Connect with Us

Koronavirusi në Itali/ Shkon në 631 numri i viktimave, 168 vetëm sot

Bota

Koronavirusi në Itali/ Shkon në 631 numri i viktimave, 168 vetëm sot

Publikuar

-

Është rënduar edhe më tej bilanci si pasojë e epidemisë së koronavirusit në Itali.

Sipas “Corriere Della Sera” numri i viktimave ka shkuar në 631, nga 463 që ishte dje.

Ndërsa janë regjistruar 10.149 raste personash të infektuar nga 9172, që ishte  dje.

Nga këta, 5,038 pacientë janë të shtruar në spital me simptoma,  877 janë në kujdes intensiv, ndërsa 2.599 janë në izolim në shtëpi.

LEXO EDHE:  Sasi rekord droge drejt Italisë/Kapen policët e 8 tonë hashashi, ja emrat

Rajoni i Lombardisë vazhdon të shfaqet më shqetësues me 5791 të infektuar e 468 viktima.

Coronavirus in Italia, 10.149 casi e 631 morti: il bollettino del 10 marzo

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Austria ndalon hyrjen e udhëtarëve nga Italia pa çertifikatë shëndetësore

Publikuar

-

Nga

Austria ndalon hyrjen e kujtdo që mbërrin nga Italia pa një certifikatë shëndetësore.
Lajmin e bëri të ditur sot, kancelari austriak Sebastian Kurz.

Austria gjithashtu ndaloi të gjitha aktivitetet brenda ambienteve me më shumë se 100 pjesëmarrës dhe ngjarje në natyrë të më shumë se 500 njerëzve.

Austria më herët lëshoi një paralajmërim të nivelit 6 të sigurisë së udhëtimit duke këshilluar qytetarët e saj ktë mos udhëtojnë drejt Italisë. Austriakët në Itali do të lejohen të udhëtojnë drejt vendit të tyre nëse bien dakord të kalojnë dy javë në karantinë në shtëpi./CNA.al

LEXO TE PLOTE

Bota

Nuk arrihet marrëveshje mes BE-së dhe Erdoganit

Publikuar

-

Nga

Presidenti turk kërkon më shumë solidaritet prej NATO-s. Ndërsa mes tij dhe BE-së ka mosmarrëveshje. Presidentja e Komisionit të BE-së, tha se ndodhemi në një dilemë, por marrëveshja për refugjatët është e vlefshme.

Situata në Idlib është kërcënuese për të gjithë Europën, tha presidenti turk Rexhep Taip Erdogan pas takimit me Sekretarin e Përgjithshëm të NATO-s Jens Stoltenberg. SIpas tij, askush nuk mund të qendrojë indiferent përballë krizës humanitare që po ndodh atje. Turqia ka bërë më shumë se çdo vend tjetër i NATO-s, dhe për këtë arsye ne „presim solidaritet”. Një Erdogan i vetëdijshëm takoi një përfaqësues të NATO-s krejtësisht të ftohtë, i cili premtoi, se do të mendojë për mbështetje të mëtejshme. Por njëkohësisht Stoltenberg i kërkoi Turqisë, që të kontribuojë për një zgjidhje afatgjatë në Siri, duke e kujtuar atë, se ai nuk ka bërë aspak miq në NATO me blerjen e sistemeve të raketave ruse.

Përpara se Erdogan të vazhdonte rrugën për në BE, ai siguroi në mënyrë verbale qeverinë greke: “Eshtë iracionale dhe pakujdesi, që aleatët dhe fqinjët tregojnë ndaj Turqisë dhe e bëjnë atë përgjegjëse për migracionin ilegal”. E më pas bisedimet me presidentin e Këshillit të BE-së Charles Michel dhe kryetaren e Komisionit Ursula von der Leyen nuk ecën mbarë për Erdoganin. Ai u largua nga takimi pa asnjë koment, duke mos u dhënë gazetarëve që prisnin asnjë version të tijin për rezultatin e bisedimeve. Kësisoj i mbeti kryesisë së BE-së, që të përdorë formulat diplomatike në deklarimet për shtypin. “Pati shkëmbim mendimesh, se si duhet interpretuar marrëveshja për refugjatët, dhe si e shohin këtë palët…Ne shkëmbyem mendimet e ndryshme që kemi lidhur me të”, deklaroi Charles Michel. Ishte një takim i rëndësishëm, po lëvizim në drejtimin e duhur – por ka ende shumë punë. Pra thënë më shkoqur, pozicionet pas bisedimeve janë po aq larg sa edhe para tyre dhe nuk ka pasur afrim qendrimesh.

