Connect with Us

Shefja e Epidemiologjisë: Po mbajmë në monitorim 14 të afërm të të infektuarve me Koronavirus 

Politikë

Shefja e Epidemiologjisë: Po mbajmë në monitorim 14 të afërm të të infektuarve me Koronavirus 

Publikuar

-

Eugena Tomini, shefe e Epidemiologjisë në Institutin e Shëndetit Publik, duke folur për dy personat e infektuar me Koronavirus gjatë intervistës për TV “Euronews Albania”, tha se, janë dhe 14 persona të tjerë të afërm të tyre që po mbahen nën vëzhgim.

Tomini u shpreh se, prej tyre, tetë persona, dy të infektuarit babë e bir, kanë pasur kontakt të ngushtë. Për të gjithë këta persona, ISHP po kryen teste për të kontrolluar nëse janë infektuar nga 28-vjeçari i ardhur nga Firence e Italisë më 26 shkurt përmes pikës kufitare të Muriqanit. Shefe e epidemiologjisë theksoi se do të nevojiten dhe disa orë për nxjerrjen e përfundimeve dhe me shumë gjasa rezultatet do të bëhen publike në mesnatë.

Ndërsa priten rezultatet për rrethin e ngushtë të dy të infektuarve, 14 prej tyre janë vetë izoluar, por sipas znj. Tomini deri tani “asnjë prej tyre nuk paraqet shenja klinike për të kërkuar shërbim për t’u shtruar në spital”.

E pyetur se deri në sa persona mund të arrijë rrethi i njerëzve me të cilët babë e bir kanë pasur kontakt, Tomini tha se bëhet fjalë për 20 deri në 25 persona, për të cilët hetimi epidemiologjik vijon. Pavarësisht se të riut të kthyer nga  Italia i është këshilluar që të vetë izolohet, ai nuk e ka respektuar këtë gjë.

“Në pikën kufitare të Muriqanit është skeduar si person që ka ardhur nga zona e personave të prekur. Të gjithë udhëtarët që vijnë nga Italia, monitorohen. Nuk ka pasur temperaturë në kufi, por është skeduar. Është këshilluar për vetë izolim. Prandaj bëjmë thirrje për bashkëpunim, tani do të ketë penalizime për këtë. Ka kryer vetë izolim të pjesshëm dhe vetëm kur ka shfaqur shenja klinike ka kërkuar ndihmë”, u shpreh Tomini.

LEXO EDHE:  Manastirliu në spitalin Infektiv, qetëson qytetarët/ Nuk ka asnjë rast me coronavirus në Shqipëri

Ndonëse deri tani janë identifikuar vetëm dy persona të infektuar me coronavirus, shefja e epidemiologjisë në ISHP, tha se, “në të gjitha pikat kufitare janë skeduar një numër mjaft i madh njerëzish që kanë ardhur nga zonat e prekura”.

Duke folur për pikëpyetjet e ngritura mbi kapacitetet që ka Shqipëria për të përballur përhapjen e virusit, znj. Tomini bëri të ditur se, ka një kapacitet prej 155 respiratorë. Nga ana tjetër theksoi se, “vetëm 2% e totalit të pacientëve të prekur mund të kërkojnë terapi të oksigjenuar”.

Për personat që mund të dyshojnë se janë prekur nga Koronavirusi, shefja e Epidemiologjisë tha se simptomat janë të ngjashme me gripit dhe vetëm nëse ato zgjasin më shumë se 48/72 orë atëherë duhet kërkuar ndihmë në  nr. 127.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Pampuri akuza qeverisë për koronavirusin/ Paniku vjen nga pasiguria që ofron shteti 

Publikuar

-

Nga

Anëtarja e Kryesisë së Partisë Demokratike, Orjola Pampuri, ka ngritur akuza ndaj qeverisë për masat e marra për koronavirusin, i cili ka mbërritur në Shqipëri.

Sipas saj, masat e ndërmarra nga qeveria deri tani nuk plotësojnë protokollet e Organizatës Botërore të Shëndetësisë.

Demokratja kërkoi transparencë lidhur me ngjarjen dhe me fondet që qeveria po vë në dispozicion.

