Sociale
Ish-kryeministri mesazh optimist/ Meksi: Përhapja e “flamës” virus varet prej nesh!
Ish kryeministri, Aleksandër Meksi, ka adresuar një thirrje të sinqertë shqiptarëve lidhur me rregjimin karantinës që duhet vlerësuar si një masë e detyrueshme për të shmangur përhapjen e virusit “Korona” që po shokon botën me panikun.
Në mesazhin e publikuar nga faqja e tij në rrjetet sociale ish Kryeministri e vlerëson si sakrificë mbylljen nëpër shtëpia dhe braktisjen e pirjes së kafes tradicionale e takimet me miq e shok, ndërsa konkludon se përhapja e kësaj “Flame”, sikurse ai e etiketon koronavirusin, “varet prej nesh”.
“Vëllezër e Motra bashkëkombës !!!
Ju drejtohem si qytetar, si të gjithë Ju, miq e të panjohur në këto ditë të vështira.
Thirrja e ime është që të përmbaheni e të duroni vetminë e mbylljes në shtëpi duke qenë se deri dje dalja në rrugë, kafeja tradicionale e takimet me miq, shokë e të afërm ishin pjesë e dobishme e jetës sonë të përditshme.
E kuptoj se është e vështirë për mënyrën tonë të jetesës dhe se në shumicën e rasteve dhe për kushtet e banimit jo të përshtatshme për izolim. Por, pa këtë vetizolim paraprak shmangni përhapjen e kësaj flame dhe njëherësh shmangni dëmtimin tuaj dhe të familjarëve. Dhe kjo varret prej nesh.
Edhe njëherë mbylluni në shtëpi, shmangni tërësisht kontaktet dhe daljen në rrugë vetëm për nevoja të domosdoshme (dyqane ushqimesh dhe farmaci), zbatoni me bindje dhe rreptësi rregullat e higjienës për këtë rast, po ashtu dhe këshillat e mjekëve. Le të shpresojmë që në të njëjtën shkallë të mobilizohen dhe ata që me vullnetin e lirë të tyre kanë marrë përsipër detyrën të na sigurojnë mbrojtjen e jetës dhe shëndetit tonë dhe për sakrificat e tyre tu jemi mirënjohës.
Uroj që të kemi të gjithë bashkë fat !!” shkruan ish kryeministri Aleksandër Meksi./ CNA.al
Sociale
Rëndohet bilanci në Itali/ Shkon në 1016 numri i viktimave, 12839 të infektuar
Bilanci i të prekurve dhe viktimave nga koronavirusi në Itali po rritet në mënyrë të fikshmë.
Shifrat e fundit flasin për 1016 të vdekurve, pra 198 viktima më shumë se dje.
Gjithashtu të infektuar janë 12839, 2249 më shumë se dje.
Numri i pacientëve në terapi intensive është 1153.
6650 po kurohen në struktura spitalore e 5036 në kushte shtëpie.
Numri i personave të shëruar është 1258.
Sociale
Masat ndaj koronavirusit/ Kryegjyshata Botërore Bektashiane pezullon çdo aktivitet
Në kuadër të masave për parandalimin e pandemisë së koronavirusit, Kryegjyshata Botërore Bektashiane ka pezulluar të gjitha veprimtaritë fetare.
Në një njoftim zyrtarë për mediat, Kryegjyshata Botërore Bektashiane njofton 6 masat e marra në kuadër për të parandaluar përhapjen.
“Në të gjitha mjediset e gjyshatatve, teqeve, qyrbeve apo prindërive të ndalohet çdo lloj veprimtarie fetare e cila konsiston në bashkimin apo afrimin fizik të besimtarëve dhe që bie ndesh me vendimet e qeverisë shqiptare lidhur me këtë rast.
Ndalohet kategorikisht të gjitha festat, darkat e ndryshme, llokmat për myhiban apo dashamirës bektashinjtë dhe si çdo lloj tubimi tjetër që është traditë e tarikatit dhe nënkupton grumbullimin e besimtarëve.
Mjediset e teqesë, qyrbeve dhe çdo vend i ndenjës së besimtarëve të pastrohen urgjentisht me dezinfektues apo solucion të ndryshëm me bazë alkooli dhe klori. Vetë punonjësit e teqeve të kontrollojnë dhe zbatojnë higjienën e tyre vetjake.
