Connect with Us

Ngec në vetting/ Vila 3 katëshe djeg sërish gjyqtaren Entela Shedula

Vetingu

Ngec në vetting/ Vila 3 katëshe djeg sërish gjyqtaren Entela Shedula

Publikuar

-

Nga Edmond Hoxhaj-

Riçelja e hetimit për pasurinë e kryetares së Gjykatës së Kavajës, Entela Shedula nuk solli ndryshime të analizës financiare, e cila konstaton mungesë burimesh financiare për  ndërtimin e një vile 3-katëshe.

Ashtu si edhe në seancën dëgjimore të zhvilluar më 30 janar 2019, Komisioni ka konkluduar se Shedula nuk ka arritur të provojë se ajo dhe bashkëshorti i saj kanë pasur burime të ligjshme për ndërtimin e banesës.

Procesi i vettingut për gjyqtaren Shedula po kryhet për të tre kriteret nga trupa gjyqësore e drejtuar nga Xhensila Pine, me relatore Suela Zhegu dhe anëtare Brunilda Bekteshi.

Relatorja Suela Zhegu sqaroi se Komisioni e rihapi hetimin bazuar në provat e depozituara nga subjekti i rivlerësimit. Sipas Zhegut, Komisioni ka tërhequr praktikën e plotë të legalizimit të banesës tre katëshe të gjyqtares Shedula, ku vetëm ndërtesa rezulton e regjistruar.

“Sipas zyrës së Kadastrës së Kavajës, kjo banesë pozicionohet në tokë shtet,” tha relatorja Zhegu. Ajo shtoi se me vendim të Komisionit të Kompesimit dhe Kthimit të Pronave, trualli prej 3600 metrash u është dhënë pronarëve.

Gjyqtarja Shedula shpjegoi në fjalën e saj se trualli ku është ndërtuar banesa tre katëshe u është kthyer katër bashkëpronarëve nga Komisioni i Kthimit dhe Kompesimit të pronave, ku një prej tyre është vjehrri i saj.

“Mosregjistrimi nuk e bën vendimin e Komisionit të Kthimit e Kompesimit të Pronave të pavlefshëm, por i heq vetëm të drejtën e tjetërsimit të pronës tek te tretët,” tha gjyqtarja.

Relatorja Zhegu sqaroi se për të kryer analizën financiare, Komisioni ka kërkuar nga Enti Kombëtar i Banesave referencat e kostove të ndërtimit dhe të çmimeve të materialeve të ndërtimit për periudhën 1995-2000.

Bazuar në të dhënat e servirura, kanë rezultuar balanca negative në periudhën kur është ndërtuar shtëpia tre katëshe. Për periudhën 1994-1999 ka rezultuar një balancë negative në vlerën e 5 milionë lekëve; për vitet 2000-2001 në shumën 802 mijë lekë; në vitin 2006 në shumën 1.6 milionë lekë; 468 mijë lekë në vitin 2008 dhe në vitin 2012 një balancë negative në vlerën 255 mijë lekë.

Gjyqtarja Shedula i kundërshtoi gjetjet e Komisionit për mungesën e burimeve financiare të ligjshme për ndërtimin e shtëpisë tre katëshe. Ajo pretendoi se mungesa e burimeve financiare për investimet e konstatuar nga Komisioni për periudhën 1995-1999 është e ndryshme nga analiza e raportit të vitit 2019.

“Analiza nuk përputhet me provat e hetimit dhe të subjektit. Ndërkohë, nuk merren parasysh fakte të njohura botërisht që janë njohur për subjekte të tjera,” u ankua Shedula, e cila shpjegoi se i ishte drejtuar një eksperti vlerësues për të kryer saktë deklaratën veting.

Ajo tha se sipas vlerësuesit, vlera e shpenzimeve për ndërtimin e banesës është 8.2 milionë lekë. Shedula theksoi se në analizën e raportit të parë të KPK, ishin marrë parasysh deklarimet dhe provat e saj, ndërsa në të dytin nuk ishin konsideruar.

Sipas saj, ndërtimi i shtëpisë ka qenë informal e për pasojë kostoja ka qenë më e ulët. Duke iu referuar KPA, Shedula pretendoi se kostoja e ndërtimit informal është 26% më e ulët se ai i formalizuar. Ajo shtoi se në vitin 1999 kati i dytë kishte qenë karabina dhe nuk mund të vlerësohet si i përfunduar.

“Vlera totale e deklaruar nga unë ka qenë 8.4 milionë lekë. Ndërkohë, sipas llogaritjes rishtazi të Komisionit është 10.8 milionë lekë, por nuk është marrë parasysh se ndërtimi është informal,” tha Shedula, duke i quajtur të sakta deklaratat e saj për këtë pasuri.

Shedula tha gjithashtu se Komisioni nuk merrte në konsideratë të ardhurat e bashkëshortit të saj nga aktiviteti privat i importimit te rrobave të përdorura nga Italia gjatë periudhës 1995-1997.

LEXO EDHE:  Dy anët e Vettingut/ Deputeti demokrat “kryqëzon” Ramën

Me tej, Shedula iu rikthye shpjegimeve të dhëna në seancën dëgjimore të mëparshme për kredinë e marrë nga Fondi Besa. Ajo tha se edhe pse kredia ishte marrë për ushtrim aktiviteti tregëtar, ishte përdorur për vazhdimin e ndërtimin e shtëpisë. Subjekti i rivlerësimit rishpjegoi se Fondi Besa në atë kohë jepte kredi vetëm per aktivitet tregëtar.

Gjyqtarja Shedula risolli gjithashtu në vëmendje të Komisionit mospërfshirjen në analizë të të ardhurave të përfituara nga bashkëshorti në vitin 2008 nga puna pranë një shoqërie private, për të cilën nuk ishin paguar sigurimet dhe tatimet. “Penalizohemi dy herë, një herë bashkëshorti që nuk i janë paguar kontributet nga punëdhënësi dhe një herë tani bashkëshortja si subjekt rivlerësimi,” tha gjyqtarja Shedula.

Relatorja Zhegu identifikoi gjetje edhe lidhur me aspektin profesional. Ajo tha se Komisioni kishte verifikuar edhe një rast të një vendimarrje të gjyqtares Shedula për një çështje penale të publikuar në median online për lirimin e shtetasit I.B. Zhegu shtoi se Shedula kishte dhënë shpjegime, të cilat do të vlerësohen gjatë marrjes së vendimit përfundimtar.

Zhegu përmendi edhe një denoncim nga publiku ku ankuesi pretendon se gjyqtarja Shedula prej shtatorit 2017 po shqyrton një çështje civile ku ai është palë, të cilën nuk e ka përfunduar por e shtyn qëllimisht.

Për konstatimin e KPK-së lidhur me aspektin profesional, Shedula tha se për çështjen e bërë publike në media kishte zgjedhur të mos reagonte edhe ajo nëpërmjet mediave. Ajo tha se kishte vepruar në rrugë institucionale, duke sqaruar për vendimin e saj lidhur me çështjen penale në fjalë kishte njoftuar Presidentin e Republikës, Këshillin e Lartë të Drejtësisë dhe institucionet ndërkombëtare.

Shedula shpjegoi se në vitin 2013, prokuroria kishte kërkuar caktimin e masës së sigurisë arrest në burg për 10 ditë për I.B., në pritje të një akti ekspertimi për armën e ftohtë. “Gjatë gjykimit prokurori mori aktin dhe kërkoi ‘detyrim paraqitje’. Gjykata nuk mund të caktojë masë sigurie më të rëndë nga ajo që ka kërkuar prokuroria,” deklaroi gjyqtarja Shedula.

Lidhur me denoncimin e kryer nga një qytetar ajo shpjegoi se bëhej fjalë për një çështje që ka si objekt pjesëtimin e pasurisë. Ajo shtoi se kishte marrë një vendim për fazën e parë të pjesëtimit në vitin 2019 dhe se shqyrtimi po vazhdonte për fazën e dytë. Ajo mohoi që procesi të ishte shtyrë prej saj dhe deklaroi se një gjë e tillë kishte ndodhur për arsye proceduriale.