“Masat nuk janë ato që duhet të ishin. Nuk janë masat që plotësojnë protokollet e OBHS-së. Do të doja që të gjithë këto që ne i vëmë në pah të ishin në ndihmë të qytetarëve që të mos i kapi paniku”, tha ish-deputetja në TV “Euro News”.

LEXO EDHE:  Përhapja e koronavirusit/ Italia shpall ‘Gjendjen e Emergjencës Kombëtare’

LEXO EDHE:  Nga Bledi Mane/ Coronavirus ku je, pse nuk po vjen?

Pampuri pretendon se ka mungesa të masave mbrojtëse për vetë mjekët, ndaj kërkoi të merren masa të menjëhershme për të garantuar mbrojtjen e stafeve mjekësore. Gjithashtu ajo dha disa këshilla për qytetarët.

“Nuk ka vend për panik, duhet të ndjekim hapat e parashikuara nga OBSH. Qeveria duhet të informojë qytetarët që të mos preken nga paniku. Fondi prej 3.5 milionë euro i alokuar sot nga qeveria nuk mjaftojnë. I gjithë ky panik ndodh nga pasiguria që ndjejnë tek shteti”, nënvizoi Pampuri./ CNA.al

LEXO TE PLOTE

Politikë

Arda Dade i del në krah Rudina Hajdarit/ “Për të ardhur keq sjellja e Ramës me zonjat”

Publikuar

-

Nga

Ndonëse kryeministri Edi Rama po deklaron me zë të lartë se mbështet gratë në politikë, ish-ministrja socialiste Arta Dade e ka kritikuar për sjelljen me gratë.

Teksa u pyet në emisionin “5 pyetje nga Babaramo” nëse e ndjek Parlamentin, Dade tha se sa herë shikon seancat parlamentare del Rama.

Ish-ministrja kujtoi përplasjet e kryeministrit me deputeten Rudina Hajdari në Kuvend dhe gjuhën që kreu i qeverisë ka përdorur ndaj saj.

LEXO EDHE:  Përhapja e koronavirusit/ Italia shpall ‘Gjendjen e Emergjencës Kombëtare’

LEXO EDHE:  Manastirliu në spitalin Infektiv, qetëson qytetarët/ Nuk ka asnjë rast me coronavirus në Shqipëri

“Është për të ardhur keq mënyra se si ai sillet me zonjat në Parlament kur Hajdari po ngrinte një shqetësim të rëndësishëm. Unë e mbështes Hajdarin për atë që kërkon për Reformën Zgjedhore. Mënyra e sjellljes së kryeministrit përveçse dobësi, tregon një nivel të dobët kulturor”, nënvizoi Dade./ CNA.al

LEXO TE PLOTE

Opinione

Nga Kreshnik Spahiu/ Kosova sapo u rreshtua si shtet anti-amerikan

Publikuar

-

Nga

SHBA sapo pezulloi 200 milion euro investime në Kosovë.

Kosova rreshtohet tek ato pak shtete anti-amerikane që SHBA vendos sanksione si Kuba, Koreja e Veriur apo Irani.

Amerika nuk ndëshkoi popullin pro amrikan por qeverinë e votuar prej tyre. Sot mediat duhet të buçisnin për këtë dramë dhe këtë turp kombëtar.

Historia do kryqzoj ata që mos-mirnjohejnen e institucionalizuan në emër të popullit dhe pushtetit.

A ja vlen të humbim aleatin shekullor për hir të taksës me Serbinë!
Dje kishim një mik. Sot zyrtarisht e kemi armik.

Kosova sot ka dy zgjidhje:

1- Të shkojë në zgjedhje të parakohshme,
ose
2- Të vazhdojë e izoluar dhe të rrezikojë tërheqjen e njohejes pavarsisë nga SHBA.
Nuk ja vlen të humbasim SHBA-n për një taksë duke pas parasysh edhe fundin e Ramush Haradinajt për këtë histori.

Pas humbjes së aleancës me SHBA, do na largohen Gjermania, Anglia, Franca etj. Apokalips në tokat shqiptare!
I mbetet shqiptarve të dalin në shesh dhe ta vendosin sa nuk është vonë./CNA.al

LEXO TE PLOTE