Kronika
Mblidhte mbeturina për të blerë ilaçet/ E moshuara humbet kontaktet me familjen
Një e moshuar e komunitetit rom e moshës rreth 70 vjeç ka humbur prej 2 ditësh në fushën e mbetjeve në Fier.
Zhevrie Verlaci, ka humbur ditën e djeshme rreth orës 12, kurse ka humbur kontaktet me familjarët.
Sipas familjarëve, zonja vuajte edhe nga tensioni, por mblidhte mbetje të riciklueshme tek fusha e mbetjeve për të blerë ilaçe.
Ngjitur me fushën e mbetjeve ndodhet një lumë dhe dyshohet se ajo edhe mund të jetë mbytur.
Lulzim Ymeraj apelon për ndihmë dhe për polumbarë.
Pas denoncimit nga ana e familjarëve, policia e Fierit është vënë në kerkim të 70-vjeçares.
Kronika
I dënuar me 8 vite burg/ Ekstradohet 39-vjeçari shqiptar nga Italia
Bashkëpunimi mes Interpol Tirana dhe Interpol Roma, bëri të mundur kapjen dhe ekstradimin nga Italia të një shtetasi shqiptar, i dënuar për veprimtari kriminale në fushën e narkotikëve.
Nga ZQK Interpol Tirana u krye ekstradimi nga Milano/Itali, i shtetasit shqiptar Bashkim Demrozi, 39 vjeç, lindur në Kavajë.
Shtetasi Bashkim Demrozi ishte shpallur në kërkim ndërkombëtar nga ZQK Interpol Tirana, pasi Gjykata e Shkallës së Parë për Krimet e Rënda e ka dënuar me 8 vjet burg, për veprën penale “Trafik i lëndëve narkotike, kryer në bashkëpunim, mbetur në tentativë”. Pas apelimit, Gjykata e Apelit Durrës, në vitin 2018, e ka dënuar përfundimisht me 6 vjet e 8 muaj burg.
Përmbledhje e ngjarjes së ndodhur:
Në vitin 2014, në qytetin e Durrësit, gjatë kontrollit të kryer nga shërbimet e Policisë, në automjetin që drejtohej nga shtetasi F. D., i cili do udhëtonte nga Durrësi në Bari, u gjetën dhe u sekuestruan 332 kg cannabis sativa.
Nga hetimet ka rezultuar se shtetasi Bashkim Demrozi, në bashkëpunim me shtetas të tjerë, ka kryer veprime për gjetjen dhe trafikimin e lëndës narkotike.
Si rezultat i bashkëpunimit të Interpol Tirana me Interpol Roma, u bë i mundur arrestimi i tij në Itali, duke u finalizuar me ekstradimin drejt vendit tonë.
Kronika
Drogë, thikë dhe shkop gome në makinë/ Arrestohet i riu në Durrës
Policia e Durrës, ka goditur një tjetër rast i shpërndarjes të lëndëve narkotike në doza.
Specialistët për Hetimin e Trafiqeve dhe Narkotikëve në bashkëpunim me shërbimet e Komisariatit të Policisë Durrës, në vijim të kontrolleve të shtuara ndaj personave që lëvizin me sende të kundraligjshme, arrestuan në flagrancë shtetasin E.B.,22 vjeç, banues në Durrës.
Gjatë kontrollit të ushtruar në mjet, Shërbimet e Policisë gjetën dhe sekuestruan në cilësinë e provës materiale 14 doza kanabis, 5 doza kokainë, një thikë si dhe shkop gome si ai që mban në përdorim policia.
Materialet i kaluan Prokurorisë së Rrethit Gjyqësor Durrës për veprat penale “Prodhim dhe shitja e narkotikëve”, “Mbajtja pa leje e armëve të ftohta” dhe “Mbajtja pa leje e pajisjeve të policisë”.
Kronika
Aksident i rëndë në Librazhd/ Plagosen 5 persona, mes tyre 4 gra
Një aksident i rëndë rrugor ka ndodhyr paraditen e sotme në Librazhd në vendin e qujatur “Kthesa e Murrazhit”.
Mësohet se si pasojë e aksidentit kanë mbetur të plagosur 5 persona.
Bëhet fjalë për 4 gra dhe 1 burrë që kanë marrë plagë të ndryshme. Dy prej të plagosurve janë nga Maqedonia e Veriut.
Policia ndodhet në vendin e ngjarjes dhe po heton për zbardhjen e rrethanave të aksidentit.