Përfaqësuesi ligjor i Shedulës, avokati Sokol Hazizaj tha se bazuar në gjithë provat e paraqitura nga subjekti i rivlerësimit dhe nga rezultatet e hetimit, nuk rezultonte që ajo të kishte cënuar besimin e publikut tek drejtësia. Ai nënvizoi se shtëpia ishte ndërtuar para se Shedula të lidhte kurorë me bashkëshortin e saj dhe prandaj sipas tij, ILDKPKI e kishte vlerësuar të drejtë deklarimin e pasurisë. “Duhet parë nëse ka ndonjë gënjeshtër… . Kjo e cënon besimin e publikut tek sistemi i drejtësisë,” tha Hazizaj.

Kryesuesja Xhensila Pine konstatoi se ndërtimi i banesës kishte filluar para martesës, por kishte vazhduar edhe pas ardhjes së saj në familjen e bashkëshortit.

Në përfundim të seancës dëgjimore, gjyqtarja Shedula kërkoi konfirmimin e saj në detyrë. KPK njoftoi se do të shpallë vendimin më datë 13 mars, ora 09:30.

Kryegjyqtarja e skandaleve/ Vilë trekatëshe me të ardhurat vetëm nga paga

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Vetingu

Skandali me gjyqin për rrogat dhe kërcënimet/ Zbardhet pasuria e gjyqtares që i shtohen milionat

Publikuar

-

Nga

Kur fillon punën gjyqtare, ke halle, pak lekë, makina të lira, por vitet e punës shtojnë pasurinë. Martesa sjell shumë të ardhura dhe suksesi nga profesioni është i garantuar.

Ky është rasti i gjyqtares Fjoralba Prifti, një personazh pak i njohur në media, por që tashmë me vettingun ka ardhur koha të zbardhet edhe e vërteta e kësaj gjykatëseje.
Disa ditë më parë CNA.al publikoi skandalin e Gjyqtares së Gjykatës Administrarive të Apelit, Fjoralba Prifti në lidhje me një çështje gjyqësore. (Kliko këtu)

Ne kemi raportuar se zonja Prifti ka qenë e përfshirë në një skandal sepse për rreth 6 muaj i ka kaluar të gjitha shkallët e Gjykatës Administrative për të siguruar rrogat e saj. Për rreth tre muaj ka mundur ta mbyllë në Apel dhe në të njëjtën kohë i ka marrë dhe çështja administrative që është çuar fillimisht në Gjykatën e Tiranës.

Të dy shkallët kanë kaluar për vetëm 6 muaj, për të marrë 2 rrogat e dy muajve. Një qytetar që të kalojë një çështje në Gjykatën Administrative i duhen 3 deri ne 5 vjet, ndërsa një gjykatëse si zonja Fjoralba Prifti, nuk i duhet më shumë se 6 muaj, për të fituar 2 muaj rrogë.

Menjëherë pas publikimit të këtij shkrimi nga CNA.al gjyqtarja reagoi menjëherë duke u shprehur: “Mos u kruani me Fjoralba Priftin” . (Kliko këtu)

Ajo shfaqej e nervozuar pse ne kemi shkruar atë që ka ndodhur dhe kërkonte që të mos ngrihej një shqetësim i tillë, pasi ky, sipas saj, ishte një lajm i porositur vetëm për faktin se duhet të ishte nder që paguhej gjyqtarja për rrogat e munguara të 2 muajve.

“Askush nuk kruhet dhe nuk mund të kruhet me Fjoralba Priftin”, ishin fjalët e saj.
E ndërsa CNA.al, ka publikuar mbi 250 dosje gjyqtarësh dhe prokurorësh dhe do të vazhdojë të publikojë edhe pjesën e tyre që kanë në dispozicion, sot po i sjellim skedën e plotë të pasurisë të saj që duket se është me jo pak probleme.

Fjoralba Prifti është drejt vettingut ashtu si disa kolegë të tjerë të saj ku duhet të justifikojë pasurinë e saj. CNA.al ka zbardhur deklarimet e pasurisë së zonjës Prifti dhe të bashkëshortit të saj.

Tashmë do të jetë Vettingu që do të japë drejtësinë për Fjoralba Prifin e cila fiton gjyqet me shtetin për 6 muaj dhe mërzitet shumë kur mediat shkruajnë se këtë shpejtësi duhet të kenë edhe gjyqet e shqiptarëve.

Më poshtë sjellim deklarimet e pasurisë së zonjës Prifti dhe bashkëshortit të saj.

Viti 2004

Paga vjetore si gjyqtare e Gjykatës së shkallës së parë Lezhë, 900.000 lekë.
Depozita bankare 700 000 lekë.
Paga vjetore 789, 812 lekë
Pension familjar 60, 000 lekë.
Viti 2005
Depozitë bankare 500, 000 lekë
Paga vjetore 930, 600 lekë.
Viti 2006
Depozitë me afat 6 mujor 300 000 lekë.
Llogari rrjedhëse 128, 000 lekë.
Llogari rrjedhëse e bashkëshortit 180, 000 lekë.
Pga nga Gjykata e lezhës për 6 muajt e fundit 688 489 lekë.
Pagesa për leje lindje 288 ,000 lekë .
Pagesa për bashkëshortin nga Fakulteti i Gjuhëve të huaja 698, 280 lekë.
Pagesa për bashkëshortin nga Liceu 270, 000 lekë.
Pagesëpër bashkëshortin nga një tjetër shkollë për 6 muaj, 60 000 lekë.
Pagesë për bashkëshortin nga një fondacion 1200 euro në vit.
Pagesë për shërbim guide 2 guida nga 600 euro=1200 euro.
Pagë për përkthime dhe interpretime për punimet e Ministrisë së Brendshme 2250 euro.
Pagë nga seminarii bashkëshortit 600 euro.
Artikuj të botuar 10 000 lekë.
Paga për përkthim interpretim për llogari të një firme 760 euro.
Pagë për interpretime përkthim për një projekt 108 euro.
Përkthim për llogari të Prokurirsë së Tiranës 10 000 lekë.
Përkthime private 30 000lekë.
Pagesa për mësim privat të gjuhës gjermane 480 000 lekë në vit.
Pagë për përkthime 30 000 lekë.
Detyrim i bashkëshortit ndaj kopmanisë një kompanie për kontratën e sipërmarrjes.
Shuma e shlyer 1700 euro, gjendja e detyrimit të pashlyer 1700 euro.
Detyrim i bashkëshortit, shlyer 30 000lekë, gjendja e detyrimit te mbetur 30 000 lekë.

Deklaratë e bashkëshortit E. Prifti.

Kontratë sipërmarrje mes bashkëshortit E. Prifti për porositjen e një apartamenti plus vend parkimi.
Detyrim për kontratën e përsëritur ndaj kompanisë 17 000 euro.
Detyrim ndaj kreditorit huadhënës 30 000 euro.
Autoveturë tip Ford 2000 euro.

Viti 2007
Llogari rrjedhëse 395 836 lekë
Llogari rrjedhëse ne euro e bashkëshortit 440, 382, 77 lekë.
Llogari rrjedhëse në emër tëdy bashkëshortëve, Fjoralba dhe E.Prifti 2447, 08 euro.
Llogari rrjedhëse në emër të E. Priftit 104, 392, 26 lekë.
Shtesa ne depozitën me emrin e Fjoralba Priftit 46 118 lekë .
Paga nga Gjykata e Lezhës 829, 450 lekë.
Paga për bashkëshortin E. Prifti 634, 225, 25 lekë.
Pagesë për përkthim nga Prokuroria Durrës 54 000 lekë.

