Një mjek italian në spitalin e Napolit, i quajtur Paolo Ascierto, pretendon se ka gjetur kurën për koronavirusin. Mjeku ka sugjeruar që në medikamentet e përdorura te personat e infektuar me koronavirus, të përfshihet edhe ilaçi i quajtur “Tocilizumab”.

Ky ilaç përdoret për kurimin e artritit dhe mjeku e ka testuar te dy pacientë. La Republica raporton se brenda 24 orëve terapia ka treguar rezultate të shkëlqyera dhe po përdoret te dy pacientë të tjerë.

“Dy pacientët e parë u trajtuan në Itali dhe brenda 24 orësh terapia tregoi rezultate të shkëlqyera. Dje filloi trajtimi për dy persona të tjerë dhe sot do të merremi me dy të tjerë. Sa i përket pacientit të dytë të trajtuar, ka pasur një përmirësim dhe tani është i qëndrueshëm. Këtu në Napoli kemi për qëllim të trajtojmë sa më shumë pacientë të jetë e mundur. Një protokoll kombëtar është i nevojshëm menjëherë për të zgjeruar përdorimin e tocilizumab në pacientët e infektuar me koronavirus dhe në kushte shumë kritike”, tha Paolo Ascierto./ CNA.al

Vetëm disa ditë më parë u identifikua i infektuari i parë me koronavirus në Cordogno të Italisë dhe tashmë numri i tyre ka ardhur duke u rritur frikshëm.

Mirëpo kryebashkiaku i Codognos Francesco Passerini deklaron se modeli “zonë e kuqe” ka funksionuar. Sipas tij, trendi i infektimeve prej disa ditësh është negativ, por ende nuk ka përfunduar emergjenca.

Ai deklaron se izolimi i hyrjes dhe ndaljes nga zonat ka ndikuar pozitivisht, por thekson se duhet të shohim ecurinë e ditëve të ardhshme.

“Nëse numrat konfirmohen, trendi i përhapjes, sikurse e them prej disa ditësh, është më i ulët kundrejt pjesës tjetër të territorit të Lombardisë”, është shprehur ai për mediat vendase.

Po pavarësisht kësaj, ai nënvizon se është e nevojshme “mbajtja e një niveli kujdesi të lartë, duke adoptuar të gjithë masat e marra në zonën tonë në këto 17 ditë dhe të mos mendojmë se beteja ka përfunduar”.

Por kush është “receta” që po përdor Cordogno dhe që nuk përfshin vetëm rregullat e vendosura nga autoritetet sanitare qeveritare. Kryebashkiaku pretendon mbi të gjitha ka të bëjë sjellja shpitërore.

“Nuk duhet pasur frikë. Duhet të jemi të arsyeshëm, duke ecur të gjtihë bashkë në të njëtin drejtim. Jam krenar për qytetarët e mi. Nuk ka pasur skena histerie apo agresioni. E kanë përballuar në mënyrë të kujdesshme situatën duke dëshmuar se mund të fitohet. Denoncimet për dhunë e shkelje kanë qenë të pakta” shprehet Passerini. Detyra më e vështirë ka qenë bindja e të rinjve për të marrë pjesë në këtë operacion të madh përgjegjshmërie kolektive”, deklaron ai, ndërsa thekson se teknologjia ka qenë një nga ndihmat më të mëdhaja.

“Nuk e kisha imagjinuar kurrë dy vite më parë, kur u bëmë një prej komunave të para n ëItali në të cilën mund të bëhet gjithçka në rrugë digjitale me aplikacionin e Codogno-s që u kthye në kaq thelbësor” shprehet Passerini./ CNA.al

Bilanci i të prekurve dhe viktimave në Itali nga koronavirusi po vazhdon të rritet me shpejtësi të frikshme.

Mësohet se vetëm brenda 24 orëve të fundit kanë humbur jetën 196 persona, duke e dërguar në total numrin e viktimave në 827 nga 631 që ishte një ditë më parë.

Aktualisht 10.590 persona rezultojnë të jenë të prekur me koronavirus, ndërsa 1,045 janë shëruar, konkretisht nga dita e djeshme 41 qytetarë.

Sipas Corriere della Serra, 5,838 pacientë janë të shtruar në spital me simptoma, 1.028 janë në kujdes intensiv, ndërsa 3.724 janë në izolim./ CNA.al