Connect with Us

Merkel: “Solidariteti ynë është në provë”

Bota

Merkel: “Solidariteti ynë është në provë”

Publikuar

-

Për herë të parë, kancelarja Merkel u shpreh gjerësisht mbi krizën e virusit Corona. Ajo tha se kryesorja është të ngadalësohet përhapja e virusit. Merkeli gjithashtu bëri thirrje për përgjegjësi nga të gjithë.

Për herë të parë, Kancelarja Merkel u shpreh gjerësisht mbi krizën e virusit Corona.

“Virusi ka mbërritur në Evropë, ka ardhur. Të gjithë duhet ta kuptojmë këtë”, tha Angela Merkeli në fillim të konferencës së saj të shtypit. Për aq kohë që nuk është gjetur një vaksinë ose mundësi tjetër terapeutike, një përqindje e lartë e popullsisë do të infektohet me virusin Corona. Ekspertët thonë se nga kjo mund të preken rreth 60 deri në 70 përqind e njerëzve në vend, tha Merkel. Njerëzit e moshuar dhe njerëzit me sëmundje të mëparshme janë veçanërisht të rrezikuar. Prandaj, qasja duhet të “mbajë parasysh që të mos mbingarkojmë sistemin tonë shëndetësor”, tha kancelarja.

Në Gjermani, aktualisht nga virusi Corona janë infektuar më shumë se 1200 vetë. Deri tani, kanë vdekur tre vetë nga sëmundja e mushkërive COVID-19.

Veprimet politike duhet të bazohen në ato që thonë shkencëtarët dhe ekspertët, tha kancelarja në një konferencë shtypi me Ministrin e Shëndetësisë Jens Spahn dhe Presidentin e Institutit Robert Koch, Lothar Wieler. Përhapja e virusit së pari duhet të ngadalësohet. “Pra, është fjala që të fitojmë kohë,” tha Merkeli. Mbi të gjitha, duhet të sigurohet që personeli mjekësor të mund të punojë. E rëndësishme është më tej që të funksionojnë të gjitha nivelet e qeverisjes. Nuk është ngjarja më e keqe kur nuk mund të zhvillohen si zakonisht ndeshjet e futbollit. “Atë që është e nevojshme, do ta bëjmë ,” tha Merkeli.

“Të vënë në provë”

LEXO EDHE:  Marrëveshja me Turqinë, e ka vendosur Europën me "shpatulla pas murit"

Merkel raportoi për samitin e BE, i cili u zhvillua për herë të parë me konferencë me video, për shkak të përhapjes së virusit Corona. Tani është veçanërisht e rëndësishme një koordinim i ngushtë midis partnerëve në Evropë, tha ajo. Komisioni i BE do të krijojë tani një grup ekspertësh me virologë. Vendet e BE-së gjithashtu do të mbështesin studimin dhe zhvillimin e një vaksine. Qeveria në Berlin do të përdorë rreth një miliardë euro për të luftuar virusin Corona. Kësaj i shtohen, 145 milionë euro si pjesë gjermane në rrjetin kërkimor Cepi – një iniciativë ndërkombëtare për studime për vaksinat.

Virusi nuk kalon pa gjurmë edhe në ekonomi, tha Merkeli. Prandaj qeveria federale veproi shpejt. Që këtë javë ajo do të sigurojë mbështetje të aftësisë paguese për kompanitë, veçanërisht përmes Bankës shtetërore Gjermane për Zhvillimin KfW. Krerët e shteteve dhe qeveritë e BE kishin rënë dakord të mbajnë të dyja Paktin e Stabilitetit dhe të Rritjes dhe rregullat e ndihmës shtetërore.

Merkeli i bëri thirrje përgjegjësisë së çdo qytetari që të kujdeset për veten dhe të afërmit e tij. Veçanërisht në lidhje me të moshuarit dhe shtetasit tashmë të sëmurë, ajo tha: “Solidariteti ynë, arsyeja jonë, zemra jonë tashmë është vënë në provë për njëri-tjetrin, të cilën unë dëshiroj ta kalojmë me sukses”./DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Ministrat e BE-së/ Më 10 maj, diskutojnë për Ballkanin Perëndimor

Publikuar

-

Nga

Ministrat e Jashtëm të vendeve anëtare të Bashkimit Evropian do të diskutojnë për situatën në Ballkanin Perëndimor në një takim më 10 maj, konfirmoi për gazetarët selia e BE-së.

Dialogu për normalizimin e marrëdhënieve midis Kosovës dhe Serbisë pritet të jetë një ndër pikat kryesore të bisedimeve.

Në takimin që do të kryesohet nga shefi i politikës së jashtme të BE-së, Josep Borell, do të marrë pjesë edhe përfaqësuesi i posaçëm i BE-së për dialogun Kosovë-Serbi, Mirosllav Lajçak.

Lajçak pritet t’i informojë ministrat në lidhje me përgatitjet për një raund të ri të bisedimeve midis Kosovës dhe Serbisë.
Në kuadër të debatit për situatën në rajon, sipas njoftimeve të zyrtarëve në Bruksel, do të diskutohet “qasja gjeopolitike e BE-së ndaj Ballkanit Perëndimor”.

Burime të BE-së thanë se debati nuk do të përqendrohet në procesin e anëtarësimit të vendeve të rajonit.

LEXO EDHE:  Koronavirusi zgjeron hartën e përfshirjes europiane/ Kancelares Merkel po i del parashikimi

LEXO EDHE:  Nga Josef Joffe/ Kush do të jetë pasuesi i Merkelit në krye të Gjermanisë?

