Connect with Us

Shkon në 33 numri i personave të prekur nga koronavirusi në Shqipëri

Politikë

Shkon në 33 numri i personave të prekur nga koronavirusi në Shqipëri

Publikuar

-

Ministria e Shëndetësisë bën të ditur se numri i personave të prekur nga koronavirusi në vendin tonë ka arritur në 33 .

Zv.ministrja e Shëndetësisë, Mira Rakacolli tha se në 24 orët e fundit nga ana e Institutit të Shëndetit Publik në bashkëpunim me epidemiologët e Njësive Vendore të Kujdesit Shëndetësor, ka vazhduar pa u ndalur puna në terren, për gjurmimin e kontakteve të rasteve të konfirmuara tashmë me Covid-19, për të cilët ju kemi informuar në daljet e mëparshme.

Mira Rakacolli, deklaroi se në 24 orët e fundit janë realizuar edhe 159 testime të reja dhe kjo e çon numrin total të testimeve të kryera në 457.

“Deri në këto momente janë konfirmuar pozitivë me COVID-19, 33 raste, nga të cilat:

8 prej të cilëve janë të shtruar në spitalin Infektiv (nga Tirana, Durrësi, Fieri dhe Rrogozhina)

25 raste janë të vetëizoluar në gjendje të mirë shëndetësore në shtëpi.

Nga rastet e konfirmuara pozitivë:

Tiranë 19 raste

Durrës 5 raste (njëri prej të cilëve ka ndërruar jetë)

Lushnje 1 rast

Elbasan 2 raste

Fier 4 raste

Rrogozhinë 2 raste

Siç ju kemi bërë të ditur në daljet e mëparshme, pas testimit të kampionit të parë të 50 mjekëve dhe infermierëve në spitalin e Durrësit të cilët rezultuan negativë, ISHP ka vazhduar me gjurmimin e kontakteve, marrjen dhe testimin e mostrave të reja të stafit mjekësor në Spitalin Rajonal Durrës.

Në bazë të rezultateve që tashmë kanë dalë, nga kampioni i dytë i mostrave të marra, 39 mostra të mjekëve, infermierëve dhe pacientëve, vetëm 1 mjek rezulton pozitiv, i cili nuk ka simptoma, aktualisht është i vetëizoluar dhe po hulumtohet më tej. Gjithsej janë kryer 89 testime në spitalin e Durrësit.

Nga numri total i të prekurve nga COVID-19 janë 25 persona të vetëizoluar në gjendje të mirë shëndetësore dhe 177 të vetëkarantinuar.

Dua tju bëj thirrje edhe një herë të gjithë qytetarëve, të respektojnë rregullat e reja dhe të qëndrojnë në shtëpi. Të kufizojmë rrezikun sa më shumë të jetë e mundur!”-tha zv.inistrja.

Nderkohë, shefja e Departamentit të Epidemiologjisë dhe Kontrollit të Sëmundjeve Infektive në Institutin e Shëndetit Publik, Silva Bino tha se tashmë që OBSH ka shpallur pandeminë na koronaviriusi masat që janë marrë duhet të merren seriozisht.

“OBSH ka shpallur pandeminë nga koronavirusi i ri që do të thotë se bota ka transmetim komunitar në më shumë se 2 kontinente. Kjo është një situatë që duhet vlerësuar me seriozitet dhe masat që janë marrë për distancimin social duhet të merren me seriozitet. Ne do të vazhdojmë me gjurmimin e rasteve në terren dhe nuk është e nevojshme që çdo person të testohet”, tha Bino./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Murrizi “i përvishet” Bashës/ Po sillet me të njejtën hipokrizi si Rama

Publikuar

-

Nga

“Po ruani menderen tuaj”/ Murrizi mesazh Gjuknurit: Kryetar i këshillit politiko-seksual

Deputeti Muyslim Murrizi ka sulmuar kryetari i Partisë Demokratike Lulzim Basha, lidhur me heshtjen për propozimin e mazhorëncës për hapjen e listave.

Murrizi tha se kjo është një tragjedi, ndërsa ngriti akuza se PD është kthyer në një paradhomë të kryeministrit Edi Rama.



