Connect with Us

Shtëpia nuk është burg

Opinione

Shtëpia nuk është burg

Publikuar

-

Nga Ilir Levonja

– Ajo që po e kapërdijnë me vështirësi në Shqipëri, është vetizolimi. Megjithëse është një nga masat më të domosdoshme për faktin se mund të reduktojë ndjeshëm përhapjen e virusit, prapë hezitohet. Duhet të kishte filluar që në momentin kur u njollos me të kuqe Italia, sepse jemi të lidhur gjymtyrësh, jemi gati siamezë. Dhe mos eksperienca në të tilla epidemi që janë mes shekujsh dhe brezat nuk e kanë idenë, gjithçka kthehet në një gjendje sportive dhe shteti flet dokrra për të ruajtur karriken, pasi magazinat a shtretërit e karantinave janë shitur batjava.

Por ka një nismë spektakolare të personave publik sidomos e atyre që jetojnë e kontribuojnë në Itali dhe kjo është për tu admiruar. Sado larg që ikim prapë koka na dhëmb aty dhe koha po e vërteton, mjafton të përmendim edhe fondacionin e marinsit shqiptaro amerikan Marko Kepi në tërmetin e 26 nëntorit të vitit të kaluar. Nga ana tjetër disa mediume shtrojnë ca pyetje naive se çfarë mund të bëhet i izoluar në shtëpi? Shqiptarët nuk rrinë dot pa kafenet’. Duke qënë se jetoj prej vitesh në një vend tropikal ku stuhitë janë të përvitshme, izolimin e kemi gjymtyrë të jetës. Por në raport me izolimin e coronavirusit, stuhia të lë pa drita, pa ujë etj.

Dhe mund të të humbësh gjithçka, mund të mbetesh në qiell të hapur sikur të mos kesh ekzistuar asnjëherë. Në rastin konkret nuk ju mungojnë aspak as dritat e as uji dhe për më tepër komunikimi virtual. Disa ditë a disa javë nuk janë asgjë, mjafton të mendosh se sa jetë mund t’i kursesh të së përditshmes. Mund të jetë një i njohur për ju, a një i largët.., por është prindi, babai a nëna, motra, vëllai i dikujt tjetër. Dhe ky dikushi që fati ua mbajti larg nesër mund të jeni edhe ju, ksisoj thuaje plot, Zot mbaje dorën. Në kuptimin e drejtë të fjalës kjo është luftë me natyrën, me fatin…, pavarësisht minuseve se, nuk ka asnjë diskutim që ne jemi nga vendet më të papërgatitura pasi kurrë nuk ndërtuam një shtet të vërtetë.

LEXO EDHE:  Nga Ilir Levonja/ Përse Henrin të parin dhe jo Edi Ramën

Nëse në studiot shqiptare do flitej ndonjëherë për emeregjencat, se si veprohet, se si një shtet mban në gatishmëri hallkat e tilla, pra nëse do flitej ndonjëherë, me pa diskutim do kishim filluar themelet e shtetit. Por shqyhemi me ligjëratat boshe të Ngjelës a ca kapterëve si Peza, me llogje duke mbetur gjithmonë vend i botës së tretë, jo new Hollandë apo Zvicër, asesi që jo. Ndaj sot shtrohen ca pyetje naive se çfarë mund të bëhet në shtëpi për 1 apo 2 javë.

