Kronika
Policia dhe ushtria vijojnë kontrollet në terren/ Identifikohen mbi 100 të kthyer nga Italia
Prej orës 05:00 të mëngjesit të sotëm, policia dhe ushtria kanë rinisur kontrollen në terren në mbarë vendin, për identifikimin e personave të kthyer nga vendet e prekura nga koronavirusi.
Mësohet se ata kanë ngritur gjithsej 70 pika të kontrollit dhe ndërkohë janë identifikuar mbi 100 të kthyer nga Italia pas 27 shkurtit.
Qytetarët që kontrollohen iu kërkohet ID ose pasaportë, dhe verifikohen në TIMS.
Në rastet kur verifikohet se personi vjen nga vendet me risk, policia i merr emër, mbiemër, numër telefoni dhe adresën si dhe e këshillon të qëndrojë në shtëpi dhe nëse shfaq probleme të telefonojë në numrin 127.
Në rast se kapen sërish nga patrullat, ata do të ndëshkohen në bazë të urdhërit të nxjerrë një ditë më parë nga ministria.
Kronika
Drejtori i Rendit Publik jep detaje nga operacioni/ “Kemi ndaluar mbi 100 persona që kishin ardhur nga Italia”
Drejtori i Rendit Publik Albert Dervishaj ka dhënë detaje nga operacioni i Policisë, që po i bashkohet edhe ushtria e Forcave të Armatosura, lidhur me parandalimin e përhapjes së koronavirusit.
Dervishaj tha se operacioni ka si qëllim që të ndërgjegjësojë qytetarët që vijnë nga shtetet e prekura me koronavirus të vetëkarantinohen.
Ai theksoi se që nga ora 5 e pasdites së sotme e deri më tani janë ndaluar më shumë se 100 persona të ardhur nga Italia, që lëviznin të lirë me makina, ndonëse i është kërkuar të vetëkarantinohen.
“Deri në këto momente, nga ora 17:00 dhe deri tani janë identifikuar mjaft persona që kanë ardhur nga Italia në periudhën 2-javore. Në Durrës, në Tiranë, në Fier, në Shkodër janë identifikuar persona nga këto kontrolle. Dhe është një numër që i kalon 100 persona. Durrësi, Tirana, Fieri, Shkodra dhe po t’i mbledhësh të gjitha janë 100 persona që kanë hyrë 2 javët e fundit nga Italia”, deklaroi Dervishaj./ CNA.al
Kronika
Kapet një zetor në Kurbin/ Ishte ngarkuar me një skaf dhe kanabis
Policia ka kapur një zetor mbrëmjen e sotme në fshatin Grotull të Kurbinit.
Blutë bëjnë me dije se zetori ishte i ngarkuar me një skaf, që kishte brenda kanabis.
Raportohet se zetori ishte futur nga toka dhe po dërgonte skafin, që dyshohet se kishte destinacion Italinë, në bregdet.
Ende nuk ka shumë detaje nga ky operacion i policisë, ndërsa pritet që policia të hedhë më shumë detaje mbi ngjarjen./ CNA.al
Kronika
Video – Kontrolle të rrepta në 70 pika/ Policia e Shtetit paralajmëron qytetarët
Policia e Shtetit ka ngritur pika kontrolli për parandalimin e lëvizjes së personave që mund të jenë infektuar me virus.
Mësohet se që prej orëve të pasdites, forca policore speciale të FNSH-së, Patrullat e Përgjithshme dhe Forcat e Posaçme “Shqiponjat”, në bashkëpunim me patrulla ushtarake, kanë ngritur rreth 70 pika kontrolli në 8 qytetet kryesore dhe ato me risk të shtuar.
Këto kontrolle po bëhen për parandalimin e përhapjes së virusit korona, i cili ka infektuar deri më tani sipas shifrave zyrtare, 15 persona në vendin tonë.
Patrullat, të stacionuara apo të lëvizshme po vijojnë të kontrollojnë drejtuesit e mjeteve apo pasagjerët që ditët e fundit kanë udhëtuar në vendet e prekura gjerësisht nga Coronavirus.
Policia e Shtetit i sugjeron qytetarëve të vetëkarantinohen deri në 14 ditë, në të kundërt paralajmëron se do t’i gjobisë./ CNA.al
