Connect with Us

Shtohet shitja e armëve në botë/ Amerika e para

Bota

Shtohet shitja e armëve në botë/ Amerika e para

Publikuar

-

SHBA ka shtuar epërsinë si vendi i parë në botë në tregti me armë. Gjermania mbetet eksportuesi i katërt në botë i armëve. Sasia më e madhe e armëve shkon në Lindjen e Mesme.

Bota po përballet me luftëra të mëdha, ndërsa tregtia me armë po lulëzon. Asnjë vend tjetër nuk eksporton armë si SHBA. Ndërsa Arabia Saudite është blerësi më i madh i armëve në botë. Këto janë vetëm disa nga të dhënat kryesore të raportit të Institutit Paqësor të Stokholmit për Studime, SIPRI.

Kur krahason të dhënat e periudhës 2015 – 2019 me ato të viteve 2010 – 2014 shihet se: Tregtia botërore me armë është rritur për 5%, ndërsa në krahasim me periudhën 2005-2009 madje për 20%. Por rritja e tregtisë me armë dallon shumë varësisht nga rajonet e ndryshme.

Më së shumti armë janë shitur në rajonin kryesor të krizave botërore – në Lindjen e Mesme, ku tregtia është shtuar për 61%, brenda vetëm pesë vitesh. Eksperti i SIPRI Pieter Wezeman thotë në bisedë me Deutsche Wellen, se “shqetësuese në këtë rajon është mundësia e shpërthimit të një konflikti të ri mes Iranit dhe Arabisë Saudite”.

Kampfpanzer Leopard 2 (picture-alliance/dpa)

Shitësi më i madh i armëve në botë është Amerika. Ky vend ka rritur shitjen e armëve për 23 %, ndërsa ndër destinacionet kryesore të armëve amerikane janë Arabia Saudite dhe Emiratet e Bashkuara Arabe. Ndërkohë një e treta e armëve të tregtuara në botë janë me origjinë amerikane. SHBA ka edhe industrinë më të zhvilluar të armëve në botë, e shitja e armëve paraqet për Uashingtonin edhe një nga pjesët më të rëndësishme të politikës së jashtme dhe sigurisë. “Ata eksportojnë armë për të krijuar miqësi dhe për të gjetur aleatë. Në këtë mënyrë sigurojnë edhe bashkëüpunimin në fushën ushtarake”, pohojnë ekspertët e SIPRI.

Rusia në rënie, Franca në rritje

Rusia mbetet vendi i dytë i eksportit të armëve në përmasa botërore, por dallimi mes Rusisë dhe SHBA është rritur. Shitja e armëve ruse ka rënë në pesë vitet e fundit për 18%. Eksportuesi i tretë më i madh në botë i armëve është Franca, e cila ka rritur eksportin e armëve për 72%, brenda pesë viteve të fundit.

Kjo rritje sipas ekspertit Max Mutschler nga International Center for Conversion (BICC) bazohet më së shumti tek shitja e avionëve luftarakë. Kontratat më të mëdha janë bërë me Egjiptin, Katarin dhe Indinë. Franca më së shumti ka shitur avionë dhe anije luftarake.

LEXO EDHE:  A po mbyllet “shekulli amerikan”, për t’i lënë vendin “shekullit kinez”?

Në vendin e katërt edhe më tej është Gjermania, e cila në këtë mënyrë bën pjesë ndër pesë vendet e para, të cilat eksportojnë më shumë se 3/4 e armëve në botë. Ndërkohë që qeveria gjermane pohon se është duke ndjekur një politikë “restriktive” të eksportit të armëve.

Por në periudhën prej vitit 2015 – 2019 eksporti gjerman është rritur 17 %. Deri në vitin 2018 Arabia Saudite ka qenë ndër klientët më të mëdhenj të Gjermanisë. Por pas vrasjes së gazetarit Kashoggi, Gjermania ka ndalur ekspotrtin e armëve në Riad.

Eksporti gjerman

Türkei-Syrien Konflikt - Kampfpanzer Leopard 2 (AFP/Getty Images/O. Kose)

Eksperti i BICC Mutschler pohon se rritja e eksporteve gjermane bie në sy edhe për faktin se sasi të mëdha të armëve gjermane shkojnë në vendet jashtë NATO-s. “Algjeria për shembull është në vendin e tretë”, thotë Mutschler. Edhe Katari dhe Egjipti janë ndër vendet ku më së shumti eksportohen armët gjermane. “Deri në vitin 2019 Gjermania ka eksportuar gati 50% të armëve në vendet e treta, e në këto vende shpesh zhillohen luftëra me vendet fqinje. Ndaj të quash politikën gjermane si ‘restriktive’, për mendimin tim, është eufemizëm”, pohon Mutschler.

