Connect with Us

Nga nesër në shtetrrethim/ Hyjnë në fuqi 7 masat e Policisë për qarkullimin rrugor, ja kush do të lejohen

Kronika

Nga nesër në shtetrrethim/ Hyjnë në fuqi 7 masat e Policisë për qarkullimin rrugor, ja kush do të lejohen

Publikuar

-

Në kuadër të masave për parandalimin e përhapjes së COVID-19, duke e konsideruar si domosdoshmëri marrjen e masave shtesë për të mbrojtur çdo qytetar, çdo familje dhe vetë Shqipërinë, nga përshkallëzimi agresiv i sulmit të COVID-19, mbi ne dhe të afërmit tanë, të mos lejohet qarkullimi i mjeteve si më poshtë:

1.Nga dita e premte, datë 13.03.2020, ora 06:00, deri të dielën, datë 15.03.2020, ora 00:00, të mos lejohet të qarkullojnë automjete të transportit ndërurban, automjetet private drejt Tiranës dhe Durrësit apo anasjelltas, nga Tirana dhe Durrësi, në drejtim të zonave të tjera të vendit.

2.Nga dita e premte, datë 13.03.2020, ora 06:00, deri të dielën, datë 15.03.2020, ora 00:00, të mos lejohet qarkullimi i automjeteve private brenda në qytetin e Tiranës, Durrësit, Shkodrës, Lezhës, Elbasanit, Lushnjës, Fierit dhe Vlorës.

3.Qarkullimi i automjeteve në këto territore do të jetë i hapur vetëm për autoambulancat dhe automjetet që kryejnë funksione shërbimi shtetëror (personeli shëndetësor dhe social dhe shërbimet mbështetëse në strukturat e kujdesit shëndetësor, publike dhe jopublike, personeli i farmacive publike dhe jopublike, personeli që ofron shërbimet e furnizimit me ushqime, medikamente, shërbimet e kateringut, shërbimet postare, zjarrfikëse, funerale, energjisë, ujësjellës kanalizime, shërbimet private të ruajtjes së sigurisë së objekteve, shërbimet aeroportuale dhe personeli i linjave ajrore), duke dërguar pranë adresës së email: [email protected], listën e personave të autorizuar dhe duke i paraqitur punonjësve të Policisë një kopje të këtij email-i.

LEXO EDHE:  Drejtonin mjetin në gjendje të dehur/ Arrestohen dy persona

4.Qarkullimi i automjeteve të personave me sëmundje kronike që kanë të planifikuara terapi mjekimi në spitale, duke provuar përmes një dokumenti nevojën për trajtimin e tyre, do të jetë i hapur.

5.Do të lejohen të qarkullojnë automjete të personelit të medias, duke paraqitur dokumentin e tyre të punësimit ose kartën e gazetarit.

6.Për qarkullimin vajtje – ardhje nga aeroporti i Rinasit, drejtuesi i automjetit duhet t’i tregojë punonjësit të policisë, biletat e fluturimit të personave që do të largohen apo foton e biletave të personave që do të mbërrijnë.

7.Marrja në automjetin e punës, e personave të familjes apo personave të tjerë që s’kanë lidhje me detyrën shtetërore është rreptësisht e ndaluar dhe do të ndëshkohet me sanksione të rënda të parashikuara në legjislacionin përkatës.

Policia e Shtetit kërkon mirëkuptimin e të gjithë drejtuesve të automjeteve që të respektojnë këto kufizime me rigorozitet, me qëllim parandalimin e përhapjes së COVID-19, duke kontribuuar të gjithë për sigurinë e jetës.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Ndërron jetë e moshuara në spitalin e Kurbinit/ Dyshimet e para

Publikuar

-

Nga

Një e moshuar ka ndëruar jetë në Qendrën Shëndetësore të Mamurrasit në Kurbin.

Mësohet se ngjarja ka ndodhur mbrëmjen e kaluar, ndërsa viktima është një 72-vjeçare, e cila ishte paraqitur në gjendje të rënduar shëndetësore me shenja gripale.

Sipas informacioneve paraprake dyshohet se bëhet fjalë për një tjetër rast të prekur nga koronavirusi, por pritet të dalë përgjigja e analizave, e cila do të hedhë dritë mbi ngjarjen.

LEXO TE PLOTE

Kronika

GJKKO sekuestron makinën blind të kundërshtarit të fortë të Aldo Bares

Publikuar

-

Nga

Gjykata e Posaçme për Korrupsionin dhe Krimin e Organizuar ka sekuestruar automjetin blind të Saimir Taullaut.

GJKKO bën me dije se sekuestrimi i makinës blind do të bëhet për një periudhë 4 mujore.

Ndonëse Saimir Taullau, ka dorëzuar formularin e deklarimit të pasurisë pas kërkesës së Operacionit Forca e Ligjit, GJKKO ka marrë këtë vendim, ndërsa ka hedhur poshtë kërkesën e OFL-së për sekuestrimin e disa pronave të tjera.

Këtë vendim e ka kundërshtuar menjëherë avokati i Taullaut, i cili thotë se do të ankimojë sekuestron e makinës së blinduar.

LEXO EDHE:  Goditën shtetasin me sende të forta/ Bien në pranga dy persona

LEXO EDHE:  Ndjekje si në filma/ Shkëmbim zjarri mes grabitësve dhe policisë

Saimir Taullau njihet si një ndër kundërshtarët më të fortë të Aldo Bares. 50 vjeçari nga Lushnja është biznesmen në këtë zonë, ndërkohë që i ka shpëtuar për mrekulli disa atentateve. Ai është i skeduar nga policia për aktivitete të jashtëligjshme brenda dhe jashtë vendit./ CNA.al

Një ditë pasi iu bllokua makina/ “I forti” i Lushnjes dorëzon formularin e deklarimit të pasurisë

Aktivitete të jashtëligjshme brenda dhe jashtë vendit, atentate dhe breshëri plumbash/ Kush janë të rrezikshmit që iu sekuestruan makinat

LEXO TE PLOTE

Kronika

Ardi Veliu bën paralajmërimin e fortë/ Respektoni masat ose do të ndëshkoheni

Publikuar

-

Nga

Drejtori i Policisë së Shtetit, Ardi Veliu ka paralajmëruar ndëshkim për të gjithë ata që nuk respektojnë masat kundër përhapjes së koronavirusit.

Gjatë një deklarate për mediat. Veliu theksoi se nga nesër në orën 06:00 do të lejohen të qarkullojnë në Tiranë  vetëm ambulancat, mjetet e transportit rrugor, mjetet e mediave dhe mjetet që tranportojnë medikamete.

Sa i takon personave që duhet të udhëtojnë drejt Rinasit, Veliu tha se duhet të raportojnë paraprakisht në sallat operative, për orën e udhërimit dhe biletën.

“Do të lejojmë të qarkullojnë ambulanca, mjetet që tranportojnë mallra për konsum, ato të shërbejnë për tranportin e medikamevete dhe mjetet e mediave që janë të loguara, çdo punonjës i mediave do të jetë i pajisur me bage përkatës. Në lidhje me të gjithë qytetarët të cilët do të përdorin Rinasit duhet të konfirmojnë sallën operative, 112 ose 129 për orarin e udhëtimit si dhe kohën e lëvizjes, nëse nuk do të jenë bërë këto njoftime paraprakisht në sallat operative, udhëtari nuk do të lejohet të lëvizë në asnjë aks rrugor dhe do të ndërshkohet”, u shpreh Ardi Veliu.

LEXO TE PLOTE