtë aspekt parashikimet për këtë epidemi nuk janë optimiste prandaj është shumë e rëndësishme që ta kufizojmë dhe ta zgjasim në kohë, të ulim numrat e rasteve të reja për njësi kohe dhe e vetmja mënyrë është që të shmangim kontaktet, nuk ka masë tjetër më efektive.

Nëse kemi 33 raste deri tani së paku, por ajo që fshihet duhet të jetë 10 herë më e madhe, këtë e them për të shtuar kujdesin në radhë të parë nga pensionistët, duhet të dalin sa më pak nga shtëpia, po ashtu edhe të rinjtë, që mund ta transmetojnë tek të tjerët.

Askush nuk ka imunitet, pavarësisht se të fëmijët, gratë dhe të rinjtë sëmundja kalon pa shenja klinike, komplikacione, që janë më shumë te moshat e vjetra dhe të sëmurët klinikë. Me rritjen e temperaturave duhet të ulet transmetimi, presim që të bjerë edhe numri i rasteve, por disa studime të fundit dëshmojnë që këtë radhë virusi nuk i është bindur, prandaj duhet të përgatitemi për një periudhë relativisht të gjatë për t’u përballuar.

Përtej muajit prill?
Unë besoj se do të jetë përtej prillit, në rastin më të mirë gjysma e parë e majit do të fillojë të bjerë numri i rasteve.  Nëse qytetarët do i binden këtij urdhri dhe do të rrinë më shumë në shtëpi, ndoshta nuk do të shkojmë te skenari kinez apo italian, që qytetarëve nuk u lejohet të dalin nga shtëpia. Me kusht që qytetarët të dëgjojnë urdhrin e kryeministrit dhe këshillat tona. Nuk kemi asnjë mënyrë tjetër për ta kufizuar vetëm duke dëgjuar këshillat, të harrojmë lokalet e natës, parqet. Pensionistët nuk duhet të dalin. Ndaj besoj që masa e marrë nga qeveria është drastike por jo ekstreme.

 

LEXO TE PLOTE