Sipas tij, Partia Demokratike po sillet me të njëjtën hipokrizi si kreu i qeverisë.

“Kjo është një fatkeqësi po janë njëlloj hipokrit si Rama që thotë i kam hap 100 % por mandat i ndaj unë si dua dhe PD që hesht paturpësisht. Rama fton popullin për sondazh dhe jo për votim , për të parë se kush është më i vlerësuari dhe kë respektojnë më shumë qytetarët”, deklaroi Murrizi në Report Tv./ CNA.al

LEXO TE PLOTE

Politikë

Me kë parti do bënte koalicion po të varej nga ai formimi i qeverisë?/ Përgjigjet Murrizi

Publikuar

-

Nga

Me kë parti do bënte koalicion po të varej nga ai formimi i qeverisë?/ Përgjigjet Murrizi

Deputeti Myslim Murrizi, ka treguar mbrëmjen e sotme se me kë nga partitë politike do të lidhte koalicion nëse nëse formimi i qeverisë do të varej nga ai.

Murrizi nuk preferoi të zgjedhë konkretisht një parti, por theksoi se me shumë mundësi me forca të djathta.

“Me të parë me të bërë, në politikë kurrë mos thuaj kurrë. Me forca të majta jo, por më shumë me partitë e djathta, nuk ka koalicion me partitë që mbartin mëkate nga pushteti”, u shpreh ai në Report Tv.



Më tej, deputeti foli për draftin që ka propozuar grupi i tij parlamentar, ndërsa tha se nuk është me rëndësi renditja e kandidatëve në listën e partisë.

“Renditja e kandidatëve nuk është fare e rëndësishme, renditja formale në dorëzimin e listës në KQZ le të jetë siç e mendon subjekti politik, pasi kjo nuk ka vlerë para votës së qytetarëve. Pra me votimin e qytetarëve do të ketë një ri-listim të tyre. Jemi të gjithë në garë dhe në listë të hapur. Nëse Myslim Murrizi merr një votë më shumë edhe pse është i renditur i 16-ti ai del i pari dhe merr mandatin, kjo është lista e hapur 100 %. Pragu 3 % nuk ka sens. Në një sistem rajonal nuk mund të bëhet prag kombëtar.  Ne e kemi 1 % që do të thotë se nëse një subjekt politik nuk i merr ato vota, kurrë të mos marrë mandat”, theksoi Murrizi./ CNA.al

LEXO TE PLOTE

Politikë

Skandali/ 72-vjeçarja vjen në Tiranë me hematomë në kokë, e nxjerrin me COVID-19

Publikuar

-

Nga

Skandali/ 72-vjeçarja vjen në Tiranë me hematomë në kokë, e nxjerrin me COVID-19

Emisioni “Stop” këtë të enjtë është fokusuar në një denoncim të një qytetari. Rasti në fjalë ka të bëjë me një të moshuar nga Vlora, e cila pas një dëmtimi që pësoi në kokë është sjell me urgjencë në Tiranë për mjekim të specializuar pasi i rrezikohej jeta.

Vajza e saj, Adelina Gërdhuqi, që ka bërë denoncimin në “Stop” tregon se në 27 gusht, e ëma Veprore Gërdhuqi, 72 vjeç, u rrëzua në banesë dhe dëmtoi kokën. Nëna e saj u shtrua 5 ditë tek QSUT dhe nga pavioni i Neuro-Kirurgjisë e çuan tek Sëmundjet Interne, ku pas kontrolleve dhe i thonë se është e infektuar me COVID-19.

Vëtë Adelina Gërdhuqi ka shpjeguar rastin e nënës së saj për gazetarën e “Stop” dhe tregon me detaje të gjithë historinë.

Adelina Gërdhuqi: Përshëndetje “Stopi”! Quhem Adelina Gërdhuqi dhe dua të nxjerr shqetësimin e nënës sime, Veprore Gërdhuqi, 72 vjece! Në datën 27 gusht, nëna ime është rrëzuar në shtëpinë e saj në Vlorë, dhe si pasojë e këtij rrëzimi, nëna ime dëmtoi kokën. Është transferuar në Spitalin e Vlorës, ku i është bërë skaneri dhe e nxorrën me një hematomë në kokë. Është transferuar në Spitalin “Nënë Tereza” në Tiranë, ka ndjenjur 2 ditë tek “Neuro-Kirurgjia”. Nuk ka marrë asnjë lloj mjekimi nëna ime tek plaga e kokës.

