Connect with Us

Veliu pret në takim kreun e Xhandarmërisë Mbretërore të Holandës/ Të forcojmë bashkëpunim, qëllimi është i njëjtë

Lajme

Veliu pret në takim kreun e Xhandarmërisë Mbretërore të Holandës/ Të forcojmë bashkëpunim, qëllimi është i njëjtë

Publikuar

-

Drejtori i Përgjithshëm i Policisë së Shtetit Drejtues Madhor Ardi Veliu priti në një takim Drejtuesin e Xhandarmërisë Mbretërore të Holandës, Gjeneralin Laurent Hendrix.

Veliu dhe Hendrix vlerësuan marrëdhëniet e mira mes Policisë së Shtetit, Xhandarmërisë dhe Policisë holandeze.

Gjatë takimit u konfirmua gatishmëria e përbashkët për të bashkëpunuar kundër krimit të organizuar, kontrabandimit të qenieve njerëzore dhe lufta kundër trafikimit të lëndëve narkotike.

U dakordsua që bashkëpunimi në të ardhmen do të konkretizohet me hetime të përbashkëta, shkëmbim informacioni në kohë reale, sepse vetëm kështu mund të arrihet suksesi.

Kreu i Xhandarmërisë Mbretërore të Holandës përgëzoi Drejtor Veliun për arritjet e Policisë së Shtetit, duke e falënderuar për punën e bërë në drejtim të parandalimit dhe uljes së numrit të azilkërkuesve shqiptarë në Holandë.

LEXO EDHE:  Leksioni i Sokol Olldashit 7 vite më parë/ Çfarë nuk mësoi kurrë Lulzim Basha

Drejtor Veliu garantoi gjeneralin Hendrix se Policia e Shtetit ka forcuar masat, si në pikat e kalimit kufitar, gjatë intervistimit të shtetasve për arsyet e lëvizjes në hapësirën SCHENGEN, ashtu edhe masat në kufirin e gjelbër.

Gjithashtu, Veliu theksoi se tashmë Policia e Shtetit është më profesionale, e besueshme për partnerët dhe kjo konfirmohet nga operacionet e përbashkëta, pothuaj të përjavshme me ta, në luftën kundër individëve dhe grupeve kriminale që ushtrojnë veprimtari në fushën e narkotikëve, kontrabandimit të qenieve njerëzore, krimeve ndërkufitare dhe falsifikimeve të dokumenteve.

Veliu dhe Hendrix, në mbyllje të takimit konfirmuan edhe njëherë gatishmërinë për të bashkëpunuar, pasi qëllimi është i njëjtë për të dyja palët.

Për të rejat më të fundit behuni pjesë e grupit tonë në facebook : City News Albania

Lajme

“Gjuha e huaj është mjet për të sunduar”/ Fuga: Mos e shohim si monedhë për lojëra politike

Publikuar

-

Nga

Akdemiku i njohur, Artan Fuga, përmes një postimi në faqen e tij zyrtare në Facebook, ka folur lidhur me futjen e gjuhës së huaj në sistemin arsimor shqiptar dhe jo vetëm.

Fuga shprehet se çdo lloj gjuhe qoftë gjuha turke, italiane, bullgare apo gjermane është po aq e bukur sa shqipja jonë. Sipas tij, faji nuk qëndron te gjuha por te reforma në arsim, sepse nuk mund të zgjidhen metoda halldupçe për reforma.

Ndër të tjera, ai thekson se populli i privilegjuar është ai që njeh gjuhët e tjetrit qoftë edhe të rivalëve, jo si shkëmbime gjeopolitike, por si armë për t’i sunduar dhe si kultura për të përfituar.

Postimi i plotë i Fugës:

