Politikë
“Është koha për solidaritet”/ Ministria e Ekonomisë apel qytetarëve: Denonconi abuzimet me çmimet
Pas kryeministrit Edi Rama edhe Ministria e Financave dhe Ekonomisë ka reaguar në lidhje me rritjen abuzive të çmimeve gjatë këtyre diteve që vendi po përballet me betejën me koronavirusin.
Kreu i qeverisë paralajmëroi sot masa të forta ndeshkuese për abuzimet me çmimet, ndërsa tashmë edhe Ministria e Ekonomisë apelon qytetarët të denoncojnë abuzimet.
Në një njoftim në faqen zyrtare shkruhet se “kjo nuk është koha për të abuzuar por koha për solidaritet dhe bashkëpunim.”
Ndërsa janë vendosur dhe numrat e kontaktit ku qytetarët mund të telefonojnë pa pagesë për të denoncuar abuzimet./CNA.al
Politikë
Ngjela ngre dyshime të forta/ “Pse u vonuan masat për parandalimin e koronavirusit!”
Avokati i njohur Spartak Ngjela, ka hedhur dyshime të forta lidhur me situatën e krijuar nga koronavirusi në vend.
Ngjela ngre pikpyetje se pse Rama nuk i mori deri në datën 12 mars këto masa dhe pse nuk i karantinoi shqiptarët që erdhën nga Italia dhe sollën virusin në familjet e tyre.
“More ç’është ky kryeministër i çmendur në Tiranë që del dhe iu tregon njerëzve nga tetevizioni e nga telefonët ato që tani i dinë dhe pulat? Pse nuk i mori deri në datën 12 mars këto masa? !!!!
Çfarë lidhje ka ky i fantaksur me mjeksinë e nivelit të lartë dhe me epidemiologjinë specifike të koronavirusit? Pse nuk nxjerr ekspertët, por del vetë tre herë në orë për të thënë gjëra që nuk kanë lidhje me vizatimin.
E ka një hall: pse nuk i karantinoi shqiptarët e çmendur që erdhën nga Italia të infektuar e sollën virusin në familjet e tyre dhe në Shqipëri? Kjo është pyetja që do përgjigje…“/CNA.al
Politikë
‘Zemrat përqafohen edhe në distancë’/ Meta mesazh të veçantë shqiptarëve
Presidenti Ilir Meta ka dhënë një tjetër mesazh sensibilizues lidhur me situatën nga koronavirusi, ku qytetarët duhet të qëndrojnë të izoluar.
Teksa ka shpërndarë dhe foton e një banderole të varur në kangjellat e Katedrales së Rrëshenit mbi të cilën shkruhet: Zemrat përqafohen edhe në distancë, Presidenti shprehet se ky mesazh i bukur na ndihmon të besojmë se bashkë mund të mposhtim çdo të keqe.
“Zemrat përqafohen edhe në distancë! #RriNëShtëpi FORCA SHQIPE! ????????
Një mesazh i bukur këtë mbrëmje nga Katedralja e Rrëshenit!
Së bashku mund të mposhtim çdo të keqe!
SË BASHKU PËR TË MBROJTUR SHËNDETIN E ÇDO QYTETARI! ????????
Politikë
Mali i Zi mbyll kufirin me Shqipërinë
Policia Kufitare ka njoftuar mbylljen e kufirit drejt Malit të Zi ne Muriqan dhe Vermosh pas situatës së krijaur nga përhapja e koronavirusit.
Në njofim thuhet se “të gjithë qytetarët që duan të kalojnë në drejtim të Malit të Zi, se sipas njoftimit të palës malazeze, duke filluar nga ky moment (ora 21:00 e datës, 13.03.2020) deri në një urdhër të dytë, do të bllokohet lëvizja e shtetasve dhe mjeteve që duan të hyjnë apo të dalin nëpërmjet Pikave të Kalimit Kufitar në Muriqan dhe Vermosh, për arsye të COVID-19.
Kurse në PKK Hani i Hotit do të vazhdojë lëvizja, si në hyrje dhe në dalje, si për shtetasit edhe për mjetet.
Policia Kufitare kërkon mirëkuptimin e qytetarëve që të anullojnë lëvizjet e planifikuara dhe ata që ndodhen duke lëvizur në drejtim të këtyre pikave të kthehen mbrapa, pasi nuk do lejohen të kalojnë.”/CNA.al
