Politikë
Koronavirusi- Nga qendrat tregtare tek ecjet në rrugë/ Rama me “dorë të hekurt”: Mos na detyroni të përdorim forcën
Në kushtet ku qeveria ka vendosur masa drastike për parandalimin e përhapjes së koronavirusit, shumë qytetarë gjenden përballë një “paniku” së cfarë do të ndodhë me furrat e bukës, ushqimoret, farmacitë, apo edhe nëse do të ndalohet ecja në këmbë.
Në një konferëncë për mediat, kryeministri Rama u shpreh se nuk ka nevojë për panik, pasi në këtë drejtim nuk do të ndryshojë asgjë.
“Në asnjë vend nuk është bllokuar aktiviteti prodhues, as në Itali. Ja çfarë thotë fjalë për fjalë edhe qarkoja e fundit e qeverisë italiane lidhur me fabrikat dhe kompanitë që ushtrojnë aktivitetin e tyre në mjedise prodhimi.
Të garantohet maksimal puna në distancë apo nga shtëpia. Atë pjesë të punës edhe fasonët mund ta japin për t’u bërë nga shtëpia nëse është e mundur.
Të merren protokollet e sigurisë kundër infektimit dhe kur nuk është e mundur të respektohet distanca ndërnjerëzore e 1 metri të bëhen shkurtimet e nevojshme brenda atij mjedisi. Pra nëse jemi në kushte kur nuk arrijnë distancat, duhen bërë shkurtime dhe të dezinfektohen vendet e punës dhe duhet kuptuar shumë qartë; kjo nuk do të thotë në asnjë mënyrë se Italia apo të gjitha vendet e tjera po bëjmë ndonjë ndarje klasash apo një trajtim diskriminues qoftë në call center apo fason.
Nëse mbyllim bare dhe lokale, nëse shmangim maksimalisht grumbullimet, atje ku ka sistem organizativ ku një shef është plotësisht e mundur të garantohemi se nuk infektohemi dhe nuk bëhemi përçues të virusit nga fakti që jemi detyruar të jemi së bashku.
Aty ku është e mundur që puna të bëhet në distancë është gjëja më e mirë. Ka një pyetje për qendrat tregtare. Do të pezullohen të gjitha aktivitetet ku nuk lidhet për shërbimin ushqim apo farmaceutik. Dyqane rrobash apo parfumesh.
Edhe sikur bota të ketë mbaruar nesër mbrëma nesër paradite, furrat e bukës, ushqimoret, farmacitë do të jenë të hapura. Jini të qetë dhe në këtë drejtim nuk do të ndryshojë asgjë.
A do të pezullohet ecja në këmbë? Nuk pezullohet por nuk është e këshillueshme në grup dhe as familje të tëra të ngrihen dhe të grumbullohen tek Kodrat e Liqenit. Uroj që të mos përdorim forcën siç mund të ndodhë për festën e Ditës së Verës në Elbasan.”/CNA.al
Politikë
Përgjimet e antimafies italiane/ Balla e kalon topin në fushën e Bashës
Kreu i grupit parlamentar të Partisë Socialiste Taulant Balla ka folur për mediat pas përfundimit të mbledhjes me drejtuesit e qarqeve, ku foli edhe për përgjimet e antimafias italiane për ndërtimet në Shqipëri.
Ndonëse në këto përgjime u lakua edhe emri i kryebashkiakut të Tiranës Erion Veliaj dhe komponentëve të tjerë të politikës, Balla e kaloj “topin” në fushën e kreut të Partisë Demokratike Lulzim Basha.
Sipas Ballës eurodeputeti që ka dalë në përgjime është mik i ngushtë me Bashën dhe për këtë ai tha kryeopozitari mund të përgjigjet më mirë për këtë gjë.
