Kronika
Plagosi me thikë 25-vjeçarin/ Prangoset autori
Policia e Durrësit ka vënë në pranga një një 56-vjeçar me iniciale P.B., i cili akuzohet se pas një konflikti ka qëlluar me thikë në pjesën e gjoksit 25-vjeçarin me iniciale A.N.
25-vjeçari, është dërguar në spitalin e Durrësit ku ndodhet nën kujdesin e mjekëve.
Materialet hetimore për këtë ngjarje i kaluan Prokurorisë së Rrethit Gjyqësor Durrës, për veprat penale “Vrasja me dashje, e mbetur në tentativë” dhe “Mbajtja pa leje e armëve të ftohta”.
Kronika
“Po ripërsëritet precedenti”/ Klodiana Lala tregon detajet tronditëse, akuza të forta Sandër Lleshajt
Gazetarja Klodiana Lala ka bërë një denoncim të fortë në lidhje me çështjen e mësuesit Gylenis, Selami Simsek.
Në një postim në rrjetet sociale, gazetarja Lala shkruan se Selami Simsek është mbajtur për orë të tëra në një furgon tek Ministria e Brendshme.
Po ashtu Lala ngre dyshime të forta se edhe në lidhje me Selami Simsek rrezikon të përsëritet precedenti i rastit të mësuesit Harun Çelik, i cili u ekstradua drejt Turqisë.
“Selami Simsek, mësuesi gylenist turk prej orësh mbahet në një furgon tek ministria e Brendshme.
Pasi u cua me urgjencë në 3 zyra brenda pak orësh në mungesë të plotë transparence, në fund Sandër Lleshaj mbërrin në zyrën e tij në mesnatë.
Mjaft firma e tij që të ripërsëritet sërish precedenti Harun Çelik. Historinë do ua rrëfej të plotë… me prova e fakte”-shkruan Klodiana Lala në postimin e saj.
Kujtojmë këtu se, Simsek u arrestua në gusht të vitit të kaluar në aeroportin e Rinasit bashkë me mikun e tij, Harun Çelik, ( ky i fundit u depërtua në Turqi) me dyshimet se tentuan të kalonin me vizë kanadeze të falsifikuar. Simsek është mbështetës i Lëvizjes “Gylen”, ndaj së cilës Presidenti Erdogan ka nisur një fushatë të egër përndjekjeje.
Avokati Elton Hyseni, ka bërë me dije se klienti i tij, Simsek pretendon se në rast se dëbohet drejt Turqisë, i rrezikohet jeta pasi është mbështetës i lëvizjes Gylen./ CNA.al
Kronika
Aksident në Durrës/ Makina kthehet përmbys, shoferi përfundon në spital
Një aksident rrugor është regjistruar mbrëmjen e sotme në qytetin e Durrësit. Ngjarja ka ndodhur në Unazën e qyteti bregdetar, ndërsa në aksident është përfshirë një makinë me targa AA835GH drejtuesi i të cilës ka mbetur i lënduar.
Makina është kthyer përmbys në mes të rrugës ndërsa mbeten ende të paqarta shkaqet dhe rrethanat e aksidentit./CNA.al
Kronika
Mjeti lundrues përmbyset në mes të detit/ Rrezikojnë jetën tre peshkatarë
Tre peshkatarë kanë rrezikuar të mbyteshin ditën e sotme në Vlorë pasi mjeti lundrues me të cilin ata kishin dalë të peshkonin është përmbysur në mes të detit sipasojë e motit të keq.
Kanë qenë Policia Kufitare dhe skuadra e Delta Force në qytetin bregdetar qe kanë marrë menjëherë masat duke u ardhur në ndihmë tre peshkatarëve dhe duke eleminuar kështu nje tragjedi.
“Delta Force dhe Policia Kufitare Vlorë i’u ka ardhur në ndihmë 3 peshkatarëve të cilët rrezikuan të mbyteshin në det.
Pas njoftimit të marrë rreth orës 14:30, se në zonën e Karaburunit pranë vendit të quajtur “Shën Vasil”, 3 peshkatarë po rrezikoheshin të mbyteshin në det me mjetin e tyre lundrues tip skaf plastik, menjëherë u organizua një grup i posaçëm shpëtimi nga Delta Force dhe Policia Kufitare e Vlorës, i cili ka shkuar në kohë në adresën e dhënë nga peshkatarët.
Shërbimet policore sapo mbërritën në vend, bënë të mundur shpëtimin e 3 peshkatarëve Sh.M, A.M dhe R.S, të cilët ndodhen në gjendje të mirë shëndetësore.
Si pasojë e motit të keq dhe detit të trazuar mjeti lundrues i peshkatarëve është përmbysur dhe fundor në det.
Tre peshkatarët kanë falenderuar shërbimet e Delta Forcë dhe Policisë Kufitare për reagimin e shpejtë duke ju dhënë ndihmë në kohë”, ben me dije policia me anën e një deklarate për mediat./ CNA.al
