Connect with Us

Rama takon krerët e komuniteteve fetare/ Mesazh sensibilizimi për besimtarët

Politikë

Rama takon krerët e komuniteteve fetare/ Mesazh sensibilizimi për besimtarët

Publikuar

-

Kryeministri Edi Rama ka takuar krerët e komuniteteve fetare në vend, lidhur me situatën e krijuar nga koronavirusi.

Rama tha se duhet të sensibilizohen besimtarët që të ruajnë veten dhe të tjerët rreth tyre, ndërsa i kërkoi krerëve të komuniteteve të inkurajojnë të moshuarit dhe personat me sëmundje kronike të qëndrojnë në shtëpi.

“Nuk jemi në një situatë ku të bëhet fjalë për mbyllje të kishave dhe xhamive. Kërkohet që ju të sensibilizoni besimtarët më të moshuar dhe ata me sëmundje kronike që të qëndrojnë në shtëpi, pasi janë shtresa më vurnerabël dhe kjo sëmundje tregohet më agresive pikërisht me ta. Inkurajoni personat e tillë të qëndrojën në shtëpi”, deklaroi kreu i qeverisë.

Kryeministri kërkoi që qytetarët të mos takohen me njëri-tjetrin dhe të mbajnë distancë një metër.

“Edhe në mbledhjet ku keni më shumë besimtarë duhet të tregoni kujdes që këto rregulla, pavarësisht  se thyejnë ritualet fetare duhet të respektohet si puthja e dorës, përqafimi apo falja shumë ngjitur njëri me tjetrin. Është mirë që këto masa të transmetohen nga ju krerët e feve që të sensibilizoni besimtarët. Ky është një virus i panjohur, por nuk po flasim për murtajë. Më vjen mirë që jeni sensibilizuar të gjithë edhe me besimtarët dhe hoxhallarët, myftinjtë e tjerë”, u shpreh ai.

Rama theksoi se askush nuk duhet të bjerë në pesimizëm, por të kujdeset maksimalisht dhe nëse dikush shfaq shenja të vetëkarantinohet e të telefonojë 127-ën./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Zbardhet vendimi/ Kavalishenca në Durrës kthehet në karantinë për të prekurit nga koronavirusi

Publikuar

-

Nga

 

Megjithëse kishte kohë që flitej, qeveria ka njoftuar sot zyrtarisht se ka vendosur të caktojë si karantinë Shtëpinë e Pushimit të Ushtarakëve në Plepa të Durrësit për të sëmurët me koronavirus.

Ndërkohë që Ministrisë së Shëndetësisë i janë shtuar për përballimin e situatës edhe 400 milionë lekë për marrjen e masave dhe për plotësimin e nevojave.

VENDIMI I PLOTE I QEVERISE

1. Caktimin e shtëpisë së pushimit të ushtarakëve të FARSH-it, prona nr.231, me emërtim “Shtëpia e pushimit të ushtarakëve”, me vendndodhje në Plepa, Durrës, si strukturë për shërbimin e karantinës, në funksion të marrjes së masave për parandalimin e përhapjes së infeksionit nga COVID-19.

Caktimin e Ministrisë së Mbrojtjes si autoritet kontraktor për zhvillimin e procedurave të prokurimit, si më poshtë vijon:

a) rikonstruksion të objektit prona nr.231, me emërtim “Shtëpia e pushimit të ushtarakëve”, me vendndodhje në Plepa, Durrës, për përshtatje si infrastrukturë karantine;
b) blerje mallrash/pajisjesh për përshtatjen e dhomave për nevoja të karantinës;
c) sigurimin e ushqimit të gatuar sipas nevojave;
ç) sigurimin e shërbimit të lavanderisë.

Ministrisë së Mbrojtjes, në buxhetin e miratuar për vitin 2020, në artikullin buxhetor 602, “Mallra dhe shërbime”, dhe në artikullin buxhetor 231, “Shpenzime kapitale”, i shtohet, përkatësisht, fondi prej 13 824 000 (trembëdhjetë milionë e tetëqind e njëzet e katër mijë) lekësh dhe 11 000 000 (njëmbëdhjetë milionë) lekësh.