Gjuha e huaj është mjet për ta sunduar tjetrin!
Përtej anës humoristike, çështja e gjuhës turke në sistemin arsimor shqiptar është shumë e thellë dhe kërkon kujdes në trajtim dhe profesionalizëm. Mos e merrni kaq lehtë. Nuk e ka fajin gjuha turke sepse ajo është po aq e bukur për kombin e vet sa edhe shqipja për ne. Mos bëhemi etnocentristë paranojakë. Mos e ngatërrojmë gjuhën me historinë politike. Sepse ashtu nëse e quajmë gjuhë pushtuesi nuk duhet të mësojmë as greqisht, as italisht, as gjermanisht, as bullgarisht, asgjë prej gjëje. Kombet e vegjël si ne nuk e kanë këtë luks. Por, ne nuk mund ta trajtojmë çështjen e gjuhës turke në arsim si monedhë shkëmbimi : Me jep një spital në Fier për vota të jap ca orë nga jeta e fëmijëve shqiptarë harxhuar në orë turqishteje. Ky është thjesht një marifet turqinie a arnautllik mediokër.
Por, nuk ka faj gjuha në vetete.
Reforma e gjuhëve të huaja në arsimin e mesëm apo universitar shqiptar është një reformë madhore, e cila nuk zgjidhet me metoda halldupçe. Gjendja e gjuhëve të huaja në edukim te ne është për faqe të zezë. Ajo zgjidhet duke u sintetizuar me reformën e mësimdhënies të gjuhës shqipe dhe të letërsisë. Ndryshe do të vazhdojmë të kemi Tur Gallofin që nuk ka lexuar veçse përgjysëm një histori me një europian që vret një arab te i Huaji i Kamysë. Injorancë totale për letërsinë e sotme në botë.
Zyshat e letersisë i kanë lënë pa kualifikim dhe pa informacion, lëre që nuk bëhet fjalë të ketë laboratore dixhitale audiovizive gjuhësh të huaja, lëre literaturë dhe civilizim të huaj.
Nuk mësohet halldupçe gjuha e huaj! Të dëgjosh ca zysha si flasin gjuhën e huaj që ua mësojnë nxënësve dhe studentëve, të vjen të ikësh me vrap, me vraaaaaaaaap, të mbytesh diku në Bosfor a në Oqeanin Paqësor, a në Mesdhe: Gurin në qafë dhe hë!
Në sistemin parauniversitar duhet të ketë një hierarki në lëndët e gjuhëve të huaja:
Në bazë janë lëndët e gjuhëve të huaja të bashkimit evropian: anglisht, frëngjisht, italisht, spanjisht, gjermanisht e ndonjë tjetër. Pästaj si lëndë gjuhe e huaj e nivelit të dytë janë gjuhët e fqinjëve apo të trevës sonë a pak më larg, serbokroatisht, turqisht, greqisht, maqedonisht.
Pastaj më specifikisht edhe kinezçe, rusisht, a më tej.
Popull i privilegjuar është ai popull që njeh gjuhët e tjetrit, qoftë edhe të rivalëve, konkurrentëve, apo miqve të vet. Kur unë njoh tjetrin dhe tjetri nuk më njeh mua, jam unë superior jo tjetri. Hapja te kultura e tjetrit është fuqi. Por, jo si shkëmbime e monedha për lojra politike e gjeopolitike si po bëhet edhe me vaksinën ku tregu shqiptar është fiksuar te një e vetme.
Shqiptarët në Mal të Zi janë më të fortë nëse njohin gjuhën malazeze dhe serbokroatisht, në Bosnje atë bosnjake, në Serbi atë serbe, në Maqedoni atë maqedonase.
Mos bëhemi budallenj, na duhet shqipja si jona, por edhe gjuhët e të tjerëve si armë për t’i sunduar, si tregje për t’i çarë, si kultura për të përfituar.
Kush ka fuqi edhe mongolçe, indiançe, hebraisht !/CNA.al

LEXO TE PLOTE

Lajme

Miratimi i “Johnson & Johnson”/ A do ketë së shpejti më shumë vaksina?

Publikuar

-

Nga

Miratimi i “Johnson & Johnson”/ A do ketë së shpejti më shumë vaksina?

Nga Matthew Rozsa

Një komitet këshillimor i Administratës së Ushqimit dhe Barnave në SHBA (FDA) autorizoi përdorimin e vaksinës kundër koronavirusit me një dozë të vetme të kompanisë “Johnson & Johnson”, duke e përcaktuar atë si të sigurt dhe efektive.

Ky vendim lejon që vaksina të nisë shpërndahet në të Shtetet e Bashkuara, por dhe vende të tjera të botës. Ndërkohë ai ngre natyrshëm edhe një pyetje që është në mendjen e të gjithëve: A nënkupton një vaksinë e tretë në treg më shumë furnizime, dhe kësisoj një fund më të shpejtë të pandemisë?

“Është e mundur të ketë disa pengesa në shpërndarje, por ne ende nuk e dimë nëse ato do të ndodhin apo jo”– thotë dr.Rob Hendfilld, profesor i menaxhimit të zinxhirit të furnizimit në Universitetin Shtetëror të Karolinës së Veriut.

