Dita e Verës, si asnjëherë më parë i ka gjetur shqiptarët të mbyllur në shtëpi, masë kjo kundër përhapjes së koronavirusit në vendin tonë.

Duket se nasave të qeverisë iu është bindur edhe kryetarja e LSI-së, Monika Kryemadhi, e cila këtë ditë po e kalon e mbyllur në shtëpi.

Në një postim në rrjetet sociale, Kryemadhi shkruan se këtë vit Dita e  Verës festohet ndryshe, ndërsa thekson se me masat e duhura së bashku do tia dalim.

Krahas postimit Kryemadhi publikon edhe një foto, ku shfaqet duke hekurosur.

“Ditën e verës e festojmë ndryshe këtë vit. Një përshëndetje për të gjitha gratë, nënat, gjyshet, që i janë dedikuar me orare të zgjatura gjatë këtyre ditëve të qëndrimit në shtëpi, higjienës dhe mirëqenies së përgjithshme të familjes.

Gjendja e krijuar prej ndryshimit të rrjedhës normale të jetës ka krijuar ndjenja pasigurie, por ndërsa marrim masat e duhura dhe lutemi për më të mirën, le të ndalojmë për të vlerësuar ngrohtësinë familjare dhe mundësinë për të kaluar sa më shumë kohë pranë.

Të kujdesemi për familjen, të kujdesemi për njëri-tjetrin dhe bashkë do t’ja dalim”-shkruan Kryemadhi.

Kryeministri Edi Rama ka bërë sot një tjetër njoftim të rëndësishëm në lidhje me masat drastike kundër përhapjes së koronavirusit.

Në një postim në rrjetet sociale, Rama shkruan se të gjitha kompanitë prodhuese duhet të sigurojnë autobusët e transportit të punonjësve dhe akreditimin e tyre (si edhe akreditimin e automjeteve private të personelit) në adresën:

[email protected]

Po ashtu, kreu i qeverisë thekson se për çdo sqarim të nevojshëm mbi procedurën, duhet të telefonojnë policinë e shtetit në numrat:

0694122223

0694122224

Ndër të tjera, Rama deklaron se të gjitha kompanitë duhet të sigurojnë standartet e sigurisë kundër përhapjes së epidemisë në mjediset e tyre të punës. në të kundërt do të përballen me sanksione të rënda

Gjithashtu kreu i qeverisë bën të ditur se masat drastike do të shtrihen edhe në qytetet e tjera. Kështu nga nesër në 06.00 të mëngjesit lokalet dhe mjediset e tjera të mbyllura fillimisht në qarqet tr/dr dhe sot në qarqet shkodër, lezhë, elbasan, fier dhe vlorë, do të mbyllen në të gjithë shqipërinë

“Lëvizjet e paautorizuara me automjet të kujtdo që nuk ka një arsye pune, sipas kategorive të funksioneve shtetërore apo shërbimeve private të autorizuara, do të dënohen me heqje të patentës 3 vjet dhe sekuestrim të automjetit!

Frikë aspak, kujdes po!”-shkruan Rama.

Pas kryeministrit Edi Rama edhe Ministria e Financave dhe Ekonomisë ka reaguar në lidhje me rritjen abuzive të çmimeve gjatë këtyre diteve që vendi po përballet me betejën me koronavirusin.

Kreu i qeverisë paralajmëroi sot masa të forta ndeshkuese për abuzimet me çmimet, ndërsa tashmë edhe Ministria e Ekonomisë apelon qytetarët të denoncojnë abuzimet.

Në një njoftim në faqen zyrtare shkruhet se “kjo nuk është koha për të abuzuar por koha për solidaritet dhe bashkëpunim.”

Ndërsa janë vendosur dhe numrat e kontaktit ku qytetarët mund të telefonojnë pa pagesë për të denoncuar abuzimet./CNA.al