Efektet financiare, sipas pikës 3 të këtij vendimi të përballohen nga fondi rezervë i buxhetit të shtetit për vitin 2020.

Ministria e Mbrojtjes të koordinojë punën me Ministrinë e Shëndetësisë dhe Mbrojtjes Sociale për përcaktimin e kushteve/kërkesave për funksionimin optimal të objektit të caktuar si infrastrukturë karantine.

Ministria e Shëndetësisë dhe Mbrojtjes Sociale të marrë të gjitha masat për të siguruar shërbimin shëndetësor dhe psikosocial për personat që vendosen në karantinë, sipas legjislacionit në fuqi.

Ngarkohen Ministria e Mbrojtjes dhe Ministria e Shëndetësisë dhe Mbrojtjes Sociale për zbatimin e këtij vendimi.

Ky vendim hyn në fuqi menjëherë dhe botohet në “Fletore zyrtare”.

V E N D O S I:

Ministrisë së Shëndetësisë dhe Mbrojtjes Sociale, në buxhetin e miratuar për vitin 2020, në programin “Planifikim, Menaxhim dhe Administrimi”, i shtohet fondi prej 400 000 000 (katërqind milionë) lekësh për marrjen e masave për plotësimin e nevojave paraprake për infeksionin e shkaktuar nga COVID-19, i ndarë, përkatësisht,:

200 000 000 (dyqind milionë) lekë në kategorinë e shpenzimeve kapitale;
200 000 000 (dyqind milionë) lekë në kategorinë e shpenzimeve korrente.

Efekti financiar, prej 400 000 000 (katërqind milionë) lekësh të përballohet nga fondi rezervë i buxhetit të shtetit, miratuar për vitin 2020.

Ngarkohen Ministria e Financave dhe Ekonomisë dhe Ministria e Shëndetësisë dhe Mbrojtjes Sociale për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

 

LEXO TE PLOTE

Politikë

“Frikë aspak, kujdes po!”/ Rama shpërndan deklaratën e Trump për koronavirusin

Publikuar

-

Nga

Kryeministri, Edi Rama, ka shpërndarë, pak minuta më parë, në rrjetet sociale deklaratën e presidentit të SHBA, Donald Trump për koronavirusin.

Kreu i qeverisë deklaroi se qytetarët nuk duhet të kenë frikë, por të kenë kujdes, ndërsa deklaratën e Trump e transmetoi si një mesazh për të mos humbur qetësinë e kthjelltësinë.

“Frikë aspak, kujdes po! Ky prononcim i Presidentit të Shteteve të Bashkuara nuk duhet lexuar kurrësesi si një ftesë për moskokëçarje, por thjesht si një fakt për të mos humbur qetësinë e kthjelltësinë:

“Vitin e shkuar 37.000 amerikanë humbën jetën nga gripi i zakonshëm. Mesatarja vjetore e vdekjeve nga gripi (SHBA) është mes 27.000 dhe 70.000 në vit. Asgjë nuk ndalet, jeta & ekonomia vazhdojnë. Në këtë moment janë konfirmuar 546 raste të Coronavirus dhe kanë humbur jetën 22 persona. Mendojeni pak!”, shkruan Rama./ CNA.al

LEXO TE PLOTE

Politikë

Meta në konferencë për mediat/ Ja kur do të dalë para gazetarëve

Publikuar

-

Nga

Në kohën kur në Shqipëri po zien mediat dhe qytetarët për koronavirusin, presidenti Ilir Meta ka paralajmëruar një konferencë për shtyp me gazetarët.

Në një njoftim të dërguar nga Presidenca, thuhet se Meta do të komunikojë me gazetarët në orën 18:15 në institucionin e Kreut të Shtetit.

Por ajo që mbetet ende e pazbuluar është çështja për të cilën do të flasë Kreu i shtetit, që mendohet të jetë çështja e virusit.

Ndërkohë, kujtojmë se Ministria e Shëndetësisë konfirmoi për mediat dy rastet e para me koronavirus në vendin tonë. Bëhet fjalë për babë e bir që kishin ardhur nga Firence në Shqipëri përmes rrugës tokësore./ CNA.al

LEXO TE PLOTE