Gazetarja: Nuk i kanë bërë mjekim për dëmtimin në kokë?

Adelina Gërdhuqi: As edhe një lloj mjekimi.I është bërë vetëm një mjekim i thjeshtë me betadinë, as edhe një gjë tjetër! Nga “Neuro-Kirurgjia” kemi shkuar tek “Pavioni i Internit”, “Spitali i Sëmundjeve të Brendshme”. Nëna nga data 27 gusht deri në datën 2 shtator ka qëndruar tek “Nënë Tereza”, 5 ditë, na e nxorrën nënën me korona, me covid 19.

Gazetarja: Si ka mundësi që rezultoi me COVID-19, pasi ju e sollët nënën për dëmtim në kokë. Ku i doli kovidi?

Adelina Gërdhuqi: E pra, për këtë gjë edhe ne si familjarë nuk mund ta pranonim, që mamaja jonë mund të kishte covid 19.

Gazetarja: Mund të ekzistojë mundësia që gjatë qëndrimit në spital, ta ketë marrë virusin?

Adelina Gërdhuqi: Ne nuk e besuam, që mamaja të kishte covid!

Gazetarja: Pse?

Adelina Gërdhuqi: Pasi mamaja ime ka disa sëmundje të tjera kronike.

Gazetarja: Që janë?

Adelina Gërdhuqi: Ka bërë bypass në zemër para 3 vitesh: ka azotemi të theksuar në veshka dhe mbledh gjithnjë ujë në mushkëri dhe vite me diabet, që bën insulinë 3 herë në ditë. Nëqoftëse mamaja ime do ishte me covid, nuk mund t’i rezistonte kësaj sëmundjeje. Dhe për t’u bindur e morëm mamanë dhe u nisëm në Vlorë.

Pasi e morën nga spitali në Tiranë dhe e shtruan në Vlorë, i kanë bërë një vizitë tjetër dhe kuptuan se plaga në kokë ishte infektuar. QSUT kishte thënë se e moshuara ishte me koronavirus, por në një spital privat analizat kanë dalë ndryshe.

Adelina Gërdhuqi: Me të arritur në Vlorë, i kemi thënë një mikut tonë familjar, kirurg, të vijë të shikojë mamanë tek plaga e kokës. Plaga ishte infektuar! Është e pabesueshme, cfarë ka nxjerrë nga plaga.

Gazetarja: Ndërhyrjen nuk e bëtë tek QSUT por në Vlorë?

Adelina Gërdhuqi: Jo, ndërhyrja nuk është bërë…është bërë tek shtëpia jonë privatisht në Vlorë, nga një mjek familjar. Dhe pas asaja, temperatura, që i rrinte 36.6-37.7, e kishte nga infeksioni i kokës temperaturën. Mbas asaj e cojmë tek një klinikë private dhe bëjmë testet e covid. Dhe jo vetëm mamaja, po të gjithë ne si familjarë, babai dhe 4 motrat e mia.

Gazetarja: Si rezultoi nëna pas tamponit tek klinika private?

Adelina Gërdhuqi: Negative!

Gazetarja: Po babai?

Adelina Gërdhuqi: Edhe babai negativ.

Gazetarja: Po ju të tjerët?



Adelina Gërdhuqi: Të gjitha negative! Që këtu, ra poshtë analiza e QSUT-së.

Gazetarja: Kush ishte mjekja që u kujdes për nënën tuaj në QSUT?

