Instituti i Gjeoshkencave, në parashikimin që bën për nesër, thotë se temperaturat do të arrijnë deri në -14 °C, në zonat malore. Ndërkohë, sot pasdite priten reshje lokale në Shkodër e Kukës.

Postimi i plotë i IGJEUM

RESHJET

Sot pasdite (e diel, dt. 17) priten reshje lokalisht të dobëta në qarqet Shkodër dhe Kukës, ndërsa nesër (e hënë, dt. 18) nuk priten reshje (siç tregohet në tabelë, respektivisht për secilin qark).

TEMPERATURAT

Nesër (e hënë, dt. 18) temperaturat minimale dhe maksimale të ajrit pritet të arrijnë:

– në bregdet: 0 / 6 °C

– në vendet e ulëta: -3 / 5 °C

– në vendet malore: -14 / -3 °C

ERA

Sot pasdite (e diel, dt. 17) dhe nesër ( e hënë, dt. 18) era pritet të fryjë e lehtë deri mesatare./CNA.al

Teksa vendi ynë po përballet me temperatura të ulëta, në qarkun e Korçës termometri ka shkuar deri në -11 gradë celsius. Mësohet se gjendja e rrugëve nacionale në këtë qark nuk paraqet probleme, ndërsa akset janë të hapura dhe të kriposura.

Kalueshmëria e mjeteve është normale me përjashtim te Aksit Korçë-Boboshticë-Dardhe kalueshmëria e mjeteve të vogla, nga km 9 deri në km 13, rekomandohet me zinxhir, në orët e para të mëngjesit.

Mësohet se Bashkia e Korçës po punon për hapjen e rrugës Shtyllë-Panarit.

Nga informacionet e deritanishme nuk raportohet që të ketë pasur probleme me energjinë elektrike./CNA.al

Vendi ynë është nën ndikimin e masave ajrore të ftohta, të cilat do të mbeten prezente edhe në ditët në vijim duke sjellë temperatura të ulëta dhe reshje bore.

Sipas Shërbimit Meteorologjik Ushtarak, dita e sotme do të ketë një mot kryesisht të kthjellët dhe me vranësira kalimtare.

Reshjet e borës do të jenë me intensitet të ulët të karakterit lokal vetëm në zonat malore në veri të vendit./CNA.al