Kot që paskemi shtëpi, kot që shtrydhemi për familjen, gjithçka e jona qenka llogjet e kafeneve dhe ajo kureshtia prej provinciali se kush e hëngri sot? Përpara se të dali presidenti apo kryeministri, bëhuni vet të tillë, pasi ne kurrë nuk na ka munguar vitaliteti, pavarësisht se e kemi shtyrë tutje për hatër të politikës. Eshtë luftë për faktin e thjeshtë se është një epidemi globale, me një armik të padukshëm…, jo rastësisht janë vatrat të shpërndara si Iran, Itali, Seul. Eshtë vrasës sa i pa parashikueshëm, aq edhe i lexueshëm, vatrat e trafikut ajror, lidhjet e afërta si rasti ynë me Italinë etj. Por është edhe një situatë e tillë ku kupton se sa luftë bën qenia njerëzore për të mos u fikur jashtë radhe dhe sikur kurrë të mos kishim ekzistuar. Shkurt në shtëpi do shkoni, jo në burg, ndaj mblidhuni e lërjani vendin zbrazëtisë./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Dy maska, që infektuan trurin e shqiptarve!

Publikuar

-

Nga

Nga Kreshnik Spahiu*

Prej 3 ditësh kam kërkuar në mbi 50 farmaci në Berlin dhe nuk munda të gjej, as maska anti-virus dhe as dizinfektat për duart.
Ndoshta s’do e besoni por as dizinfektat duarsh nuk gjej dot as në farmaci dhe as në Drug Store.
Kam kërkuar në çdo supermarket Rosmman ose DM dhe askund nuk gjen. Kjo situatë nuk është vetëm në Berlin por dhe Hamburg, Köln, Bremen, Stutgart etj

Në mbrëmje unë i ndjek lajmet në disa gjuhë të botës nga Gjermania deri në Amerikë.
Sigurisht krye-lajmi ditës është coronavirus.
Nga një vëzhgim i thjesht Shqipëria bën dallim nga gjithë bota dhe duket qartazi që virusi nuk po i rrezikon veç prekjen e mushkrive por dhe trurin e popullatës dhe politikës për këto arsye:
1- Askund as në Europë, as në Amerikë, as në Azi, as në Afrikë….. në asnjë shtet nuk del kryetari opozitës apo ish-kryeminsitri dhe të bëjnë koferenca shtypi 24 orë për coronavirus.
2- Në asnjë shtet të botēs nuk presin që nga corona virusi të bjerë qeveria dhe të bëhet rotacioni.
Rama duhet të bjerë dhe largohet për 1000 arsye por jo për coronavirus
3- Në asnjë vend të botës nuk shajnë dhe mallkojnë nëpër blogje dhe komente si shqiptarët në facebook kur diskutohet Coronavirusi
4- Në asnjë shtet të botës nuk revoltohen njerëzit me shtetin për mungesën e maskave për një virus që as SHBA nuk po e përballon dot. Ka 12 milion maska dhe minimalisht i duhen për 300 milion banorë po të llogarisim minimalisht 1 mask për person.
5- Asnjë gjerman nuk akuzon Merkel per hapje paniku që deklaroi dje se 70% e gjermanve do infektohen nga virusi
6- Asnjë televizion në botë nuk lidhet LIVE me pacientët nga karantina siç bëjnë televizionet shqiptare!l,
7- Asnjë komb në botë nuk del xhiro dhe pi raki klubeve kur shteti e shpall pushim dhe karantin të përgjithshme. Milano boshatiset, ndërsa parku rinia dhe liqeni Tiranës popullohen si dita e piknikut në 1 Maj.
8- Asnjë politikan në botë nuk hedh video satirike dhe Fake News si Sali Berisha me vallen e mjekve iranian në një ditë dhe me një ngjarje që po shndërrohet në apokalips bakterial botëror.
9- Asnjë komb në botë nuk e merr me kaq, cinizëm dhe shaka luftën kundër pandemisë botërore si shqiptarët që reklamojnë “rakinë e Skraparit” ai vaksinë anti-virus.
10- Asnjë shtet në botë nuk po debaton politikisht mbi coronavirusin sa Shqipëria.

LEXO EDHE:  “Xhevdeti iku, tani kemi Çukurin”

LEXO EDHE:  Përmbytet shtëpia e George Clooney

As Kina nuk akuzon Amrikën, sa Berisha akuzon Ramën për coronavirusin.