Pagë për përkthim, zyrë e përkthimeve 36 000 lekë.
Pagë për përkthim nga Prokuroria e Tiranës 20 000 lekë.
Pagë për përkthime nga GTZ 28537 lekë.
Pagesë për përkthime 140 000 lekë.
Pagesë për përkthime noteriale 30 000 lekë.
Pagesë për kurse private për mesim të gjuhës gjermane 300 000 lekë.
Pagesë për përkthime në seminare 3200 euro.
Pagesë për guidë turistike 1150 euro.
Pagesë për guidë turistike për 400 euro.
Përkthim për llogari të seminareve 1900 euro.
Pagesë për llogari të seminareve 1777, 73 euro.
Pagesë për përkthime 414 euro.
Pagesë për përkthim për DAAD 80 euro.
Pagesë për përkthime 220 euro.
Detyrim i bashkëshortit për kontratën e sipërmarrjes, shuma e shlyer 12 000 euro, detyrimi i pashlyer 5000 euro.
Detyrim i bashkëshortit për llogari të huasë 30 000 euro.
Gjendja e detyrimit te mbetur pa shlyer 30 000 euro.
Deklarimet e pasurisë së bashkëshortit.
Pakësim i detyrimit për garazhin 12 000 euro.
Viti 2008
Llogari rrjedhëse 229 951 lekë.
Llogari rrjedhëse në emër të E. Prifit, pakësuar me 730, 79 euro. Gjendja me 31,12,2008- 716, 29 euro.
Pagesë nga Këshilli i Europës për seminar 540 euro.
Pagesë nga shkolla e Magjistraturës si lektore 38 880 lekë.
Paga nga Gjykata e Lezhës 891, 146 lekë.
Paga për bashkëshortin Ergys Prifti 798, 000 lekë.
Interesa nga depozita 52 990 lekë.
Pagesë nga Ministria e Brendshme Austriake për përkthim kryer nga bashkëshorti Ergys Prifti 600 euro.

Pagesë nga Këshilli Europian për përkthim kryer nga bashkëshorti 400 euro.
Pagesë nga Agjensia Kombëtare e Turizmit për përkthim kryer nga bashkëshorti 30 420 lekë.
Pagesë për shoqërim turistësh nga bashkëshorti 330 euro.
Bursë studimore nga Universiteti i Jensës në Gjermani 1475 euro.
Pagesë nga ministria e Brendshme Austriake për përkthim kryer nga bashkëshorti 600 euro.
Bursë studimore nga DAAD Gjermanipër bashkëshortin, 3680 euro.
Pagesë nga Ministria e Brendshme Austriake për përkthim kryer nga bashkëshorti 150 euro.
Pagesë nga Ministria e Brendshme Austriake për përkthim nga bashkëshorti 600 euro.
Pagesë nga Ministria e Brendshme Austriakepër përkthim nga bashkëshorti 450 euro.
Pagesë nga GTZ për përkthime, kryer nga bashkëshorti 985 euro.

Pagesë nga Ministria e Brendshme Austriakepër përkthim nga bashkëshorti 600 euro.
Pagesë nga Agjensia e Shërbimit Arkeologjik për përkthim kryer nga bashkëshorti 52 470 lekë.
Pagesë nga Këshilli i Europës për përkthim nga bashkëshorti 291 euro.
Pagesë nga Ministria e Shëndetësisë për përkthim nga bashkëshorti 1600 lekë.
Pagesë nga Ministria e Shendetësisë për përkthim kryer nga bashkëshorti 38 556 lekë.
Pagesë nga Ministria e Brendshme Austriakepër përkthim nga bashkëshorti 800 euro.
Pagesë nga zyra e përkthimeve Kosmos 1480 euro.
Pagesë nga Ministria e Drejtësisë për përkthime kryer nga bashkëshorti 136 170 lekë.
Pagesë nga GTZ gjermane për përkthime nga bashkëshorti 332 221 lekë.
Pagesë nga Unionii Dhomave të Tregtisë për përkthim kryer nga bashkëshorti 300 euro.
Pagesa për mësime private të gjuhës gjermane dhe përkthime noteriale, 300 000 lekë.
Detyrim i bashkëshortit për kontratën e sipërmarrjes, Gjendja e detyrmit të pashlyer 5000 euro.
Detyrim i bashkëshortit për kontratën e huasë, shuma e detyrmit tëpashlyer 30 000 euro.
Deklarimet e bashkëshortit
Llogari rrjedhëse 377 968 lekë.
Llogari rrjedhëse 117 370 lekë.
Llogari rrjedhëse 27 248 lekë.
Kontratë depozite 500 000 lekë.
Likujditete KESH 10 500 euro.
Detyrimet financiare, 5000 euro për llogari të detyrimit të E. Prifti të marrë me kontratën e sipërmarrjes.
30 000 euro për llogari të detyrimit të E. Priftit marrë me kontratën e huasë.

Viti 2009

Pagë nga detyrimet shoqërore për Fjoralba Prifti 996 766 lekë.
Interesa nga depozita e ripërtëritur, shumë e përafërt 80 000 lekë.
Paga për bashkëshortin 628 824 lekë.
Pagesë për bashkëshorin për përkthime 13 320 lekë.
Pagesë për bashkëshortin për përkthime 22 500 lekë.
Pagesë për bashkëshortin për përkthime nga Kontrolli i Lartë i Shtetit 20 475 lekë.
Pagesë për perkthime nga bashkëshorti 1100 euro dhe 14 000 lekë.
Pagesë për përkthime për bashkëshortin 1289 euro, 2070 euro, 1903 euro, 990 euro, 1233 euro, në total 7485 euro.
Pagesë për përkthime për bashkëshortin nga Ministria e Brendshme Austriake 1849 euro.
Pagesë për përkthime për bashkëshortin 800 euro.
Pagesë për përkthime 200 euro.
Pagesë për përkthime për bashkëshortin, 240 euro.
Pagesë për përkthime për bashkëshortin 905 euro.
Interesa nga depozita e datës 23, 12, 2008 për bashkëshortin 32 000 lekë.

Pagesë për përkthime kryer nga bashkëshorti 905 Euro.
Interesa nga depozita 32 000 lekë.
Pagëse për përkthime kryer nga bashkëshorti 102, 154 lekë.
Pagesë për kurs gjermanishteje 49, 900 lekë.
Pagesë për përkthime kryer nga bashkësjorti për Prokurorinë Fier 67, 500 lekë.
Pagesë për perkthime kryer nga bashkëshorti 53 118 lekë.
pagesë për përkthime kryer nga bashkëshorti 13,000 lekë .
Pagesë për përkthime kryer nga bashkshorti nga Ambasada Austriake 126, 540 lekë.
Pagesë për përkthime kryer nga bashkëshorti nga Ministria e Drejtësisë 63, 405 lekë.
Pagesa për mësimet private të gjuhës gjermane dhe përkthime për zyra noteriale 400, 000 lekë.
Detyrim i bashkëshortit përkontratën e deklaruar të sipërmarrjes.Gjendje e detyrimit të pa shlyer 5000 euro.
Detyrim i bashkëshortit për kontratën e huasë, detyrim i pashlyer 30 000 euro.
Deklarimi i pasurisë së bashkëshortit
Depozitë në bankë që rrjedh nga llogaria rrjedhëse e pagës 1 400 000 lekë.
Depozitë e bashkëshortit 11 000 lekë.
Depozitë e bashkëshortit 900 000 lekë.
Llogari rrjedhëse në emër të Ergys Priftit 73, 174 lekë.
Llogari rrjedhëse 569, 83 lekë.
Llogari rrjedhëse 62 745 lekë.
Llogari rrjedhëse 39298 lekë
Llogari rrjedhëse 101 euro.
Likuiditete kesh 1000 euro dhe 200 000 lekë.
Viti 2010

