Connect with Us

“Kush thyen rregullin, përballet me ligjin”/ Ndëshkohen 509 drejtues mjetesh

Kronika

“Kush thyen rregullin, përballet me ligjin”/ Ndëshkohen 509 drejtues mjetesh

Publikuar

-

509 drejtues mjetesh janë ndëshkuar nga policia për moszbatimin e rregullave, kundër koronavirusit.

Policia e shtetit bën të ditur se në zbatim të masave shtesë për të mos lejuar qarkullimin e mjeteve, me qëllim parandalimin e përhapjes së COVID-19, prej orës 06:00 të mëngjesit të sotëm, shërbimet e Policisë së Shtetit, në bashkëpunim me ato të ushtrisë, vijojnë kontrollin e zbatimit të këtyre masave shtesë.

Në këtë kuadër, prej orës 06:00, deri në orën 12:00, janë shoqëruar një numër i konsiderueshëm drejtuesish të mjeteve, të cilët nuk kanë respektuar urdhrin e dhënë për ndalim qarkullimi të automjeteve, në qytetet Tiranë, Durrës, Fier, Vlorë, Elbasan, Lezhë e Shkodër.

Konkretisht, janë evidentuar nga shërbimet e Policisë:

– në DVP Tiranë 171 drejtues mjetesh
– në DVP Durrës 77 drejtues mjetesh
– në DVP Fier 54 drejtues mjetesh
– në DVP Vlorë 53 drejtues mjetesh
– në DVP Lezhë 61 drejtues mjetesh
– në DVP Shkodër 45 drejtues mjetesh
– në DVP Elbasan 48 drejtues mjetesh.

Ndaj këtyre drejtuesve është vendosur kufizimi i lëvizjes, si dhe po kryhen veprimet administrative sipas parashikimeve të nenit 7, paragrafi 12 i Ligjit Nr. 8378, datë 22.07.1998, Kodi Rrugor i Republikës së Shqipërisë (i ndryshuar).

76 drejtues mjetesh janë të shoqëruar në ambientet e Komisariateve të DVP-ve, pasi kanë kundërshtuar punonjësit e Policisë për masën administrative, për thyerjen e urdhrit për ndalim qarkullimi të automjeteve dhe po këtyre drejtueseve u janë bllokuar edhe automjetet.

Policia e Shtetit apelon edhe njëherë për të respektuar kufizimin e lëvizjes sipas njoftimit, me qëllim parandalimin e përhapjes së COVID-19, pasi në të kundërt cilido që do shkelë këto urdhra, do përballet me sanksionet ligjore.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Kërkonte të përshpejtonte procedurat për daljen në pension/ Zbardhen detajet e sulmit me armë në Bulqizë

Publikuar

-

Nga

Kërkonte të përshpejtonte procedurat për daljen në pension/ Zbardhen detajet e sulmit me armë në Bulqizë

Janë zbardhur detaje të reja nga sulmi me armë që u regjistrua pasditen e sotme në Gjoricë të Bulqizës.

Klodian  Reçi, punonjës i sigurimeve shoqërore, pasi është konfliktuar verbalisht me një person të identifikuar si Shpetim Kaja, ky i fundit bashkë me të birin Rinoldin kanë qëlluar me armë para banesës së tij.

Sipas asaj që raporton Ballkan Web, ata i kërkonin Klodian  Reçit që të përshpejtonte procedurat për daljen në pension.



Punonjësi ka thënë se për shkak situatës së Covidit ka qenë i karantinuar dhe kjo ka zgjatur procesin, por kjo nuk e ka shuar konfliktin mes tyre.

Ndërkaq, policia po punon për kapjen dhe arrestimin e dy autorëve të ngjarjes./CNA.al

 

LEXO TE PLOTE

Kronika

Të shtëna me armë zjarri në Bulqizë/ Terrorizohet familja e Përgjegjësit të Sigurimeve Shoqërore

Publikuar

-

Nga

Të shtëna me armë zjarri në Bulqizë/ Terrorizohet familja e Përgjegjësit të Sigurimeve Shoqërore

Një ngjarje e paprecedent është regjistruar pasditen e sotme në Gjoricë të Bulqizës, ku një person ka gjuajtur në ajër me armë zjarri para banesës së Përgjegjësit të Agjensisë së Sigurimeve Shoqërore.

Ngjarja është raportuar nga vetë Klodian Reçi. Sipas tij, personi fillimisht ka kërcënuar verbalisht e më pas ka kërcënuar duke gjuajtur në ajër pak pranë banesës.



Për fat të mirë nuk ka të lënduar nga të shtënat, ndërsa policia e Bulqizëz ndodhet në vendngjarje./CNA.al

LEXO TE PLOTE

Kronika

“Deklaroni pasurinë brenda 48 orësh”/ OFL ultimatum shënjestrave të radhës

Publikuar

-

Nga

OFL “hedh grepat” në Lezhë dhe Kurbin/ Kush janë katër “shënjestrat” e radhës

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

A. G., banues në Tiranë, i dënuar në Turqi për veprën penale “Eksportimi i drogave”, parashikuar nga legjislacioni penal i Turqisë;

E. A. (M.), banues në Tiranë, i dënuar për veprën penale “Vjedhja me armë”;



D. A., banues në Kukës, i dënuar për veprën penale “Trafikimi i Narkotikëve”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë./CNA.al

LEXO TE PLOTE