Fundja s’kemi ç’presim nga populli, kur dy “kokat e mëdha” që na drejtojnë nuk vlejnë as sa dy maska.
Ka ardhur koha për ti shitur si paketë okazion të dy maskat shqiptare.
1- Maska e Ramës e skaduar prej vitesh dhe që është një përdorimshme
2- Maska me surratin e Bashës e cila është e përjetshme dhe shumë përdorimshe.

Gjithsesi, objektivi parandalues i dy prezervativëve nuk varet nga afati por nga madhēsia. Brenda tyre ndodhet truri i mijëra shqiptarve që është prekur rëndë nga politizimi viral që ka 30 vjet që qarkullon në gjithë kapilarët dhe gjakun shqiptar!
Mushkritë e tyre mund të mbrohen nga Coronavirusi por truri i tyre s’ka më as shërim dhe as shpëtim.

 

LEXO TE PLOTE

Opinione

Nga Bledi Mane/ E dashur infermiere, i dashur doktor…

Publikuar

-

Nga

1./Fundnëntorin e vitit të kaluar kur toka u drodh nën këmbët tona ju nuk rrëmbyet palltot e ngrohta të stinës por veshët përparëset e bardha, i hipët ambulancës dhe nxituat për në gërmadhat e Durrësit, Laçit, Thumanës.
Me duart tuaja peshonit mbi gjokset e të plagosurve të tërmetit tu sillnit në jetë zemrat e tyre të dërmuara nga fatkeqësia natyrore. U pastronit gjakun e plagëve dhe u jepnit oksigjen e shpresë fëmijëve, pleqve, vajzave, djemve për tua rikthyer funksionimin e organizmit. Ballë jush ishte kapriçoja e natyrës por ju nuk humbët as durim dhe as u demoralizuat. Jeta triumfoi mbi gërmadhat e mortit e si zakonisht ju modestë vazhduat punën dhe misionin tuaj. Pas tërmetit erdhi ndërrimi i viteve dhe ne të tjerët si gjithmonë u harbuam mes festës, fishekzjarreve, bakllavasë, alkoolit e të dehur e të mbingopur përfunduam sërish në duart tuaja. Ju nuk festuat vitin e ri por në gadishmërinë sublime prisnit e përcillnit në dyert e spitaleve viktimat e qejfit dhe të abuzimit. Na ndenjët te koka, na shëruat dhe na përcollët plot humanizëm. Edhe ditët e mëpasme të vitit që erdhi vazhduan si gjithmonë me aksidentet, plagosjet, rrahjet, vrasjet, plagët, gjakun por ju aty stoikë si gjithmonë shëruat dhe shëroni viktima e njëkohësisht mbyllni plagët e dalldisë tonë kolektive.
Sot që po u shkruaj është dita e tretë e një pranvere fatkeqe nacionale e ndërsa shumica prej nesh jemi mbyllur në shtëpi, ju jeni aty në mes të kolerës vdekjeprurëse duke u shërbyer pacientëve që nuk po i kursen coronavirusi. Ju i keni shpallur luftë një armiku të padukshëm që po merr më qafë vendin, kontinentin, planetin dhe vetëmohimi juaj është e vetmja shpresë për këdo nga ne.
Ndryshe nga qindra kolegët tuaj që u arratisën drejt Gjermanisë ju mjeket, infermierët dhe sanitarët e këtushëm po mbani gjallë atë shkëndijën e vogël të zjarrit të jetës. Para jush ne jemi dorëzuar të gjithë dhe po para jush ne ndihemi të vegjël dhe borxhllinj të mëdhenj. Por mos harroni se shumë prej nesh janë të pabesë porsi virusi e ndërkohë që ju shëroni njërën plagë, plagë të tjera u hap politika, media, mosmirënjohja.
2./
Të drobitur nga orët e pafundme të punës tuaj, ju gjeni kohë ti përgjigjeni edhe virozës edhe renegatëve që duan të përfitojnë mbi tragjedinë kombëtare. Puna, sakrificat dhe modestia juaj mbeten ilaçi më i fortë i këtyre ditëve dhe teksa u shohim për së largu tek i qëndroni mbi kokë pacientit mezi presim të afrohet fundmarsi e tu përqafojmë të gjithëve një e nga një.
Me falni se desh harrova. Kur të mbaroni punë kontrolloni xhepat e përparëseve tuaja të bardha. Aty nuk do gjeni 10 mijë lekëshin tim, do gjeni 10 milionë urime dhe bekime nga ne të gjithë.
Faleminderit!