Llogari rrjedhëse e pagesave nga Gjykata e Lezhës dhe sigurimet shoqërore. Pakësim në shumë 405 541 lekë si diferencë e gjendjes 803 618 lekë dhe gjendjes 399 077 lekë.
Pagë dhe pagesë nga sigurimet shoqërore 1 076 950 lekë.
Interesa nga depozita e ripërteritur 106 900 lekë.
Paga si dhe interesat e llogarisë rrjedhëse të pagës për bashkëshortin 905 493 lekë.
Pagesa për përkthime nga Këshilli i Europës kryer nga bashkëshorti 6402, 56 lekë.
Pagesa për përkthime për prokuroritë dhe gjykatat kryer nga bashkëshorti 944 347 lekë.
Pagesë për bashkëshortin nga guida turistike 720 euro.
Pagesë për përkthime ngaMinistria e Drejtësisë kryer nga bashkëshorti 168 395 lekë.
Pagesë për përkthime kryer nga bashkëshorti 4472 lekë.
Pagesa për përkthime nga ambasada austriake kryer nga bashkëshorti 300 euro.
Pagesë për përkthime kryer nga bashkëshorti 300 euro.
Pagesë për përkthime kryer nga bashkëshorti 5931, 20 lekë.
Pagesa përpërkthime kryer nga bashkëshorti 457 014 lekë.
Bursë studimore nga Bashkimi Europian për 2500 euro.
Interesa nga depozita në lekë 98 000 lekë.
Interesa nga depozita në euro 446 euro.
Interesa nga depozita në bankë 67 500 lekë.
Depozitë ne emër të E. Priftit që rrjedh nga bashkimi i depozitës në shumë 1 400 000 lekë dhe kursime te vitit 2010 në shumë 800 000 lekë.
Depozitë me emër të E. Priftit që rrjedh nga bashkimi i depozitës në shumë 11 000 euro dhe kursimeve në shumë 7000 euro.
Llogari rrjedhëse në emër të E. Priftit 66 780 lekë.

Llogari rrjedhëse në emër të E. Priftit 232 euro.

Llogari rrjedhëse në emër të E. Priftit134 271 lekë.
Llogari rrjedhëse në emër të E. Priftit 97 646 lekë.

Llogari rrjedhëse në emër të E.Priftit 597 euro.
Likuiditet kesh 8000 euro.
Llogari rrjedhëse emër të E. Priftit 154 121 lekë.
5000 euro për llogari të detyrimit të zoti E. Prifti ka marrë në kontratën e sipërmarrjes.
30 000 euro për llogari të detyrimit të E. Priftit të marrë me kontratën e huasë.
Viti 2011

Llogari rrjedhëse e pagesave nga Gjykata e Lezhës, shtesë në shumën 335 754 lekë.
Depozitë shtesë në shumën 558, 339, 73 lekë.
Depozitë në bankë, shtesë në shumën 18 000 euro.
Paga nga puna si gjyqtare në Gjykatën e rrethit Lezhë 986, 393, 88 lekë.
Interesa nga depozita e ripërteritur 98 820 lekë.
Pagesë për mesimdhënie në universitet 146 700 lekë,
Interesa nga depozita 58 339 73 lekë Paga dhe interesta e depozitës rrjedhëse të bashkëshortit 840 477 lekë.
Interesa nga dy depozitat e bashkëshortit 182 478 lekë.
Interesa nga depozita ne euro në emër të bashkëshortit 171, 45 euro.
Interesa nga depozita në lekë 42 480 lekë.
Pagesa për përkthime kryer nga bashkëshorti 820 euro.
Pagesa për përkthime kryer nga bashkëshorti për Ministrinë e Drejtësisë 150 468 lekë.
Pagesë për përkthim kryer nga bashkëshorti 2230 euro.
Pagesa ne kesh për përkthime të bashkëshortit 5738,4 euro.
Pagesa në kesh për përkthime kryer nga bashkëshorti 431, 833 lekë, 1166 euro
Pagesa në kesh për përkthime të bashkëshortit 2375 euro.
Detyrimet financiare, 5000 euro për llogari të detyrimit të E. Prifti të marrë me kontratën e sipërmarrjes.
30 000 euro për llogari të detyrimit të E. Priftit marrë me kontartën e huasë.
Deklarimet e pasurisë së bashkëshortit.
Depozitë në bankë shtesë në shumën 200 000 lekë.
Depozitë në shumën shtesë në shumë 100 000 lekë.
Depozitë shtesë në shumën 1 600 000lekë që buron nga transferta e llogarisë rrjedhëse në shumën 600 000 lekë, transfertë 200 000 lekë plus 2850 euro plus 400 000 lekë total 1 600 000 lekë.
Depozitë shtesë 700 000 lekë nga të cilat 300 000 lekë janë transferuar nga llogaria rrjedhëse 350 000lekë.
Pakësim në depozitë në shumë 18 000 euro, transferuar bashkëshortes.
Pakësim në llogari në shumën 64 000 euro.
Pakësim në llogarinë rrjedhëse në euro në shumë 295 euro.
Pakësim në llogarinë rrjedhëse në shumë 41 635.
Pakësim në llogari rrjedhëse në euro në shumën 669, 53 euro.
Pakësim në llogari rrjedhëse në lekë në shumën 105 941 lekë.
Pakësim në lloagri rrjedhëse 54 967 lekë.

Viti 2012

LLogari rrjedhëse nga Gjykata e Lezhës dhe Shkolla e Magjistraturës, pakësim në shumë 709 789 lekë.
Depozitë me afat, shtesë në shumën 857 600 lekë.
Paga nga Gjykata e Rrethit Lezhë dhe Shkolla e Magjistraturës, shuma 1 016 240 86 lekë.
Interesa nga depozita me afat, shuma 84 081 lekë.
Interesa nga depozita e ripërtëritur, shuma 94 218 lekë.
Interesa nga depozita e ripërtëritur për dy kontrata, shuma 751 euro.
Paga neto e bashkëshortit nga Fakulteti i Gjuhëve të Huaja Tiranë, shuma 829 869 lekë.
Pagesa për bashkëshortin nga Fondacioni gjerman GIZ, shuma 1 010 136 lekë.
Pagesa për bashkëshortin nga Fondacioni gjerman GIZ, shuma 274 050 lekë.
Interesa nga depozita e datës 27 dhjetor 2011, shuma 146 880 lekë.
Interesa nga dy dpozita, shuma 116 007 lekë.
Pagesa nga përkthimet zyrtare, shuma 820 504 lekë.
Interes nga depozita 3 mujore, shuma 6 615 lekë.
Pagesë për përkthim për bashkëshortin nga Fondacioni IRZ, shuma 130 euro.
Pagesa për përkthime për bashkëshortin nga shoqëria Kosmos, shuma 66 906 lekë.
Pagesa për përkthime nga Fondacioni Konrad Adenauer, shuma 1197 euro.
Interesa nga depozita, shuma 55 080 lekë.
Pagesa nga Ministria e Drejtësisë për përkthime për bashkëshortin 6570 lekë.
Detyrim i bashkëshortit për kontratën e deklaruar të sipërmarrjes, gjendja e detyrimit 5000 euro.
Detyrim i bashkëshortit për kontratën e huasë, gjendja e detyrimit 30 000 euro.
Deklarimet e bashkëshortit
Shtesë në depozitë në shumën 300 000 lekë.
Pakësim në llogarinë rrjedhëse, shuma 91 856 lekë.
Shtesë në depozitë në shumën 200 000 lekë
Shtesë në shumën 200 000 lekë në depozitën e datës 23 janar 2012 (Depozita për 1 100 000 lekë e krijuar nga mbyllja e depozitës 900 000 + 100 000 lekë derdhje lekësh nga kursimet dhe 100 000 transfertë nga llogaria rrjedhëse).
Shtesë në depozitë nga llogaria rrjedhëse dhe llogaria e pagës, shuma 1 448 500 lekë.
Shtesë në depozitë nga llogaria rrjedhëse e pagesave nga GIZ dhe trasferta nga llogaria rrjedhëse nga paga e bashkëshortes, shuma 1 400 000 lekë.
Shtesë në llogari rrjedhëse, shuma 14 451 lekë.
Pakësim në llogari rrjedhëse, shuma 90 339 lekë.
Shtesë në llogari rrjedhëse, shuma 27 994 lekë.
Shtesë në llogari rrjedhëse, shuma 89 456 lekë.
Shtesë në llogari rrjedhëse, shuma 4 470 lekë.
5000 euro për llogari të detyrimit që kam marë në kontratëne sipërmarrjes.
30 000 euro për llogari të detyrimit që kam marë e kontratëne sipërmarrjes.

