Connect with Us

Foto+Video-“Luftë” në det mes Turqisë dhe Greqisë/ Emigrantët rrihen dhe u merren rrobat 

Bota

Foto+Video-“Luftë” në det mes Turqisë dhe Greqisë/ Emigrantët rrihen dhe u merren rrobat 

Publikuar

-

Tensioni është i lartë mes Greqisë dhe Turqisë në kufirin tokësor dhe atë detar.

Ndërkohë që mijëra emigrantë nga vendet e lindjes janë tani në kufi me Greqinë duke tentuar të futen për të shkuar në vendet e BE, “lufta” vijon në det.

Sëfundmi kanë dalë pamjet e një përplasjeje të mirëfilltë mes rojeve detare greke dhe turke. Një skaf i autoriteteve turke shkon me shpejtësi tek ai i Greqisë duke i kërkuar që të largohet nga zona, transmeton abcnews.al.

Mjeti lundrues i rojeve detare turke e ndjek nga pas atë greke dhe për pak ato nuk përplasen me njëra-tjetrën.

Greqia akuzon Turqinë që po kërkon ta destabilizojë përmes dërgimit të organizuar të emigrantëve në kufi, ndërsa Turqia akuzon Greqinë se po tenton të mbysë gomonet e emigranëtëve, ndërsa sëfundmi kanë dalë edhe foto të dhunës së policisë greke ndaj këtyre të fundit.

Pak ditë më parë, Turqia hapi kufirin duke mos penguar emigrantët që duan të shkojnë në BE. Ky veprim u shoqërua me alarm në Greqi.

LEXO EDHE:  Opsionet e Turqisë pakësohen në Siri/ Rusia mbështet lëvizjen e Asadit

Përplasja është e madhe edhe në kufirin tokës në zonën e Evrosit ku mijëra policë dhe ushtarë greke përballen me emigrantët ku nuk mungojnë rastet e dhunës dhe keqtrajtimeve.

Turqia dërgoië 1 000 forca speciale të ushtrisë dy ditë më parë, veprim të cilit iu përgjigj me të njëjtën monedhë edhe Greqia. /abcnews.al

Emigrante te rrahur dhe zhveshur nga policia greke. Pasi i moren rrobat i derguan serish ne Turqi

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Skandali seksual kur ishte president/ Bill Klinton rrëfehet për aferën me Monica Lewinsky

Publikuar

-

Nga

Ish-Presidenti i SHBA, Bill Klinton, ka rrëfyer për herë të parë në një dokumentar për “Daily Mail” për lidhjen e tij me Monica Lewinsky.

Clinton zbulon se në kohën kur ai u takua me Lewinsky-in, presioni i punës e bëri atë të ndjehej si një boksier i cili kishte bërë 30 raunde dhe ai e shikoi Lewinskyin si “diçka që do t’ia hiqte mendjen për pak kohë”.

Në dokumentar flet edhe bashkëshortja e Bill, Hillary Clinton, e cila zbulon se në vijim të skandalit, çifti kaloi debate ‘të dhimbshme’ rreth martesës.

Clinton i kërkon falje Leinsky-it në dokumentarin që do të ketë premierën sot, dhe thotë se ai u ndje “i tmerruar” se jeta e saj ishte përcaktuar nga afera e tyre.

“Në një moment kur gjërat nuk kthehen në normale ti duhet të vendosësh se si të përcaktosh normalen”, ka thënë Clinton, duke sugjeruar se ish-praktikantja famëkeqe duhet thjesht të vazhdojë përpara.

Seria me katër pjesë përmban qasje të jashtëzakonshme në rrethin e brendshëm të Clinton-ëve dhe shqyrton jetën publike të Hillary nga ditët e saj studentore deri në humbjen e zgjedhjeve të 2016-ës ndaj Donald Trump.

Por pjesa në lidhje me çështjen Lewinsky – të cilën çifti rrallë e adreson në publik – ka të ngjarë të jetë më e shikuara.

LEXO EDHE:  Partia Emigracioni Shqiptar/ Platforma e Eduart Ndocajt për Diasporën shqiptare

LEXO EDHE:  Rindërtimi i 500 banesave pas tërmetit/ Firmoset marrëveshja me Turqinë

Skandali çoi Clintonin për “shkarkim” (impichment) në 1998. Por ai i mbijetoi gjyqit në Senat dhe mbeti në detyrë gjatë mandatit të tij të dytë.

Afera e tij seksuale me Monica Leëinsky konsiderohet si një ndër ngjarjet më të mëdha dhe më skandaloze në historinë e politikës amerikane, por dhe botërore.

Gjatë publikimit të disa detajeve më parë, thuhet se Clinton shkonte me praktikanten edhe gjatë orarit të punës.

Madje, ka pasur raportime, se Lewinsky i bënte seks oral Clintonit, ndërkohë që ky i fundit fliste në telefon me drejtues të lartë shtetesh.

