Gjatë 24 orëve të fundit, në Kosovë janë regjistruar pesë viktima nga koronavirusi.

Instituti Kombëtar i Shëndetësisë Publike (IKSHPK) në raportin ditor thotë se bazuar në testimin e 1.842 mostrave janë shënuar edhe 288 raste me COVID-19. Sëmundjen e kanë mundur edhe 256 pacientë ndërsa raste aktive aktualisht janë 5.879.

Prej 13 marsit 2020, kur janë regjistruar rastet e para me koronavirus në Kosovë, autoritetet shëndetësore kanë raportuar për 58.687 të prekur nga sëmundja COVID-19. Prej tyre 1.471 pacientë kanë humbur jetën ndërsa 51.337 janë shëruar./CNA.al

Greqia zbulon raste të mutacionit anglez të koronavirusit

Lajmin e ka bërë të ditur Profesoresha e Departamentit të Mjekësisë në Universitetin Aristoteli të Selanikut, Anna Papa.
Mediat greke duke cituar ekspertët, thonë se dyshimet janë që në vend të ketë një numër më të madh rastesh me variantin “anglez” të koronavirusit.
Papa, e cila zbuloi rastin e parë të koronavirusit në Selanik , është shprehur se ishte thjesht çështje kohe para se varianti i ri i Covid-19 të konfirmohej në Greqi.

“Llojet e reja të virusit që ka pësuar mutacion u identifikuan dy ditë më parë në laborator. Ne nuk u habitëm sepse ishte vetëm çështje kohe.., pasi që tashmë ishte bërë e ditur se ishte konfirmuar në Athinë dhe Kretë. Kjo është arsyeja pse kemi nevojë për vëmendje nga të gjithë ne, duhet t’i zbatojmë masat në mënyrë korrekte, ” u shpreh ajo.

Autoritetet e shëndetit në vend kanë bërë të ditur se nëse konfirmohet një numër i madh rastesh me këtë lloj të Covid-19, më tej vendi mund të shtrëngojë më tej masat anti-covid./CNA.al

Testet laboratorike nga Departamenti i Shëndetësisë së Minesotës kanë konfirmuar rastin e parë të njohur të variantit të koronavirusit të gjetur fillimisht në Brazil, tha kjo agjenci mbrëmjen e së hënës.

Njoftimi erdhi ndërsa Presidenti Joe Biden nënshkroi një urdhër për zgjatjen e ndalimit të udhëtimit nga disa shtete. Në bazë të këtij urdhëri, pothuajse të gjithë jo-amerikanëve që kanë qënë kohët e fundit në Brazil, Afrikën e Jugut, Britani, Irlandë dhe 26 vende të tjera evropiane nuk u lejohet hyrja në Shtetet e Bashkuara.

Lidhur me vaksinimin, Presidenti Biden u tha gazetarëve se ka gjasa që 1 milion doza në ditë ose më shumë do të jenë gati në rreth tre javë.

“Nëse përdorim maskat nga tani e deri në fund të prillit, ekspertët thonë se mund të jemi në gjendje të shpëtojmë 50,000 jetë”, tha Presidenti Biden.

Drejtoresha e Qendrave Amerikane për Kontrollin dhe Parandalimin e Sëmundjeve (CDC) tha të dielën se qeveria federale po shton përpjekjet për të gjurmuar mutacionet e koronavirusit ndërsa variante të reja më ngjitëse po shfaqen nëpër botë.

Varianti i virusit SARS-CoV-2 i njohur si Brazil P.1 u zbulua nga një mostër e marrë nga një individ që jeton në Minesota, që kishte qënë kohët e fundit në Brazil, thuhet në deklaratën e shtypit të departamentit të shëndetësisë. Agjencia tha se kjo shënon rastin e parë në Shtetet e Bashkuara të variantit të zbuluar për herë të parë në Brazil.

Ndërsa mendohet se varianti i virusit të zbuluar në Brazil të jetë më ngjitës se lloji fillestar i koronavirusit, ende nuk dihet nëse sëmundja që shkakton është më e rëndë.

Ngjashmëritë mes variantit të zbuluarnë Brazil dhe atij në Afrikën e Jugut, i cili zvogëlon efikasitetin e trajtimit me antitrupa, sugjeron se varianti i gjetur në Brazil gjithashtu mund të rezistojë ndaj trajtimit me antitrupa, kanë thënë shkencëtarët. Varianti i identifikuar fillimisht në Britani tashmë është zbuluar në të paktën 20 shtete amerikane./VOA