Në raportin e qeverisë gjermane për vitin 2019 thuhet se në gjysmën e parë të vitit janë eksportuar në Egjipt armë në vlere prej 800 milionë Euro. Janë miratuar shitje të armëve edhe në Emiratet e Bashkuara Arabe, të cilat për vite kanë qenë aktive në luftën e përgjakshme në Jemen.

Ekspertët e SIPRI vlerësojnë se në përmasat botërore realizohet shitje vjetore e armëve në vlerë prej 80 – 100 miliardë dollarë. Kjo do të thotë se shitja e armëve përbën më pak se 1% të tregtisë botërore në vit. Ndaj ekspertët thonë se duhet të jemi skeptikë, kur përmendet argumenti se eksporti i armëve është një prej elementeve më të rëndësishme të ekonomisë botërore./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Infektohet me koronavirus shefja e repartit në spitalin e Shkupit

Publikuar

-

Nga

Ministri i Shëdetësisë i Maqësonisë, Venko Filipçe, ka bërë me dije se drejtoresha e repartit të sëmundjeve të lëkurës në spitalin e Shkupit është infektuar nga koronavirusi.

Mësohet se drejtoresha se drejtoresha e repartit të sëmundjeve të lëkurës, para një jave ka udhëtuar në Itali, ku besohet që gjatë qëndrimit është infektuar me koronavirus.

Gjatë një konference për shtyp, ministri ka propozuar mbylljen e repartit të sëmundjeve të lëkurës./CNA.al

LEXO TE PLOTE

Bota

Lajme të mira nga Italia/ Testohet një ilaç anti-artrit, çfarë thonë rezultatet e para

Publikuar

-

Nga

Koronavirusi vijon të përhapet me shpejtësi në Itali, ndërsa rreth mesnatës së mbrëmshme, dy rastet e para u konfirmuan edhe në Shqipëri. Bëhet fjalë për dy pacientë, të cilët kishin udhëtuar nga Italia me makinë personale, përmes pikës kufitare Hani i Hotit.

Por, ndërkohë që frika nga koronavirusi po shtohet në shumë vende, një lajm i mirë vjen nga Italia.

Sipas mediave italiane, dy pacientë që vuajnë nga pneumonia e rëndë dhe koronavirus, që ishin të shtruar në spitalin Cotugno në Napoli u trajtuan me Tocilizumab, një ilaç që zakonisht përdoret në trajtimin e artritit reumatoid dhe rezultatet e para janë të mira.

Në Kinë, ilaçi Tocilizumab pas trajtimit me qelizat CAR-T, tashmë po kalon prova klinike në 14 spitale në Wuhan.

LEXO EDHE:  Presioni amerikan vë në lëvizje kryeministrin Rama

LEXO EDHE:  A po mbyllet “shekulli amerikan”, për t’i lënë vendin “shekullit kinez”?

“Tashmë 24 orë pas infuzionit, përmirësime inkurajuese u vërejtën veçanërisht në njërin nga dy pacientët, i cili ishte në gjendje më të rëndë”, shpjegojnë mjekët italianë.

“Në përvojën kineze – shtojnë ata – 21 pacientë u trajtuan dhe treguan një përmirësim të dukshëm në 24-48 orët e para pas trajtimit, i cili vepron pa ndërhyrë në protokollin terapeutik bazuar në ilaçet antivirale të përdorura “.

LEXO TE PLOTE

Bota

Paralajmërimi i mjekut nga Toronto/ Paniku mund të na lëndojë më shumë se sa vetë koronavirusi

Publikuar

-

Nga

Një specialist i sëmundjeve infektive paralajmëron se reagimet e ekzagjeruara të njerëzve për përhapjen e koronavirusit, mund të bëjnë më shumë dëme sesa vetë sëmundja.

Abdu Sharkawy, mjek dhe ekspert në Universitetin e Torontos në Kanada, postoi një analizë të gjërë në rrjetet sociale lidhur me këtë cështje ku thotë se sëmundja është me të vërtetë e rrezikshme, por masat e marra në disa raste po rezultojnë edhe më keq.

Postimi i tij, ka marrë rreth 1 milion shpërndarje, ndërsa bën thirrje për ndaljen e panikut. Sipas tij në vend të arsyes, racionalitetit, mendjes së hapur dhe altruizmit, po u themi njerëze që të panikosen, të kenë frikë, të jenë dyshues, reagues dhe egoistë.