LEXO EDHE:  Vetting pronarëve të lojërave të fatit?/ Braçe sqaron arsyet  

LEXO EDHE:  “Rama po përplitet kot për Xhafajn, Ballën dhe Çyrbjan”/ Deputeti tregon se çfarë i pret

Viti 2013

LLogari rrjedhëse e pagesave nga Gjykata Lezhë, Gjykata e Apelit Shkodër, interesa të depozitës dhe Shkolla e Magjistraturës, shtesë në shumën 641 930 lekë.
Shitje autoveture tip Ëolksëagen Golf në bashkëpronësi me bashkëshortin, shuma 7000 euro.
Blerje autoveture tip Ëolksëagen Tiguan në bashkëpronësi me bashkëshortin me të ardhurat e krijuara nga shitja e makinës dhe kursime në vite, shuma 10 000 euro.
Depozitë me afat, shtesë në shumën 132 495 lekë.
Shtesë në fondin Prestigj, në shumën 26 059 lekë.
Shtesë në llogarinë e përbashkët rrjedhëse, shuma 72 56 euro.
Paga nga Gjykata e Rrethit Lezhë, Gjykata e Apelit dhe Shkolla e Magjistraturës, shuma 1 102 029 lekë.
Interesa nga depozita, shuma 229 764 lekë.
Interesa nga investimi i depozitës, shuma 195 858 lekë.
Interesa nga depozita, shuma 80 460 lekë.
Paga neto për bashkëshortin nga Fakulteti i Gjuhëve të Huaja, shuma 877 500 lekë.
Paga neto për bashkëshortin nga fondacioni gjerman GIZ, shuma 2 216 625 lekë.
Interesa të bashkëshortit nga investimi i depozitave, shuma 311 025 lekë.
Interesa të bashkëshortit nga kontrata e depozitës, shuma 167 534 lekë.
Interesa nga depozitat e bashkëshortit, shuma 150 689 lekë.
Pagesa për përkthime për bashkëshortin nga Ministria e Drejtësisë, shuma 60 912 lekë.
Pagesa për përkthime për bashkëshortin nga subjekte të ndryshme (gjykata, prokurori, GIZ, etj), shuma 564 074 lekë.
Interesa për bashkëshortin nga depozita, shuma 94 640 lekë.
Detyrim i bashkëshortit për kontratën e deklaruar të sipërmarrjes, shuma e shlyer 5190 euro, nuk ka më detyrime.
Detyrim i bashkëshortit për kontratëne huasë, gjendja e detyrimit 30 000 euro.
Deklarimet e bashkëshortit
Shitje autoveture tip Wolksëagen Golf në bashkëpronësi me bashkëshorten, shuma 7000 euro.
Blerje autoveture tip Wolksëagen Tiguan në bashkëpronësi me bashkëshorten me të ardhurat e krijuara nga shitja e makinës dhe kursime në vite, shuma 10 000 euro.
Shlyerje e detyrimit të fundit ndaj shoqërisë sipas kontratës së sipërmarjes datë 15.03.2004.nëpërmjet kursimeve të deklaruara dhe fitimi i pronësisë përfundimtare mbi apartamentin dhe garazhin objekt të kontratës së sipërmarrjes, shuma 5190 euro.
Krijim depozite bankare nga të ardhurat e krijuara nga paga e marrë nga GIZ, shuma 2 000 000 lekë.
Krijim depozite bankare me transferim të shumës 2 500 000 lekë nga mbyllja më datë 27 dhjetor e depozitës me afat 27 dhjetor 2012 në shumën 2 700 000 lekë.
Shtesë në llogarinë rrjedhëse të përbashkët me bashkëshorten, krijuar nga interesa të depozitës, shuma 72, 56 euro.
Pakësim në llogari nga 89 356 lekë në 34 931 lekë, shuma 54 425 lekë.
Shtesë në shumën 405 679 lekë si pasojë e diferencës mes 438 759 lekë dhe shumën 33 116 lekë, krijuar nga të ardhurat nga paga e Fakultetit të Gjuhëve të Huaja dhe interesa të depozitës. Shuma 405 679 lekë.
Mbyllje e depozitës, shuma 2 700 000 lekë.
Shtesë në llogari, shuma 70 899 lekë.
Pakësim në llogari, shuma 2.67 euro.
Shtesë në llogari krijuar nga pagesa në përkthime, shuma 11 912 lekë.
Pakësim në llogarinë e fondit, shuma 92 361 lekë.
Detyrime 30 000 euro.
Detyrim i shlyer, 5190 euro.
Viti 2014

Llogari rrjedhëse e pagesave nga Gjykata e Apelit Shkodër, shtesë në shumën 418 838 84 lekë.
Pakësim në llogarinë e përbashkët rrjedhëse, shuma 132 6 euro.
Shtesë në fondin Prestigj, 95 016 73 lekë.
Paga nga Gjykata e Apelit Shkodër, shuma 1 250 756. 09 lekë.
Interesa nga depozita, shuma 191 384. 72 lekë.
Interesa nga investimi i depozitës, shuma 95 016. 73 lekë.
Interesa nga depozita, shuma 388.40 euro.
Paga neto për bashkëshortin nga Fakulteti i Gjuhëve të Huaja, shuma 833 117 lekë.
Paga neto për bashkëshortin nga fondacioni gjerman GTZ dhe interesa të depozitës, shuma 2 486 105. 00 lekë.
Pagesë për përkthim nga fondacioni Friedrich Hebert, shuma 250 euro.
Interesa të bashkëshortit nga depozita, shuma 17 835 62 lekë.
Interesa të bashkëshortit nga depozita, shuma 146 999 lekë.
Interesa nga depozita e bashkëshortit, shuma 107799 lekë.
Pagesa për përkthime për bashkëshortin nga subjekte të ndryshme (gjykata, prokurori, GIZ, etj), shuma 360 530.85 lekë.
Pagesa për përkthime për bashkëshortin nga Ministria e Drejtësisë, shuma 258 279 lekë.
Detyrim i bashkëshortit për kontratën e huasë, gjendja e detyrimit 30 000 euro.
Deklarimet e bashkëshortit
Shtesë në llogari, krijuar nga të ardhurat nga paga e Fakultetit të Gjuhëve të Huaja, transferta nga llogari të tjera, shuma 446 679 16 lekë.
Shtesë në llogari, shuma 358 725 99 lekë.
Shtesë në depozitë, shuma 1 061 128 77 lekë.
Shtesë në llogari, shuma 258 279 lekë.
Pakësim në llogari, shuma 129 798 lekë.
Shtesënë llogari, shuma 24 636 32 lekë.
Pakësim në llogarinë e përbashkët rrjedhëse, shuma 132, 66 euro.
Detyrime 30 000 euro.

Viti 2015
Pakësim në llogari rrjedhëse e pagesave nga Gjykata e Apelit Shkodër në shumën 879 186 05 lekë.
Pakësim në depozitë në shumën 18 460 euro.
Pakësim në fondin e kursimeve Prestigj, shuma 1 770 675 82 lekë.
Shtesë në llogari rrjedhëse, shuma 44 979 lekë.
Shtesë në obligacione në ankandin e datës 23 prill 2015, shuma 655 902 lekë.
Shtesë në obligacione në ankandine datës 16 qershor 2015, shuma 1 100 000 lekë.
Shtesë në obligacione në ankandin e datës 23 prill 2015, shuma 400 000 lekë, transferuar nga llogaria e pagës dhe kursimeve.
Shtesë në llogari rrjedhëse mbështetëse të kursimeve, shuma 90 376 lekë.
Shtesë në llogari rrjedhëse mbështetëse të kursimeve, shuma 815 181 lekë.
Paga nga Gjykata e Apelit Shkodër dhe sigurimet shoqërore për raport barre lindjeje, shuma 969 555 lekë.
Interesa nga depozita, shuma 180 752 lekë.
Interesa nga fondi i investimit, shuma 128 456 lekë.
Interesa nga obligacione, shuma 61 952 lekë.
Paga neto për bashkëshortin nga Fakulteti i Gjuhëve të Huaja, shuma 887 326 72 lekë.
Paga neto për bashkëshortin nga fondacioni gjerman GTZ, shuma 2 725 113 lekë.
Pagesa për përkthime për bashkëshortin nga Ministria e Drejtësisë, shuma 387 736 lekë.
Interesa të bashkëshortit nga depozita, shuma 86 000.
Interesa të bashkëshortit nga depozita, shuma 313 674 lekë.
Pagesa interes obligacioni për bashkëshortin, shuma 221 076 lekë.
Interesa nga depozita, shuma 460 euro.
Interesa nga obligacione, shuma 47 770 lekë.
Detyrim i bashkëshortit për kontratën e huasë, gjendja e detyrimit 30 000 euro.
Deklarimet e bashkëshortit
Shtesë në llogari, shuma 69 250 lekë.
Pakësim në llogari, shuma 338 481 lekë.
Pakësim nëllogarinë e fondit, shuma 2 472 953 lekë.
Pakësim në depozitë, shuma 1 933 785 lekë.
Pakësim në depozitë, shuma 2 250 000 lekë.
Shtim nëpërmjet investimit në obligacione, shuma 6 457 560 lekë.
Pakësim në depozitën në euro, shuma 2 582 554 lekë.
Shtim nëpërmjet investimit në obligacione, shuma 3 500 000 lekë.
Detyrime 30 000 euro.