Dervishët dhe baballarët e teqeve të shmangin sa më shumë vizitat e qytetarëve, t’i shtyjnë ato sa të jetë e mundur për një periudhë të mëvonshme deri në largimin e plotë të rrezikut të kësaj sëmundjeje vdekjeprurëse.
Për zbatimin e këtij urdhri ngarkohen të gjithë klerikët dhe personeli ndihmës në gjyshata e teqe.
Urdhri fillon sot dhe mbaron deri në 3 prill”, shkruhet në njoftimin zyrtar./CNA.al
Sociale
Thirrja e fortë drejtuar qeverisë/ Mbyllni aktivitetet tregtare dhe merrni këto masa lehtësuese!
Kryetari i Shoqatës për Mbrojtjen e Tregtarëve dhe Tregut të Shqiperisë, Nikollaq Neranxi i ka bërë thirrje qeverisë që të ndërmarë masa lehtësuese ndaj biznesit, për shkak të situatës nga koronavirusi.
Në një postim në rrjetet sociale, Neranxi i cilëson të duhura masat e qeverisë, por shton se duhet të ndërmarrë masa lehtësuese për të shmangur pushimin e punonjësve nga puna.
“Thirrje qeverise shqiptare dhe Kryeministrit Rama: “Mbyllni aktivitetet tregtare dhe merrni keto masa lehtesuese!”
Ne situaten e krijuar, cdo mase, sado ekstreme ne dukje, sherben per shendetin e popullates. Deri tani masat e marra jane ato te duhurat, por te pamjaftueshme. Shoqata per Mbrojtjen e Tregtareve dhe Tregut te Shqiperise me kryetar Nikollaq Neranxin, beri thirrje dy dite me pare per:
– Lehtesim te barres fiskale!
– Mos aplikim i kamatvonesave ne pagesat e faturave te ujit dhe te dritave.
– Mos aplikim i gjobave per vonesa ne pagesat e TVSh apo tatim fitimit.
– Negocim me bankat per shtyrjen e pagesave te kesteve te kredive.”-shkruan Neranxi.
Më tej, ai falenderon Bankën e Shqipërisë për shtyrjen e afateve të kësteve të kredisë, ndërsa shkruan se “Falenderojme qeverine dhe Banken e Shqiperise e cila vendosi shtyrjen e shlyerjes se kesteve, me tre muaj, per qytetare dhe biznese.”
Po ashtu ai thekson se mbyllja e lokaleve dhe restoranteve ishte vendim i duhur, por shton se duhen mbyllur të gjitha njësitë tregtare.
“Mbyllja e bareve dhe restoranteve ishte vendimi i duhur, por nuk mjafton. Duhen mbyllur te gjitha njesite tregtare te pakten deri ne fund te marsit. Cfare kuptimi ka te mbyllesh nje bar dhe te lesh hapur nje parukeri psh!? Mos beni gabimin qe bene italianet te cilet te frikesuar nga fatura financiare, vetem dje e moren kete vendim, qe te lene hapur vetem farmacite, dyqanet e ushqimeve, pikat e karburanteve dhe kioskat. Ate duhet te bejme edhe ne, sepse duke lene hapur cdo dyqan, shpenzimet do te rriten neper spitale me me shume te infektuar dhe nuk fitohet asgje keshtu.”-shkruan Neranxi.
Po ashtu ai kërkon që të vendimet si me poshte:
– Mospagese e asnje takse dhe tarife nga ana e biznesit, per nje afat te pakten 3 muaj.
– Te subvencionohet nga shteti pagesa e plote e sigurimeve shoqerore per te punesuarit, per nje afat te pakten 3 muaj.
“Pas daljes nga gjendja e emergjences, bizneset do te heqin shume njerez nga puna, si pasoje e krizes financiare. Kjo gje duhet parandaluar. E di qe papunesia nuk duhet te jete shqetesimi i sipermarresve, por i sindikatave dhe shtetit, por ne po bejme detyren tone si qytetare te pergjegjshem.
Sot me shume se kurre merr kuptim fjala solidaritet!”-përfundon postimin e tij Nikollaq Neranxi./ CNA.al