“Unë jam mjek dhe specialist i sëmundjeve infektive. Kam qenë në këtë detyrë për më shumë se 20 vjet, duke ndjekur përditë pacientë të sëmurë. Kam punuar në spitalet e qendrës së qytetit, por edhe në lagjet më të varfëra të Afrikës. HIV-SIDA, Hepatiti, TB, SARS, Fruthi, Shingles, Difteria … ka shumë pak sëmundje, ndaj të cilave nuk jam ekspozuar në profesionin tim. Dhe me përjashtim të SARS-it, shumë pak më ka lënë të ndjehem i brishtë, i tronditur apo tërësisht i frikësuar.

Unë nuk kam frikë nga Covid-19. Jam i shqetësuar për pasojat e një agjenti të ri infektues, që është përhapur në të gjithë botën dhe vazhdon të gjejë shtigje të reja, në terrene të ndryshme. Me të drejtë jam i shqetësuar për mirëqenien e atyre që janë të moshuar, në gjendje të dobët shëndetësore ose pa ndihmë, të cilët vuajnë më së shumti, dhe në mënyrë disproporcionale, në duart e këtij ndëshkimi të ri. Por, unë nuk kam frikë nga Covid-19.

Ajo që më frikëson është humbja e arsyes dhe vala e frikës, që i ka shtyrë masat e shoqërisë në një spirale magjepsëse paniku, duke magazinuar sasi të pazakonte nga çdo gjë, që do të mund të mbushte mjaftueshëm një vendstrehim bombardimesh, në një botë post-apokaliptike. Jam i trembur nga maskat N95 që vidhen në spitale dhe urgjenca, ku në fakt nevojiten më shumë për ofruesit e shërbimeve mjekësore në vijën e parë të frontit, dhe në vend të kësaj jepen në aeroporte, qendra tregtare dhe kafene, duke shkaktuar edhe më shumë frikën dhe dyshimet e të tjerëve.

LEXO EDHE:  Tahiri: Objektivi ynë madhor është Shqipëria pa armë

LEXO EDHE:  Ngjela numëron faktet/ Krijimi i Arbërisë së re sapo ka filluar  

Mua më tremb fakti që spitalet tona do të tejmbushen me njerëz që mendojnë se “ndoshta nuk e kanë virusin, por sido që të jetë le të kontrollohen një herë, sepse ku i dihet…”, ndërkohë që të tjerë që kanë probleme me zemrën, emfizemë, pneumoni, apo stroke do të paguajnë çmimin e Urgjencave të mbushura plot, ndërkohë që numri i doktorëve dhe infermierëve është i kufizuar.

Unë kam frikë se kufizimet e udhëtimit do të zgjerohen kaq shumë, saqë martesat do të anulohen, ceremonitë e diplomimit do të zbrazen dhe takimet familjare nuk do të materializohen. Edhe ajo festë e madhe që quhet Lojërat Olimpike… edhe ajo mund të anulohet. A mund ta imagjinoni?

Kam frikë se këto frikëra për epideminë do të kufizojnë tregtinë, dëmtojnë partneritetet në shumë sektorë, do të dëmtojnë bizneset dhe do të arrijnë kulmin tek një recesion global.

Por mbi të gjitha, kam frikë për mesazhin që po u përcjellim fëmijëve tanë, kur përballen me një rrezik. Në vend të arsyes, racionalitetit, mendjes së hapur dhe altruizmit, po u themi që të panikosen, të kenë frikë, të jenë dyshues, reagues dhe egoistë.

Covid-19 nuk ka ikur dhe nuk do të ikë së shpejti. Ai do të vijë në një qytet, një spital, një mik, madje edhe një pjesëtar familje pranë jush, në një moment. Priteni. Mjaft pritët që të befasoheni më tutje. Fakti është që vetë virusi nuk do të bëjë aq dëm kur të vijë. Por vetë sjelljet tona dhe qasja “lufto mbi të gjitha për vete”, mund të rezultojë shkatërrimtare.

Ju lutem të gjithëve. Zbuteni frikën përmes arsyes, panikun përmes durimit dhe pasigurinë përmes edukimit. Kemi një shans për të mësuar shumë mbi higjenën shëndetësore dhe për të kufizuar përhapjen e sëmundjeve të shumta të transmetueshme në shoqërinë tonë. Le ta përballojmë këtë sfidë së bashku, në frymën më të mirë të dhembshurisë, durimit dhe mbi të gjitha, një përpjekjeje të pandalshme për të kërkuar të vërtetën, faktet dhe dijen përballë hamendësimit, spekulimit dhe katastrofizimit.

Fakte, jo frikë! Duar të pastra! Zemra të hapura.

Fëmijët tanë do të na falënderojnë!”

 

LEXO TE PLOTE