Sipas tij, shpërndarja e vaksinave mund të shkojë keq në disa aspekte. Dhe në fakt ne kemi tashmë kemi parë disa prej tyre. Kështu qeveritë kanë dështuar shpesh me fushatën e vaksinimit, për shkak të planifikimit të dobët.

Megjithatë mund të ndodhin edhe probleme me prodhimin, diçka që është më e lehtë për t’u kuptuar nëse shihni se si prodhohen vaksinat. Nëse do të futeshit brenda fabrikave të ndryshme që prodhojnë vaksinat, do të shihni diçka shumë të ndryshme nga llojet e fabrikave që prodhojnë në masë makina apo lodra.

Ekzistojnë lehtësira të caktuara për të krijuar lëndën e parë të vaksinës, përfshirë materiale për kulturat qelizore, të cilat ndihmojnë në rritjen e antigjeneve të vaksinës (shpesh pjesë të vezëve) dhe përbërës inaktivues si formaldehidi, që e dobësojnë ose vrasin antigjenet para se të injektohen në trup.

Pastaj lëndët e para kombinohen me saktësi absolute dhe futen në flakonë ose shiringa sterile. Më pas ato paketohen, transportohen dhe shpërndahen, shpesh të pajisura me një teknologji shtesë, për t’u siguruar që gjërat të mos shkojnë keq (për shembull, vaksinat Pfizer dhe Moderna mRNA. duhet të ruhen vazhdimisht në temperatura shumë të ulëta).

LEXO EDHE:  Zbardhet takimi i Koalicionit Opozitar/Çfarë kërkon “çadra e lirisë”

LEXO EDHE:  Vasili zbulon bisedën kokë më kokë me Donald Lu/ Ja tema e vetme që u diskutua

Këto procese kërkojnë makineri të shtrenjta dhe shpesh të ndërlikuara: kazanët e pandryshkshëm të çelikut, ngrirësit e madhej në temperatura shumë të ulëta, inkubatorët, makineritë e specializuara si centrifuga, dhe pajisjet tradicionale laboratorike shkencore si mikroskopët dhe epruvetat.

Sigurisht që nevojiten edhe flakonët dhe shiringat, por edhe kutitë për transportimin e materialeve midis vendeve të ndryshme të fabrikës. Gjithashtu duhen pajisje që njerëzit t’i vendosin vaksinat në flakonët e tyre në një linjë montimi dhe akull të thatë, për t’i mbajtur vaksinat në temperaturat e duhura.

Pra me të gjitha këto elementë, vështirësitë logjistike mund të ndodhin në çdo hap të rrugës.

Ndërkohë procesi mund të ndërlikohet nga faktorë të tjerë. Mund të ketë mungesa të zinxhirit të furnizimit për gjithçka, nga shiringat dhe flakonit tek lënda e parë. Në fakt, probleme të papritura mund të ndodhin edhe para se të prodhohet vaksina.

Për shembull, disa kompani farmaceutike po i blejnë flakonët e tyre nga një prodhues, “SiO2 Material Science”, që në fillimisht nuk prodhoi flakonë hermetikë, sepse nuk ishte nevoja. Por meqë vaksinat mund të prishen nëse bien në kontakt me ajrin, flakoni duhej të modifikohej duke përdorur procese kimike të nivelit më të lartë, që e mbyllin hermetikisht.

Ndërkaq, ekzistojnë gjithashtu probleme të mundshme mbi keqinformimin mbi vaksinën, të cilat mund të ndikojnë në shpërndarjen e saj. Njerëzit që besojnë gabimisht, se qeveria do t’i gjurmojë apo dëmtojë ata përmes procesit të vaksinimit, mund ta bëjnë më të vështirë identifikimin e atyre që janë vaksinuar tashmë. / “Salon” – Bota.al

LEXO TE PLOTE

Lajme

Plagosi mjellmën ne liqenin e Pogradecit/ Autori dëshironte ta balsamoste

Publikuar

-

Nga

Në kuadër të ndalimit të gjuetisë së kafshëve në Shqipëri, policia e Pogradecit ka reaguar lidhur me një video ku është plagosur një mjellmë në liqenin e Pogradecit.

Dyshohet që shpendi është qëlluar me çifte. Mjellma e plagosur është transportuar në qendrën e rehabilitimit në Divjakë.

Mishi i këtij shpendi nuk konsumohet, prandaj dyshohet së autori ka dashur ta vrasin për ta balsamosur më pas. Kjo çështje po ndiqet nga organet kompetente./CNA.al

LEXO TE PLOTE