Viti 2016

Shtesë në llogarinë rrjedhëse në shumën 1 593 241 lekë.
Pakësim në llogarinë rrjedhëse mbështetëse të kursimeve në shumë 800 000 lekë.
Shtesë në shumën 122 905 lekë në llogarinë rrjedhëse.
Pakësim në shumën 897 lekë në llogarinë rrjedhëse.
Shtesë në pasuri të paluajtshme 3/72 pjesë në pasurinë e përbërë prej 540 metër katror arë, pasuri që rrjedh si trashëgimi nga daja i subjektit.
Paga nga Gjykata e Apelit Shkodër dhe Gjykata Administrative 1 227 860 lekë.
Interesa për vitin 2016 nga depozita 181 39 lekë.
Interesa në vitin 2016 nga obligacionet 30 362 lekë.
Interesa nga obligacionet 144 663 lekë.
Paga neto për bashkëshortin nga Fakulteti i Gjuhëve të Huaja 849 291 lekë.
Të ardhura nga paga neto e bashkëshortit nga fondacioni gjerman 2 781 196 lekë.
Pagesa për përkthime kryer nga bashkëshorti 677 533 lekë
Interesa për bashkëshortin nga depozita në bankë 86 000 lekë.
Interesa nga depozita e bashkëshortit 313 674 lekë.
Pagesa interes obligacioni për bashkëshortin 442 136 lekë.
Pagesa për përkthime kryer nga bashkëshorti 113 441 lekë.
Pagesë për përkthime kryer nga bashkëshorti 223 975 lekë.
Interesa obligacione perbashkëshortin 91 883 lekë.
Detyrim i bashkëshortit për kontratën e huasë, gjendja e detyrimit të pashkyer 30 000 euro.
Deklarimet e bashkëshortit
Shtesë për shumën 616 149 lekë si pasojë e diferencës mes shumës 1 140 830 lekë dhe krijuar nga paga e Fakultetit të Gjuhëve të Huaja.
Shtesë në lloagri në shumën 1 683 778 lekë.
Shtesë në llogari në shumën 677 535 lekë.
Shtesë në llogari në shumën 69 600 lekë.
Shtesë në llogari 258 546 lekë.
Pakësim nëpërmjet korrigjimit të të dhënave të pasqyruara 2 250 000 lekë.
Detyrim i bashkëshortit për kontratën e huasë, gjendja e detyrimit të pashlyer 30 000 euro.

Viti 2017

Pakësim në llogari rrjedhëse në shumë 1 091 196 lekë.
Shtesë në obligacione në shumën 1 500 000 lekë sipas vërtetimit për blerje obligacioni.
Shtesë në llogari rrjedhëse mbështetëse të obligacioneve në shumën 53 299 75 lekë.
Shtesë në llogari rrjedhëse mbështetëse 181 157. 90 lekë.
Shtesë në shumën 122 638. 3 lekë.
Pakësim në shumën 1946, 34 lekë.
Paga neto e Fjoralba Priftit nga Gjykata Adminitrative 1 015 921 lekë.
Interesa për vitin 2017 nga depozita bankare dhe obligacione 252 638.66 lekë.
Interesa bankare 122 638.3 lekë.
Paga për bashkëshortin nga Fakulteti i Gjuhëve të Huaja 997 126 lekë.
Të ardhura nga paga neto e bashkëshortit nga fondacioni gjerman 2 901 662 lekë.
Interesa të depozitës dhe disa pagesa për rimbursim 117 183.03 lekë.
Interesa për bashkëshortin nga depozita bankare dhe obligacione 133 657,59 lekë.
Pagesa për përkthime kryer nga bashkëshorti nga Ministria e Drejtësisë 142.332.5 lekë.
Pagesa interesi obligacioni për bashkëshortin dhe pagesa për përkthime kryer nga bashkëshorti 616. 179.85 lekë.
Interesa obligacione, interesa për llogari rrjedhëse 128, 519 lekë.

Detyrim i bashkëshortit për kontratën e huasë, gjendja e detyrimit të pashkyer 30 000 euro.
Deklarata e pasurisë së bashkëshortit
Shtesë në shumën 620 652 lekë në llogari bankare si pasojë e diferencës me shumës 1 761 482 lekë me shumë 1 140 830 lekë krijuar nga të ardhurat e pagës si pedagog.
Pakësim në llogarinë e bankës me shumën 1 253 883.96 lekë.
Shtesa në llogarinë në shumën 142 332.5 lekë.
Shtesë në llogari 2965 736 lekë.
Shtesë në llogarinë bankare krijuar nga interesa dhe pjesërisht nga paga nga fonacioni gjerman 997, 880.39 lekë.
Shtesë në obligacion 3 000 000 lekë.
Shtesë në obligacione 1 800 000 lekë.
Shtesë në llogari në shumën 2 920 692, 04 lekë.
Pakësim me mbylljen e depozitës 2 941 202,04 lekë.

Viti 2018
Shtesë në llogari rrjedhëse në shumën 488 453 lekë.
Shtesë në llogarinë rjedhëse mbështetëse të obligacioneve në shumën 108 600 lekë.
Shtesë në llogari rrjedhëse mbështetëse në hsymë 181 248 lekë.
Pakësim në shumën 108 080 lekë në llogari rrjedhëse.
Pakësim në llogari rrjedhëse në shumën 42 137 lekë.
Automjet volsëagen, paguar nga kursimet e bashkëshortit 25 000 euro.
Garazh me sipërafqe 14.71 metër katrornë Tiranë, 950 000 lekë.
Paga neto nga Gjykata Administrative e Apelit 1 247 723 lekë.
Interesa nga depozita dheinteresa nga obligacionet 293 847 lekë.
Interesa bankare nga obligacionet 122 716 lekë.
Paga neto për bashkëshortin nga Gjuhet e Huaja 1 018 373 lekë.
Paga e bashkëshortit nga fonadacioni gjerman 2 813 689 lekë.
Interesa të depozitës së vitit 2013 në llogari 71 400 lekë.
Interesa për bashkëshortin nga obligacionet 80 172 lekë.
Interesa nga depozita dhe obligacione të bashkëshortit 254 248 lekë.
Pagesa për përkthime kryer nga bashkëshorti 351 509 lekë.
Pagesa interesi obliagcioni për bashkëshortin 628 390 lekë.
Interesa për Obligacionet për bashkëshortin 115 705 lekë.
Pagesa për përkthime nga institucione të ndryshme 92 610 lekë.

