Lajme
“Nuk ka vend për panik”/ Rakacolli: Kemi miliona maska oksigjeni
Zëvendësministrja e Shëndetësisë, Mira Rakacolli tha se nuk ka vend për panik, pas nuk ka mungesë të maskave të oksigjenit apo të aparatëve respiratorë.
“Maska oksigjeni ka me miliona. Aparatura oksigjenimi ka në çdo spital. Janë totalisht të mjaftueshme. I kemi marrë masat, se duke e ditur që në fillim si zhvillohet sëmundja kemi qenë të ndërgjegjshëm, që problemi do të ishte me sigurimin e respiratorëve. Kemi parë sa kemi në total dhe jemi në rregull. Qëveria ka vënë në dispozicion 400 milionë lekë për koronavirusin”, bën me dije Ministria e Shëndetësisë.
Gjithashtu Rakacolli tha se marrja e të dhënave të të gjithë udhëtarëve kur fluturimet me Italinë ishin të shërbejnë për të identifikuar rrugëtimin që ka bërë një person që mund të rezultojë sot me koronavirus.
“Lëvizja ka qenë e lirë, kanë ardhur të shëndetshëm dhe pa shenja. Ne që në fillim kemi kërkuar skedat e udhëtarëve me numrat e kontaktit. Ato janë marrë për këto ditë, jo për atëherë. Që nëse një person del i prekur, të vlerësonim skedën e tij për të zbuluar historikun e udhëtimit edhe vendin nga vjen”, tha Rakacolli./CNA.al
Lajme
Rudina Hajdari kujton ditëlindjen e të atit/ Krenari dhe përulje për kontributin dhe sakrificën e tij
Deputetja e opozitës, Rudina Hajdari ka kujtuar ditën e lindjes së babait të saj, Azem Hajdari.
“Sot në ditën e lindjes së tij kujtojmë me krenari dhe përulje kontributin dhe sakrificen e tij të pakufij për Shqipërinë dhe Kosovën”, shkruan Hajdari në një postim në rrjetet sociale.
Azem Hajdari ka qenë lideri i lëvizjes studentore 1990-91 që çoi drejt rënies së regjimit komunist në Shqipëri. Ai simbolizon nisjen e periudhës demokratike në Shqipëri.
Hajdari ishte një nga themeluesit e Partisë Demokratike të Shqipërisë, partia e parë opozitare, dhe Kryetar i Komisionit Nismëtar të kësaj partie. Azem Hajdari ishte deputet i Partisë Demokratike të Shqipërisë që nga viti 1991 e deri sa u vra në shtator të vitit 1998./CNA.al
Lajme
Përhapja e koronavirusit në Shqipëri/ Meta takon Drejtorin e Zyrës së OBSH në Tiranë
Presidenti Ilir Meta ka takuar Drejtorin e Zyrës së Organizatës Botërore të Shëndetësisë në Tiranë, Dr.Raul Gonzalez.
Presidenti ben më dije se biseduan lidhur me masat mbrojtëse të marra nga institucionet tona shtetërore për përballimin me pasoja sa më të lehta të coronavirusit.
Ai thekson se nuk ka vend për panik, por kujdesi duhet të jetë maksimal nga çdo qytetar!
“Është i domosdoshëm zbatimi me rigorozitet i protokollove shëndetësore dhe i këshillave të stafeve mjekësore nga të gjithë! Së bashku për të mbrojtur shëndetin e çdo qytetari!”, shkruan Meta./CNA.al
Lajme
I shërbyen 73-vjeçares me koronavirus/ Vetizolohen 4 mjekë e infermierë në Durrës
Katër mjekë dhe infermierë janë vetizoluar pasi i shërbyen një 73-vjeçareje të prekur nga koronavirusi në Durrës.
Mësohet se të gjithë mjekët, infermierët dhe personeli mjekësor që është kujdesuar për zonjën në fjalë, i është nënshtruar testit për koronavirusin, dhe tamponët janë dërguar në laboratorin e Institutit të Shëndetit Publik.
Ndërkohë, 4 pjesëtarë të stafit mjekësor që kanë pasur kontakte më të ngushta me 73-vjeçaren, janë vendosur në vetëkarantinë
Gruaja me inicialet Xh.G, e cila është e sëmurë kronike prej disa vitesh nën survejimin e mjekëve, mbrëmë ka pasur tension të lartë 140/70./CNA.al