Mosmarrëveshjet mes Turqisë dhe BE

Erdogani prej kohësh pretendon, që BE-ja nuk e ka përmbushur pjesën e vet të marrëveshjes së 2016 dhe nuk i ka paguar miliarda eurot e premtuara. Në të kundërt BE thotë, se paratë janë lëvruar ose janë përcaktuar për projektet për refugjatët sirianë në Turqi si për ndërtimin e spitaleve e shkollave. Tani kryediplomati i BE-së Josep Borrell u ngarkua të takohet me ministrin e Jashtëm turk Mevlüt Cavusoglu, për të zgjidhur mosmarrëveshjet. Duhen krahasuar faktet, tha Michel, duke shtuar se shpreson për çtensionimin e situatës. Një gjë është e qartë që palët nuk kanë avancuar.

Edhe deklarimi i kryekomisioneres Ursula von der Leyen nuk ishte me tone shpresëdhënëse: “Kemi biseduar hapur dhe kemi mendime të ndryshme”, tha presidentja e Komisionit. Tani duhet të gjejmë një rrugë përpara dhe të përcakojmë, se çfarë mungon prej marrëveshjes së vitit 2016. “Marrëveshja është e vlefshme”, ritheksoi ajo. Linja e be-së është e qartë: Nuk do t’i ushtrohet presion, as duke përdorur refugjatët si armë politike. Erdogani duhet të përmbushë pjesën e tij të marrëveshjes dhe pastaj mund të rinegociojmë. Bëhet fjalë për reciprocitet, shtoi von der Leyen. BE nuk do të japë fonde shtesë nëse Erdogani nuk bashkëpunon për çështjen e refugjatëve. Të zbatosh marrëveshjen nënkupton, që edhe Turqia duhet të përmbushë detyrimet e saj.

LEXO EDHE:  Aksident i rëndë/ Humbin jetën dy persona

LEXO EDHE:  Sasi rekord droge drejt Italisë/Kapen policët e 8 tonë hashashi, ja emrat

Nuk dihen kërkesat e Erdoganit – ai heshti

Von der Leyen nuk iu përgjigj pyetjes, se çfarë kërkon Erdogani. Por dihet, që ai prej kohësh kërkon më shumë para prej BE-së. Presidentja e Komisionit nuk pranoi qysh para takimit që të bisedohej për shifra: „Ne nuk bisedojmë për shifra”, tha presidentja e Komisionit. Megjithatë Komisioni i BE-së do të jetë i gatshëm të mbështesë me 500 milionë euro shtesë refugjatët sirianë në Turqi. Por disa vende anëtare si Franca dhe Austria janë kundër. Ata nuk pranojnë që të lëshohet pe nga presioni i ushtruar. Në fundjavë Erdogani e ashpërsoi retorikën dhe i kërkoi Greqisë në një fjalim, që të hapë kufijtë dhe t’i lerë refugjatët të kalojnë. Presidentja e Komisionit të BE-së Ursula von der Leyen tha në Bruksel, se: “Kufijtë e jashtëm të BE-së janë të mbyllur dhe do të mbeten të mbyllur”. Deri tani përpjekjet e Erdoganit për presion ndaj BE-së nuk kanë pasur sukses.

Si shenjë e vullnetit të mirë në fundjavë Erdogani vendosi kontrollet detare për të penguar kalimit përmes Egjeut drejt Greqisë, po ashtu edhe në kufirin greko-turk ndërkohë situata është qetësuar paksa./ DW

LEXO TE PLOTE

Bota

Të gjithë mund të ndihmojnë kundër përhapjes së Coronavirusit

Publikuar

-

Nga

Në Gjermani njoftohet vdekja e dy vetëve për shkak të virusit Corona. Mos shkoni në klube, pakësoni udhëtimet dhe ecni me biçikletë në vend të autobusit bën thirrje ministri gjerman i Shëndetësisë, Jens Spahn.

