Lajme
I shërbyen 73-vjeçares me koronavirus/ Vetizolohen 4 mjekë e infermierë në Durrës
Katër mjekë dhe infermierë janë vetizoluar pasi i shërbyen një 73-vjeçareje të prekur nga koronavirusi në Durrës.
Mësohet se të gjithë mjekët, infermierët dhe personeli mjekësor që është kujdesuar për zonjën në fjalë, i është nënshtruar testit për koronavirusin, dhe tamponët janë dërguar në laboratorin e Institutit të Shëndetit Publik.
Ndërkohë, 4 pjesëtarë të stafit mjekësor që kanë pasur kontakte më të ngushta me 73-vjeçaren, janë vendosur në vetëkarantinë
Gruaja me inicialet Xh.G, e cila është e sëmurë kronike prej disa vitesh nën survejimin e mjekëve, mbrëmë ka pasur tension të lartë 140/70./CNA.al
Lajme
Koronavirusi në Shqipëri/ Ambasada amerikane thirrje urgjente
Pas përhapjes së koronavirusit në Shqipëri, Ambasada amerikane ka bërë thirrje për qytetarët amerikanë në vendin tonë.
Ambasada këshillon shtetasit amerikanë të regjistrohen në programin STEP, në mënyrë që të marrin mesazhet dhe njoftimet.
“Nxisim të gjithë qytetarët amerikanë në Shqipëri që të regjistrohen në programin STEP, në mënyrë që të marrin mesazhet dhe njoftimet e Ambasadës. Vizitoni faqen tonë në internet për të mësuar si mund të regjistroheni dhe për të lexuar njoftimin tonë më të fundit shëndetësor mbi COVID-19: https://bit.ly/38FYRoz” , thuhet në njoftimin e Ambasadës amerikane.
Lajme
Manastirliu ftesë për ekspertët opozitarë/ “Ejani në Ministrinë e Shëndetësisë, s’jeni tepër”
Një ftesë të hapur për ekspertët e shëndetësisë së opozitës ka bërë mbrëmjen sotme Ministrja e Shëndetësisë Ogerta Manastirliu.
Teksa ishte e ftuar në emisionin “Real Story”, Manastirliu deklaroi se meqënëse opozita i ka aq të mirë ekspertët sa thotë, le të paraqiten pranë Ministrisë, pasi theksoi se nuk janë të tepërt , por të nevojshëm.
“Janë të ftuar në Ministrinë e Shëndetësisë se ne sot më shumë se kurrë kemi nevojë për të qëndruar të bashkuar. Ekspertët nuk janë asnjëherë të mjaftueshëm”, nënvizoi ajo./ CNA.al
Lajme
Tritan Kalo “rrëzon” opozitën/ Data më e hershme e skadencave të maskave në 2022
Mjeku Tritan Kalo deklaroi mbrëmjen e sotme se maskat të cilat opozita thotë se janë të skaduara nuk po përdoren në Spitalin Infektiv ku po mbahen pacientët e konfirmuar me koronavirus.
Kalo nënvizoi se nuk e di ku është gjetur kjo kuti, pasi pretendon se skandecat më të hershme të maskave që janë shpërndarë te infektivi janë në vitin 2022 dhe më të vonshmet në 2024.
“Unë nuk e di ku i kanë gjetur ato kuti, sepse ne kemi marrë me qindra mijëra maska. Ne i këqyrim me kujdes datat e skadencave të maskave, jo vetëm ato kirurgjikale, por edhe maska të tjera. Unë nuk e di ku është gjetur kjo kuti, por të paktën në shërbimin e sëmundjeve infektive nuk është gjetur kund. Janë të kontrolluara mirë qoftë dorezat, qoftë maskat, të cilat kanë shumë saktë në kutinë e tyre. Më e hershmja është 2022, më e vonshmja është 2024”, u shpreh mjeku në Rtv Ora./ CNA.al