LEXO TE PLOTE

Kosova & Rajoni

Ish polici serb në Kosovë akuzohet për krime lufte dhe përdhunim

Publikuar

-

Nga

Prokuroria e Posaçme e Kosovës, ngriti të premten aktakuzë kundër një ish polici serb për “krimet e luftës kundër popullsisë civile dhe përdhunim gjatë luftës në Kosovë”.

Sipas aktakuzës, “i pandehuri Z.V., si pjesëtar i forcës policore rezervë të Ministrisë së Punëve të Brendshme të Republikës së Serbisë, në kundërshtim me rregullat e të drejtës ndërkombëtare humanitare, gjatë luftës në Kosovë, më 22 maj 1999, në bashkëkryerje me pjesëtarë të tjerë të forcave ushtarake, policore dhe paramilitare serbe, në territorin e komunës së Vushtrrisë, ka marr pjesë në dëbimin e popullatës civile shqiptare, kryerjen e dhunës fizike dhe psikike ndaj tyre si dhe me përdorimin e dhunës dhe veprimeve të tjera çnjerëzore, ka kryer dhunim seksual, si pjesë e një sulmi të gjerë dhe sistematik ndaj gruas së nacionalitetit shqiptar”, thuhet në njoftimin e policisë, raporton radioja amerikane në gjuhën shqipe.

LEXO EDHE:  Elvis Naçi dhe Turqia

LEXO EDHE:  Irak, kurdët shpallin fitoren në referendumin për pavarësi

Prokuroria nuk dha më shumë hollësi për të akuzuarin e as identitetin e tij, por mediet lokale në gjuhën serbe thanë se bëhet fjalë për Zoran Vukotiçin, i cili është në vuajtje të dënimit prej 6 vjet e gjysmë heqje lire për krime lufte.

Ai qe dënuar në maj të vitit 2018 nga një gjykatës i Misionit të Bashkimit Evropian për sundimin e ligjit, nën akuzat për torturë ndaj të burgosurve në burgun e Smrekonicës, që ndodhet rreth 30 kilometra larg Prishtinës, gjatë viti 1999.

Autoritetet në Kosovë thonë se janë mbi 20 mijë viktima të përdhunimeve gjatë luftës në Kosovë, ndërsa deri tash nuk është shënuar asnjë rast dënimi për këtë krim të luftës.

LEXO TE PLOTE

Kosova & Rajoni

Serbia sfidon kërcënimin me sanksione amerikane për shkak të armëve ruse

Publikuar

-

Nga

Ministri serb i Mbrojtjes, tha të premten se Serbia do të vazhdojë të blejë armë nga “shtetet mike” pavarësisht kërcënimeve me sanksione amerikane në rast se Beogradi vazhdon të pranojë dërgesa armësh nga Rusia.

Duke u mbështetur në një material të  Agjencisë së lajmeve “Associated Press”, radioja amerikane VOA, citon një deklaratë të ministrit serb të Mbrojtjes, Aleksandër Vulin i cili ka artikuluar:

“Serbia nuk është koloni” dhe do të vendosë vetë për “fuqizimin dhe pajisjen e forcave të saj të armatosura.”

Zyrtarët amerikanë kanë folur hapur për vendosjen e sanksioneve kundër Serbisë në rast se Moska i shet më shumë armë, veçanërisht armatime që mund të rrezikojnë sigurinë e vendeve fqinje anëtare në NATO, vijon radioja amerikane dhe më tej raporton:

Serbia ka blerë së fundmi një sistem të sofistikuar kundërajror nga Rusia, e cila i ka siguruar vendit Ballkanik edhe avionë, helikopterë dhe mjete të blinduara.

Ministri Vulin, i cili njihet për qëndrimin e tij pro-rus, tha se dërgesat e fundit janë për qëllime mbrojtëse. Ai tha se nuk ka asnjë arsye për sanksione nga “çdo vend që respekton të drejtën ndërkombëtare dhe të drejtën e Serbisë për të vendosur në mënyrë të pavarur” se si të armatoset.

LEXO EDHE:  Rindërtimi i 500 banesave pas tërmetit/ Firmoset marrëveshja me Turqinë

LEXO EDHE:  Rindërtimi i 500 banesave pas tërmetit/ Firmoset marrëveshja me Turqinë

Armatosja e Serbisë nga Rusia shihet me shqetësim nga Perëndimi, në një periudhë tensionesh në rritje në Ballkanin që u përfshi në luftërat shkatërruese në vitet 90-të. NATO ndërhyri kundër Serbisë në vitin 1999 për t’u dhënë fund mizorive ndaj shqiptarëve të Kosovës.

Ndonëse zyrtarisht kërkon anëtarësimin në Bashkimin Evropian, udhëheqja populiste e Serbisë ka forcuar më tej lidhjet e ngushta politike dhe ushtarake me aleaten sllave Rusinë, si dhe me Kinën.

Serbia është zotuar të qëndrojë jashtë NATO-s dhe ka refuzuar t’u bashkohet sanksioneve perëndimore kundër Rusisë për shkak të politikave të saj në Ukrainë.

LEXO TE PLOTE