LEXO TE PLOTE

Opinione

“Po ku pjerdh unë për koronavirus”

Publikuar

-

Nga

Nga Dritan Shano 

Përpara 25 minutash, dola në rrugë për të kryer një blerje.

Kafenetë plot. Rrugët plot. Siç e kemi zakon për Shën Valentin. Distanca me njeri-tjetrin as që respektohej.

Dy njerëz, të sekseve të ndryshme, pështynë përtokë. Kombinacioni më i rrezikshëm gjysh-nip ndeshej jo rrallë.

Ndoshta koronavirusi nuk do merret me ne.

Por po qe se do na vizitojë me të njëjtin ritëm si Italinë është e qartë se do i kemi punët pisk. Jo për gjë po mjekësia jonë nuk ka lidhje me mjekësinë italiane. 

Prandaj ideja se koronavirusi nuk ka ç’na bën duhet të largohet për nja dy javë nga truri ynë kombëtar. 

Pa asnje panik dhe histeri, duhet thjesht të ndjekim ca këshilla që lidhen me higjienën personale dhe publike, dhe duhet të qëndrojmë sa më shumë të mundemi brenda në shtëpi.

Por çfarë po ndodh në realitet. Në real time. Shpërfillja e këshillave që duhen ndjekur për të zbutur sa më shumë përhapjen e koronavirusit është e prekshme, e dukshme duke demonstruar një papërgjegjshmëri, mendjelehtësi dhe injorancë të rrallë. Se dihet që ne shqiptarët, po nuk ndodhi në familje, jemi të bindur se koronavirusi nuk e ka me ne. Përkundrazi na sheh me respekt dhe na hap rrugën.

LEXO EDHE:  Rritet numri i të prekurve nga koronavirusi në Greqi/ Mbyllen shkollat, universitetet dhe ambientet publike

LEXO EDHE:  Nga Ilir Levonja/ Orët e fundit të Edi Ramës

Kjo shpërfillje vjen edhe nga fakti se për koronavirusin dhe masat që duhet të merren, për mënyrën e re e sjelljes dhe jetesës që duhet të përqafojmë, flasin ata, politikanët. Politikanët tanë, që i marrtë të keqen koronavirusi i marrtë, etj. Politikanët jo profesionistët.

Dihet se Shqiptarët nuk i besojnë politikanëve. Nuk i marrin seriozisht. Jo më kot 84% e tyre duan të ikin prej atyre. Prandaj ata duhet ta qepin gojën, dhe në ekrane të dalin vetëm profesionistët. Ata që marrin vesh nga këto punë. Vetëm atëhere, shqiptarët ndoshta do jenë në gjendje të pranojnë ndonjë këshillë, se si duhet të sillen që mos venë jetën e vet dhe të të tjerëve në rrezik.

Kur dola nga dyqani ku bëra blerjen, në kafenenë anash pashë 4-5 pensionistë që rrinin ngusur ngucur dhe bisedonin indiferentë. Me siguri po i thoshin njeri tjetrit: Ku pjerdh unë për koronavirus! More mos e ke? i thoshte një tjetër. E në e paça a do pak nga ky koronavirusi im?

Zoti i ruajtë shqiptarët!

LEXO TE PLOTE