“Unë jam kryetari i delegacionit shqiptar në Parlamentin Europian dhe jam i bindur që eurodeputeti që përmendet është miku i ngushtë i Lulzim Bashës, madje e ka pritur edhe në zyrë. Shko pyeteni Bashën sepse e di mirë. Si politikan shqiptar, meqë është përmendur një politikan
Ata që janë përmendur i keni në presidencë dhe miq të kreut të opozitës. SPAK do të bëj verifikimet përkatëse dhe do I shkoj deri në fund kësaj çështje. Kjo çështje po hetohet nga drejtësia e vendit fqinj.
Ora News e ka një çështje të hapur për këtë gjë e nuk duhet të hyj më thellë”, tha Balla./CNA.al
Politikë
Mbledhja me drejtuesit e qarqeve/ Balla zbardh takimin, çfarë u diskutua
Sekretari i përgjithshëm i PS, Taulant Balla ka dhënë detaje lidhur me mbledhjen e sotme ku kryeministri Rama mblodhi të gjithë drejtuesit politik të qarqeve.
Balla bëri me dije se gjatë mbledhjes është bërë një raportim i 12 drejtuesve të qarqeve mbi detyrat specifike.
“Shtabi elektoral ka qenë në kontakt të vazhdueshëm për ecurinë e fushatës zgjedhore. Ka qenë një raportim i 12 drejtuesve të qarqeve mbi detyrat specifike. Ëshët e rëndësishme që zgjedhjet janë zgjedhje me standarde demokratike. Bien të gjithë dakord që PS ka filluar një proces shumë të paanshëm për vlerësimin dhe përcaktimin e kandidaturave. I kemi dhenë mundësinë shumë të rinjve të konkurojnë dhe tashmë kemi arritur në një grup përfaqësuesish shumë të mirë. Kjo cështje ka qenë një prej diskutimeve të sotme me gjithë drejtuesit e qarqeve”, u shpreh Balla./CNA.al
Politikë
Prezantohet programi i LSI/ Kryemadhi: Synimi ynë punësimi me paga të larta!
Lëvizja Socialiste për Integrim ka prezantuar sot programin e saj politik, teksa na ndajnë tre muaj nga zgjedgjet e 25 prillit.
Kryetarja Monika Kryemadhi tha se ky program ka synim punësimin me paga të larta. Ajo u shpreh se ka rënë dakord me aleatët opozitarë të PD-së për taksën e sheshtë me 9%.
“Në këto 4 vite, shqiptarët jetojnë më keq se më parë. Të rinjtë kanë humbur shpresën ndaj sot lind nevoja për besim dhe ngjallje të shpresës. Kjo mund të arrihet vetëm me një program të qartë. Kemi një program që ka në synim punësim me paga të larta. Është koha për ndryshim. Ne prezantojmë prioritetet tona. LSI ka hartuar politika specifike për të ulur koston e jetesës dhe për të rritur standartin. Politikat e LSI janë të drejtëpërdrejta. Punësimi dhe ekonomia është prioritet i panegociuseshëm për ne. Të gjithë e mbajnë mend premtimin për hapjen e 300 mijë vendeve të punës (premtim i PS). Ne synojmë punësimin e të rinjve dhe profesionistëve. Kemi rënë dakord me taksën e sheshtë 9% me PD-në. E kemi parë formalizimin e ekonomisë si një bashkëpunim me biznesit dhe shtetit” – tha Kryemadhi./CNA.al
Lajme të Rekomanduara:
Fantastike/ Çfarë mund ti zbulosh shkollimit të Bashës?!
Kryetari i Republikes së Re dhe opozitës pjesërisht të bashkuar, Lulzim Basha sot sërish ka vazhduar me ëndrën e tij kryeministrore të cilën e ka...
Meta dhe Veliaj në përgjimet e ‘Ndrangheta-s’/ Artan Hoxha nxjerr fotot: Kush duket si boos-i këtu?
Gazetari Artan Hoxha, ka reaguar sërish në lidhje me daljen e emrit të presidentit Ilir Meta dhe kryebashkiakut Erion Veliaj në përgjimet e antimafias italiane...