Deklarata e pasurisë së bashkëshortit

Pakësim në shumën 654 554 lekë.
Shtesë në obligacione në shumën 700 000 lekë.
Shtesë në llogari në shumë 722 54 lekë krijuar nga interesa të depozitës.
Pakësim i depozitës për shkak të mbylljes së saj dhe kalimit në llogari rrjedhëse 2 000 000 lekë.
Shtesë në llogari 846 816 lekë si diferencë mes shumës 2 323 821 lekë me shumën 1 477 005, 39 lekëkrijuar nga interesa dhe pjesërisht nga paga e kompanisë gjermane.
Shtesë në obligacione 732 081 lekë krijuar nga llogaria rrjedhëse.
Pakësim në llogari 1 950 801 lekë.
Shtesë për obligacionet 2 100 000 lekë.
Pakësim në llogari në shumën 598 491 lekë.
Shtesë në llogari 73 872 lekë.
Automjet tip Volsëagen paguar nga kurismet në llogarine bankare 25 000 euro.
Garazh paguar nga kursimet në bankë 950 000 lekë.
Detyrim i bashkëshortit për kontratën e huasë, gjendja e detyrimit të pashlyer 30 000 euro./CNA.al

Skandali me gjyqtaren/ Kërkon pagë pa qenë në punë, “fiton” gjyqin me kolegët në kohë rekord

“Çmendet” gjykatësja/ Mos u kruani me Fjoralba Priftin

LEXO TE PLOTE

Vetingu

Gjyqtari në sitën e vettingut/ KPK me tre mendime të ndryshme për vendimin

Publikuar

-

Nga

Shumica në Komisionin e Pavarur të Kualifikimit vendosi shkarkimin e gjyqtarit Fatri Islamaj, por një nga anëtarët votoi për konfirmimin e tij, ndërsa as shumica nuk kishte qëndrim të unifikuar. Islamaj u shkarkua për deklarim të pamjaftueshëm në kriterin e pasurisë.

Nga Vladimir Karaj

Trupa e Komisionit të Pavarur të Kualifikimit që shqyrtoi rastin e gjyqtarit të Gjykatës së Apelit të Tiranës Fatri Islamaj u nda në tre qëndrime të ndryshme mbi rivlerësimin e pasurisë së gjyqtarit.

Shumica, relatorja Valbona Sanxhaktari dhe anëtarja Pamela Qirko, ra dakord të shkarkonte Islamaj, për deklarim të pamjaftueshëm mbi një apartament të blerë nga i ati për 65 mijë euro në vitin 2010, duke arsyetuar se babai nuk kishte pasur burime të ligjshme dhe se apartamenti ishte përdorur vetëm nga gjyqtari duke nënkuptuar mundësinë e një pasurie të fshehur.

Në pakicë Lulzim Hamitaj kundërshtoi këtë arsyetim me argumentin se babai i Islamajt kishte pasur burime financiare dhe se kërkesa e shumicës për dokumentim të shkëmbimeve financiare brenda familjes ishte e tepruar.

Brenda trupës ndërkohë ka pasur qëndrime të ndryshme edhe në lidhje me një pasuri tjetër të Islamajt. Në mendim paralel Pamela Qirko pretendon se gjyqtari kishte marë trajtim preferencial nga një bankë dhe nga një kompani ndërtimi dhe se këto ishin po ashtu shkarkuese.

Trupa ndërkohë pranoi argumentet e Islamajt mbi dyshimet për konflikt interesi dhe rrëzoi denoncimet ndaj tij. Po ashtu ai u gjet pa përgjegjësi mbi mosdeklarimin e refuzimit të një vize turistike nga SHBA, pasi kjo kishte ndodhur pas plotësimit të formularit. KPK arsyetoi se ai kaloi me sukses në dy kriteret e tjera të procesit.

Fatri Islamaj, i cili prej vitit 2016 është anëtar i Gjykatës së Apelit në Tiranë, ndërsa ka qenë edhe kryetar i Gjykatës së Tiranës, kundërshtoi gjetjet e KPK-së për shtëpinë e blerë nga babai të cilën ai pretendon se e kishte pasur me qira. Po ashtu ai kundërshtoi gjetjet për trajtim preferencial apo ato për konflikt interesi. Islamaj ka ushtruar gjithashtu funksionin si anëtar i Këshillit të Emërimeve në Drejtësi, i zgjedhur përmes shortit për vitin 2019.

Argumentet e shkarkimit

Anëtaret Valbona Sanxhaktari dhe Pamela Qirko arsyetuan në vendimin që solli shkarkimin e Islamajt, se për apartamentin e blerë nga babai i tij dhe që ishte përdorur vetëm nga gjyqtari, nuk provoheshin burimet e ligjshme.

“Duke analizuar konkluzionet e mësipërme në raport me njëra-tjetrën, Komisioni krijoi bindjen se subjekti i rivlerësimit ishte në thelb duke përdorur një apartament (para dhe pas deklaratës “Vetting”), për të cilin subjekti nuk arriti të provojë ligjshmërinë e burimit të krijimit”, thuhet në arsyetim.

Shumica lë të kuptohet se kishte dyshime mbi apartamentin, ndërsa babai dhe vëllezërit e subjektit që supozohet se e kishin financuar atë nuk e kishin përdorur dhe nuk kishin pretendime për pronësinë.

“Nga hetimi rezultoi se babai i subjektit e ka blerë këtë apartament i cili është banuar që nga fillimi prej djali i tij, Fatri Islamaj. Subjekti i rivlerësimit e ka përdorur këtë apartament duke pretenduar se ka pasur një marrëdhënie qiraje, por nuk rezultoi e deklaruar në asnjë rast, deri në datën 27.9.2016”, thuhet në arsyetim. Shumica arsyetoi se pretendimet për qiranë nuk provoheshin.

Gjithashtu dy anëtaret në shumicë argumentuan se nuk provoheshin të ardhurat e një vëllai që supozohej se kishte ndihmuar në blerejen dhe se babai nuk kishte burime të ligjshme. Shumica cilësoi si të paprovuar përfshirjen në këtë blerje edhe të vëllait tjetër dhe motrës së gjyqtarit, duke arsyetuar se nuk provoheshin transaksiont dhe se të ardhurat nuk ishin provuar. Shumica arsyetoi se një nga vëllezërit kishte blerë një pasuri në emër të tij në këtë kohë dhe e kishte bërë këtë përmes një kredie bankare, duke vënë në dyshim mundësitë e tij për të kontrinbuar në apartamentin e parë.

“Të ardhurat e deklaruara të vëllezërve dhe të motrës mund të tregojnë potencialisht mundësinë e tyre për të pasur të ardhura, por nuk rezultoi e provuar se kanë paguar tatime për të ardhurat, gjithashtu, nuk u provua në ndonjë mënyrë bindëse se ia kanë dhënë të ardhurat babait të tyre”, arsyetoi shumica. Dy anëtaret po ashtu pretenduan se financimi i apartamentit në emër të babait nga vëllezërit ndërsa ata nuk pretendonin bashkëpronësi dhe fakti që ai ishte përdorur vetëm nga gjyqtari nuk ishte bindës.

Në pakicë Lulzim Hamitaj shprehet se nuk ishte dakord me shumicën dhe se Islamaj duhej të ishte konfirmuar. Hamitaj merr përbazë argumentet e gjyqtarit mbi apartamentin në fjalë dhe arsyeton se dokumentimi i marrëdhënies së qiradhënies nuk ishte i detyrueshëm, duke marrë parasysh edhe marrëdhënien prind-fëmijë.

Ngjashëm Hamitaj në pakicë u ka kushtuar më shumë rëndësi raporteve të vëllait të Islamajt me babain, duke pretenduar se shkëmbimet financiare brenda familjes nuk duhej të provoheshin në ndonjë mënyrë tjetër. “Rrjedhimisht, sipas pakicës, të gjitha burimet e ligjshme të gjeneruara nga çdo anëtar i familjes Islamaj, deri në shtator të vitit 2010, që kanë rezultuar të provuara me dokumentacion ligjor, duhet të konkurrojnë në shumatoren e kursimeve të mundshme të familjes, të cilat de jure janë bërë pjesë e të mirave të përbashkëta familjare dhe me të cilat është kontribuuar në blerjen e apartamentit në fjalë, të përdorur nga subjekti i rivlerësimit”, arsyeton Hamitaj.