Adelina Gërdhuqi: Ishte mjekja Eneida Hoxha. Ajo na informoi momentin, kur doli testi dhe më tha, që mamaja jonë ka dalë me covid 19.Dhe për këtë arsye më tha që, duhet të shtrohet tek infektivi, por ne si familjarë nuk pranuam! Dhe paskemi bërë shumë mirë! Çfarë doja unë të tregoja nëpërmjet eksperiencës sime tek “Stop-i”? Mos qëndroni vetëm me analizat dhe tamponët e QSUT-së! Verifikojini edhe në vend tjetër, sepse gabime bëhen. Këto gabime janë të pafalshme për jetën e njeriut! Unë mamanë time e kam gjallë, falë këmbënguljes të fëmijëve të saja. Sa të arrijmë në Greqi, do t’i bëjmë një tampon tjetër për siguri. Edhe ju faleminderit shumë! Qofshit mirë!

Gazetarja e “Stop” i kërkoi sqarime mjekes Eneida Hoxha, për diagnostikimin e të moshuarës dhe ajo u përgjigj, se sipas vizitës rezultoi me COVID-19. Po si është gjendja shëndetsore e 72-vjeçares Veprore Gërdhuqi sot? Ajo dhe e bija janë lidhur me ne nga Greqia dhe gjendja e të moshuarës është shumë e mirë, pasi nuk pati kurrë COVID-19.

Gazetarja: Përshëndetja doktoresha!

Mjekja Eneida Hoxha: Po, më thuaj!

Gazetarja: Pacientja Veprore Gërdhuqi është shtuar për COVID?

Mjekja Eneida Hoxha: Po e di! E di, e di nënën, që doli me covid.

Gazetarja: Nëna doli me COVID?

Mjekja Eneida Hoxha-Po!

Gazetarja: Pas dy ditësh bënë tamponin dhe rezultoi negative si ka mundësi?

Mjekja Eneida Hoxha: E dimë, moj zonjë! E dimë, moj zonjë! E dimë, moj zonjë! E di cfarë kishte shoqëruese!

Gazetarja: Nëse do ishte e sëmurë dhe të mos mbijetonte?

Mjekja Eneida Hoxha: Më thuaj, cfarë të duhet ty! Ka analiza, ka skaner, që janë të gjitha të shkruara, dhe ka një informacion të shkruar në fletë-dalje.

Gazetarja: Të kuptoj kam dhe dy përgjigjet dhe të QSUT dhe spitalit tjetër, por pyetja është se përse ju insistoni për t’i nxjerr këta persona, që mund të vinë për sëmundje të tjera dhe dalin me COVID.

Mjekja Eneida Hoxha: Ne nuk insistojmë fare! Nuk instistojmë fare! Informacioni mjeksor është i gjithi i shkruar. Nuk insistojmë, se nuk kemi arsye, as.., për të insistuar dhe as për të mos insistuar. Atë nuk e di ti! Sepse nuk je mjeke!

Gazetarja: Po e dinë familjarët moj zonjë. Si e shpejgoni që të gjithë familjarët kanë dalë negativ.

Mjekja Eneida Hoxha: Ky është një muhabet, që është i kotë! Me këtë virus, ka shumë gjëra të papritura. Po unë nuk kam asnjë detyrim, që të t’i them në tefefon, se janë të gjitha të shkruara. Po të them, që jemi sjellë shumë mirë, dhe sa kemi pasur mundësi, e kemi ndihmuar! Shumë me përgjegjësi! Dhe nuk kam asnjë peng me veten time!

Edhe pse mjekja insiston se e moshuara ka qenë me COVID-19, familjarët pretendojnë të kundërtën dhe kanë nisur dhe një mesazh në emision “Stop”. Vetë Veprore Gërdhuqi shprehet se nuk ka qenë sëmurë.

Adelina Gërdhuqi: Përshëndetje “Stop-i” nga Greqia! Kjo është mamaja ime, Veprore Gërdhuqi, 72 vjece dhe sic e shihni, gëzon shëndet të plotë dhe nuk ka covid! Dhe këtë gjë, mund t’jua konfirmoj edhe me një analizë të bërë këtu në laboratorët e Greqisë. Këtë video po e dërgoj, që të këmbëngulni për të afërmit tuaj, mos i lini nëpër spitale!

Veprore Gërdhuqi: Me covid, thuaj… t’i fusin tek covid!

Adelina Gërdhuqi: Ju përshëndesim!

Veprore Gërdhuqi: Mos i fusin me covid prindërit e tyre!

LEXO TE PLOTE