“Edhe pa diskutim, është e qartë se Ballkani Perëndimor ka perspektivë evropiane. Ne do të merremi me politikën e jashtme [në atë takim”, tha një zyrtar evropian.

Ai paralajmëroi se ministrat e Jashtëm të BE-së do të diskutojnë për ndikimin e vendeve të treta në Ballkanin Perëndimor, sepse, siç tha, është e qartë se situata “ka ndryshuar dukshëm kur bëhet fjalë për ndikimin e jashtëm në vendet e rajonit”.

“BE nuk insiston në ekskluzivitetin e pranisë në rajon, por është e rëndësishme që BE të jetë e pranishme dhe të jetë një lojtare kryesore”, tha zyrtari evropian./Rel

LEXO TE PLOTE

Kosova & Rajoni

Kurti: Do ta përgatisim padinë për gjenocid ndaj Serbisë

Publikuar

-

Nga

Kryeministri i Kosovës, Albin Kurti, tha se Qeveria e tij do të përgatisë padi kundër Serbisë për gjenocid.

Kurti i bëri komentet në një mbledhje të Qeverisë të premten, ku u miratua edhe programi qeverisës 2021-2025.

“Do të bëjmë dialog parimor, të përgatitur e të barabartë me Serbinë, me marrëveshje të njohjes reciproke. Do ta përgatisim padinë për gjenocid ndaj Serbisë në Gjykatën Ndërkombëtare të Drejtësisë”, tha Kurti.

Për programin qeverisës, Kurti tha se paraqet vizionin e Qeverisë së tij përgjatë mandatit katërvjeçar dhe se ai do të rishikohet në çdo fillim viti financiar, përmes Kornizës Afatmesme të Shpenzimeve.

“Deri në fund të mandatit do ta përmbyllim reformën e administratës publike. Do të zbatojmë divrsifikimin e burimeve të energjisë, aseteve strategjike, ndërsa Trepçën do ta bëjmë ndërmarrje fitimprurëse. Do ta trajtojmë me prioritet mbrojtjen resurseve natyrore dhe të mjedisit dhe efiçencën e energjisë”, tha Kurti në mbledhjen e Qeverisë.

Deri në fund të mandatit, ai u zotua se do të ketë angazhim për qasje në ujë të pijshëm dhe për zgjidhjen e problemit me ujërat e zeza.

LEXO EDHE:  Trump kërcënon, Gjermania reziston/ Po përçahet NATO?

LEXO EDHE:  Ende Evropa nuk e lë Greqinë të bjerë

“Në infrastrukturë do të mundësojmë finalizimin e lidhjeve kyçe dhe ndërtimin e aksit Prizren – Tetovë. Do ta ndërtojmë parkun tekno-industrial më të madhin në rajon. Dhe, reforma e arsimit do të trajtohet me prioritet nga arsimi parashkollor”, tha Kurti.

Kurti ka marrë detyrën në mars, duke u zotuar se rimëkëmbja ekonomike do të jetë prioriteti kryesor i angazhimit në ditët, muajt dhe vitin e parë të qeverisjes së tij.

“Për këtë jemi të gatshëm të ofrojmë një intervenim ambicioz fiskal”, ka thënë më herët Kurti.

Ai ka premtuar një ekonomi ku, sipas tij, ka më shumë prodhim dhe eksport, më shumë punëtorë, më shumë kontrata të punës dhe më shumë respektim të të drejtave të punëtorit./Rel

LEXO TE PLOTE

Kosova & Rajoni

Covid-19 në Kosovë/ Katër viktima gjatë 24 orëve të fundit

Publikuar

-

Nga

Gjatë 24 orëve të fundit në Kosovë kanë humbur betejën me virusin 4 qytetarë dhe janë shëruar 389 qytetarë.

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratorët private me metodën RT-PCR, si dhe laboratorët publike dhe private me metodën RAT, janë testuar gjithsej 2.545 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 170 raste pozitive.

 “389 TË SHËRUAR DHE 170 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 2.545 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 170 raste pozitive.

Brenda 24 orëve janë raportuar 4 raste të vdekjes me SARS CoV-2 pozitiv. Rastet e vdekjes janë nga komunat: Ferizaj 1 rast (78 vjeç), Mitrovicë 1 rast (67 vjeç), Podujevë 1 rast (42 vjeç), Prishtinë 1 rast (1 vjeç).

Numri total i rasteve pozitive është 106.192 raste nga 549.286 persona të dyshimtë në virusin SARS-CoV-2 dhe 2.202 raste të vdekjes.

Gjatë 24 orëve të fundit, janë shëruar 389 pacientë derisa numri i përgjithshëm i të shëruarve deri më sot është gjithsej 97.057 raste, kurse numri i rasteve aktive është 6.933.

Rastet pozitive janë nga komunat: Prishtinë 35 raste, Leposaviq 19 raste, Prizren 14 raste, Gjilan 12 raste, Ferizaj 11 raste, Mitrovicë 11 raste, Gjakovë 9 raste, Klinë 7 raste, Pejë 7 raste, Podujevë 7 raste, Fushë-Kosovë 6 raste, Vushtrri 6 raste, Rahovec 5 raste, Deçan 4 raste, Istog 4 raste, Drenas 3 raste, Malishevë 3 raste, Kaçanik 2 raste, Obiliq 2 raste dhe me nga një rast komunat Junik, Lipjan dhe Suharekë.

Mbuloni gojën dhe hundën me maskë! Mbani higjienën!  Respektoni distancën!”, thuhet në njoftimin e Institutit Kombëtar të Shëndetësisë Publike të Kosovës./CNA.al

LEXO TE PLOTE