Sa i përket burimit të ligjshëm ai ka referuar dokumentet sipas të cilave një prej vëllezëve të gjyqtarit kishte pasur një llogari të përbashkët bankare me të atin në të cilin ishin hedhur dhe tërhequr para në shumën deri në 3.1 milion lekë. Hamitaj thotë se të ardhurat e provuara të vëllezëerve dhe babait mjaftonin disa herë për të blerë apartamentin dhe për të justifikuar shumën prej 50 mijë euro si këst i parë.

LEXO EDHE:  Vejusha e themeluesit të Play Boy nxjerr në shitje vilën

LEXO EDHE:  Zhvillohet seanca e parë dëgjimore për Vettingun/ Merr pjesë edhe Donald Lu

Ai po ashtu arsyeton përfshirjen në këtë financim të të dy vëllezërve dhe motrës së gjyqtarit. Vetë Islamaj referoi në KPK kontrata shitblerje aksionesh të njërit prej vëllezërve dhe të ardhurat e tij në shuma të konsiderueshme. Ai po ashtu thotë se një pjesë e këtyre parave i ishin dhënë nga vëllai babait dhe se kjo provonte burimin e pasurisë së blerë. “Dokumenti tregon pagesën e sigurimeve shoqërore në shumën 249.874 CHF në Zvicër (kuptohet që të ardhurat kanë qenë shumëfishi i kësaj shume)”, pretendoi Islamaj.

Pakica po ashtu arsyeton se Islamaj nuk duhej të mbahej përgjegjës për mosdeklarimin e një llogarie bankare dy emërore të bashkëshortes me vëllain e saj. Hamitaj arsyeton se kjo nuk ishte një pasaktësi dhe se llogaria nuk ishte përdorur nga bashkëshortja e subjektit prej vitesh dhe qarkullimet në të kishin qenë minimale.

Përndryshe shumica arsyetohet se mosdeklarimi i kësaj llogarie ishte shkarkues. “Personi i lidhur me subjektin e rivlerësimit (bashkëshortja) nuk ka deklaruar në deklaratën “Vetting” (dorëzuar më 25.1.2017) një llogari bankare të përbashkët me vëllain e saj, për të cilën Komisioni ka hetuar disa depozita ndër vite, si dhe ligjshmërinë e burimit të krijimit”, thuhet në përfundimet e arritura nga shumica.

Për një llogari tjetër të bashkëshortes të përdorur për tu ardhur në ndihmë të afërmve para martese, KPK pranoi provat e Islamajt dhe e cilësoi të provuar burimin e të ardhurave të vendosura në llogari.

Mendimi Paralel

Nga vendimi rezulton se trupa gjykuese është ndarë edhe në elemente të tjera të pasurisë së Islamajt. Në mendim paralel Pamela Qirko arsyeton se Islamaj kishte përfituar trajtim preferencial nga një bankë dhe një kompani ndërtimi.

Qirko arsyeton ndryshe nga shumica (në këtë rast Hamitaj, Sanxhaktari) se këto momente duhej të cilësoheshin shkarkuese. Ajo thotë se apartamenti 144 metra i deklaruar si banesë, nuk ishte përdorur si e tillë dhe ishte njësi shërbimi.

Qirko arsyeton se çmimi i kësaj njësie ishte mjaft më i ulët se i tregut dhe dëshmonte trajtim preferencial. Ngjashëm ajo arsyeton me kredinë nga një bankë, që sipas anëtares së trupës ishte marrë me interes të ulët dhe mbulonte 100 për qind shpenzimet e blerjes së kësaj njësie.

Qirko pretendon se arsyetimi i Islamajt se fqinji i tij e kishte përdorur njësinë si banesë, nuk kishte vlerë për rastin e tij dhe argumentet e dhëna nuk provonin të kundërtën e dyshimeve se ai ishte trajtuar në mënyrë proferenciale.

Islamaj argumentoi në këtë pikë se ai nuk kishte pasur trajtim preferencial nga kompania dhe as nga banka. Ai pretendoi se njësia e shërbimit ishte blerë si apartament dhe dorëzoi pamje e foto të shtëpisë së komshiut dhe kontrata të fqinjëve. Ai pretendoi se njësia do të përdorej si banesë.

Ai pranoi gjykimin e një çështje me palë bankën në të cilën kishte marrë kredinë, por vuri në dukje se kjo e fundit kishte qenë në gjyq si palë e tretë dhe se vendimi i marrë nuk kishte qenë vendim themeli. Ai theksoi nga ana tjetër se interesi 3 për qind dhe mbulimi 100 për qind i vlerës së ndërtesës nuk ishin preferenciale dhe se në kontratë ishte parashikuar që interesat mund të rriteshin nga banka deri në 5.8 për qind.

Konflikti i interesit dhe çështjet e tjera

Ndërkohë edhe pse dyshimet për konflikt interesi u debatuan gjatë në seancë dëgjimore, ato u rrëzuan nga KPK në vendim. Dy rastet e referuara kishin të bënin me marrëdhëniet e ILDKPKI-së me vëllai e Islamajt dhe po ashtu me një kompani ndërtimi. Në rastin e parë vendimi ishte prishur nga Gjykata e Lartë, pikërisht me arsyetimin se Islamaj kishte qenë në konflikt interesi. Vetë Islamaj pranoi se ishte në dijeni të përplasjes mes vëllait dhe ILDKPKI-së, por vuri në dukje se rasti ishte unik dhe se bazuar në legjislacion dhe në “Parimet e Bangalores” nuk kishte qenë në konflikt interesi. Rasti i dytë po ashtu u rrëzua, pasi Islamaj sipas KPK provoi se s’kishte pasur dijeni për marrëdhëniet e vëllait me kompaninë e ndërtimit dhe se vendimet gjykatës nuk kishin qenë në favor të kompanisë.

Komisioni arsyetoi se nuk kishte shkelje që mund të çonin në shkarkim edhe në lidhje me disa pasaktësi në deklarimin e llogarive bankare. Në dy raste KPK vlerësoi se edhe pse llogaritë nuk ishin deklaruar të ardhurat prej tyre ishin deklaruar. Po ashtu u rrëzuan edhe dyshimet mbi një makinë të blerë në vitin 2006.

Mbi 20 denoncime nuk u gjetën problematike nga KPK, që shprehet se akuzat nuk cënonin vlerësimin profesional të Islamajt. Denoncimet kryesisht për konflikt interesi në çështje pronësie nuk u gjetën të bazuara në fakte.

LEXO TE PLOTE

Vetingu

Huatë dhe të ardhurat e bashkëshortes i hapin probleme/ Shkarkohet gjyqtari i Gjykatës së Posaçme

Publikuar

-

Nga

Komisioni i Pavarur i Kualifikimit ka shkarkuar nga detyra gjyqtarin e Gjykatës së Posaçme, Ardit Mustafaj.

Komisioni i Pavarur i Kualifikimit zhvilloi të martën seancën dëgjimore ndaj gjyqtarit Ardit Mustafaj.

Mustafaj ishte hetuar nga KPK në të tre kriteret dhe nga relatimi në seancë u mësua u konstatuan probleme vëtëm mbi disa dyshime të gjetura në kriterin e pasurisë, ndërsa nuk u gjet asnjë problem në dy kriteret e tjera.

Trupa që hetoi Mustafaj u kryesua nga Firdes Shuli, me relatore Brunilda Bekteshi dhe anëtar Olsi Komici, vuri në dukje se Mustafaj kishte rezultuar nga analiza financiare me diferencë negative prej më shumë se 6 milion lekësh nga viti 1996 deri në vitin 2003.

LEXO EDHE:  Ptuu farë e keqe! /Po ju troket tek porta ajo që s’ua pret mendja

LEXO EDHE:  “Rama po përplitet kot për Xhafajn, Ballën dhe Çyrbjan”/ Deputeti tregon se çfarë i pret

Diferenca sipas KPK-së vinte pasi nuk ishin provuar burimet e ligjshme të dy huadhënësve, burimi i dhurimit nga prindërit e bashkëshortes dhe të ardhurat e kësaj të fundit nga kurset në shumën prej 850 mijë lekësh./CNA.al

LEXO TE PLOTE