Në Gjermani njoftohet vdekja e dy vetëve për shkak të virusit Corona. Qarku Heinsberg dhe qyteti i Essenit në landin e Renanisë Veriore-Vestfalisë e njoftuan këtë sot. Në Essen ndërroi jetë një grua 89-vjeç, e cila virusi u zbulua të martën e kaluar. Për personin që ndërroi jetë në Heinsberg, ende nuk ka të dhëna.

Kancelarja Merkel i ka vlerësuar përpjekjet e deritashme kundër virusit Corona. Ajo tha se virusi po përhapet, jo sepse kanë qenë të kota të gjitha masat për të ndërprerë zinxhirin e infeksionit, siç janë urdhërat e karantenës.   Me to është fituar kohë për kërkime mjekësore dhe për të përgatitur sistemin shëndetësor.

Ministri i Shëndetësisë i Gjermanisë, Jens Spahn (CDU) u ka bërë thirrje të gjithëve që të mbështesin luftën kundër përhapjes së virusit Corona. “Sa më ngadalë të përhapet virusi, aq më mirë”, tha ai në një konferencë për shtyp. Për këtë, është e nevojshme që çdo qytetar të zvogëlojë rrezikun e infektimit sa më shumë që të jetë e mundur.

Në këtë kuadër, Spahn-i u bëri thirrje të gjithë qytetarëve që të mendojnë se cilat aktivitete janë me të vërtetë të nevojshme javët dhe muajt e ardhshëm dhe nga se mund të heqin dorë për ca kohë. “Nga këndvështrimi im, është më e lehtë të mos shkosh në një koncert, në një lojë futbolli ose në një klub, sesa të mos shkosh në punë ose të mos çosh një fëmijë në cerdhe”, tha ai.

Spahn u shpreh kundër mbylljes së të gjitha shkollave

LEXO EDHE:  Video/ Tërmeti në Itali shkund gjithçka

LEXO EDHE:  Aksident i rëndë/ Humbin jetën dy persona

Në këtë linjë argumentimi, Spahn u shpreh kundër mbylljes së të gjitha shkollave dhe kopshteve ditore. Po të bëhet kjo ekziston rreziku që mjekët, infermierët ose policët mund të mos shkojnë në punë, paralajmëroi ai. “Kjo do të kishte pasoja edhe për jetën publike”.

Një ndihmë mund të jetë, për shembull, pakësimi i udhëtimeve, puna nga shtëpia kur është e mundur, ose në qytetet e mëdha ecja në këmbë ose me biçikletë, në vend që të përdorni transportin lokal publik.

Spahni konfirmoi edhe rekomandimin e tij për të anuluar aktivitetet me më shumë se 1.000 spektatorë. Ai i inkurajon shprehimisht ata që janë përgjegjës ta bëjnë këtë.

Në dallim nga shumë vende fqinje, në Gjermani nuk mund të vendoset në mënyrë qendrore, që të anulohen të gjitha ngjarjet me një numër të caktuar vizitorësh ose që ato të zhvillohen me sallë bosh. Vendimin për këtë e marrin autoritetet lokale shëndetësore.

Qëllimi kryesor: të parandalojmë që të sëmuren të gjithë njëkohësisht

Qëllimi është të ngadalësojmë përhapjen e virusit aq sa sistemi shëndetësor gjerman të mund të kujdeset për të gjithë personat e sëmurë rëndë. “Me sa dimë, kjo sëmundje kalon butë në katër nga pesë raste,” tha Lothar Wieler, Presidenti i Institutit Robert Koch. Por kjo gjithashtu do të thotë që një në pesë persona është i sëmurë rëndë.

Kjo zakonisht kalon në pneumoni, e cila mund të kërkojë trajtim në pavionin e kujdesit intensiv. Vërtet që Gjermania në krahasim me shtete të tjera paraqitet mirë me rreth 28.000 shtretër të kujdesit intensiv. Por një shpërthim i madh i sëmundjes, kur mijëra vetë sëmuren njëkohësisht, mund të çojë sistemin në kufijtë e tij./ DW

LEXO TE PLOTE